Shëndet

Çaji me xhenxhefil dhe mjaltë

5 përfitimet shëndetësore të tij.

Published

4 years ago

February 8, 2022

Betim Gashi

Rezulton se kombinimi i xhenxhefilit me mjaltë ka veti shëruese për trupin tonë. Ky është gjithashtu edhe kombinimi më efikas që mund të bëni me xhenxherfilin. Përmbjatja e lartë e antioksidantëve që gjenden tek këto dy përbërës ka një ndikim pozitiv në trupin e njeriut.

Në fakt, xhenxhefili nuk është vetëm në gjendje të lehtësojë simptomat e ftohjes, por ka aftësi të ndihmojë trupin të luftojë bakteret e dëmshme. Ai mund të ndihmojë duke zvogëluar gazrat në stomak,duke ulur presionin e gjakut e shumë më shumë se kaq. Për më shumë njohuri, kemi renditur më poshtë disa nga përfitimet shëndetësore që do të keni nëse e konsumoni rregullisht këtë çaj të mrekullueshëm.

Trajton simptomat e gripit
Ky kombinim zbut me efikasitet simptomat e gripit si teshtima, sytë e lotuar dhe bllokimi i hundëve. Konsumojeni këtë çaj para se të dilni nga shtëpia ose përpara aktiviteteve fizike. Kështu do të ndiheni më mirë dhe do të keni një mbrojtje shtesë. Ky kombinim mund të konsumohet edhe nga gratë shtatëzanë për të shmangur të përzierat dhe të vjellat.

Largon krimbat e zorrëve tek fëmiijët
Krimbat e zorrëve janë një sëmundje e zakonshme tek fëmijët. Por nëse nuk trajtohet seriozisht, kjo sëmundje mund të shkaktojë probleme serioze. Zakonish zgjidhja për këtë problem janë ilaçet, por nëse preferoni një mënyrë më të shëndetshme, mund të provoni çajin me xhenxherfil dhe mjaltë. Krimbat në trup do të dalin menjëherë përmes jashtëqitjes, nëse ky çaj pihet rregullisht 2 herë në ditë. Në më pak se një javë, krimbat nuk do të shfaqen më.

Ilaç kundër dhimbjeve
Kombinimi i xhenxhefilit dhe mjaltit njihet si një qetësues natyral. Ai ndihmon në lehtësimin e dhimbjeve dhe ënjtjeve për shkak të antioksidantëve të lartë që ky çaj përmban. Përgatitja është e thjeshtë, lajeni mirë xhenxherfilin dhe grijeni. Në një enë më ujë, shtoni xhenxherfilin e grirë dhe lëreni derisa të ziejë. Më pas largoni xhenxherfilin nga uji dhe shtoni pak mjaltë. Shërbejeni në filxhanë dhe konsumojeni atë të ngrohtë.

Ndihmon Zemrën
Studimet, tregojnë se mjalti dhe xhenxhefili janë të mirë për shëndetin e zemrës. Xhenxhefili është provuar të jetë shumë i dobishëm në parandalimin e mpiksjes së gjakut dhe zvogëlimin e kolesterolit. Kjo ndihmon në luftimin e sëmundjeve të zemrës ose bllokimin e enëve të gjakut. Gjithashtu ky çaj është në gjendje të lehtësojë tensionin vaskular, të ulë presionin e gjakut dhe të zvogëlojnë mundësinë e prekjes nga ateroskleroza, sulmeve në zemër dhe goditjeve në tru.

Një mënyrë më e mirë për të forcuar sistemin imunitar
Nëse çdo ditë konsumoni një filxhan çaj me xhenxhefil dhe mjaltë, të shoqëruar me pak limon, mund të forconi sistemin imunitar. Limoni është i pasur me vitaminë C dhe është në gjendje të parandalojë ftohjen, kurse xhenxhefili dhe mjalti veprojnë kundër viruseve./AgroWeb

Shëndet

Shëro aneminë me këto ushqime të fuqishme

Published

17 hours ago

November 26, 2025

UBT News

Një ditë, teksa ngjitesh shkallët, ndjen lodhje të tepërt. Më vonë vëren se zemra të rreh më fort se zakonisht, pa ndonjë arsye të qartë.

Kjo të shqetëson dhe vendos të shkosh te mjeku. Për fat të mirë, nuk është asgjë serioze, thjesht hemoglobinë e ulët, pra anemi.

Atëherë lind pyetja: çfarë duhet të hash për të rritur hemoglobinën?

Mëlçia

Ndër burimet më të pasura me hekur, i cili është thelbësor për prodhimin e hemoglobinës. Edhe pse disa njerëz nuk e preferojnë për shkak të shijes, i’a vlen ta provoni. Me kohën mund të mësoheni dhe përfitimet janë të mëdha.

Bishtajoret dhe perimet

Vetëm bishtajoret nuk sigurojnë sasi të larta hekuri, këshillohet t’i kombinoni me ushqime të pasura me vitaminë C, që ndihmon në përthithjen e hekurit. Perimet që përmbajnë vitaminë C, duhen ngrënë të freskëta janë: specat, brokoli, lulelakra, lakra e Brukselit, speci djegës, spinaqi, majdanozi, karotat dhe panxhari.

Ushqimet e pasura me acid folik

Acidi folik është i rëndësishëm jo vetëm gjatë shtatzënisë, por edhe në rastet e anemisë, pasi ndihmon në prodhimin e rruazave të kuqe të gjakut. Ushqimet që janë të pasura me acid folik: asparagët, portokajtë, kokrrat e grurit, avokadon, fasulet, sojën dhe farat e kungullit.

Peshqit e kaltër

Ofrojnë yndyra të shëndetshme, vitamina të grupit B dhe Omega-3, të rëndësishme për shëndetin e rruazave të kuqe të gjakut. Disa prej tyre janë salmoni, toni, sardelja dhe skumbria. /A.Z/UBT News/

Shëndet

Përfundimisht pa duhan, bima që redukton dëshirën për të

Published

20 hours ago

November 26, 2025

UBT News

Personat që prej shumë vitesh janë konsumues të duhanit, e kanë shumë të vështirë të heqin dorë me lehtësi.

Nikotina është ajo që krijon varësinë ndaj pirjes së duhanit e shkakton probleme në organizmin tuaj. Pra, sa më shumë pini duhan, aq më shumë trupi juaj ka nevojë për nikotinë.

Por, kur ju vendosni të lini duhanin, sigurisht kjo është shumë e vështirë por ka një mënyrë për t’ju ndihmuar në këtë rrugë.

Përdorni bimën Stevia ( bimë shkurreje në gjethin e së cilës gjenden shumë glikozide të ëmbla) për të hequr dorë nga duhani.

Kjo është përdorur si sheqer diabetik. Përdorimi i sheqerit diabetik bllokon sinjalet që dërgon truri nga mungesa e cigareve dhe ju nuk do të ndjeni shumë moskonsumimin.

Stevian mund ta gjeni të lëngshme ose pluhur. Ju mund ta gjeni atë në supermarkete dhe dyqane të ushqimit të shëndetshëm.

Stevia është gjithashtu e rekomandueshme për ata që janë duke u përpjekur për të humbur peshë dhe për rregullimin e presionit të gjakut. /A.Z/UBT News/

Shëndet

Vitamina C: Ushqyesi që trupi juaj ka më shumë nevojë këtë stinë

Published

21 hours ago

November 26, 2025

UBT News

Vitamina C është ushqyes i domosdoshëm për organizmin, veçanërisht në periudhën kur janë më të shpeshta virozat.

Ajo ndihmon në shkurtime të kohës së sëmundjes, forcon sistemin imunitar dhe vepron si antioksidant kundër radikaleve të lira.

Për më tepër, vitamina C mbështet shëndetin e zemrës, syve, ndihmon gjatë shtatzanisë, parandalon rrudhat e parakohshme dhe ndihmon rritjen dhe zhvillimin normal të trupit, si dhe përthithjen e hekurit.

Organizmi i njeriut nuk mund të prodhojë apo ruajë vitaminën C, prandaj marrja përmes ushqimeve është thelbësore.

Sasia ditore e rekomanduar:

Meshkujt: 90 mg

Femrat: 75 mg

Femrat shtatzënë: 85 mg

Nënat që ushqejnë me gji: 120 mg

Duhanpirësit: +35 mg mbi dozat e mësipërme

Sasia maksimale e sigurt për përdorim është 2000 mg në ditë. Një regjim ushqimor i shëndetshëm ofron sasi të mjaftueshme të vitaminës C.

Ushqimet më të pasura me vitaminë C:

1 gotë lëng portokalli: 93 mg

1 gotë lëng qitro: 70 mg

1 kivi: 64 mg

Gjysmë racioni brokoli: 51 mg

Gjysmë racioni luleshtrydhe: 49 mg

Speca të kuq: burim i shkëlqyer i vitaminës C

Vitamina C dhe stresi

Stresi gjatë ditës është i pashmangshëm. Mungesa e vitaminës rrit ndjeshmërinë ndaj saj, duke e bërë më të vështirë menaxhimin. Personat me mungesë të kësaj vitamine shpesh ndihen të lodhur, të paenergjik dhe të depresionuar.

Simptoma të mungesës së vitaminës C:

Probleme me dhëmbët dhe mishrat: Mund të shkaktojë erozion dhe rënie të dhëmbëve.

Sistem imunitar i dobët: Organizmi sëmuret më shpesh dhe rikuperimi zgjat më shumë.

Plogështi: Shfaqet si pasojë e niveleve të ulëta të hemoglobinës dhe mund të shkaktojë anemi.

Shtim në peshë: Trupi nuk përdor yndyrnat si burim energjie, duke rritur masën dhjamore.

Përfshirja e ushqimeve të pasura me vitaminë C në dietë ndihmon në mbrojtjen e shëndetit dhe në ruajtjen e energjisë së përgjithshme. /A.Z/UBT News/

Kuriozitete

Zbulim i ri: Truri arrin kulmin në 32 vjeç

Published

24 hours ago

November 26, 2025

UBT News

Shkencëtarët kanë zbuluar se truri kalon në pesë faza kryesore gjatë jetës, me pika të rëndësishme kthese në moshat 9, 32, 66 dhe 83 vjeç, raporton BBC.

Studimi përfshiu rreth 4,000 persona deri në moshën 90 vjeç dhe analizoi mënyrën se si ndryshojnë lidhjet midis qelizave të trurit.

Sipas hulumtimit të Universitetit të Kembrixhit, truri vazhdon të zhvillohet deri në fillim të të tridhjetave — periudha që konsiderohet si kulmi neurologjik. Ky ritëm ndryshimi shpjegon edhe pse rreziku për çrregullime të shëndetit mendor apo demencë ndryshon me moshën.

Pesë fazat e trurit janë:

• Fëmijëria (0–9 vjeç): rritje e shpejtë e trurit dhe formim i shumtë i sinapseve, por me efikasitet të ulët.
• Adoleshenca (9–32 vjeç): faza më e madhe e riorganizimit; truri bëhet më efikas dhe arrin kulmin në të 30-at. Kjo periudhë shoqërohet me rrezik më të lartë për çrregullime mendore.
• Mosha e rritur (32–66 vjeç): stabilitet i funksioneve dhe personalitetit, me ndryshime të ngadalta.
• Plakja e hershme (66–83 vjeç): truri ndahet në zona që punojnë më fort veçmas; fillojnë të shfaqen rreziqe si demenca apo hipertensioni.
• Plakja e vonë (83+): ndryshime të mëtejshme në lidhjet e trurit, të ngjashme me fazën e mëparshme, por më të theksuara.

Studiuesja Alexa Mousley thotë se fazat përputhen dukshëm me momente kyçe të jetës — nga puberteti te ndryshimet sociale në të 30-at dhe sfidat shëndetësore në moshë të thyer. /A.Z/UBT News/

ChatGPT can make mistakes. Check important info.