Teknologji

Bitcoin bie nën 30 mijë dollarë, niveli më i ulët që prej 1 viti

Hera e fundit që bitcoin tregtohej nën 30 mijë dollarë ishte Korriku i vitit të kaluar kur aseti dixhital ra deri në 29,839 dollarë.

Published

on

Bitcoin ra nën 30 mijë dollarë mbrëmjen e së Hënës nën nivelin simbolik. Në pikën më të ulët, kriptomonedha më popullore në botë ishte 12% më pak sesa një ditë më parë dhe 56% larg vlerës rekord prej 69 mijë dollarë arritur në nëntor.

Më pas kriptomonedha rikuperoi dhe në këto momente që shkruajmë këmbehet me 31,868 dollarë sipas të dhënave të CoinMetrics.

Hera e fundit që bitcoin tregtohej nën 30 mijë dollarë ishte Korriku i vitit të kaluar kur aseti dixhital ra deri në 29,839 dollarë.

Ekspertët thonë se kriptomonedhës i duhet të qëndrojë mbi nivelin psikologjik të 33 mijë dollarëve dhe nëse nuk arrin dot mund të kemi përshkallëzim të rënies.

Të dhënat e CoinMarketCap zbulojnë se industria e kriptomonedhave në 24 orët e fundit humbi 10% të vlerës së saj. Ky sentiment vijoi edhe për tregjet e aksioneve me S&P 500 që ra në nivelin më të ulët prej një viti.

Gjatë vitit të kaluar bitcoin dhe kriptomonedhat e tjera kanë pasqyruar lëvizjet e tregut të aksioneve./PCWorld Albanian

Teknologji

Elon Musk drejt titullit të parë të “trilionerit” në botë

Published

on

Elon Musk mund të bëhet personi i parë në botë që arrin një pasuri prej trilioni dollarësh, nëse aksionerët e Teslës miratojnë një paketë të re pagese që parashikon shpërblime marramendëse nëse kompania arrin objektiva të caktuara.

Sipas raportimeve të CNN, Musk mund të përfitojë deri në 423.7 milionë aksione shtesë të Teslës, me një vlerë të mundshme prej mbi 143 miliardë dollarësh me çmimin aktual.

Për ta realizuar këtë, vlera e përgjithshme e Teslës duhet të arrijë në rreth 8.5 trilionë dollarë, gati tetë herë më shumë se vlera aktuale e tregut. Kjo paketë përfshin propozim që Tesla të marrë pjesë në kompaninë e inteligjencës artificiale xAI, e cila është në pronësi të Musk.

Ky plan shihet si një mënyrë për të konsoliduar edhe më shumë perandorinë e tij të biznesit.

Musk zotëron rreth 410 milionë aksione të Teslës me një vlerë prej 139 miliardë dollarësh. Së bashku me pronësinë në xAI, SpaceX dhe kompani të tjera, kjo e ka bërë atë njeriun më të pasur në botë, me pasuri që arrin rreth 378 miliardë dollarë sipas Bloomberg.

Megjithatë, rruga drejt “trilionit” nuk është e lehtë. Ai përballet me sfida ligjore mbi paketat e pagave dhe me luhatje të forta të aksioneve të Teslës, të cilat ende qëndrojnë 26% më poshtë nga kulmi i dhjetorit 2024.

Continue Reading

Automobilizëm elektrikë

BMW zbulon modelin e ri iX3

Published

on

BMW ka publikuar një njoftim paraprak për modelin e ardhshëm iX3, i cili do të jetë lider i markës në epokën e platformës Neue Klasse.

Të gjitha automjetet e ardhshme elektrike të kësaj marke do të bazohen në këtë platformë, e cila do të debutojë me një dizajn të ri dallues.

Sipas të dhënave paraprake, me një karikim të vetëm iX3 do të përshkojë rreth 640 kilometra.

Do të përfshijë versione me tërheqje në rrotat e pasme dhe në të gjitha rrotat, dhe pritet edhe një version M Sport.

Brendësia do të ketë një planimetri krejtësisht të re me panelin Panoramic iDrive. Premiera e BMW iX3 do të zhvillohet në Panairin e Automobilave të Mynihut këtë fundjavë.

 

Continue Reading

Teknologji

Një pajisje e vogël e Apple i zbulon një amerikani valixhen e vjedhur në Los Angeles

Published

on

Që prej lansimit në vitin 2021, AirTag i Apple është dëshmuar si një nga pajisjet më të vlefshme për gjurmimin e sendeve personale. Por ndoshta asnjë rast nuk është më i çuditshëm se ai i Daniel Scott, një udhëtar që e ktheu humbjen e valixhes në një gjueti falë AirTag të fshehur.

Gjithçka nisi në një fluturim nga Salt Lake City, Utah, drejt Los Angeles, kur Scott vuri re se valixhja kishte zhdukur. Pasi kërkoi në disa vende pa sukses, vendosi të përdorte iPhone-in për të gjetur sinjalin e AirTag-ut.

“Menjëherë fillova të vrapoja drejt tij. Sapo arrita në vend, pashë se po vazhdonte të lëvizte dhe kishte arritur matanë rrugës”, tha Scott.

Sinjali e çoi përpara një ndërtese të braktisur, shkruajnë mediat e huaja. Megjithëse nuk arriti të lokalizonte katin e dhomën ku ndodheshin sendet, Find My i Apple dha informacion të mjaftueshëm për të udhëhequr policinë e LAX drejt një operacioni të suksesshëm.

Autoritetet jo vetëm që rikuperuan valixhen, por arrestuan edhe disa persona brenda ndërtesës.

“E pashë një djalë me rrobat e mia – këpucët, këmishën time, pantallonat e mia”, tregoi Scott, duke përshkruar momentin e pazakontë.

AirTag, që nga debutimi, ka treguar funksionalitetin kryesor si gjurmues sendesh, por ka ngritur edhe shqetësime për sigurinë dhe privatësinë. Në raste tjera është raportuar se kriminelët i kanë përdorur për të ndjekur viktimat duke i vendosur në çanta apo vetura.

Megjithatë, AirTag mbetet një pjesë integrale e teknologjisë së Apple. Dhe tani, ndërsa historia e Scott bën bujë, kompania pritet të prezantojë javën e ardhshme pasardhësin e saj, krahas debutimit të serisë së re iPhone 17.

Continue Reading

Teknologji

Facebook rikthen veçorinë “Poke” në profilet e përdoruesve

Published

on

Kompania Meta po përpiqet të “ringjallë” një veçori mjaft të harruar në rrjetin social Facebook, që është Poke.

Meta ka shumë përparësi tani që Mark Zuckerberg ndoshta nuk do t’i kishte imagjinuar kurrë në ditët e para të Facebook.

Kompania kaloi nga rrjetet sociale në metaverse në Inteligjencën Artificiale. Por, një nga funksionet e saj më të hershme, disa do të thoshin më e padobishme, jo vetëm që ka mbijetuar, por po merr një version të ri. Bëhet fjalë për Poke, të cilin Meta po përpiqet ta ringjallë përsëri.

Kompania po e bën këtë veçori të njohur më të lehtë për t’u gjetur duke e rikthyer Poke në profilet e përdoruesve në aplikacionin Facebook.

Siç thotë Meta në postimin në Instagram, “ngacmimi” nuk u zhduk kurrë, por me kalimin e viteve është lënë pas dore dhe është harruar kryesisht nga përdoruesit.

Continue Reading

Të kërkuara