Lajmet

Brenda fshatit të shkatërruar nga rusët

Për disa javë në muajt mars dhe prill, u pushtua nga trupat ruse që po tentonin të avanconin në kryeqytet, në Kiev.

Published

3 years ago

June 5, 2022

Betim Gashi

Boghdanivka është një fshat i vogël bujqësor në rrugën në veri nga Kievi në Chernihiv, në lindje të lumit Dnipro.

Për disa javë në muajt mars dhe prill, u pushtua nga trupat ruse që po tentonin të avanconin në kryeqytet, në Kiev. Ata lanë pas kujtimet e torturës, dhimbjes, e përjetimeve, duke kërkuar dëshpërimisht të dashurit e tyre.

Ky është rrëfimi i fshatit Boghdanivka, por mund të jetë një nga fshatrat e panumërt në Ukrainë ku jeta e njerëzve ka ndryshuar brenda 100 ditësh lufte.

“Ai e ngarkoi automatikun e tij dhe tha: ‘Tani do të vrasim’”.

Alexsandr (s’është emri i tij i vërtetë) fshehu rrrobat që i veshi natën që rusët erdhën ta merrnin – ai po i mban ato në një vend të sigurt si dëshmi për krime lufte.

“Ai (ushtari) më goditi në kokë me dorezën e një thike. Më goditi pas shpine. Më pas m’i vuri duart në tavolinë dhe i goditi tri herë me kondakun e automatikut. Krahun tashmë ia kishte lënduar keq. Kuptova që ishte një frakturë. Ti je nazist. Ku i fsheh nazistët?“, vazhdoi ai duke treguar se e kanë sulmuar pesë burra.

Ushtarët rusë shkuan shtëpi më shtëpi dhe lanë shenja te portat e njerëzve që jetonin aty. Si çdonjëri, edhe në shtëpinë e Yulia Vasylenko-s trokitën trupat ruse – ajo është e martuar me një polic, Viacheslav. Ai u largua që nga ajo ditë dhe nuk u pa më.

“Pesë ushtarë erdhën. Dy brenda shtëpisë dhe tre të tjerë pritën jashtë në rrugë. Ne nuk e kemi parë atë që nga ajo ditë dhe nuk dimë asgjë për të. Uroj të jetë në burg – ne na duhet i gjallë, na mungon”, deklaroi ajo./UBTNews/

Lajmet

Motoçiklisti sulmon dy policë pas mosbindjes ndaj urdhrave në Vushtrri

Published

28 minutes ago

October 17, 2025

UBTnews

Një incident ka ndodhur pasditen e së enjtes në rrugën “Mbretëresha Teutë” në Vushtrri, ku një qytetar ka sulmuar dy zyrtarë policorë pas refuzimit për t’u ndalur me motoçikletë.

Sipas Policisë së Kosovës, dje rreth orës 15:00, i dyshuari, duke drejtuar një motoçikletë, nuk ka respektuar urdhrat e zyrtarëve policorë për ndalim dhe gjatë tentativës për të ikur, ka goditur dy prej tyre.

Të lënduarit kanë pranuar tretman mjekësor, ndërsa i dyshuari është arrestuar në vendin e ngjarjes dhe me vendim të prokurorit është dërguar në mbajtje.

Rasti është cilësuar si “Sulm ndaj personit zyrtar” dhe do të trajtohet nga organet kompetente në përputhje me legjislacionin penal në fuqi.

“Rr. Mbretëresha Teutë, Vushtrri 16.10.2025 – 15:10. Është arrestuar i dyshuari mashkull kosovar, pasi që me motoçikletë nuk i është ndalur zyrtarëve policorë dhe më pas i ka goditur dy zyrtarë. Dy zyrtarë kanë pranuar tretman mjekësor”, thuhet në raportin 24 orësh të Policisë së Kosovës.

Më tej thuhet se me vendim të prokurorit, i dyshuari është dërguar në mbajtje./KP

Lajmet

Zbulohet plantacion me 525 bimë kanabis në Podujevë

Published

41 minutes ago

October 17, 2025

UBTnews

Një operacion policor në fshatin Zhiti të komunës së Podujevës ka çuar në zbulimin e tri plantacioneve të kultivuara me gjithsej 525 bimë narkotike të llojit kanabis-sativa.

Sipas informacioneve zyrtare, plantacionet janë zbuluar rreth orës 09:45 në një zonë pyjore të fshatit.

Pas evidentimit të tyre dhe marrjes së mostrave për analizë, me vendim të prokurorit të çështjes, bimët narkotike bashkë me mjetet e punës janë asgjësuar në vendin e ngjarjes.

Policia e Kosovës konfirmon se rasti është duke u hetuar intensivisht, ndërsa deri më tani nuk është bërë e ditur nëse ka persona të arrestuar në lidhje me rastin.

“Raportohet se në pyllin e fshatit janë gjetur tri plantacione të mbjella 525 bimë narkotike të llojit kanabis-sativa. Pas marrjes së mostrave me vendim të prokurorit bimët dhe mjetet e punës janë asgjësuar në vendin e ngjarjes. Rasti është duke u hetuar”, thuhet në njoftimin e policisë./EO

Lajmet

Një i lënduar nga aksidenti në autostradën Prishtinë-Prizren

Published

1 hour ago

October 17, 2025

UBTnews

E përditësuar:

Një aksident i rëndë trafiku ka ndodhur sot në orët e mëngjesit në autostradën Prishtinë-Prizren.

Sipas policisë të përfshira ishin dy automjete, teksa një person ka kërkuar ndihmë mjekësore.

“Rreth orës 08:05, policia është njoftuar për një aksident trafiku. Njësia e trafikut (autostradës), njofton se në autostradën për Shqipëri, drejtimi Prishtinë-Prizren (km i 25), ka ndodhur aksident trafiku ku të përfshira kanë qenë dy automjete. Si pasojë e aksidentit, një person ka kërkuar ndihmë mjekësore”, thuhet në përgjigjje./KP

Lajmet

Përfundon numërimi i votave në Fushë Kosovë

Published

1 hour ago

October 17, 2025

UBTnews

Procesi i numërimit të votave në QKN nga KQZ është drejt përfundimit.

Në Fushë Kosovë janë numëruar 100% të votave të teksa garën për kryetar e prin Valon Prebreza nga LVV me 45.12% i pasuar nga Besnik Osmani nga LDK me 36.62% me të cilin do të jetë në balotazh.

Ndërkohë edhe në numërimet e votave për Kuvend Komunal të Fushë Kosovës prin LVV me 33.97% e pasuar nga LDK me 29.10% dhe PDK me 20.01%./KP