Lajmet

Bërnabiç zbulon datën: Kur do të mbahet seanca për zgjedhjen e Qeverisë së re të Serbisë

Published

5 months ago

on

Kryetarja e Kuvendit të Serbisë, Ana Bërnabiq, njoftoi të premten se më 14 prill do të mbahet një seancë për votimin e Qeverisë së re të vendit, duke theksuar se “deputetëve u takon t’ia japin një shans” mandatarit Gjuro Macut.

“Shpresoj që seanca të mund të nisë tashmë të hënën, sepse duhet ta përfundojmë këtë proces deri më 18 prill në mesnatë. Pra, emrat e ministrave dhe përbërjes do t’i dimë atëherë, por kjo varet para së gjithash nga mandatari”, tha Bërnabiq për Radio Televizionin e Serbisë (RTS) të premten.

Ajo tha se i ka ftuar përfaqësuesit e opozitës parlamentare për bisedime, në mënyrë “që t’ia japim një shans profesorit Macut”.

Presidenti i Serbisë, Aleksandar Vuçiq, e mandatoi javë më parë endokrinologun dhe profesorin e Fakultetit të Mjekësisë në Beograd, Gjuro Macut, për formimin e Qeverisë së re.

Vuçiq më herët kishte zhvilluar konsultime me partitë parlamentare lidhur me mandatarin për përbërjen e Qeverisë së re.

Partitë opozitare kishin refuzuar të marrin pjesë në ato konsultime. Opozita kishte propozuar formimin e një qeverie kalimtare, gjë që koalicioni në pushtet e refuzon.

Qeveria e Serbisë ndodhet në mandat teknik që nga 19 marsi, kur deputetët në Kuvend miratuan dorëheqjen e Millosh Vuçeviq nga posti i kryeministrit, me ç’rast ka filluar të rrjedhë afati 30-ditor për zgjedhjen e Qeverisë së re.

Vuçeviq kishte dhënë dorëheqje një muaj e gjysmë më parë, pasi aktivistët e Partisë Përparimtare Serbe, në pushtet, kishin rrahur një grup studentësh që po bllokonin punën e fakultetit në Novi Sad.

Rënia e Qeverisë së Serbisë, të udhëhequr nga Vuçeviq, ka ndodhur në kulmin e protestave kundër regjimit, të udhëhequra nga studentët të cilët që nga fundi i nëntorit 2024 kanë bllokuar dhjetëra fakultete në mbarë Serbinë.

Në qendër të kërkesave të tyre, që i kanë parashtruar para institucioneve të Serbisë, është përcaktimi i përgjegjësisë ligjore dhe politike për vdekjen e 16 personave nga shembja e strehës së Stacionit Hekurudhor në Novi Sad, më 1 nëntor të vitit të kaluar.

Related Topics:
Continue Reading

Aktualitet

Federata Sindikale e Punëtorëve Teknikë të Sektorit Privat paralajmëron protestë

Published

2 minutes ago

on

August 28, 2025

By

Federata Sindikale e Punëtorëve Teknikë të Sektorit Privat të Kosovës ka mbajtur takim me kryetarët e Shoqatave Sindikale të Punëtorëve të Sektorit Privat në Komunën e Prishtinës të disa shkollave, QMF,QKUK, UP dhe QS.

Në këtë takim u propozua mbajtja e një proteste për të shprehur pakënaqësitë lidhur me mos rritjen e pagave.

Protesta është vendosur të mbahet me datë 09.09.2025 nga ora 10:00-11:00.

Kërkesa e punëtorëve është rritja e pagave të tyre sikurse për punëtorët e sektorit publik që me rritjen e fundit shkon në 110 euro.

Continue Reading

Aktualitet

Vazhdon sot seanca për konstituimin e Kuvendit

Published

8 minutes ago

on

August 28, 2025

By

Lajm i përditësuar

07:50

Vazhdon seanca e radhës në Kuvendin e Kosovës, ku deputetët e zgjedhur të popullit do t’i drejtohen edhe sot sallës së Kuvendit, me qëllim që ta arrijnë konstituimin e tij.

Edhe pasi që Dimal Basha nga LVV u zgjodh kryetar i Kuvendit dhe nënkryetarë Albulena Haxhiu, Vlora Çitaku e Kujtim Shala prapë institucioni legjislativ i vendit nuk arriti të funksionalizohej.

Kjo pasi kandidatët e propozuar për nënkryetarë nga komuniteti serb nuk morën votat e mjaftueshme.

Seanca fillon me fillim nga ora 11:00.

Continue Reading

Aktualitet

Sot mbahet afati i dytë i Provimit të Maturës

Published

12 minutes ago

on

August 28, 2025

By

Ministria e Arsimit, Shkencës, Teknologjisë dhe Inovacionit ka njoftuar se sot më 28 gusht 2025, duke filluar nga ora 10:00, do të mbahet Provimi i Maturës Shtetërore (afati i dytë).

Në këtë afat provimit do t’i nënshtrohen gjithsej 5,480 maturantë, ndërsa rezultatet do të shpallen më 1 shtator 2025 përmes platformës elektronike e-Kosova.

“Për të siguruar një proces të drejtë, transparent dhe të besueshëm, Ministria fton të gjithë kandidatët që të respektojnë me përpikëri rregullat e përcaktuara, si: mospërdorimi i telefonave dhe pajisjeve të tjera elektronike, pasi hyrja në qendrat e testimit nuk do të lejohet për kandidatët që posedojnë pajisje të tilla”, thuhet në njoftim.

Kandidatët po ashtu njoftohen se hyrja në qendrat e testimit do të mbyllet në ora 10:00.

Pas kësaj ore, nuk do të lejohet hyrja e asnjë kandidati apo personi të paautorizuar deri në përfundimin e testit.

MAShTI ka ftuar të gjithë maturantët që të paraqiten me kohë në qendrat e testimit dhe të bashkëpunojnë me mbikëqyrësit dhe administratorët, në mënyrë që procesi të zhvillohet pa pengesa dhe në frymën e barazisë për të gjithë pjesëmarrësit.

Continue Reading

Aktualitet

Parashikimi i motit

Published

17 minutes ago

on

August 28, 2025

By

Gjatë ditës së enjte pritet të mbajë mot kryesisht me diell. Sipas Institutit Hidrometeorologjik të Kosovës, temperaturat do të arrijnë në 33 gradë Celsius.

Njoftimi i plotë i IHMK-së:

Moti kryesisht me diell me temperatura minimale 9– 12°C dhe temperaturat maksimale 27-33°C.

Era: nga verilindja, 1–4 m/s.

Continue Reading

Të kërkuara