Teknologji

Brazil: Amazon konsiderohet “në rrezik” nga projektligjet ende të pa miratuara

Published

4 years ago

May 8, 2021

Betim Gashi

Gati 40 biznese ushqimore të Mbretërisë së Bashkuar kanë kërcënuar të ndalojnë sigurimin e produkteve nga Brazili shkaku i reformave të propozuara për tokën e Amazon.

Një letër e hapur nga grupi i bën thirrje legjislaturës së Brazilit të refuzojë një projektligj që mund të legalizojë pushtimin privat të tokës publike. Në letër thuhet se propozimi mund të përshpejtojë shpyllëzimet në Amazon.

Votimi i projektligjit në Senat pritet brenda ditësh. Sainsbury’s, Aldi, Greggs, Co-Op, British Consortium Retail, dhe Hilton Food Group janë ndër organizatat kryesore që kanë nënshkruar letrën e hapur.

Kompanitë thonë se ata “e konsiderojnë Amazon-in si një pjesë jetike të sistemit tokësor që është thelbësore për sigurinë e planetit tonë, si dhe si një pjesë kritike e një të ardhme të begatë për brazilianët dhe të gjithë shoqërinë.”

Pyjet e shiut janë kritike për të zbutur efektet e ndryshimit të klimës, pasi ato ruajnë sasi të mëdha karboni.

Nën udhëheqjen e Presidentit Jair Bolsanaro, niveli i shpyllëzimeve në Amazon raportohet të jetë më i larti që nga viti 2008. Vetëm këtë vit rreth 430 mijë hektarë të Amazonës janë prerë ose djegur, sipas Monitorimit të Projektit Amazon të Andeve.

Pjesa dërrmuese e tokës pastrohet ose për të kullotur bagëtinë për eksport viçi, ose për të rritur sojë, e cila shkon për të ushqyer kafshë në të gjithë botën.

Në pril, në një samit që u organizua nga presidenti i Shteteve të Bashkuara të Amerikës, Joe Biden, Bolsanaro deklaroi se Brazili do t’i jepte fund prerjeve të paligjshme. Letra thotë se këto masa “bien ndesh” me këtë “rrëfim dhe retorikë”.

Ligji i ri do të lejonte që toka që është zënë ilegalisht pas vitit 2014 të dalë në shitje. Kjo potencialisht do të lejojë që blerësit e paligjshëm ta blejnë atë.

Masa të ngjashme të diskutueshme u paraqitën vitin e kaluar, por u tërhoqën pasi më shumë se 40 organizata bënë të njëjtin kërcënim mbi burimet e zinxhirit të furnizimit.

Mike Barrett, drejtori ekzekutiv i shkencës dhe konservimit në WWF-UK, lidhur me këtë problematikë ka shtuar se: “Ne nuk mund ta luftojmë krizën e klimës pa Amazonën, megjithatë e ardhmja e saj qëndron në ekuilibër ndërsa shpyllëzimi e shtyn atë më afër pikës së kolapsit”.

“Nëse miratohet, kjo votë në Kongresin brazilian do të ushqejë shkatërrim të mëtejshëm dhe do të vendosë rrezik më të madh në jetën e njerëzve dhe jetës së egër që e quajnë atë shtëpi. Ndërsa përpjekjet globale për të mbrojtur Amazon kërcënojnë të minohen, është inkurajuese të shohësh biznese të mëdha që japin alarmin”, deklaroi ai.

Mbështetësit e projektligjit thonë se kjo do të ndihmonte fermerët në shkallë të vogël për të sqaruar aktet e pronësisë për tokë.

Ndërsa, shumë figura publike të ShBA-ve dhe Brazilit i kanë kërkuar presidentit Joe Biden të mos nënshkruajë ndonjë marrëveshje mjedisore me Brazilin gjersa shpyllëzimet në Amazon po rriten. Aktori Leonardo DiCaprio dhe këngëtarët Katy Perry, Gilberto Gil dhe Caetano Veloso janë ndër ata që e nënshkruan atë./UBTNews

(Arjeta Ibishi, studente në Media dhe Komunikim në UBT)

Aktualitet

Master në Studime të Sigurisë në UBT: program që përgatit ekspertë për sfidat e kohës

Published

4 hours ago

August 18, 2025

Driton Iseni

UBT ofron programin Master në Studime të Sigurisë, i konceptuar për të trajnuar profesionistë në sigurinë kombëtare dhe ndërkombëtare, me fokus në kërcënimet moderne si kibernetika, menaxhimi i krizave dhe politikat e mbrojtjes.

Programi synon nxjerrë kuadro të afta për parandalim, reagim dhe hartim strategjish efektive, për institucionet publike dhe private.

Programi dyvjeçar kombinon teori, punë në terren dhe kërkim shkencor, duke i pajisur studentët me aftësi analitike, vendimmarrëse dhe praktike për tregun e punës në Kosovë dhe rajon. Ky program mbështet objektivat e zhvillimit demokratik dhe të qëndrueshëm përmes edukimit cilësor në sektorë kritikë të sigurisë.

Çfarë mbulon programi?

Strategji të sigurisë kombëtare dhe inteligjencës;
Siguri kibernetike dhe mbrojtje të infrastrukturës kritike;
Menaxhim krizash dhe emergjencash;
Parandalim të terrorizmit dhe luftim të krimit të organizuar;
Politika mbrojtjeje, diplomaci të sigurisë dhe gjeopolitikë.

Struktura akademike (përzgjedhje lëndësh):

Viti I: Koncepte të avancuara në siguri; Kërcënime bashkëkohore; Metoda të avancuara kërkimi; Mjetet ekonomike të sigurisë; zgjedhore si Mbrojtja e infrastrukturës kritike, Menaxhimi dhe siguria e informacionit, Analiza & shkrimi i politikave.

Viti II: Statistika & analiza të dhënash; Siguria në Ballkan; Siguri kibernetike dhe krim kibernetik; Gjeopolitikë; zgjedhore si Terrorizëm & kundërterrorizëm, Siguria e mjedisit, Migrimi & siguria.

Semestri III: Globalizim & inteligjencë; Luftë asimetrike & konflikte hibride; Politika e mbrojtjes & strategjia ushtarake; Siguria & të drejtat e njeriut; zgjedhore si Siguria e energjisë, Krimi i organizuar transnacional, Kontrolli i armëve & mospërhapja.

Semestri IV: Praktikë/punë në terren; Seminar i tezës; Teza (hulumtim & shkrim).

Rezultatet e të nxënit

Aftësi për vlerësim rreziku dhe hartim politikash sigurie;
Kompetenca në menaxhimin e krizave dhe ndërtimin e kapaciteteve institucionale;
Aftësi kërkimore dhe konsulence mbi baza të dhënash;
Udhëheqje dhe bashkëpunim ndër-institucional (përfshirë PPP).

Kujt i shërben

Institucione shtetërore të sigurisë (ushtri, polici, inteligjencë);
Agjenci rregullatore, qendra të menaxhimit të emergjencave;
Organizata ndërkombëtare për paqe dhe stabilitet;
Sektori privat në cybersecurity, mbrojtje të infrastrukturës kritike dhe menaxhim rreziku.

Aplikimi

Aplikimet realizohen online në: APLIKO TANI. Të gjithë kandidatët do të kenë qasje në infrastrukturë moderne, mentorim akademik dhe mundësi praktike në terren.

Teknologji

WhatsApp Web ka probleme! Raportime në gjithë botën për keqfunksionim të mesazheve

Published

6 hours ago

August 18, 2025

UBT News

Përdorues të shumtë nga e gjithë bota kanë raportuar ndërprerje në përdorimin e aplikacionit të mesazheve WhatsApp, duke pasur vështirësi të veçanta në aksesimin e versionit web të platformës.

Problemi ndikoi në llogaritë personale ashtu në biznesore, duke i lënë përdoruesit të paaftë për t’u lidhur ose për të dërguar mesazhe përmes WhatsApp Web.

Kjo ndërprerje e papritur ka shkaktuar pakënaqësi dhe frustrim të gjerë, duke nxitur një valë ankesash dhe reagimesh në rrjetet sociale.

Shumë përdorues kanë shprehur shqetësimin për mungesën e mundësisë për të komunikuar gjatë ditëve të ngarkuara pune apo gjatë bisedave të rëndësishme.

Derisa kompania nënë Meta nuk ka dhënë ende një deklaratë zyrtare për shkakun apo kohëzgjatjen e kësaj ndërprerjeje, përdoruesit këshillohen të përdorin përkohësisht aplikacionin në pajisjet mobile deri në rikthimin e shërbimit.

Teknologji

ChatGPT arrin 700 milionë përdorues aktivë, por OpenAI po kërkon të rrisë të ardhurat

Published

6 hours ago

August 18, 2025

UBTNews

ChatGPT ka arritur një tjetër pikë të rëndësishme, me 700 milionë përdorues aktivë javore, duke shënuar një rritje katërfish nga vitin e kaluar. Përdoruesit kalojnë mesatarisht 16 minuta në ditë në platformë, duke dërguar mbi 2.5 miliardë kërkesa çdo ditë.

Megjithatë, pavarësisht suksesit të dukshëm në përdorueshmëri, OpenAI ende nuk është fitimprurëse dhe ka shpenzime më të mëdha se të ardhurat. Kompania nuk pritet të arrijë fitime para vitit 2029.

Për të rritur të ardhurat, OpenAI po shqyrton mundësinë e integrimit të reklamave në ChatGPT. Ata synojnë që reklamat të jenë sa më pak të ndjeshme dhe të ofrojnë një përvojë pozitive për përdoruesit.

Në të njëjtën kohë, xAI, konkurrenti i ChatGPT në pronësi të Ilon Musk, gjithashtu planifikon të shtojë reklama në chatbot-in e tij Grok.

Teknologji

Lojërat Botërore të Robotëve: 500 robotë nga 16 vende konkurojnë në Pekin

Published

6 hours ago

August 18, 2025

UBTNews

Lojërat Botërore të Robotëve Humanoidë kanë filluar në Pekin, duke mbledhur më shumë se 500 robotë të mundësuar nga Inteligjenca Artificiale (AI) nga 16 vende të ndryshme. Ekipet nga mbarë bota janë duke garuar në sporte të ndryshme, përfshirë kikboks, atletikë, futboll dhe vallëzim, duke shfaqur aftësitë dhe mundësitë e teknologjisë robotike.

Ceremonia e hapjes e mbajtur të enjten u shoqërua me disa ngjarje të papritura dhe aksidente. Një nga momentet më të paharrueshme ishte kur një robot u rrëzua përpjekur të ndizte pishtarin e lojërave. Këto incidente pasqyruan ende kufizimet e teknologjisë dhe sfidat që duhet të kapërcehen për të arritur një nivel të lartë funksionaliteti në këto garat robotike.

Lojërat po përfshijnë robotë të zhvilluar nga shtete si Japonia, SHBA, Gjermania dhe shumë të tjera, dhe janë ndarë në 26 ngjarje. Megjithatë, sfidat ishin të dukshme, pasi një robot u skualifikua pas një aksidenti të pazakontë, kur koka e tij ra gjatë një gare. Ndërkohë, në ndeshjen e futbollit, një robot u pengua dhe disa të tjerë ranë, duke shkaktuar nevojën për ndërhyrje njerëzore për të siguruar sigurinë dhe për të eliminuar rrezikun.

Këto lojëra nuk janë vetëm një shfaqje teknologjike, por gjithashtu një test për t’u treguar sa shumë mund të zhvillohen robotët humanoidë dhe sa mirë mund të integrohen në aktivitetet e përditshme dhe sportet.