Këngëtari i njohur amerikan Chris Brown ka bërë një paraqitje të papritur në Gjykatën e Kurorës në Southwark, Londër, lidhur me akuzat për sulm ndaj një producenti muzikor në një klub nate në vitin 2023.

36-vjeçari i ka mohuar akuzat për tentativë për shkaktim dëmtimi të rëndë trupor dhe për sulm fizik, të cilat prokurorët i kanë përshkruar si një “sulm të paprovokuar me shishe”.

Fituesi i dy çmimeve Grammy është liruar me kusht që nga muaji maj, pasi ka paguar 5 milionë paund për të vijuar turneun e tij “Breezy Bowl XX”.

Në një tjetër zhvillim, Brown ka paditur kompaninë Warner Bros për 480 milionë euro, duke i akuzuar për shpifje pas publikimit të dokumentarit “Chris Brown: A History of Violence”. Sipas këngëtarit, dokumentari e portretizon në mënyrë të rreme si përdhunues dhe abuzues.

Padia, e depozituar në Gjykatën e Los Angeles, kërkon një gjyq me juri, ndërsa pretendohet se dokumentari është i mbushur me gënjeshtra dhe mashtrime, duke shkelur parimet bazë të gazetarisë. /A.Z/UBT News/

Aktorja e njohur hollywoodiane, Megan Fox, ka rrëfyer se periudha pas suksesit të madh me filmin “Transformers” në vitin 2007 ishte një nga më të vështirat në jetën e saj.

Fox, e cila kishte debutuar në “Confessions of a Teenage Drama Queen” (2004) dhe në “Hope & Faith”, ka treguar se fama e papritur e la të ndjerë të tronditur dhe të traumatizuar. Gjatë një shfaqjeje speciale të filmit “Jennifer’s Body” (2009) në Los Angeles, ajo u pyet se çfarë këshille do t’i jepte vetes së re. Fox tha:

“Nuk e di nëse do t’i jepja vetes ndonjë këshillë. Në atë kohë isha shumë e humbur dhe e mbushur me zemërim për mënyrën si isha trajtuar në industrinë e filmit dhe për presionin që vinte nga fama… qysh para se të fillonim xhirimet e Jennifer’s Body.”

Aktorja shtoi se pas suksesit të “Transformers”, nuk po arrinte të përballonte vëmendjen e paparacëve dhe ndjente nevojën për një mënyrë për të shfryrë emocionet që po e mbysnin. Roli në “Jennifer’s Body”, ku luan një vajzë të re e pushtuar nga një demon, i dha këtë mundësi:

“Kisha gjithë atë dhimbje, trishtim, zemërim dhe mllef që duhej të shkonin diku. Mundësia për t’u lejuar të isha e çrregullt, edhe gjatë pushimeve mes xhirimeve, ishte shumë çliruese.”

Fox tha se ndihej e lidhur me personazhin, përjetonte ndjenja të ngjashme: sakrifikim për përfitimin e të tjerëve dhe presion të madh nga industria e filmit.

“E lexova skenarin dhe më preku menjëherë. Personazhi, para se të shndërrohej në një përbindësh, është një vajzë e re që flijohet për përfitimet e të tjerëve. Në atë kohë në karrierën time ndihesha sikur po më ndodhte e njëjta gjë.”

Fox tregoi se kishte hyrë në industrinë e showbizit që në moshën 19-vjeçare dhe kjo periudhë e famës i reflektonte ndjenjat e brendshme: dhimbje, konfuzion dhe zemërim për mënyrën se si funksiononte fama. /A.Z/UBT News/

Aktori i njohur Kelsey Grammer, i famshëm për rolin e tij në serialin “Frasier”, ka mirëpritur fëmijën e tij të tetë. Ai dhe gruaja e tij, Kayte Walsh, kanë sjellë në jetë një djalë të cilin e kanë quajtur Christopher.

Lajmin Grammer e bëri të ditur gjatë një paraqitjeje në podcast-in Pod Meets World, duke i surprizuar prezantuesit dhe dëgjuesit.

“Ndodhi tre ditë më parë. Christopher sapo u bashkua me familjen tonë,” tha aktori 70-vjeçar me një buzëqeshje.

Ky është fëmija i katërt i çiftit Grammer-Walsh. Ata tashmë kanë tre fëmijë: Faith (13 vjeç), Gabriel (11 vjeç) dhe James (8 vjeç).

Grammer u bë baba për herë të parë më 1983 me vajzën Spencer, nga martesa me Doreen Alderman. Pas divorcit më 1990, ai pati një tjetër vajzë, Greer, me të dashurën e atëhershme, Barrie Buckner.

Gjatë martesës me Camille, Grammer filloi një lidhje me ish-asistenten e tij, Kayte Walsh, me të cilën u martua në shkurt të vitit 2011 në New York.

Lajmi për shtatzëninë e saj u përhap në qershor të këtij viti, kur paparacët e fotografuan Kayte-n në Londër me barkun e rrumbullakosur, duke mbajtur një fustan të gjatë blu dhe një triko të ndezur. /A.Z/UBT News/