Sport

Botërori, ndeshjet e dyta nisin me sfidën Uells-Iran

Uellsi është aktualisht me 1 pikë në grupin B, baraz me Shtetet e Bashkuara.

Published

4 years ago

November 25, 2022

UBT news

Ndeshjet e dyta të fazës së grupeve të Kupës së Botës fillojnë sot (e premte) dhe përballja e parë është Uells-Iran. Dy kombëtaret, të dyja në grupin B, do të përballen në orën 11:00.

Uellsi është aktualisht me 1 pikë në grupin B, baraz me Shtetet e Bashkuara, një ekip me të cilin barazoi 1-1 në ndeshjen e parë të Kupës së Botës. Përpara është një nga ndeshjet më të rëndësishme në fazën e grupeve dhe fitorja e kësaj sfide mund të mbajë gjallë shpresat e tyre për t’u kualifikuar në raundin e 16-shes.

Irani, pasi pësoi humbjen e parë kundër Anglisë në ndeshjen hapëse, tani duhet të marrë sa më shumë pikë në ndeshjet e mbetura, kundër Uellsit këtë të premte dhe e fundit me Shtetet e Bashkuara. Kombëtarja e drejtuar nga Queiroz, pavarësisht rezultatit jo të kënaqshëm të marrë me “Tre luanët”, megjithatë arriti të shënojë gjithsej dy gola, të dy nga sulmuesi i Portos, Taremi.

Aktualisht kjo skuadër zë vendin e fundit në tabelën e grupit B, por duke pasur parasysh barazimin mes Uellsit dhe Shteteve të Bashkuara, distanca nga pozicioni i dytë është vetëm një pikë. Prandaj, edhe për kombëtaren iraniane, fitorja ndaj Uellsit mund të jetë një rezultat vendimtar përsa i përket kualifikimit.

UELLS-IRAN

Uellsi (3-4-3): Hennessey; Mepham, Rodon, B. Davies; C. Roberts, Ramsey, Ampadu, N. Williams; Bale, Moore, James. Trajner: Page

Irani (5-3-2): S. Hosseini; Moharrami, Pouraliganji, Kanaani, M. Hosseini, Mohammadi; Nourollahi, Ezatolahi, Hajisafi; Azmoun, Taremi. Trajner: Queiroz

Sport

Briken Calja shkëlqen në Taranto, shpallet kampion dhe thyen rekorde

Published

3 hours ago

September 1, 2026

UBTNews

Reprezentuesi i Shqipërisë, Briken Calja, është shpallur kampion i Lojërave Mesdhetare “Taranto 2026”, pas një paraqitjeje të jashtëzakonshme në peshëngritje.

Sportisti i Team Albania dominoi garën në kategorinë deri në 75 kilogramë, duke treguar formë të shkëlqyer.

Në stilin e shkëputjes, Calja realizoi tri prova të suksesshme, duke ngritur 147, 152 dhe 154 kilogramë. Me rezultatin maksimal prej 154 kilogramësh, ai fitoi medaljen e artë dhe njëkohësisht vendosi tri rekorde mesdhetare.

Edhe në stilin e shtytjes, Calja vazhdoi me paraqitje mbresëlënëse. Ai ngriti 184 kilogramë, duke vendosur rekordin mesdhetar në këtë stil dhe duke fituar medaljen e bronztë.

Kjo është një tjetër paraqitje e madhe e peshëngritësit shqiptar, i cili i ka dhuruar Shqipërisë një medalje të artë në “Taranto 2026”.

Me suksesin e Caljas, Shqipëria numëron tashmë gjashtë medalje në këto Lojëra: dy të arta, një të argjendtë dhe tri të bronzta.

D.L

Lajmet

Islam Selmani i artë, medalja e 7-të për Kosovën

Published

4 hours ago

September 1, 2026

UBTNews

Islam Selmani ka shkëlqyer në Lojërat Mesdhetare “Taranto 2026”, duke fituar medaljen e artë dhe duke i sjellë Kosovës medaljen e shtatë në këto Lojëra.

Karateisti kosovar triumfoi në finale dhe u shpall kampion, duke shkruar një faqe të rëndësishme për karatenë e Kosovës.

Kjo është medalja e parë e artë për Kosovën në karate në “Taranto 2026” dhe medalja e shtatë e delegacionit kosovar.

Një paraqitje fantastike e Islam Selmanit, i cili tashmë është kampion i Lojërave Mesdhetare.

D.L

Sport

Briken Calja i artë në “Taranto 2026”, Shqipëria fiton medaljen e dytë të artë

Published

5 hours ago

September 1, 2026

UBTNews

Briken Calja i ka sjellë Shqipërisë medalje të artë në Lojërat Mesdhetare “Taranto 2026”.

Peshëngritësi shqiptar garoi të martën paradite në kategorinë deri në 75 kilogramë, duke shkëlqyer në stilin e shkëputjes.

Calja fitoi medaljen e artë në shkëputje, pasi ngriti me sukses peshën maksimale prej 154 kilogramësh.

Në stilin e shtytjes, shqiptari u rendit i treti, duke fituar medaljen e bronztë me një peshë maksimale prej 184 kilogramësh.

Me këtë sukses, Calja ka kontribuar në një paraqitje të mirë të Shqipërisë në “Taranto 2026”, ku deri tani ka fituar dy medalje të arta, një të argjendtë dhe dy të bronzta.

Foto: euronews

D.L

Sport

Sigurohet medalja e shtatë për Kosovën, Islam Selmani në finale

Published

6 hours ago

September 1, 2026

UBTNews

Islam Selmani ka siguruar medaljen e shtatë për Kosovën në Lojërat Mesdhetare “Taranto 2026”, duke shkruar njëkohësisht histori për karatenë kosovare.

Karateisti ynë ka triumfuar në gjysmëfinale dhe është kualifikuar në finale, duke i siguruar Kosovës medaljen e parë në karate në këto Lojëra Mesdhetare.

Selmani tani do të luftojë për medaljen e artë, me synimin për ta kurorëzuar paraqitjen e tij me titullin e kampionit.

D.L