Lajmet
Beteja për kryeqytetin
“Të fillojmë të ecim Prishtinës” dhe “Ridefinimi i Qendrës së qytetit”, janë dy projektet kryesore.
“Të fillojmë të ecim Prishtinës” dhe “Ridefinimi i Qendrës së qytetit”, janë dy projektet kryesore për kryeqytetin e Kosovës, të të dy kandidatëve, të cilët do të shkojnë në balotazh.
Në zgjedhjet komunale të 17 tetorit, kandidati i Lëvizjes Vetëvendosje (LVV), Arben Vitia, ka fituar 42.26 për qind të votave, ndërsa kandidati i Lidhjes Demokratike të Kosovës, Përparim Rama, ka fituar 29.34 për qind.
Sipas Ligjit për zgjedhjet lokale, nëse asnjëri nga kandidatët nuk fiton më shumë se 50 për qind të votave, plus një votë të numrit të përgjithshëm të votave të vlefshme, atëherë Komisioni Qendror i Zgjedhjeve (KQZ) duhet të organizojë raundin e dytë ndërmjet dy kandidatëve që kanë fituar më së shumti vota.
Sipas këtij Ligji, raundi i dytë mbahet katër javë pas mbajtjes së raundit të parë, apo, në këtë rast, më 14 nëntor.
Arben Vitia
“Ecim Prishtinës”, me synim pedonalizimin (shëtitore) e qytetit, është projekti i parë që kandidati për kryetar të Prishtinës nga Lëvizja Vetëvendosje, Arben Vitia, e ka paraparë ta nisë me marrjen e mandatit katërvjeçar.
Në programin e tij, Vitia ka paraparë të ndajë 1 milion euro për rregullimin e trotuareve, ku në secilën lagje, sipas tij, do të krijohen shtigjet për vrapim.
Për një pamje estetike të banesave kolektive, në veçanti në lagjet Dardania, Ulpiana, Bregu i Diellit, Qendra dhe Qafa ka paraparë të ndahen 2 milionë euro. Derisa 2.4 milionë euro ka premtuar se do të ndahen për ndërtimin e pesë parqeve të mëdha dhe 8 parqeve të vogla në lagjet brenda qytetit të Prishtinës.
Vend-parkingjet një ndër problemet e mëdha të qytetarëve, Vitia ka planifikuar që ta zgjidhë duke ndërtuar 4 vend-parkingje të reja me gjithsej 2,600 hapësira parkimi. Për këtë problem të qytetarëve, Vitia ka premtuar se do të investohen 1 milion euro, kurse ndërtimi i tyre do të nisë në fillim të vitit 2023.
Në vitin 2023, po ashtu, ka paraparë të fillojë rinovimi i Pallati të Rinisë dhe Sportit, për të cilin komuna do të ndajë 8 milionë euro.
Qentë endacakë një tjetër problem i madh i qytetarëve të Prishtinës, është futur në programin e kandidatit për kryetar të Prishtinës, Arben Vitia.
“Prishtina më nuk do të ketë probleme me qentë endacakë. 500 mijë euro do të investohen në këtë drejtim”, thuhet në programin e Vitisë për Prishtinën.
Me një buxhet prej 3 milionë eurove nga fondet komunale është paraparë të ndërtohen tri qendra të reja rinore në lagjen Medrese, Qendër dhe Dodona. Derisa funksionalizimi i tyre do të bëhet në pjesën e parë të vitit 2024.
Kopshte e shkolla për të gjithë fëmijët, ka premtuar Vitia. Brenda mandatit, ai ka thënë se do të dyfishohet numri i çerdheve në qytet dhe do të ndërtohen çerdhe të reja në secilin fshat me mbi 100 fëmijë deri në moshën 6-vjeçare.
Në bashkëpunim me nivelin qendror, Vitia ka premtuar se do të ndërtohet pishina olimpike e mbyllur. Pas definimit të lokacionit dhe përfundimit të projektit, ndërtimet, sipas Vitisë, do të fillojnë në vitin 2024.
Ish-ministri i Shëndetësisë, Arben Vitia, në planin e tij për shëndetësi ka paraparë investime në aparaturë moderne duke zgjeruar gamën e diagnostikimit të hershëm të sëmundjeve, derisa ka premtuar se spitali i qytetit do të funksionalizohet brenda mandatit.
“Është një moment i artë që edhe Prishtina të bëhet pjesë e transformimit socio-ekologjik që po ndodh në kryeqendrat evropiane. Prishtina duhet të transformohet. Prishtina do të jetë një qytet gjithëpërfshirës, i drejtë, social, solidar, i sigurt, i gjelbër, dhe me qasje të barabartë në shërbime publike dhe mundësi për të gjithë”, thuhet ndër të tjera në programin e kandidatit për kryetar të Prishtinës, Arben Vitia.
Përparim Rama
Kandidati tjetër për kryetar të Komunës së Prishtinës nga Lidhja Demokratike e Kosovës, Përparim Rama, i cili do t’i futet garës në balotazh, një ndër projektet kryesore të programit e ka vendosur të ashtuquajturin “Ridefinimi i Qendrës së qytetit”.
Rama ka paraparë që qendër të Prishtinës ta bëjë gjithë hapësirën brenda unazës së brendshme të qytetit.
“Kjo qendër e re do ta ndryshojë hierarkinë e lëvizjes në trafik: këmbësori do të jetë i pari, transporti publik dhe ai alternativ i dyti, kurse veturat të tretat”, thuhet në programin e Ramës.
Ai ka premtuar se asfalti do të shndërrohet në gjelbërim, në kalldrëme, e në materiale që njihen si të këmbësorëve.
Problemin e parkingut të veturave Rama ka premtuar se do ta zgjidhë njëherë e përgjithmonë.
Vend-parkingje të mëdha ka premtuar se do t’i ndërtojë në 6 pikat kryesore rreth unazës së brendshme të Prishtinës, ku distanca do të jetë rreth 500 metra nga secila pikë e qendrës.
Vetëm në lagjen Ulpiana ka premtuar ndërtimin e 430 vend-parkimeve.
Në sektorin e shëndetësisë ka premtuar kompletimin e rrjetit të Qendrave të Mjekësisë Familjare në tërë territorin e Komunës së Prishtinës, sipas standardit një Qendër e Mjekësisë Familjare për 10,000 banorë.
Siguria në trafik, e që lidhet ngushtë edhe me sigurinë e fëmijëve në rrugë, është gjithashtu një ndër prioritetet kryesore, të programit të qeverisjes katërvjeçare.
Brenda mandatit katërvjeçar, Rama ka thënë se do të rrisin nivelin e hapësirave të gjelbra, duke e lansuar një program masiv që do të ketë për synim krijimin e 250 hektarëve të hapësira të gjelbra dhe mbjelljen e 800 mijë drunjve fidanor.
Sipas programit të Ramës, në Prishtinë mungojnë 7 objekte shkollore të nivelit të arsimit fillor dhe të mesëm të ulët. Këto objekte, Rama ka premtuar se do të ndërtohen në lagjet Sofali, Kodrina, Qëndresa, Përroi i Njelmët, Kalabria, Kodra e Trimave dhe në lagjen Prishtina e Re – Qendër.
Po ashtu, Rama ka premtuar se do të ndërtojnë shkollën profesionale të ulët dhe të mesme të muzikës dhe baletit “Prenk Jakova”, si dhe Gjimnazin “Ahmet Gashi”.
Për problemin e qenve endacakë, Rama ka paraparë ndërtimin e një strehimore.
Mësim cilësor, zhvillim ekonomik, mirëqenie sociale, lirim i hapësirave publike, menaxhim dhe riciklim i mbeturinave janë po ashtu çështje të cilat Rama ka premtuar se do t’i trajtojë dhe do të punojë për përmirësimin e tyre.
“Do të jem kryetar i cili do të mbahet në mend për projekte infrastrukturore të mëdha e të guximshme, të cilat do ta zhvillojnë Prishtinën për dekadat e ardhshme”, ka thënë Rama.
Sipas rezultateve preliminare, të publikuara në ueb-faqen e Komisionit Qendror të Zgjedhjeve, në raundin e parë janë zgjedhur kryetarët e 17 komunave, ndërkaq në balotazh do të shkojnë 21 komuna.RFE
Aktualitet
A janë sëmundjet e zemrës trashëgimore dhe si ndikon diabeti? Flet kardiologu Edis Demiri
Seti i njohur i serialit “Teletubbies” duket i panjohur 24 vjet pas përfundimit të shfaqjes, pasi pronari i tokës ka bërë ndryshim të madh.
Seriali popullor për fëmijë u transmetua fillimisht në BBC Two nga viti 1997 deri në 2001. Gjatë kësaj periudhe, xhirimet për serinë u realizuan në Wimpstone, Warwickshire.
Më shumë se dy dekada më vonë, vendi duket shumë ndryshe që nga hera e fundit kur u xhirua “Teletubbies” atje, shkruan The Sun.
Një video e shpërndarë në Instagram tregoi se deri në vitin 2007 – gjashtë vjet pas përfundimit të shfaqjes – pronari i tokës kishte krijuar një pellg gjigant për të parandaluar hyrjen e të huajve.
Deri më 2025, toka mbetet e zbrazët, edhe pse pronarët menaxhojnë një fermë dhe dyqan me produkte ujore pranë saj. Një fans shkroi: “Trishtim. Ishte shumë e rëndësishme në atë kohë. Mund të kishte qenë një destinacion turistik. Shumë fëmijë, tani të rritur, janë rritur me të”.
Një tjetër komentoi: “Fakti që gjithçka u xhirua në atë copë të vogël toke është e pabesueshme”.
Një i tretë shtoi: “Njerëzit nuk e kuptojnë që ata janë fermerë dhe nuk u intereson paratë që mund të fitonin duke shitur bileta për vizitorët nostalgjikë – ata thjesht duan paqe”.
Një i katërt: “Imagjino dikë që e donte “Teletubbies” të kishte blerë atë tokë, të shkarkonte pellgun dhe të ringjallte të gjithë setin, duke e kthyer në muze?”.
Vitin e kaluar, një nga yjet e shfaqjes u shfaq në emisionin “This Morning” me fëmijën e saj.
Jess Smith, tani 30, është e njohur për rolin si bebi në diell në shfaqjen për fëmijë. Ajo me kolegët Nikki Smedley (Laa-Laa) e John Simmit (Dispy), rikujtuan kohën e tyre në “Teletubbies”. Jess u shoqërua nga vajza, Poppy, që atëherë ishte pesë muajshe, u pyet nëse i tregon miqve për famën e saj gjatë fëmijërisë.
Jess tha: “Nuk ua them unë, por të gjithë që janë me mua e dinë, kështu që të tjerët ua tregojnë gjithkujt. Partneri im Ricky ua thotë të gjithëve, po ashtu familja e tij, edhe familja ime. Të gjithë ua tregojnë të gjithëve, kështu që nuk ka rëndësi ku shkoj, të gjithë e dinë”.
ShBA-ja i dhuron Kosovës 50 automjete të blinduara për forcimin e kapaciteteve mbrojtëse
Studimi: Bakteret e zorrëve mund të lidhen me pagjumësi
Studim: Chip i trurit deshifron mendimet me saktësi deri në 74%
E dini kur është koha ideale për të pirë kafe?
Në konferencën e parë te Milani, Jashari: Rrënjët shqiptare më japin forcë, Xhaka mbetet shembull i madh për mua
Shëndeti mendor, praktikat që ndihmojnë në luftën kundër ankthit dhe stresit
Johnny Depp në bisedime për rikthim në filmin “Piratët e Karaibeve”
UBT përgatit liderët e ardhshëm të fushës paramjekësore
Këshilla si të kërkoni rritje page
-
Lajmet nga UBT2 months agoUBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT2 months agoUBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months agoUBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT3 months agoUBT organizoi Akademi Përkujtimore në nder të Prof. Dr. Naser Kamberit