Lajmet

Borrell: Zgjidhja e mosmarrëveshjes Kosovë – Serbi, test i madh për BE-në

Published

6 years ago

on

Shefi për Politikë të Jashtme i Bashkimit Evropian, Josep Borrell, ka thënë se fqinjësia brenda bllokut është në flakë për shkak të krizave nga Bjellorusia deri te tensionet në Mesdhe, të cilat kërkojnë përgjigje urgjente dhe të bashkuar nga vendet anëtare të BE-së.

Kryediplomati evropian gjithashtu tha se Ballkani është vend i ndjeshëm për tensione dhe se BE-ja duhet të ofrojë ndihmë për ta përmirësuar sigurinë rajonale dhe për ta përmbushur ambicien e vet për të qenë një porcë e besueshme botërore në politikën e jashtme.

Veterani i Partisë Socialiste tha se Bashkimi Evropian përballet me një test të madh për zgjidhjen e mosmarrëveshjeve në Ballkan, përfshirë mosmarrëveshjen mes Kosovës dhe Serbisë, shkruan Financial Times, transmeton Gazeta Express.

“Nëse nuk e stabilizojmë Ballkanin, do të jetë shumë e vështirë të cilësohemi si fuqi gjeopolitike, sepse askush tjetër nuk do ta bëjë këtë, vetëm evropianët”, tha diplomati Borrell.

Ai i përmendi edhe tensionet mes Turqisë dhe Greqisë në pjesën lindore të Mesdheut, duke thënë se atje ekziston një rrezik i madh i përleshjes që shkon përtej fjalëve.

Borrell gjithashtu tha se BE-ja duhet të kundërpërgjigjet me sanksione në lidhje me helmimin e aktivistit opozitar rus, Alexei Navalny, nëse ka dëshmi të qarta se në këtë rast janë të përfshirë zyrtarët e Rusisë.

Related Topics:
Continue Reading

Lajmet

Protestat vazhdojnë në Prishtinë: Kërkohet që vrasja e grave të trajtohet si urgjencë kombëtare

Published

17 hours ago

on

October 30, 2026

By

Protesta kundër vrasjes së Arlinda Zekajt ka vazhduar edhe sot në Prishtinë, ku qytetarët janë mbledhur për të tretën ditë radhazi në sheshin e kryeqytetit për të kërkuar drejtësi dhe përgjegjësi institucionale.

Gjatë ditës së sotme, protestuesit janë ndalur edhe para objektit të Qeverisë së Kosovës, duke shprehur pakënaqësi të thellë ndaj mënyrës se si po menaxhohen e trajtohen rastet e dhunës ndaj grave nga organet kompetente.

Këto aksione po organizohen nga Kolektivi për Mendim dhe Veprim Feminist, nën moton kryesore “Vrasja e grave të trajtohet si urgjencë kombëtare”.

Continue Reading

Lajmet

Akil Gjakova mbyll garën pa medalje në Abu Dhabi

Published

18 hours ago

on

October 30, 2026

By

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Continue Reading

Lajmet

Nën hetim për projektin e kryeqytetit: Përparim Rama paraqitet në Prokurorinë Speciale

Published

18 hours ago

on

October 30, 2026

By

Kryetari i Komunës së Prishtinës, Përparim Rama, është paraqitur sot në Prokurorinë Speciale ku po intervistohet në cilësinë e të dyshuarit lidhur me projektin “Arkitekti i Kryeqytetit”.

Rama arriti në prokurori i shoqëruar nga avokati Artan Çerkini, teksa para hyrjes deklaroi shkurtimisht se detyra e tij është ndërtimi i kryeqytetit, ndërsa e organit të ndjekjes është të sigurohet që gjithçka bëhet në përputhje me ligjin. Hetimet për këtë projekt ndërlidhen me procedurat e prokurimit publik, vlerën prej 12 milionë eurosh, si dhe me dyshimet për manipulim të stafit e konflikt interesi.

Intervistimi i kryetarit të Prishtinës vjen pas tensioneve publike dhe paralajmërimeve nga zyrtarë të Lëvizjes Vetëvendosje për arrestimin e tij të mundshëm, reagime këto që pasuan ndryshimet e fundit në udhëheqjen e Prokurorisë Speciale, ku pas shkarkimit të Blerim Isufajt, detyra i është besuar prokurorit Dren Paca.

Ndaj deklaratave të përfaqësuesve të pushtetit, Rama u ka bërë thirrje publike organeve të drejtësisë që të merren me ato që i ka cilësuar si kërcënime direkte ndaj tij. /E.A/

Continue Reading

Lajmet

Laura Fazliu fiton të bronztën në Grand Slam

Published

18 hours ago

on

October 30, 2026

By

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Continue Reading

Të kërkuara