Sport

Capello: Futbolli italian ka mbetur prapa në çdo aspekt, nuk tërheq futbollistët më të mirë

Kombëtarja e Italisë nuk arriti për të dytën herë radhazi që të kualifikohet për në Kampionat Botëror.

Published

3 years ago

April 8, 2022

Betim Gashi

Trajneri italian, Fabio Capello ka shprehur brengat e tij për situatën aktuale të futbollit italian, duke e cilësuar këtë të fundit larg me futbollin e vendeve të tjera.

Kombëtarja e Italisë nuk arriti për të dytën herë radhazi që të kualifikohet për në Kampionat Botëror, pasi që u mposht nga Maqedonia e Veriut në fazën kualifikuese.

Po ashtu, asnjë skuadër italiane nuk ka arritur që të prekë çerekfinalet e këtij sezoni të Ligës së Kampionëve, gjë kjo e cila për Capellon nuk është gjë e mirë.

“Futbolli italian është shumë prapa të gjithëve. Topi nuk lëviz shpejtë, gjyqtarët ndalin lojën shpesh. Çdo ndërhyrje është faull, kështu që nuk ka kurrë intensitet, ekipet tona nuk dinë si të mbajnë ritmin e lojës”, tha Capello.

“Ne kemi mbetur prapa në çdo aspekt, por problemi kryesor është që lojtarët më të mirë nuk vijnë më në Itali, kështu që nuk ka krahasime me të mirët. Mund të duhen tetë vite për ta rregulluar futbollin italian, sepse këtu secili intervenon. Sa i përket sektorit të rinjve, ata që e kanë në dorë këtë gjë duhet të marrin mësim nga Spanja, sepse aty punojnë në teknikën e lojtarëve jo në taktika”, shtoi më tej trajneri italian.

Lajmet

Superliga e Kosovës: Ballkani barazon 1-1 me Feronikelin

Published

10 hours ago

February 21, 2025

UBTNews

Xhiro e 21-të e Superligës së Kosovës në futboll nisi sot me një ndeshje mjaftë interesante.

Në Suharekë u zhvillua ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta, por që përfundoi me barazim 1-1.

Ishin mysafirët ata që kaluan në epërsi në minutën e 45’ me golin e Hysenit, por Ballkanin nga humbja e shpëtoi Stepanenko i cili shënoi për 1-1 në minutën e 65’.

Me këtë barazim Ballkani mbetet në vendin e dytë me 37 pikë, kurse Feronikeoi është i fundit me 11 pikë.

Kjo ndeshje u zhvillua me fillim nga ora 13:00.

Sport

Hidhet shorti i Ligës së Kampionëve, ka ballafaqime të zjarrta

Published

13 hours ago

February 21, 2025

UBTnews

Në selinë e UEFA-s në Nyon të Zvicrës është hedhur shorti për fazën çerekfinale të Ligës së Kampionëve.

Në raundin e 1/8-tës do të luajnë klube si Club Brugge, Bayern Munich, Benfica, Feyenoord, Borussia Dortmund, Paris Saint-Germain, PSV Eindhoven dhe Real Madrid.

Këto skuadra iu bashkuan Liverpoolit, Barcelonës, Arsenalit, Interit, Atletico Madridit, Bayer Leverkusen, Lille dhe Aston Villa përmes fazës ‘play-off’ të kësaj gare.

Këto janë ballafaqimet:

Borussia Dortmubnd-Lille

Real Madrid-Atletico Madrid

Bayern Mynih-Bayer Leverkusen

Arsenal vs PSV Eindhoven

Inter vs Feynoord

PSG-Liverpool

Barcelona-Benfika

Club Brugge-Aston Villa

Sport

Një orë para sfidës me Ballkanin, Feronikeli 74 emëron trajnerin e ri

Published

14 hours ago

February 21, 2025

UBTnews

Skuadra e Superligës së Kosovës, Feronikeli 74 ka emëruar trajneri e ri. Skuadra nga Drenasi tani do të drejtohet nga trajneri Granit Dervisholli.

“FC Feronikeli 74 ka kënaqësinë të njoftojë se trajneri Granit Dervisholli është emëruar në postin e trajnerit të ekipit të parë. Pas një periudhe të gjatë si trajner dhe ekspert i futbollit, Dervisholli do të udhëheqë skuadrën drejt objektivave ambiciozë dhe synimeve të mëdha në sezonet e ardhshme. Me eksperiencën dhe përkushtimin e tij, Dervisholli sjell një drejtim të ri dhe vizion për zhvillimin dhe rritjen e ekipit, duke siguruar që FC Feronikeli 74 të vazhdojë të luajë futboll cilësor dhe të konkurrojë për pjesën e mbetur të sezonit”, thuhet në njoftimin e Feronikelit 74.

Ndërkohë, vetëm pas një ore, pra nga ora 13:00, Feronikeli do të ballafaqohet me Ballkanin në Suharekë.

Sport

Ballkani kërkon pikë të plota ndaj Feronikelit

Published

15 hours ago

February 21, 2025

UBTnews

Xhiro e 21-të e Superligës së Kosovës në futboll do të nis sot me një ndeshje mjaftë interesante.

Në Suharekë do të zhvillohet ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta.

Derisa Ballkani synon mbrojtjen e titullit kampion, Feronikeli është i zhytur thellë në krizë të rezultateve duke mbetur edhe më tutje në pozitën e fundit në tabelë me vetëm 10 pikë.

Kjo ndeshje do të zhvillohet me fillim nga ora 13:00.