Boksieri shqiptar vritet me thikë në Gjermani

Ai u gjet i vdekur në shinat e një stacioni të trenit në Gjermani.

Published

2 years ago

January 4, 2023

Betim Gashi

Një boksier shqiptar, i identifikuar si Liridon. B, i cili ishte një kampion i të rinjve në boks, është gjetur i vdekur në shinat e një stacioni të trenit në Gjermani.

Mediat lokale thonë se ishin punëtorët ata të cilët e gjetën trupin e 23-vjeçarit të shtrirë në tokë pa shenja jete.

“BILD” shkroi se në mëngjesin e vitit të ri, afërsisht në ora 06:00 në Hafnerplatz, Liridoni kishte një zënkë të madhe me shokun e tij Andreas M.

Boksieri shqiptar e theri shokun e tij në pjesën e sipërme të trupit duke i shkaktuar lëndime të rënda serioze.

Ky i fundit u dërgua për tretman në spital, ndërsa dy orë e gjysmë pas zënkës, Liridon B. U gjet pa shenja jete në stacionin e trenit, me plagë nga një mjet i mprehtë.

Se çfarë ndodhi ende nuk është e qartë dhe policia e ka përjashtuar mundësinë që Andreas M. e ka sulmuar atë me një thikë.

Sidoqoftë, mundësia që Liridoni e ka therur vetën nën ndikimin e substancave narkotike nuk është përjashtuar.

Related Topics:gjermani stacion treni vdekje

Up Next

Ferizaj, një femër dyshohet se është dhunuar në shtator në një motel

Don't Miss

Gjendet një trup i pajetë në një fabrikë në Podujevë

Arrestohen tre persona për fajde në Prizren

Published

1 week ago

October 2, 2024

UBTnews

Policia e Kosovës ka arrestuar sot tre persona në Prizren nën dyshimet se janë të përfshirë në veprat penale fajde dhe detyrim.

Në vendbanimet e personave të dyshuar janë sekuestruar dy automjete, para dhe dëshmi të rëndësishme, të cilat do të përdorën si dëshmi në procedura të mëtutjeshme.

Dyshohet se këta persona duke kanosur viktimën, në vazhdimësi kanë tentuar ta detyrojnë që të veprojë kundër pasurisë së tij.

Të dyshuarit pas intervistimit, me aktvendim të prokurorit ndalohen për 48 orë.

Një qytetar në veri të Mitrovicës sulmohet, fyhet në gjuhën shqipe dhe serbe

Published

1 week ago

October 1, 2024

UBTnews

Policia e Kosovës ka njoftuar se në Mitrovicë të Veriut është raportuar një rast sulm dhe fyerje.

Sipas policisë, ankuesi ka njoftuar se derisa ishte duke ecur në trotuar me tre persona, dy motorë skuter me nga dy persona të cilët kanë qenë duke lëvizur në rrugë i kanë fyer në gjuhen shqipe dhe në gjuhen serbe dhe të njëjtit i kanë gjuajtur me një shportë plastike duke e goditur viktimën.

“Viktima nuk ka pësuar lëndime trupore, ndërsa të dyshuarit janë larguar në drejtim të urës lindore”, thuhet në njoftim.

Kronika e zezë

Aksident i rëndë trafiku në Lipjan, lëndohet një këmbësor

Published

1 week ago

October 1, 2024

UBTnews

Një këmbësor ka pësuar lëndime të rënda dje si pasojë e një aksidenti në Lipjan. Deri tek aksidenti ka ardhur pasi një burrë duke e drejtuar një motoçikletë e ka goditur këmbësorin viktimën mashkull kosovar.

“Rr. Avdi Kelmendi, Lipjan 30.09.2024-15:20. Raportohet se i dyshuari mashkull kosovar derisa ishte duke drejtuar një motoçikletë e ka goditur këmbësorin viktimën mashkull kosovar. Si pasojë e aksidentit viktima ka pësuar lëndime të rënda trupore. I dyshuari është arrestuar dhe me vendim të prokurorit dërgohet në mbajtje”, thuhet në njoftim.

Kronika e zezë

Shpërthim në Podujevë, policia po e heton rastin

Published

2 weeks ago

September 30, 2024

UBTnews

Policia e Kosovës ka njoftuar se një shpërthim ka ndodhur në Podujevë në orët e para të së dielës. Rasti është trajtuar si shkaktim i rrezikut të përgjithshëm dhe është duke u hetuar.

“Ankuesi mashkull kosovar ka raportuar se ka dëgjuar një shpërthim. Në vendin e ngjarjes ku dyshohet se ka ndodhur shpërthimi kanë dalë njësitet përkatëse policore, me ç’rast është njoftuar edhe njësia për deminim dhe hetuesia”, thuhet në raportin 24-orësh të Policisë.

Lidhur me rastin thuhet se është njoftuar edhe prokurori dhe hetimet janë duke vazhduar.