Sport

Calzona: Barcelona nuk më tremb aspak, Napoli ka skuadër shumë të fortë

Sa i përket ndeshjes ndaj Barcelonës, tekniku u shpreh se nuk e tremb aspak, pasi sipas tij Napoli është një ekip mjaft i fortë

Published

on

Francesco Calzona ka thënë fjalët e para si trajner i Napolit, në konferencën e dhënë për mediat në prag të ndeshjes së Champions League kundër Barcelonës, e vlefshme për takimin e parë të rundit të 1/8-ave.

Në nisje të fjalës, Clazona falënderoi Federatën Sllovake që e lejoi të largohet nga kombëtarja e tyre për të marrë drejtimin e Napolit.

 “Doja të filloja duke falënderuar Federatën Sllovake dhe Presidentin Kovacic sepse më lejoi të kem këtë mundësi për të ardhur te Napoli. Merita u shkon atyre dhe lojtarëve. Falënderoj edhe popullin sllovak sepse tregoi shumë respekt për mua”, tha ai.

Ndërsa për sulmuesin kryesor, Victor Osimhen shtoi se “Ai u stërvit me ekipin, nuk ishte një seancë shumë e gjatë, por ai u stërvit me shpejtësi të plotë, do të vlerësohet si pjesa tjetër e skuadrës nesër pas seancës së fundit stërvitore”.

Sa i përket ndeshjes ndaj Barcelonës, tekniku u shpreh se nuk e tremb aspak, pasi sipas tij Napoli është një ekip mjaft i fortë./UBTNews/

Sport

Paris Saint-Germain fiton 5-2 ndaj Chelsea

Published

on

Paris Saint – Germain mori një fitore të madhe 5-2 kundër Chelsea dhe ka një avantazh të madh para ndeshjes së kthimit në Londër.

Bradley Barcola hapi rezultatin për Parisin me një gjysmë-vole të bukur, por Malo Gusto barazoi për Chelsean. Më pas Ousmane Dembélé riktheu epërsinë për PSG.

Chelsea barazoi përsëri me golin e Enzo Fernández, por Vitinha e bëri 3-2 për parisienët.

Në fund, zëvendësuesi Khvicha Kvaratskhelia shënoi dy gola dhe vulosi fitoren 5-2 për ekipin e trajnerit Luis Enrique, duke i afruar shumë me çerekfinalen.

Continue Reading

Sport

Real Madrid mposht Manchester City 3-0

Published

on

Real Madrid fitoi bindshëm 3-0 ndaj Manchester City, me një paraqitje të shkëlqyer të kapitenit Federico Valverde.

Goli i parë erdhi pas një pasimi të gjatë nga portieri Thibaut Courtois, ku Valverde kaloi portierin dhe shënoi. Më pas ai realizoi edhe dy herë të tjera, duke kompletuar hat-trick para pushimit.

Në pjesën e dytë, Vinícius Júnior pati mundësinë të shtojë rezultatin nga penalltia, por goditja e tij u prit nga portieri i Cityt. Real Madridi mbajti epërsinë dhe siguroi një fitore të rëndësishme.

Continue Reading

Sport

Infantino zbulon bisedën me Donald Trump për Iranin dhe Botërorin

Published

on

By

Presidenti i FIFA-s, Gianni Infantino, ka deklaruar se është takuar me presidentin e SHBA-së, Donald Trump, me të cilin kanë diskutuar edhe për pjesëmarrjen e Iranit në Kupën e Botës 2026.

Sipas Infantinos, Trump ka theksuar se kombëtarja e Iranit është e mirëseardhur të marrë pjesë në turneun që do të organizohet nga Shtetet e Bashkuara të Amerikës, Meksika dhe Kanadaja.

Irani ishte i vetmi shtet që mungoi në samitin planifikues të FIFA-s të mbajtur javën e kaluar në Atlanta, gjë që ngriti pikëpyetje nëse përfaqësuesja e tij do të mund të luante ndeshjet në territorin amerikan.

Megjithatë, Infantino bëri të ditur se gjatë diskutimit me Trumpin është konfirmuar se ekipi iranian është i mirëpritur të marrë pjesë në Botëror. “Ne folëm edhe për situatën në Iran dhe për faktin që ekipi i tyre është kualifikuar për Kupën e Botës.

Presidenti Trump përsëriti se Irani është i mirëseardhur të garojë në turne. Të gjithëve na duhet një ngjarje si Kupa e Botës për të bashkuar njerëzit, tani më shumë se kurrë”, ka deklaruar Infantino.

Continue Reading

Sport

Rilindja e “Piratit”: Vedat Muriqi po kalon sezonin e jetës te Mallorca

Published

on

By

Vedat Muriqi ka vërtetuar se është një nga investimet më të mençura në historinë e RCD Mallorca.

Pas një periudhe sfiduese në Itali te Lazio, sulmuesi i Kosovës gjeti qetësinë dhe formën e tij më të mirë në ishujt spanjollë, duke u shndërruar në heroin e padiskutueshëm të tifozëve.

Transferimi i tij për vetëm 8 milionë euro në vitin 2021 tashmë konsiderohet si një “vjedhje” e vërtetë në tregun e transferimeve, duke parë kontributin e tij kolosal në fushë.

Sezoni aktual 2025-26 po rezulton të jetë kulmi i karrierës së tij në La Liga. Me 18 gola të shënuar në vetëm 26 ndeshje, Muriqi ka thyer çdo parashikim, duke treguar një saktësi vrastare para portës dhe duke u renditur lart në listën e golashënuesve më të mirë në Spanjë.

Ky shpërthim vjen pas disa sezoneve stabiliteti, ku ai kishte dëshmuar veten si një pikë referimi në sulm, sidomos në sezonin 2022-23 ku shënoi 13 gola.

Përveç golave, ndikimi i Muriqit te Mallorca shkon përtej statistikave. Ai njihet si lideri shpirtëror i skuadrës, ku forca e tij në lojën ajrore dhe sakrifica për ekipin e kanë bërë atë makthin e mbrojtësve në Spanjë.

Me 18 golat e këtij sezoni, “Piratin” po e kërkojnë sërish klubet e mëdha evropiane, por lidhja e tij e fortë me qytetin dhe klubin e Mallorcës e bën atë një ikonë që vështirë se do të largohet pa lënë një gjurmë edhe më të thellë në historinë e futbollit spanjoll.

Continue Reading

Të kërkuara