Sport

Bonucci mund të dënohet rëndë për fjalët fyese ndaj zyrtarit të Interit

Gjithçka ndodhi në sekondat e fundit të vazhdimeve në këtë ndeshje.

Publikuar

Nervozizmi i Leonardo Bonuccit në fund të ndeshjes finale të Superkupës së Italisë ndërmjet Interit dhe Juventusit i ka tejkaluar limitet sa që ka ofenduar dhe kërcënuar zyrtarin e Interit, Cristiano Mozzillo.

Gjithçka ndodhi në sekondat e fundit të vazhdimeve në këtë ndeshje kur italiani po përgatitej të futej në lojë për ekzekutimin e penalltive, por që ishte Alexis Sanchez ai që shënoi gol dhe ia dha fitoren e Interit.

Fesat e madhe e stafit të Interit në pankinë nuk i ka pëlqyer aspak Bonuccit i cili i është ofruar Mozzillos duke e shtyrë dhe duke iu drejtuar me fjalët: “Ti nuk feston dot para meje m***. Unë të vras”.

Këto fjalë janë incizuar dhe tashmë edhe po deshifrohen nga organet disiplinore të Serie A dhe sipas asaj që raporton “Il Tempo”, lojtari mund të pezullohet për ndeshjet e mbetura të Serie A.

Sport

Kiana Kryeziu siguron pjesëmarrjen në Olimpiadën e dimrit

Lojërat Olimpike Dimërore zhvillohen nga data 4 deri më 20 shkurt.

Publikuar

nga

Skitarja nga Kosova, Kiana Kryeziu, edhe zyrtarisht do ta përfaqësojë Kosovën në Lojërat Olimpike.

Kryeziu ka fituar normën olimpike për Lojërat Olimpike Dimërore “Pekini 2022” dhe kështu bëhet femra e parë që do ta përfaqësojë Kosovën në Lojërat Olimpike Dimërore të këtij viti.

Normën olimpike Kryeziu e fitoi pasi u tregua e suksesshme në lëshimet e fundit të mbajtura në Kronplatz të Italisë ku mori pikët e nevojshme.

Ndryshe, Lojërat Olimpike Dimërore zhvillohen nga data 4 deri më 20 shkurt.

Vazhdo të lexosh

Sport

​Tifozët e Vallecanos zgjedhin Balliun si lojtarin e muajit

Lojtari kuqezi ka zhvilluar një super sezon duke qenë vendimtar në disa raste për skuadrën e tij.

Publikuar

nga

Pas golit të tij të parë në La Liga, Ivan Balliu ka fituar zemrat e tifozëve të Rayo Vallecano, për këtë arsye ata e kanë votuar si futbollisti më i mirë i muajit dhjetor.

Lojtari kuqezi ka zhvilluar një super sezon duke qenë vendimtar në disa raste për skuadrën e tij. Ndonëse mbrojtësi nuk preferohet nga trajneri i kombëtares shqiptare, Edi Reja, në Spanjë janë të gjithë të kënaqur me paraqitjen e tij.

Në 19 ndeshje, Balliu ka shënuar një gol dhe ka dhënë një asist, ndërsa aktualisht, skuadra e tij gjendet në vendin e shtatë me 31 pikë.

Vazhdo të lexosh

Sport

50 për qind e australianëve duan që Gjokoviqi të dëbohet

Së paku 50 për qind e publikut lokal do që serbi të dëbohet nga shteti i tyre.

Publikuar

nga

Tenisti Novak Gjokoviq e fitoi betejën gjyqësore për të qëndruar në Australi, dhe i filloi stërvitjet e tij për Australian Open këtë javë.

Mirëpo, sipas një anketimi public nga një organizatë hulumtuese australiane, Utting Research, së paku 50 për qind e publikut lokal do që serbi të dëbohet nga shteti i tyre.

Gjokoviqit fillimisht i ishte dhënë leje mjekësore për të luajtur në kompeticionin që e ka fituar nëntë herë, më shumë se çdokush tjetër.

Mirëpo, me të arritur në Melburn të mërkurën ai u dërgua në mbajtje nga Forcat Kufitare dhe iu revokua viza.

Vazhdo të lexosh

Sport

Australia ia anulon sërish vizën Gjokoviqit

Tani Gjokoviq përballet me dëbim nga shteti.

Publikuar

nga

Australia ia ka anuluar vizën tenistit serb, Novak Gjokoviq për të dytën herë me radhë.

Vendimi i ministrit për Migrim të Australisë, Alex Hawke nënkupton se tani Gjokoviq përballet me dëbim nga shteti.

Megjithatë, tenisti 34-vjeçar ende mund të apelojë vendimin për të qëndruar në Australi.

Tenisti numër një në botë në kategorinë e meshkujve ishte paraparë që të luante në turneun Australian Open, që nis të hënën.

Fillimisht Gjokoviqit i ishte anuluar viza pasi arriti në Melbërn më 6 janar. Autoritetet kufitare gjetën se ai kishte “dështuar që të ofronte të dhëna të duhura” për një përjashtim mjekësor, që i mundësonte t’i shmangej rregullave për koronavirus.

Në Australi ka pasur zemërim të madh të publikut, pasi ky shtet ka pasur disa nga rregullat më strikte kundër pandemisë.

Gjokoviqi ishte ndaluar dhe kishte qëndruar për disa orë në aeroport ku kishte kaluar në kontrollet e migracionit. Më pas ai qëndroi disa ditë në një hotel të shndërruar në qendër për migrantë.

Disa ditë më vonë, një gjykatës hodhi poshtë vendimin e autoriteteve për anulimin e vizës dhe urdhëroi lirimin e tij, duke thënë në vendim se zyrtarët kufitarë kishin injoruar procedurat gjatë arritjes së Gjokoviqit në Australi.

Por, ministri Hawke të premten ia anuloi sërish vizën Gjokoviqit, duke përdorur fuqitë që dalin nga Akti për Migrim i Australisë.

Ky akti lejon dëbimin e kujtdo që ministri e sheh si rrezik potencial “për sigurinë shëndetësore apo rendit të komunitetit australian”, por megjithatë, Gjokoviq mund ta apelojë këtë vendim.

Vendimi për anulimin e vizës vjen pasi Gjokoviqi foli për pretendimet se ai kishte bërë deklarime të rreme në formularin e udhëtimit – ku thuhej se ai nuk kishte udhëtuar në ndonjë shtet tjetër 14 ditë para se të arrinte në Australi. Në fakt, tenisti serb, në atë periudhë kishte udhëtuar për në Spanjë.

Ai tha se ky ishte një gabim i bërë nga agjenti e tij dhe e quajti “gabim njerëzor”, duke shtuar se nuk ishte i qëllimshëm.

Gjikoviq po ashtu e ka pranuar se është takuar me një gazetar dhe ka bërë sesion fotografish pasi kishte dalë pozitiv në COVID-19.

Vazhdo të lexosh

Të kërkuara