Sport

Bennacer: Nuk e kuptoj pse nuk ndërhyri VAR-i

“Kur flas për këtë, kam parasysh gjithçka që ka ndodhur”.

Published

3 years ago

September 29, 2021

Betim Gashi

Mesfushor i Milanit, Ismael Bennacer ka folur pas ndeshjes së mbrëmshme kundër Atleticos, ku tha se VAR-i duhej të anulonte penalltinë.

Rossonerët ishin dominues në fillimin e ndeshjes, ku edhe kaluan në avantazh përmes Rafael Leaos, i cili më pas gjithashtu goditi traversën, por loja ndryshoi kur Franck Kessie mori kartonin e dytë të verdhë pas vetëm 29 minutave, shkruan footbalitalia, transmeton Klankosova.tv.

Pavarësisht se ishin 10 lojtarë për më shumë se një orë, pasi loja në fund zgjati 100 minuta me ndalesë, rossonerët u mbrojtën mirë dhe mezi lejuan një goditje drejt portës deri në momentin e një pakujdesie në minutën e 84-të, ku e shfrytëzoi Antoine Griezman, dhe penalltia e diskutueshme në sekondat e fundit të ndeshjes, në të të cilën kishte shumë proteste drejtuar referit turk Cakir.

“Kur humbni kështu, edhe nëse kemi dhënë gjithçka, këto ndeshje të mëdha vendosen nga detajet e vogla. Këto janë ato që bënë ndryshimin dhe më dhemb të humbasësh kështu”, tha Bennacer për Sport Mediaset.

“Atij iu shfaqën pamjet që konfirmonin se Thomas Lemar e kishte prekur më parë topin me dorë para Pierre Kalulu, kështu që penalltia duhet të ishte revokuar përmes VAR”.

“Kur flas për këtë, kam parasysh gjithçka që ka ndodhur. Nuk e kuptoj, ka VAR, ata e marrin vendimin. Nuk di çfarë te them”.

“Ne nuk mund të bëjmë asgjë për këtë, ne duhet të ulim kokën dhe të përqendrohemi në ndeshjen e ardhshme”, përfundoi Bennacer.

Lajmet

Superliga e Kosovës: Ballkani barazon 1-1 me Feronikelin

Published

1 day ago

February 21, 2025

UBTNews

Xhiro e 21-të e Superligës së Kosovës në futboll nisi sot me një ndeshje mjaftë interesante.

Në Suharekë u zhvillua ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta, por që përfundoi me barazim 1-1.

Ishin mysafirët ata që kaluan në epërsi në minutën e 45’ me golin e Hysenit, por Ballkanin nga humbja e shpëtoi Stepanenko i cili shënoi për 1-1 në minutën e 65’.

Me këtë barazim Ballkani mbetet në vendin e dytë me 37 pikë, kurse Feronikeoi është i fundit me 11 pikë.

Kjo ndeshje u zhvillua me fillim nga ora 13:00.

Sport

Hidhet shorti i Ligës së Kampionëve, ka ballafaqime të zjarrta

Published

1 day ago

February 21, 2025

UBTnews

Në selinë e UEFA-s në Nyon të Zvicrës është hedhur shorti për fazën çerekfinale të Ligës së Kampionëve.

Në raundin e 1/8-tës do të luajnë klube si Club Brugge, Bayern Munich, Benfica, Feyenoord, Borussia Dortmund, Paris Saint-Germain, PSV Eindhoven dhe Real Madrid.

Këto skuadra iu bashkuan Liverpoolit, Barcelonës, Arsenalit, Interit, Atletico Madridit, Bayer Leverkusen, Lille dhe Aston Villa përmes fazës ‘play-off’ të kësaj gare.

Këto janë ballafaqimet:

Borussia Dortmubnd-Lille

Real Madrid-Atletico Madrid

Bayern Mynih-Bayer Leverkusen

Arsenal vs PSV Eindhoven

Inter vs Feynoord

PSG-Liverpool

Barcelona-Benfika

Club Brugge-Aston Villa

Sport

Një orë para sfidës me Ballkanin, Feronikeli 74 emëron trajnerin e ri

Published

1 day ago

February 21, 2025

UBTnews

Skuadra e Superligës së Kosovës, Feronikeli 74 ka emëruar trajneri e ri. Skuadra nga Drenasi tani do të drejtohet nga trajneri Granit Dervisholli.

“FC Feronikeli 74 ka kënaqësinë të njoftojë se trajneri Granit Dervisholli është emëruar në postin e trajnerit të ekipit të parë. Pas një periudhe të gjatë si trajner dhe ekspert i futbollit, Dervisholli do të udhëheqë skuadrën drejt objektivave ambiciozë dhe synimeve të mëdha në sezonet e ardhshme. Me eksperiencën dhe përkushtimin e tij, Dervisholli sjell një drejtim të ri dhe vizion për zhvillimin dhe rritjen e ekipit, duke siguruar që FC Feronikeli 74 të vazhdojë të luajë futboll cilësor dhe të konkurrojë për pjesën e mbetur të sezonit”, thuhet në njoftimin e Feronikelit 74.

Ndërkohë, vetëm pas një ore, pra nga ora 13:00, Feronikeli do të ballafaqohet me Ballkanin në Suharekë.

Sport

Ballkani kërkon pikë të plota ndaj Feronikelit

Published

1 day ago

February 21, 2025

UBTnews

Xhiro e 21-të e Superligës së Kosovës në futboll do të nis sot me një ndeshje mjaftë interesante.

Në Suharekë do të zhvillohet ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta.

Derisa Ballkani synon mbrojtjen e titullit kampion, Feronikeli është i zhytur thellë në krizë të rezultateve duke mbetur edhe më tutje në pozitën e fundit në tabelë me vetëm 10 pikë.

Kjo ndeshje do të zhvillohet me fillim nga ora 13:00.