Lajmet

​Bislimi: Petkoviq kushtëzoi agjendën e takimit trilateral me kërkesa të papranueshme për Kosovën

Publikuar

2 ditë më parë

më

Kryenegociatori i Kosovës, Besnik Bislimi, dhe ai i Serbisë, Petar Petkoviq, kanë zhvilluar dy herë bisedime të ndara me të dërguarin e posaçëm të BE-së për dialogun, Miroslav Lajçak, i cili duket se nuk arriti t’i bindë ata për një takim trepalësh me të martën në Bruksel.

Bislimi u takua dy herë me Lajçakun të martën paradite dhe tha për gazetarë pas takimit se një takim trepalësh me Petkoviqin dështoi pasi Serbia e “kushtëzoi agjendën e takimit me kërkesa të papranueshme për Kosovën”.

“Në agjendë kishte vetëm një pikë, ecja përpara me zbatimin e marrëveshjes për normalizimin e marrëdhënieve. Por u theksua se tema shtesë mund të diskutohen nëse të dyja palët pajtohen. Ne u pajtuam për këtë, por Serbia donte ta kushtëzonte pjesëmarrjen e saj në takim me tema shtesë në agjendë, të cilat nuk ishin të pranueshme për palën kosovare”, tha Bislimi.

Ai nuk shpjegoi se çfarë kërkesash shtoi pala serbe për ta kushtëzuar pjesëmarrjen në takim trepalësh. Por kryenegociatori serb Petkoviq e akuzoi Bislimin se nuk pranoi të takohet me përfaqësuesit e Beogradit për shkak të insistimit të tij në tema si Asociacioni i komunave me shumicë Serbe.

“Çfarë normalizimi është ky, nëse ju nuk dëshironi të flisni për çështjen kyçe siç është Asociacioni i komunave me shumicë serbe. Një çështje kyçe është gjithashtu edhe se si po jetojnë serbët në Kosovë”, tha Petkoviq.

Ai konfirmoi se i ka dorëzuar të Lajçakut një listë të serbëve të arrestuar të cilët, sipas Petkoviqit, janë “të burgosur politikë”.

Zyra e Kryeministrit njofton se ky takimi u zhvillua në formatin bilateral, teksa takim trilateral nuk pati, për shkak të refuzimit të Serbisë që të marrë pjesë në një takim të tillë.

“Nga ana e saj, Kosova përmes kryenegociatorit, ka pranuar të mbahet takimi trilateral, sipas agjendës së paracaktuar nga ndërmjetësuesi, ku temë e vetme e diskutimit parashihej të ishte rruga përpara e zbatimit të Marrëveshjes Bazike dhe Aneksit Implementues”, thuhet në njoftim.

Sipas njoftimit, në takimin me emisarin Lajçak, u diskutua mbi planin e sekuencimit dhe zbatimin e marrëveshjeve. Zëvendëskryeministri shprehu përsëri angazhimin konstruktiv dhe aktiv të Kosovës në zbatimin e marrëveshjeve dhe rrugën përpara si dhe komentimet nga ana e saj të drafteve të sekuencimit, teksa Serbia nuk ka bërë asnjë hap drejt saj, e pikësëpari as nuk e ka pranuar marrëveshjen.

“Tema të diskutimit ishin edhe çështja e personave të zhdukur me dhunë, telekomunikimi, IBM-ja e liria e lëvizjes. Rreth çështjes së personave të zhdukur me dhunë, zëvendëskryeministri ripërsëriti destruktivitetin e Serbisë, e cila qëllimshëm po e zvarrit procesin duke paraqitur kërkesa të reja edhe pas dakordimit final. Mbi lirinë e lëvizjes, zëvendëskryeministri e informoi z. Lajçak mbi lehtësimin nga ana e Qeverisë të konvertimit të patentë-shoferëve për qytetarët e komunitetit serb dhe mbështetjes së tyre në këtë proces”.

Në komunikatë thuhet po ashtu se sa i përket urës mbi lumin Ibër, edhe për BE-në është e qartë që nuk ka alternativë tjetër përpos hapjes së urës.

“Zëvendëskryeministri shtoi se edhe në Raportet e Komisionit Evropian që pas vitit 2014, BE-ja shprehet se ura duhet të hapet, pa vonesa të mëtejme. Ai tha se kjo çështje tashmë është trajtuar e dakorduar në Bruksel, në kuadër të procesit të dialogut, dhe se ajo duhet të hapet sipas marrëveshjes ekzistuese, ku edhe cilësohet si simbol i normalizimit”, thuhet në njoftim./REL

Etiketa
Vazhdo të lexosh

Bota

Vladimir Putin njofton shtimin e trupave ushtarake

Publikuar

5 minuta më parë

më

19 Shtator, 2024

nga

Presidenti rus Vladimir Putin ka shpallur një dekret për shtimin e forcave të armatosura të vendit, duke bërë të ditur nevojën për krijimin e zonave të reja ushtarake. Kjo nismë vjen në një kontekst të tensionuar ndërkombëtar, veçanërisht pas anëtarësimit të Suedisë dhe Finlandës në NATO.

Në deklaratën e tij, Putin ka njoftuar se numri total i forcave të armatosura do të rritet në rreth 2.4 milionë, përfshirë 1.5 milion ushtarë aktivë. Kjo është hera e tretë që Rusia rrit numrin e trupave që nga fillimi i luftës në Ukrainë në shkurt 2022.

Shefi i Shtabit të Përgjithshëm, Valeri Gerasimov, shpjegoi se krijimi i zonave të reja ushtarake do të shoqërohet me ngritjen e bazave dhe dislokimin e trupave të reja. Ai theksoi se nevoja për forcimin e këtyre strukturave është e domosdoshme për të përballuar sfidat e reja gjeopolitike.

Putin kërkoi gjithashtu forcimin e armatosjes dhe militizimin e forcave të armatosura. Ai njoftoi se në të ardhmen, ushtria ruse do të marrë armët moderne në seri, për të siguruar një përmirësim të qëndrueshëm të kapaciteteve ushtarake.

Presidenti ruse theksoi rëndësinë e shfrytëzimit të njohurive të fituara nga lufta në laboratorët e raketave dhe armëve. Ai njoftoi gjithashtu se do të vizitojë një fabrikë në Shën Peterburg të enjten, për të parë nga afër përparimet në prodhimin e armëve.

Kjo lëvizje e Putinit pasqyron një strategji të qartë për forcimin e fuqisë ushtarake ruse, në një kohë kur tensionet globale janë në rritje dhe situata në Ukrainë vazhdon të mbetet e paqartë./UBTNews/

Vazhdo të lexosh

Lajmet

Vdekja e një fëmije në Malishevë, policia jep detaje

Publikuar

13 minuta më parë

më

19 Shtator, 2024

nga

Policia e Kosovës sot ka dhënë detaje lidhur me vdekjen e një 12 vjeçari dje në Qendrën Klinike Universitare të Kosovës (QKUK).

Ndërsa, me vendim të prokurorit trupi i pa jetë është dërguar në Institutin e Mjekësisë Ligjore për Obduksion.

“Malishevë, 16.09.2024-14:00. Është raportuar se viktima mashkull kosovar, i mitur i cili ishte duke u trajtuar në QKUK si pasojë e lëndimeve të marra pasi ishte rrëzuar në shtëpinë e tij sot me datën 18.09.2024 ka ndërruar jetë. Me vendim të prokurorit trupi i pa jetë është dërguar në IML për obduksion”, thuhet në raportin 24 orësh të policisë.

Sipas raportimeve në media, ai ishte rrëzuar në banjën e shtëpisë së tij në Malishevë.

Vazhdo të lexosh

Lajmet

Ukraina pretendon se ka shkatërruar një depo të madhe municionesh ruse pas një sulmi me dron gjatë natës

Publikuar

14 minuta më parë

më

19 Shtator, 2024

nga

Si pasojë e një sulmi me dron, i cili filloi gjatë natës, u shkatërrua një depo municionesh në rajonin perëndimor rus të Tverit, tha një burim nga Shërbimi i Sigurisë së Ukrainës (SBU) për CNN të mërkurën.

Dronët ukrainas shënjestruan deponë e ministrisë ruse të mbrojtjes në qytetin Toropets, e cila ruante sistemet e raketave taktike Iskander, sistemet e raketave taktike Tochka-U, bomba ajrore të drejtuara dhe municione artilerie, tha burimi.

Qeveria rajonale njoftoi se zjarret e mëdha shpërthyen si pasojë e mbeturinave e dronëve të zmbrapsur nga mbrojtja ajrore lokale. Guvernatori Igor Rudenya urdhëroi evakuimin e pjesshëm të asaj zone gjatë orëve të para të së mërkurës.

Monitoruesit e tërmeteve thonë se si pasojë e shpërthimeve nga sulmi me dron mund të jenë gjeneruar aktivitet sizmike. Ben Dando, një sizmolog në fondacionin norvegjez të kërkimit të sizmologjisë NORSAR, i tha CNN se sensorët “zbuluan sinjale sizmike, të magnitudës 2.5 deri në 2.8, në veriperëndim të Rusisë, të cilat duket se lidhen me sulmin me dron të nisur nga Ukraina”./UBTNews/

Vazhdo të lexosh

Lajmet

Qeveria gjermane mohon pezullimin e lejeve për eksportet e armëve në Izrael

Publikuar

23 minuta më parë

më

19 Shtator, 2024

nga

Qeveria gjermane ka mohuar pretendimet se ka pezulluar lejet për eksportet e armëve në Izrael, pavarësisht raporteve që po qarkullojnë se eksportet nga Gjermania kanë ngecur.

“Nuk ka asnjë ndalim për eksportet e armëve në Izrael dhe nuk do të ketë asnjë ndalim”, tha një zëdhënës i Ministrisë së Ekonomisë për agjencinë e lajmeve DPA.

Zëdhënësi shtoi se qeveria vendos për eksportet e armëve rast pas rasti, duke marrë parasysh ligjin humanitar dhe situatën aktuale midis Izraelit dhe Hamasit.

Të mërkurën, Reuters raportoi se Gjermania ka bllokuar eksportet e armëve të reja në Izrael si rezultat i sfidave ligjore, duke cituar një burim pranë Ministrisë së Ekonomisë.

Gjithashtu ka pasur edhe raportime të tjera ku pretendohet se qeveria gjermane ka ndryshuar pozicionin e saj për furnizimin e Izraelit me armë. Që nga marsi, nuk janë lëshuar më leje për eksportet e armëve, pasi numrat janë në rënie që nga muajt e mëparshëm, duke vënë në mënyrë efektive të gjitha shitjet në pritje, raportoi shtypi vendas./UBTNews/

Vazhdo të lexosh

Të kërkuara