Ministri i Sigurisë në Belgjikë, Bernard Quintin po shtyn përpara dërgimin e ushtrisë në rrugët e Brukselit për të luftuar dhunën që lidhet me drogën, dhe duket se zbatimi i këtij plani po afrohet, shkruan Politico.

Në një intervistë për De Standardaard, Quintin tha se ushtria duhet të mbrojë integritetin e territorit.

“Zakonisht ushtarët e bëjnë këtë në kufijtë tanë ose shumë përtej tyre. Por lufta kundër bandave të drogës bie gjithashtu nën mbrojtjen e territorit tonë”, tha ai.

Brukseli po përballet me një valë incidentesh të armatosura që lidhen me drogën. Prokurori i Brukselit Julien Moinil dënoi përshkallëzimin e dhunës muajin e kaluar, duke deklaruar se 57 të shtëna janë regjistruar këtë vit, përfshirë 20 gjatë verës.

Moinil, i cili vetë është nën mbrojtjen e policisë për shkak të kërcënimeve nga trafikantët e drogës, më parë kërkoi 10 milionë euro për të forcuar sigurinë, por pretendon se autoritetet nuk i dhanë fondet e nevojshme.

Ai paralajmëroi qytetarët se kushdo në Bruksel mund të goditet nga një plumb i humbur.

Përpara negociatave për buxhetin, ministrja e Drejtësisë Annelies Verlinden po kërkon një miliard euro shtesë për departamentin e saj.

Quintin, vetë me origjinë nga Brukseli, e quajti situatën e sigurisë në qytetin e tij të lindjes katastrofike në një intervistë me Politico në maj, duke kritikuar arrogancën e trafikantëve të drogës.

“Tani jemi pothuajse në një situatë ku një djalë shfaqet, hap karrigen e tij, vendos tavolinën e kafesë dhe çadrën e tij”, përshkroi ai me gjallëri se si duken shitjet e drogës në Bruksel.

Sipas planit të ri, ushtarët do të vepronin në ekipe të përziera, duke patrulluar së bashku me policinë, shpjegoi Quintin për De Standardaard.

Operacionet do të përqendrohen në stacionet e metrosë dhe lagje specifike, siç është Peterbos në komunën Anderlecht.

Quintin theksoi se vendimi politik për përfshirjen e ushtrisë është marrë tashmë, por detajet ende po përpunohen, me të që mbështet zbatimin sa më shpejt të jetë e mundur.

Ministri i Mbrojtjes Theo Francken konfirmoi në rrjetin social X se kuadri ligjor është gati.

Propozimi i Quintin është pjesë e një plani më të gjerë për qytetet e mëdha që, ndër të tjera, përfshin mbikëqyrje të shtuar me video, dhe përveç Brukselit, përfshin edhe qytetet Antwerp, Ghent, Liège, Charlero dhe Mons.

Përpjekjet për të goditur krimin e drogës po ndodhin në hijen e paralizës së zgjatur politike në Bruksel, ku një qeveri ende nuk është formuar pas zgjedhjeve të mbajtura në qershor 2024./S.K/KP/

Ish-komandanti i Njësisë Speciale Antiterroriste (SAJ) të MUP-it serb, Spasoje Vuleviq, është shkarkuar nga posti i tij.

Vuleviq tha se një sistematizim i ri i vendeve të punës u miratua të enjten dhe se ai u informua të premten se nuk llogaritej më tek ai pasi nuk është nën kontrollin e Aleksandar Vuçiq, raporton N1.

Ai shtoi se ishte informuar për shkarkimin nga ministri i Brendshëm Ivica Daçiq dhe drejtori i policisë Dragan Vasileviq.

“Më thanë se presidenti nuk dëshiron të ketë një formacion të armatosur që nuk është nën kontrollin e tij absolut dhe se për shkak të kësaj unë nuk mund të jem më komandant”, tha Vuleviq.

Ai deklaroi se Daçiq i ofroi atij pozicionin e këshilltarit, por ai e refuzoi pasi dëshiron pensionohet para kohe.

Spasoje Vuleviq, i lindur më 1971 në Pejë, ka punuar në SAJ qe nga 1993./S.K/KP/

Që nga vendosja e euros në Kroaci, çmimi i ushqimit është rritur ndjeshëm më shumë se mesatarja evropiane. Në vjeshtë 2022, kur kroatët paguanim me valutën e tyre nacionale, me 100 kuna mund të blinin shtatë produkte shtëpiake, por tani ata përballen me çmime dukshëm më të larta në euro.

Sot, e njëjta shportë nuk kushton më 100 kuna, por pothuajse 20 euro ose gati 50 për qind më e shtrenjtë.

Në listë janë përfshirë qepa e kuqe, mish gjeldeti i grirë, pure domatesh, oriz, kos, letra higjienike dhe shamponi.

Çmimet e produkteve të njëjta në të njëjtin market në vitin 2022 ishin më të lira krahasuar me ato në valutën euro tri vjet më vonë.

Edhe pse qeveria kroate që atëherë ka kufizuar çmimet e disa produkteve, siç është pureja e domates dhe orizi, nuk në listë nuk ekziston në asnjë artikull i mbetur në të njëjtin nivel.

Në total, kroatët paguan 19.90 euro për këto shtatë produkte, ndërsa tri vjet më parë të njëjtit artikuj kushtonin 100 kuna e 43 lipa ose 13.33 euro, që paraqet rritje 49.4 për qind.

Fuqia blerëse ka rënë ndjeshëm, që do të thotë se kroatët mund të blejnë dukshëm më pak për të njëjtat gjëra para sesa tri vjet më parë.

Kjo rënie, e kombinuar me rritjen e çmimeve, ndihet nga pothuajse çdo buxhet familjar paratë vlejnë më pak, dhe kostoja e jetesës është vazhdimisht në rritje, raportojnë mediat kroate./S.K/KP/

Përmes një postimi në rrjetet sociale, Ministria e Arsimit në Shqipëri njoftoi se këtë të hënë nis viti i ri shkollor në të gjithë vendin, ku rreth 345 mijë nxënës do të ulen në bankat e shkollës. Gjithashtu këtë vit është përforcuar mbështetja për nxënësit me aftësi të kufizuara. Konkretisht janë 2,260 mësues ndihmës, një rritje prej 150 më shumë se në vitin 2024.

Transporti falas do të ofrohet për 38 mijë nxënës dhe 12 mijë mësues. Po ashtu, janë të disponueshme 3,500 bursa për nxënësit që kanë nevojë për mbështetje financiare.

Librat janë shpërndarë falas për të vegjlit që i rikthehen shkollës. Ashtu si në të gjithë Shqipërinë, edhe në Elbasan u bë shpërndarja e librave për fëmijët në çdo shkollë.

Diku të mirëmbajtura e diku më pak, prindërit në masë kanë nxituar të përfitojnë nga kjo lehtësi e ofruar, por ndërkohë, sipas buxheteve, ndajnë mendime të ndryshme mbi koston e materialeve të tjera shkollore, shkruan Top Channel.

Ndërkohë, në Korçë viti i ri shkollor nis me një rënie të ndjeshme të numrit të nxënësve. Krahasuar me një vit më parë, janë 3 726 më pak, duke e ulur shifrën nga 21 080 në 17 354 nxënës.

Kjo situatë ka bërë që në qytetin e Korçës disa shkolla të bashkohen, ndërsa dhjetëra klasa të para nuk janë hapur pasi nuk kanë pasur regjistrime. Sipas nënkryetarit të sindikatës së mësuesve në Korçë, reduktimi me gati një të katërtën e nxënësve është një tregues alarmant që kërkon ndërhyrje emergjente në sistemin arsimor.

Ulja e numrit të nxënësve reflektohet edhe tek mësuesit, të cilët mbeten pa ngarkesë mësimore. Një pjesë e tyre pritet të kalojë si mësues ndihmës ose të angazhohet në programe pas shkollore./S.K/TopChannel/