Lajmet
Braha: Kërkesa e transportuesve të Podujevës e paarsyeshme, synojmë heqjen e tollovisë në trafik
Transportuesit e Komunës së Podujevës kanë qëndruar tërë natën para Komunës së Prishtinës në shenjë proteste pas vendimit për t’i ndaluar ata hyrjen në kryeqytet pa asnjë njoftim paraprak.
Këshilltari i kryetarit të komunës së Prishtinës, Luftar Braha ka thënë se komuna e Prishtinës ka si qëllim vetëm çlirimin e rrugëve të Prishtinës dhe heqjen e tollovisë në trafik. Ai ka thënë se kanë pasur disa herë takime me protestuesit.
“Në objektivat tona është çlirimi i rrugëve të Prishtinës, heqja e tollovive në trafik. Mundësimi i qarkullimit sa më të lirshëm në komunikacion të gjithë pjesëmarrësve, jo veç të makinave, por edhe të këmbësoreve dhe pjesëmarrësve të tjerë. Një prej këtyre hapave është puna që është bërë dhe puna që po bëhet në rrugën Ilir Konushevci, që njihet si rruga te Xhamia e Llapit, ku këta transportuesit ndër urban e përdorin si stacion të autobusëve që faktikisht nuk do të duhej të ishte as me vendime e më hershem të ministrisë që të përdorej si vend ndalim ku marrim edhe zbresim udhëtar për një afat shumë të shkurtër kohor, dy tre minuta jo me prit me orë ose minuta në atë segment, kemi hequr nga ai segment po ashtu edhe Prishtina Parkingun, i kemi liruar të dy shiritat për qarkullim. Është një fyt i ngushtë ka qarkullim të madh të veturave që kalojnë nëpër atë segment dhe është parë e domosdoshme që të marrim masa për të zhvendosur transportin ndër urban në rrugët të cilat i takojnë transportit ndër urban me që janë rrugët rajonale dhe që dërgojnë në piken kryesore të ndalimit dhe që është stacioni i autobusëve”, ka thënë ai.
Braha ka theksuar se komuna e Prishtinës synon reformën e transportit publik urban dhe bileta të unifikuar.
“Me këtë lëvizje ne e kemi pasur përmbylljen pikën e parë që është reforma e transportit publik urban dhe bileta e unifikuar. Ka reformë që përmbush hap pas hapi reformën afatgjatë që është rregullimi i gjithë trafikut edhe funksionalizmi i qarkullimit multi modal ku hyn edhe biçikleta, taksisti edhe shumë elemente të tjera të qarkullimit. Kemi marrë kërkesa prej transportuesve ndër urban të Podujevës kërkesa që vijnë vetëm prej tyre, nuk vinë prej shoqatave të tjera që ata ta përdorin rrugën qëndrore për të hyrë dhe për të hyrë në stacion të autobusëve dhe me vazhdu me marr udhëtarë në segmentin e rrugës Ilir Konushevci e cila është e pa realizueshme nga ana e jonë, sepse ka ndryshuar dinamika e zhvillimit të qytetit. Ka ndryshuar dinamika e numrit të veturave që hynë në qytet” , tha ai.
Sipas Brahës kërkesa e pronarëve të kompanive të autobusëve të Podujevës është e paarsyeshme.
“Zgjidhja është bërë, kërkesa e tyre është e pa arsyeshëm. Ne i kemi marr parasysh edhe kërkesat e tjera, jemi duke luftuar të gjitha ekipet tona edhe të Inspeksionit edhe të policisë edhe të ekipeve të mobilitetit janë në teren janë duke luftuar taksitë në të zezën. Atyre u hapet tregu i tyre legjitim duke i luftuar këto taksi, duke i hequr nga tregu dhe nga lëvizja. Por kërkesa e tyre që të lëvizin në zonën e ngarkuar urbane është krekës e pa qëndrueshme. Është e pa arsyeshme edhe e pa kuptueshme. Është kërkesë e cila nëse i shërben 30 operatorëve të Podujevës është kërkesë që ju bënë dëm 200 mijë banorëve të Prishtinës. Një ngarkesë që bëhet në rrugën Ilir Konushevci, ngarkon direkt rrugën kryesore, arterin kryesore që është Agim Ramadani dhe prej asaj ngarkohen edhe rrugë si Eqrem Qabej, Bill Klinton, bulevardet e mëdhaja”, tha ai.
Lajmet
Presidentja Osmani pritet me nderime të larta shtetërore në Malajzi: “Faleminderit Kryeministër Anwar Ibrahim për mikpritjen!”
Presidentes së Republikës së Kosovës iu organizua pritje me nderime të larta shtetërore në Kompleksin qeveritar Perdana Putra në Putrajaya në Malajzi.
Presidentja Osmani falënderoi për pritjen në këtë shtet.
“Faleminderit Kryeministër Anwar Ibrahim për mikpritjen!”, shkroi presidentja Osmani.
Kreu i shtetit të Kosovës ka udhëtuar për vizitë zyrtare në Federatën e Malejzisë, me ftesë të Kryeministrit YAB Dato’ Seri Anwar Ibrahim.
Më parë, Zyra e Presidentes së Kosovës ka bërë të ditur se në kuadër të kësaj vizite, presidentja Osmani do të dekorojë me Medalje Presidenciale të Meritave Kryeministrin aktual të Malejzisë, Anwar Ibrahim, si dhe ish-kryeministrin Abdullah Ahmad Badawi, në shenjë mirënjohjeje për kontributin e tyre në mbështetje të Kosovës.
“Presidentja Osmani, në prezencë të korit diplomatik dhe të ftuarve të tjerë, do ta hapë zyrtarisht Ambasadën e Republikës së Kosovës në Kuala Lumpur, një hap i rëndësishëm në forcimin e pranisë diplomatike të Kosovës në rajonin e Azisë Juglindore.
Presidentja Osmani do të zhvillojë gjithashtu takime me përfaqësues të Dhomës Kombëtare të Tregtisë dhe Investimeve të Malajzisë (NCCIM), si dhe me përfaqësues të sektorëve të rëndësishëm të ekonomisë malajziane, përfshirë prodhimin, teknologjinë dhe turizmin. Me këtë rast, do të diskutohet për mundësitë konkrete të bashkëpunimit ekonomik mes dy vendeve dhe tërheqjes së investimeve në Kosovë”, thuhet në njoftimin e Zyrës së Presidentes së Kosovës.
Shefi i NATO-s, Rutte paraqet planin e rritjes së shpenzimeve për mbrojtjen
Etika mediatike në fokus të debatit në UBT, me pjesëmarrje të personaliteteve të njohura nga fusha e gazetarisë dhe komunikimit
Kina shqyrton ofertat e SHBA, Ministria e Tregtisë: Pekini i hapur për bisedime
Festivali i parë Mesdhetar i Filmit, aktorë e regjisorë nga bota “zbresin” në Tiranë
Një tërmet me magnitudë 7.4 ballë godet jugun e Argjentinës
Rubio: SHBA-të vazhdojnë përpjekjet për të zgjidhur konfliktin në Ukrainë
Shkencëtarët kanë arritur të kultivojnë dhëmbë zëvendësues në laborator
Anija me aktivistë pro-palestinezë sulmohet nga dronët izraelit
Sunny Hill 2025: Dita e fundit për biletat “Believers”- fillon zbulimi i emrave të artistëve që do të performojnë sivjet
-
Lajmet nga UBT2 months agoPërgatituni për të udhëhequr politikën e të ardhmes me Fakultetin e Shkencave Politike në UBT
-
Lajmet3 weeks agoStudentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT2 months agoProfesorët Besnik Skenderi, Safet Zejnullahu, Diamanta Skenderi dhe Ferid Selimi publikojnë punimin shkencor mbi AI në arsim
-
Lajmet nga UBT4 days agoProfesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”