Mbreti Charles III ka bërë një përditësim për gjendjen e tij shëndetësore, duke u shprehur se është përmirësuar ndjeshëm. Ai bisedoi me Lee Harman, i cili kishte kaluar kancerin, gjatë një shëtitjeje ku ishte prezente edhe mbretëreshë Camilla.

“Jam dhe ndihem shumë mirë. (Kanceri) është thjesht një ndër ato gjërat (shtesë)”, u shpreh mbreti.

Lee Harman, 54 vjeç, tha se kishte ndarë me Charles betejën e tij me kancerin, pasi mbreti, në shkurt të vitit të kaluar, bëri me dije se ishte diagnostikuar me kancer dhe iu nënshtrua një operacioni për të trajtuar prostatën e zmadhuar, por beninje.

“Madhëria e Tij zgjodhi të ndajë diagnozën për të shmangur spekulimet dhe me shpresën se mund të ndihmojë në rritjen e ndërgjegjësimit publik për të gjithë ata në mbarë botën që preken nga kanceri,” thuhej në deklaratën e pallatit Buckingham.

Në mars, Charles u shtrua në spital për shkak të efekteve anësore nga trajtimi kundër kancerit. Si pasojë, mbreti u tërhoq përkohësisht nga angazhimet e tij mbretërore; megjithatë, muajin pasues ai iu rikthye punës. Më 1 prill, Charles u shfaq në humor teksa drejtoi një ceremoni në kalanë Windsor në Angli.

Ndërsa ka folur rrallë për shëndetin e tij që nga diagnoza, në maj, një ndihmës tregoi si Charles po përballonte sëmundjen ndërkohë që vazhdonte të punonte.

“Gjëja që mëson rreth kësaj sëmundjeje është se ti thjesht e menaxhon dhe pikërisht këtë po bën ai,” i tha ndihmësi anonim The Telegraph asokohe.

“Mjekësia ka bërë përparime të jashtëzakonshme dhe unë sinqerisht nuk shoh asnjë ndryshim tek ai. Mjafton të bësh atë që thonë mjekët dhe të jetosh jetën sa më normalisht të jetë e mundur”, shtoi personi anonim.

Charles, pasi u diagnostikua me kancer, bëri një deklaratë publike, ku u shpreh:

“Dua të shpreh falenderimet më të përzemërta për kaq shumë mesazhe mbështetjeje dhe urimet e mira që kam marrë gjatë këtyre ditëve. Siç e dinë të gjithë ata që janë prekur nga kanceri, këto mendime dashamirëse janë mbështetja dhe kurajoja më e madhe”.

Më tej, vijoi:

“Është po aq inkurajuese të dëgjoj se publikimi i diagnozës, ka ndihmuar në promovimin e ndërgjegjësimit publik dhe ka ndriçuar punën e organizatave që mbështesin pacientët e sëmurë me kancer dhe familjet e tyre në Mbretërinë e Bashkuar dhe më gjerë nëpër botë. Admirimi im i përjetshëm për kujdesin dhe përkushtimin e tyre të palodhur është edhe më i madh, si rezultat i përvojës sime personale”.

Doktori Salvador Plasencia është deklaruar fajtor për shpërndarjen e paligjshme të ketaminës ndaj aktorit të njohur Matthew Perry, i njohur për rolin e tij në serialin “Friends”.

Ai është personi i katërt që përballet me drejtësinë mbi vdekjen e Perryt në tetor 2023. Edhe pse mjeku nuk ishte përgjegjës për dozën që i mori jetën aktorit, rrëfimi ka hedhur dritë mbi mënyrën si abuzoi me profesionin e dështoi ta mbronte pacientin e tij, i cili ishte i njohur për betejën e gjatë me varësinë.

Plasencia pranoi katër akuza në një gjykatë në Los Angeles dhe do të dorëzojë vullnetarisht licencën e tij mjekësore. Ai pranoi se kishte dorëzuar Perryt dhe asistentit të tij 20 shishe me ketaminë, shiringa dhe tableta për thithje brenda një periudhe prej dy javësh.

Dorëzimi i lëndëve nuk kishte qëllime mjekësore dhe ndodhte në ambiente të pazakonta, përfshirë një parking pranë një akuariumi. Në një nga komunikimet e tij me një tjetër mjek të përfshirë, Mark Chavez, ai e quante Perryn “idiot” dhe përmendte pagesa të larta deri në 12,000 dollarë për një vizitë në shtëpi.

Gjatë një seance më 12 tetor 2023, aktorit iu rrit ndjeshëm tensioni i gjakut, pavarësisht rrezikut të qartë për shëndetin, Plasencia la doza të tjera të ketaminës në duart e asistentit të tij. Hetimet kanë zbuluar një rrjet të tërë personash të përfshirë në furnizimin e Perryt me ketaminë.

Asistenti i tij, Kenneth Iwamasa, ka pranuar se i dha aktorit lëndën narkotike ditën e vdekjes. Eric Fleming, një tjetër i akuzuar, pranoi se kishte shpërndarë dozën vdekjeprurëse që e kishte marrë nga Jasveen Sangha – e njohur në media si “mbretëresha e ketaminës”.

Sangha është e vetmja që nuk ka pranuar fajësinë e do të përballet me gjyq më vonë. Pavarësisht dënimeve të shumta, marrëveshja gjyqësore thekson se ketamina që i mori jetën aktorit nuk ishte dhënë nga Plasencia. Matthew u gjet i vdekur më 28 tetor 2023 në shtëpinë e tij në Los Angeles.

Autopsia konfirmoi se vdiq nga efektet e ketaminës, duke rikthyer vëmendjen publike te rreziqet e varësisë dhe mungesës së kontrollit në sistemin mjekësor.

Erik Menendez, i cili së bashku me vëllain Lyle u dënua për vrasjen e prindërve të tij, u shtrua në spital pasi u diagnostikua me një gjendje të rëndë shëndetësore, tha avokati i tij.

Lajmi vjen disa javë para se ai dhe Lyle, të kenë një seancë dëgjimore për lirim me kusht, pasi kaluan dekada në burg për vrasjen e prindërve të tyre.

Një zëdhënës i avokatit Marko Geragos nuk do të jepte detaje rreth shëndetit, dhe familja e Menendezit nuk pranoi të komentonte. Nga rruga, Eriku u transferua nga burgu në San Diego, ku kishte vuajtur dënimin e tij për vite me radhë, në një qendër mjekësore jashtë kompleksit të burgut.

Departamenti i Korrektimeve dhe Rehabilitimit i Kalifornisë konfirmoi për median lokale CBS 8 se gjendja e Menendez është “e kënaqshme”, por nuk pranoi të japë informacione shtesë. Vëllezërit Menendez kaluan 35 vjet në burg për vrasjen e Kitty dhe Jose Menendez më 1989. Në maj të këtij viti, ndaj tyre u shqiptuan dënime të reja, nga 50 vjet deri në burgim të përjetshëm, ndërsa më parë ata vuajtën dënime të përjetshme pa mundësinë e lirimit me kusht.

Megjithatë, një gjyqtar në Los Angeles arriti në përfundimin se Eriku (54) dhe Lyle (57) nuk përbëjnë një “rrezik të papranueshëm” nëse lirohen. Gjyqtari deklaroi gjithashtu se vëllezërit kishin treguar përparim të mjaftueshëm gjatë vuajtjes së dënimit, saqë dënimi mund të ndryshohej.

Dënimi i ri tani lejon që ata të merren në konsideratë për lirim me kusht sepse ishin të rinj kur kryen krimin. Avokati i vëllezërve, Mark Geragos, në një intervistë me TMZ kërkoi lirimin mjekësor të Erik Menendez para datës së seancës dëgjimore, duke përmendur problemin e tij shëndetësor.

“Mendoj se atij duhet t’i jepet lirim me kusht për arsye mjekësore para seancës dëgjimore, në mënyrë që të mund të punojë me avokatin e lirimit me kusht, të përgatitet dhe të bëjë më të mirën e tij”, tha Geragos.

Seanca dëgjimore për lirimin me kusht të vëllezërve Menendez është planifikuar për 21 gusht.

Vëllezërit iu nënshtruan dy gjyqeve para se të dënoheshin në vitet 1990, pretenduan se i vranë prindërit në vetëmbrojtje, ndërsa prokuroria pretendoi se e kryen vrasjen për përfitim financiar.

Në një koncert në Nashville, “Coldplay” i kushtoi një version të baladës “Changes” Ozzy Osbourne, i cili ndërroi jetë në moshën 76 vjeç.

Fansat e grupit përdorën Twitter-in për të ndarë pamje nga stadiumi Nissan në Nashville.

“Ne do të donim t’ia kushtonim gjithë koncertin gjenialitetit, talentit dhe karakterit të jashtëzakonshëm të Ozzy Osbourne. I dërgojmë dashuri familjes së tij”, tha vokalisti i “Coldplay”, Chris Martin, në koncert.

Pasi interpretoi baladën, Martin tha: “Ozzy, të duam kudo që të shkosh”.

Youngblood i tha lamtumirë Osbourne, duke theksuar se nuk do e harronte kurrë e do ishte në çdo notë që këndon, pranë tij sa herë që ai ngjitet në skenë.

“Nuk mendoja se do të largoheshe kaq shpejt, herën e fundit që u takuam ishe kaq plot jetë. Kryqi yt rreth qafës sime është gjëja më e çmuar që kam. Dikur më pyete nëse kishte diçka që mund të bëje për mua dhe siç thashë atëherë, dhe do ta them edhe tani, për të gjithë ne, muzika ishte e mjaftueshme. Ti ishe më i madhi i të gjitha kohërave”, tha Youngblud.

Familja e Osbourne në një deklaratë theksoi: “Me më shumë dhimbje sesa mund të shprehin fjalët, duhet të njoftojmë se Ozzy ynë i dashur ka ndërruar jetë. Ne kërkojmë që të gjithë të respektojnë privatësinë e familjes sonë në këtë kohë”.