Magazinë

Bruno Mars feston ditëlindjen e 40-të

Published

7 months ago

on

Bruno Mars u lind më 8 tetor 1985 në një familje artistësh në Honolulu, SHBA. Babai i tij ishte perkusionist dhe nëna këngëtare dhe kërcimtare.

Që në moshë të vogël, u ekspozua ndaj muzikës dhe performancave, duke interpretuar në grupin familjar që në moshën katër vjeç.

Pas përfundimit të shkollës së mesme, ai u transferua në Los Angeles për të ndjekur një karrierë muzikore, si kompozitor dhe producent për artistë të tjerë. Para se të bëhej këngëtar, Bruno bashkëpunoi me: Flo Rida, Travie McCoy dhe K’naan, duke shkruar dhe prodhuar hite si:

“Right Round” (Flo Rida ft. Ke$ha)

“Billionaire” (Travie McCoy ft. Bruno Mars)

“Wavin’ Flag” (K’naan)

Debuti i tij solo erdhi me EP-në It’s Better If You Don’t Understand dhe albumin “Doo-Wops & Hooligans” (2010), që përfshinte hitet:

“Just the Way You Are”

“Grenade”

“The Lazy Song”

Këto këngë e bënë atë një yll global dhe i sollën çmime të shumta Grammy.

Suksesi ndërkombëtar

Në 2012, Mars publikoi albumin “Unorthodox Jukebox”, me këngë si:

“Locked Out of Heaven”

“When I Was Your Man”

“Treasure”

Ky album e konsolidoi si një nga artistët më të kompletuar të dekadës. Ai ka performuar në Super Bowl Halftime Show në 2014 dhe 2016, duke qenë pjesë e një nga ngjarjet më të ndjekura televizive në SHBA.

Epoka “24K Magic” dhe Silk Sonic

Në vitin 2016, Bruno publikoi “24K Magic”, një sukses ndërkombëtar që përfshinte këngë si:

“24K Magic”

“That’s What I Like”

“Versace on the Floor”

Ky projekt i solli 7 Grammy, përfshirë “Albumin e Vitit”. Në vitin 2021, ai formoi duon Silk Sonic me Anderson .Paak. Albumi An Evening with Silk Sonic përfshiu superhitin “Leave the Door Open”, që fitoi çmime të shumta Grammy.

Bruno Mars njihet për energjinë e tij në skenë, vokalin e fuqishëm dhe kombinimin e zhanreve të ndryshme si pop, funk, soul dhe R&B, dhe sot mbush 40 vite jetë.

Ai është një nga artistët më të suksesshëm të viteve 2010-2020, me miliona albume të shitura dhe një numër të madh çmimesh ndërkombëtare. /A.Z/UBT News/

Related Topics:
Continue Reading

Magazinë

Bullgaria pret me festë Darën pas triumfit historik në Eurovision 2026

Published

7 hours ago

on

May 18, 2026

By

Këngëtarja bullgare Dara është pritur me entuziazëm të madh në Sofje pas triumfit historik në Eurovision 2026, duke i sjellë Bullgarisë fitoren e parë në këtë festival.

Mijëra fansa u mblodhën në aeroport për ta mirëpritur artistën, e cila u prit me duartrokitje, brohoritje dhe ceremoninë tradicionale të përshëndetjes me ujë.

Dara e cilësoi këtë sukses si fillimin e karrierës së saj ndërkombëtare dhe përcolli një mesazh frymëzues për të rinjtë, duke i inkurajuar të besojnë në ëndrrat e tyre pavarësisht se vijnë nga vende të vogla.

Për nder të fitores së saj, nesër në Sofje do të organizohet një koncert festiv në sheshin “Knyaz Alexander I”, me muzikë live dhe aktivitete festive për fansat.

Continue Reading

Magazinë

Shakira shpallet e pafajshme nga Gjykata Supreme e Spanjës

Published

9 hours ago

on

May 18, 2026

By

Gjykata Supreme e Spanjës ka shpallur të pafajshme këngëtaren kolumbiane Shakira në lidhje me akuzat për evazion fiskal.

Sipas vendimit gjyqësor të cituar nga Reuters, gjykata i ka dhënë Ministrisë së Financave spanjolle një kompensim prej më shumë se 60 milionë eurosh, shumë që këngëtarja e kishte paguar më herët në formë gjobash dhe interesash.

Hetimet ndaj Shakirës kishin nisur në verën e vitit 2023, kur prokurorët e akuzuan për shmangie të dyshuar të taksave prej 6.7 milionë eurosh për të ardhurat e vitit 2018, përmes përdorimit të një kompanie jashtë vendit.

Ndërkohë, në nëntor të vitit 2023, ajo kishte arritur një marrëveshje me prokurorinë për një çështje tjetër, duke paguar rreth 14 milionë euro taksa për periudhën 2012–2014.

Pas divorcit nga futbollisti Gerard Piqué në vitin 2022, Shakira u zhvendos në Miami, ku jeton me dy fëmijët e saj.

Continue Reading

Magazinë

Bebe Rexha reagon për protestën e studentëve shqiptarë në Maqedoninë e Veriut

Published

10 hours ago

on

May 18, 2026

By

Këngëtarja shqiptare me famë botërore, Bebe Rexha, ka reaguar lidhur me protestën e paralajmëruar nga studentët shqiptarë në Maqedoninë e Veriut, të cilët kërkojnë që provimi i jurisprudencës të mund të zhvillohet edhe në gjuhën shqipe.

Përmes një postimi në Instagram, ajo ka theksuar rëndësinë e gjuhës shqipe si pjesë thelbësore e identitetit kombëtar, duke kujtuar përpjekjet e brezave për ruajtjen dhe forcimin e saj.

Rexha ka nënvizuar gjithashtu se Maqedonia e Veriut është një shtet multietnik, i ndërtuar mbi bashkëjetesën dhe të drejtat e barabarta për të gjitha komunitetet, ku gjuha shqipe njihet si gjuhë bashkëzyrtare.

“Gjuha jonë shqipe është thellësisht e rrënjosur në identitetin tonë. Për breza me radhë kemi luftuar për ta ruajtur dhe për ta mbajtur gjallë. Maqedonia e Veriut është një shtet multietnik i ndërtuar mbi bashkëjetesën dhe të drejtat e barabarta për të gjitha komunitetet e saj, ku gjuha shqipe njihet si gjuhë bashkëzyrtare”, ka shkruar ajo.

Në reagimin e saj, këngëtarja ka theksuar se studentët shqiptarë meritojnë të njëjtat të drejta dhe mundësi si të gjithë të tjerët.

Continue Reading

Magazinë

Nora Istrefi shpreh mbështetje për studentët shqiptarë në Shkup

Published

10 hours ago

on

May 18, 2026

By

Këngëtarja Nora Istrefi ka reaguar në rrjetet sociale duke shprehur mbështetje për studentët shqiptarë në Maqedoninë e Veriut, të cilët kanë paralajmëruar protestë sot, më 18 maj 2026, në Shkup.

Përmes një postimi në InstaStory, ajo ka shpërndarë thirrjen: “Protestë – Bashkohuni me studentët, të gjithë një zë”, duke ftuar qytetarët të marrin pjesë në tubim.

Në postim jepen edhe detajet e protestës: “Para Urës së Gurit, Shkup, ora 16:30”.

Në mesazhin e saj, Istrefi thekson se “zëri ynë ka peshë” dhe se gjuha shqipe përfaqëson identitet, histori dhe sakrificë të brezave. Ajo u bën thirrje studentëve, artistëve dhe figurave publike që të shpërndajnë mesazhin, në mënyrë që kërkesat e tyre të marrin më shumë vëmendje.

“Kur bashkohemi për një kauzë të drejtë, ndikimi ynë bëhet shumë më i madh”, ka shkruar ajo.

Reagimi i këngëtares është komentuar gjerësisht në rrjet si një tjetër zë publik në mbështetje të kërkesave për barazi dhe respektimin e të drejtave të shqiptarëve në Maqedoninë e Veriut.

Continue Reading

Të kërkuara