

Kulturë
Billie Eilish do të kryesojë koncertin në kuadër të ndërgjegjësimit për klimën në Paris
Ajo është e njohur për lobimin e saj sa i përkjet mbrojtjes së mjedisit.
Published
2 years agoon
By
UBT newsArtistët H.E.R. dhe vëllai i Eilish, Finneas, do të performojnë për shfaqjen në Champ de Mars poshtë monumentit parizian.
Vendi priti një koncert të mëparshëm Global Citizen në 2021 me Elton John dhe yje të tjerë të mëdhenj që gjithashtu patën koncerte paralele në disa qytete në mbarë botën.
Eilish, 21 vjeç dhe shtatë herë fituese e Grammy-t, është e njohur për lobimin e saj sa i përkjet mbrojtjes së mjedisit.
Ajo ka hequr dorë nga përdorimi i avionëve privatë dhe gjatë turneut të saj “Happier Than Ever” në 2022, ajo ngriti “eko villages” për të inkurajuar riciklimin, regjistrimin e votuesve dhe për të ofruar informacion mbi grupet mjedisore.
Koncerti i titulluar “Power Our Planet: Live in Paris”, synon të krijojë presion për një “pakt të ri financiar global”.
Yjet do të performojnë një seri setesh të shkurtra për rreth 20,000 spektatorë që fituan bileta falas./UBTNews/
Magazinë
Rikthimi i Shawn Mendes në skenë që nga 2022, për herë të parë përpara një publiku kosovar
Published
3 hours agoon
August 5, 2025By
UBT News
Mbrëmja e dytë e Sunny Hill Festival solli një nga momentet më të veçanta të këtij edicioni: rikthimin e shumëpritur të Shawn Mendes në skenë, dhe për herë të parë, përpara një publiku kosovar.
Një performancë që nuk ishte thjesht koncert, por një përvojë e paharrueshme emocionale.
Pas një pauze mbi dyvjeçare nga skenat, që filloi në vitin 2022 kur anuloi turneun botëror për t’u fokusuar në shëndetin mendor dhe mirëqenien personale, Shawn Mendes u rikthye më i fuqishëm se kurrë më parë.
Në Prishtinë, ai zgjodhi të ndajë këtë kthim, në një natë që do të mbetet gjatë në memorien e fansave. I veshur me një bluzë të zezë pa mëngë dhe pantallona të gjera, Mendes dominonte skenën me një energji fantastike. Ngjyrat e ngrohta të ndriçimit, skena elegante dhe e pastër, krijuan një atmosferë intime dhe emocionuese, ku në qendër të gjithçkaje ishte zëri i tij – i fuqishëm, i pastër, plot shpirt.
Gjatë gjithë koncertit, Shawn nuk ishte thjesht një këngëtar, por një rrëfimtar. Ndërveprimi me publikun ishte i vazhdueshëm, ndalesa për të falënderuar, buzëqeshje të sinqerta, përqafime me fansat pranë skenës dhe një përkushtim që dëshmoi dashurinë e tij të vërtetë për muzikën dhe njerëzit.
Repertori i tij përfshiu një përzgjedhje të dashur të hiteve që kanë shënuar karrierën e tij: “There’s Nothing Holding Me Back”, “Stitches”, “Wonder”, “Mercy”, “Lost in Japan”, “Never Be Alone”, “Why Why Why” dhe “Treat You Better”.
Çdo këngë u përjetua me entuziazëm nga publiku që këndonte njëzëri, duke e kthyer natën në një kor gjigand emocionesh.
Të veçantë e bënë edhe momentet kur ai performoi vetëm me kitarë apo piano, i shoqëruar nga grupi i tij muzikor dhe këngëtarët e prapavijës, duke i dhënë koncertit nuanca thellësisht njerëzore dhe të ndjera.
Mbrëmja përfundoi me duartrokitje të zgjatura dhe emocione të shpërthyera, një rikthim në skenë, debutim në Kosovë e lidhje e re që me shumë gjasë do të zgjasë gjatë. Shawn Mendes nuk erdhi vetëm për të kënduar, por për të lënë gjurmë. Dhe ia doli me sukses.
Lifestyle
Si ndikojnë mediat digjitale në marrëdhëniet tona?
Published
4 hours agoon
August 5, 2025By
UBT News
Njerëzit ndërveprojnë në mediat sociale, platformat online dhe me chatbots. Këto marrëdhënie ndikojnë gjithnjë e më shumë në mënyrën si i drejtojmë marrëdhëniet në jetën reale.
Kur përdorim mediat sociale, nevojat luajnë rol të rëndësishëm. Përveç arsyeve praktike si kërkimi i informacionit apo argëtimi, ajo që na motivon më shumë është dëshira për të krijuar marrëdhënie. Aktualisht janë po hulumtohet për ndikimin që kanë këto marrëdhënie dhe mënyra se si ne i ndërtojmë marrëdhëniet në internet, në jetën tonë reale.
Psikologia sociale Johanna Lisa Degen nga Universiteti i Flensburgut është një nga shkencëtaret që studion në thellësi krijimin e marrëdhënieve digjitale në mediat sociale, platformat e tyre dhe chatbots. Në kërkimet më të fundit psikologjike, për të përshkruar këtë fenomen përdoret termi “parasocialitet”.
Kështu quheshin marrëdhëniet e njëanshme mes fansave dhe yjeve të preferuar prej tyre. Sot, ekziston një spektër më i gjerë i parasocialitetit në internet.
Spektër i gjerë i krijimit të marrëdhënieve në internet
Johanna Lisa Degen përfshin në termin parasocialitet, p.sh marrëdhënie të krijuara përmes shërbimeve të mesazheve a aplikacioneve për takime.
Kjo përfaqëson “pothuajse gjysmën e të gjitha marrëdhënieve të krijuara në pesë vitet e fundit”.
Tema e xhelozisë në internet hyn në spektrin e parasocialitetit. Kjo ka të bëjë, p.sh me sa akses ka dikush në të dhënat e partnerit. A është pëlqimi i fotove të njerëzve të tjerë në internet apo ndjekja e tyre në rrjetet sociale?
Mënyra si e prezantojmë veten në internet, duke e bërë gjithçka të bukur, tërheqëse dhe interesante—do të thotë që edhe në kulturën e takimeve në jetën reale, shumë gjëra janë të orientuara te performanca. Psikologia sociale Lisa Degen shpjegon se kjo shkon deri aty sa të thotë se disa njerëz përpiqen të mos përjetojnë orgazëm në jetën reale gjatë seksit, në mënyrë që të mos u gërvishten fytyrat.
Konfliktet zgjidhen më mirë në internet
Në ditët e sotme, jo vetëm takimet, por edhe marrëdhëniet familjare dhe miqësie organizohen përmes shërbimeve të mesazheve si WhatsApp ose platforma të tjera të mediave sociale. Pjesë të rëndësishme të marrëdhënieve transferohen në sferën digjitale. Një pasojë e kësaj është se konfliktet zgjidhen pak ballë për ballë dhe më shumë përmes WhatsApp-it.
Kjo na jep pak më shumë kohë dhe na lejon të arsyetojmë pa iu përgjigjur menjëherë personi tjetër. Shumë njerëz janë mësuar me këtë lloj komunikimi relacional dhe e shohin atë më të këndshëm sesa zgjidhja e një konflikti në jetën reale.
Kërkim relaksimi në mediat sociale
Një tjetër fenomen parasocial është se njerëzit kërkojnë e gjejnë relaksim në mediat sociale. Këto rrjete janë vend i sigurt në dispozicion, ku gjejnë përmbajtje të parashikueshme që i lejon të qetësohen dhe të zhyten në një atmosferë mirëqenieje. Kjo ka një ndikim në sjelljen tonë dhe aftësinë tonë për t’u vetërregulluar, shpjegon psikologia sociale Degen në një konferencë shtypi të Shoqatës Gjermane për Mjekësinë Psikosomatike dhe Psikoterapi Mjekësore.
Pranohet fitimi i parave në marrëdhëniet digjitale
Marrëdhëniet digjitale mund të jenë të njëanshme, p.sh kur ndiqni njerëz me ndikim, influencer, dhe merrni pjesë në jetën e tyre.
Që ka një interes ekonomik pas këtyre marrëdhënieve konsiderohet gjithashtu gjithnjë e më shumë normale.
Shumë e demonstrojnë besnikërinë duke thënë: “Sigurisht që do t’i blej edhe unë produktet, sepse dua ta mbështes këtë person.”
Kjo është ajo që ka zbuluar në kërkimin e saj psikologia sociale Degen. Ajo paralajmëron se po mësohemi me faktin se në marrëdhëniet shoqërore mund të luajnë edhe interesat ekonomike.
Konkurrenca midis marrëdhënieve digjitale dhe reale
Sado të këndshme që janë marrëdhëniet digjitale, konkurrojnë për kohën dhe emocionet me marrëdhëniet e jetës reale. Psikologët paralajmërojnë se kemi të njëjtat pritshmëri në marrëdhëniet e jetës reale si në ato digjitale. Kjo do të thotë që ne presim që marrëdhëniet reale të jenë në dispozicion, absolutisht të paraqitshme, të pandryshueshme dhe të mos na sfidojnë ose të mos na përballin me opinione të kundërta. /DW/
Magazinë
Jennifer Aniston rikthen Rachel-in e “Friends”-ave
Published
6 hours agoon
August 5, 2025By
UBT News
Jennifer Aniston, ikonë e padiskutueshme e stilit të flokëve (dhe e vetmja që me të drejtë mund të quhet mbretëresha e modelit “The Rachel”), sapo prezantoi një version të ri, modern dhe super të lezetshëm të prerjes që e bëri legjendë.
Po flasim për një “curve cut”, një stil i ri me shkallëzime të lehta që harkohen drejt fytyrës, duke krijuar një pamje natyrale, të rafinuar dhe sikur ke dalë nga sezoni 6 i “Friends”. Në një video të saj në Instagram, gjithë vëmendjen e morën flokët e Jenniferit.
Prerja më e re e Jen është përkufizimi i të dukurit yll pa shumë mundim: një kombinim mes një prerjeje “flutur” të zbutur dhe shtresave të lehta të stilit të viteve ’90-të. Me fjalë të tjera, nostalgji e kuruar me detaje. Më e mira e gjithë kësaj?
Ky model funksionon në çdo gjatësi dhe teksturë flokësh, nga gjatësia e shpatullave te flokët e gjatë dhe nuk ka nevojë për stilim të ndërlikuar. Nëse po kërkon një prerje të re dhe pa shumë nevojë për mirëmbajtje për verën 2025, Jennifer sapo ta dha idenë perfekte.
Magazinë
Liam Neeson shet apartamentin luksoz në New York për mbi 10 milionë dollarë
Published
7 hours agoon
August 5, 2025By
UBT News
Nuk është vetëm suksesi në kinema që po i sjell fitime Liam Neeson këto ditë.
Aktori hollivudian, i cili sapo ka dalë në ekran me“The Naked Gun”, ka shitur së fundmi apartamentin e tij në New York City për plot 10.3 milionë dollarë. Lajmi u bë i ditur nga dokumentet zyrtare të qytetit dhe u raportua fillimisht nga New York Post, ndërsa PEOPLE konfirmoi gjithashtu transaksionin.
Bëhet fjalë për një super-apartament me 5 dhoma gjumi, 5 banjo, me sipërfaqe prej 4,524 metrash katrorë, kombinim i tre njësive banimi të bashkuara.
Prona u listua në treg në mars për 10.75 milionë dollarë, por përfundimisht u shit pak më lirë. Neeson dhe bashkëshortja e tij e ndjerë, aktorja Natasha Richardson, e kishin blerë apartamentin më 1999 për 3.9 milionë dollarë, duke realizuar kështu një fitim të konsiderueshëm pas më shumë se dy dekadash.
Shtëpia ndodhet në një nga zonat më prestigjioze të Manhatanit, vetëm një bllok larg Central Park. Dhomat ofrojnë pamje panoramike të parkut dhe lumit Hudson, kuzhinë të madhe me dritare të plota, dhomë familjare dhe një suitë master me spa private, dhomë për fëmijë dhe palestër personale.
Ndërtesa, siç pritej, është e pajisur me portier 24 orë, supermarket brenda kompleksit, pishinë dhe palestër moderne të markës Equinox, si dhe fushë basketbolli për rezidentët.

Kriza në Barcelonë, përplasje e hapur mes klubit dhe Ter Stegen

United paraqet megaofertë për sulmuesin slloven

Meta do t’i ndalojë reklamat politike në BE nga tetori

Pesë suplemente që nuk kombinohen mirë me kafenë

Galliani drejt rikthimit te Milani, zbulohet roli i tij

Osmani tërheq kërkesën e saj në Kushtetuese: Gjyqtari Llaban paraqet rrezik për sigurinë kombëtare

S25 arrin 3 milionë shitje në Korenë e Jugut, dy muaj më shpejt se paraardhësi

Rikthimi i Shawn Mendes në skenë që nga 2022, për herë të parë përpara një publiku kosovar

Gjatë verës ju bien më shumë flokë? Ja pse ndodh dhe si ta ndalni
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT2 months ago
UBT organizoi Akademi Përkujtimore në nder të Prof. Dr. Naser Kamberit