Shëndeti

Benefitet shëndetësore të uthullës balsamike

Uthulla balsamike e lufton kancerin, dhe forcon sistemin imunitar.

Published

on

Kemi folur shumë për benefitet dhe të mirat që sjell përdorimi i uthullës së mollës në kuzhinë, por  edhe uthulla balsamike nuk mbetet pas.  Uthulla balsamike tradicionale është një lloj italian i uthullës që është e trashë dhe kushton shtrenjtë pasi përgatitet nga rrushi Trebbiano.

Megjithatë, ekzistojnë edhe versione të tjera të uthullës balsamike, më të lira në çmim, por me një numër të madh efektesh të dobishme për shëndetin.

Uthulla balsamike lufton kancerin

Ajo nxirret nga rrushi dhe rrushi është plot antioksidantë të cilët sipas studimeve, mund ta parandalojë formimin e kancerit. Kur blini uthull balsamike sigurohuni të jetë organike duke lexuar listën e përbërësve.

Forcon sistemin imunitar

Përveç antioksidantëve që luftojnë kancerin, uthulla balsamike gjithashtu përmban vitaminë C e cila forcon sistemin imunitar dhe mbron trupin nga sulmi i mikroorganizmave. Ndër rolet e tjera të vitaminës C janë mbajtja e lëkurës dhe dhëmbëve të shëndetshëm si dhe absorbimi sa më i mirë i hekurit nga trupi.

Zvogëlon rrezikun ndaj sëmundjeve të zemrës

Është e ulët në kripëra, çka do të thotë që nuk ndikon në presionin e lartë të gjakut. Duke qenë se përmban shumë antioksidantë, përfshirja e uthullës balsamike në dietën tuaj, mund të ndihmojë në reduktimin e kolesterolit dhe kjo ul shanset për t’u prekur nga sëmundjet e zemrës si infarkti dhe goditjet.

Promovon një tretje të mirë

Falë aciditetit të saj, uthulla balsamike ndihmon stomakun të tresë më mirë ushqimet si dhe lejon trupin të marrë vitaminat, mineralet dhe nutrientët e tjerë. Është gjithashtu e dobishme në shpërbërjen e proteinave. Ndihmon gjithashtu në problemet me tretjen dhe acidin refleks.

Ndihmon kundra dhimbjes së kyçeve

E dini se përveçse u shtohet gatimeve, uthulla balsamike është përdorur edhe si medikament për dhimbjet e kyçeve. Kështu që herës tjetër merreni në konsideratë në rast të inflamacionit të kyçeve. Me të bëni jo vetëm sallata të shijshme, por qetësoni edhe kyçet që ju dhembin.

Ka efekte pozitive ndaj diabetit

3-4 lugë gjelle uthull balsamike në ditë ndihmojnë për të përmiërsuar ndjeshmërinë e insulinës. Kjo do  të  thotë që trupi lejon sheqerin të përdoret nga qelizat e trupit. Diabetikët me sensitivitet të tulët të isnulinës, mund të përfitojnë shumë benefite nëse e konsumojnë uthullën balsamike rregullisht.

Ndihmon për të rënë në peshë

Uthulla balsamike është një ide shumë e mirë për t’u përdorur tek sallatat përkundrejt salcave të tjera si ketchapi, etj, etj. Siç e përmendëm më lart, aj ndihmon në shpërbërjen e proteinave duke promovuar rënien në peshë. Gjithashtu ndihmon muskujt të marrin gjithë proteinat e nevojshme dhe të djegin shumë kalori.

Continue Reading

Shëndeti

Dhimbjet e shpinës, shkaku kryesor i mungesave në punë: Si t’i parandaloni?

Published

on

Dhimbjet e shpinës janë bërë një nga problemet më të shpeshta shëndetësore në mbarë botën, duke prekur miliona njerëz çdo vit.

Sipas ekspertëve, ky shqetësim është arsyeja kryesore e mungesave në punë dhe ndikon drejtpërdrejt në cilësinë e jetës.

Shkaktarët kryesorë lidhen me qëndrimin e gjatë ulur para kompjuterit, mungesën e aktivitetit fizik, mbipeshën si dhe stresin e përditshëm.

Si ta parandaloni:

Mbani një qëndrim të drejtë trupor gjatë uljes dhe ecjes.

Bëni ushtrime të lehta për shpinën të paktën 15 minuta në ditë.

Shmangni ngritjen e peshave të rënda në mënyrë të gabuar.

Kujdesuni për peshën trupore dhe ushqehuni shëndetshëm.

Mjekët këshillojnë që dhimbjet e përsëritura të mos neglizhohen. Nëse simptomat zgjasin më shumë se disa javë, është e nevojshme të konsultoheni me një specialist për diagnozë dhe trajtim të duhur.

Kur duhet të shkoni te mjeku?

Nëse dhimbja vazhdon më shumë se dy javë, shoqërohet me mpirje të këmbëve, dobësi muskulore a vështirësi në ecje, kërkohet konsultim me mjekun. Në raste të caktuara, dhimbja mund të lidhet me hernie diskale ose probleme të tjera më serioze që kërkojnë trajtim të posaçëm.

Dhimbjet e shpinës nuk duhen neglizhuar. Duke bërë ndryshime të vogla në stilin e jetesës dhe duke u kujdesur për trupin çdo ditë, mund të shmangim pasoja serioze dhe të ruajmë shëndetin afatgjatë.

Përgatiti: A.Z. /UBT News/

Continue Reading

Shëndeti

Ngushtimet e muskujve të këmbës: shkaqet dhe parandalimi

Published

on

Tkurrjet muskulore në pulpën e këmbës shkaktojnë shumë dhimbje të forta, veçanërisht kur shfaqen gjatë natës. Këto ngërçe prekin pjesën e pulpës së këmbës, shputën e këmbës madje edhe tendinët.

Ato janë më të shpeshta pas moshës 40-50 vjeçare. Deri më tani, shkencëtarët nuk kanë arritur ta përcaktojnë shkaktarin e tkurrjeve muskulore, por teoritë janë të shumta.

Shkaqet e mundshme të ngërçit të këmbës

Stili modern i jetesës është një nga shkaktarët e mundshëm të tkurrjeve të muskujve të këmbës. Nëse më parë, njerëzit kalonin shumë kohë duke ecur, duke u ulur dhe ngritur në këmbë, shtendosjes së tendinëve të këmbës i kushtohet më pak kohë. Gjatë gjumit, këmba është në pozicion të njëjtë për disa orë dhe çdo lëvizje e vogël shkakton kontraktim.

Ngërçet e këmbës shfaqen më shumë në verë se në dimër, Sipas të dhënave gjatë verës, rritja dhe riparimi i nervave është më intensiv.

Trupi prodhon vitaminë D nga ekspozimi i diellit, trupi përshpejton riparimin e nervave. Sipas teorive tjera, gjatë verës njerëzit ushtrohen dhe djersijnë më shumë duke u dehidratuar rregullisht. Dehidratimi është identifikuar si shkaktar i mundshëm i ngërçeve muskulore.

Këto të fundit shfaqen më shumë në rastet e shtatzënisë, depresionit, artritit dhe tensionit të lartë.

Si të parandaloni ngërçet e këmbës?

Ekspertët thonë se njerëzit që kryejnë shtendosje të rregullta të gjymtyrëve para gjumit pësojnë më pak kontraktime. Për më tepër, sipas informacioneve, konsumi i shumë ushqimeve me magnez është i këshillueshëm kundër ngërçeve.

Ushqime të pasura me magnez janë fasulet, arrorët, drithërat e plota dhe barishtet. Përpos ushqimeve, duhet të pini shumë ujë gjatë ditës dhe të merrni edhe vitamina B. Kur ngërçi kaplon këmbën, sigurohuni që ta shtendosni atë sa më shumë shtrirë ose në këmbë.

Continue Reading

Shëndeti

Tre mënyra të thjeshta për të larguar dhimbjen e kokës më shpejt

Published

on

Continue Reading

Shëndeti

Ushqimet për mëngjes që do t’ju mbajnë të ngopur gjatë

Published

on

Shpesh ndodh që pas një mëngjesi të shpejtë, vetëm pak orë më vonë ndjejmë uri dhe kërkojmë diçka tjetër për të ngrënë.

Por sipas nutricionistëve, sekreti për një mëngjes të shëndetshëm dhe të ngopur që zgjat gjatë gjithë paradites, qëndron te kombinimi i proteinave, fibrave dhe yndyrave të shëndetshme.

Specialistët sugjerojnë vezët, të cilat janë të pasura me proteina, të kombinuara me perime të freskëta ose bukë integrale.

Një tjetër alternativë e shëndetshme është tërshëra me qumësht ose kos, e shoqëruar me fara chia apo arra, që ndihmojnë në ruajtjen e energjisë dhe ngopjes për një kohë më të gjatë.

Nëse zgjidhni mëngjes me vetëm karbohidrate të thjeshta, si biskota apo brumëra, ndjenja e urisë do të rikthehet shpejt.

Prandaj, ekspertët këshillojnë një vakt të ekuilibruar që jo vetëm ngop, por edhe përmirëson përqendrimin dhe performancën gjatë ditës.

Përgatiti: A.Z. /UBT News/

Continue Reading

Të kërkuara