Lajmet

Ben Affleck: Do të vazhdoja me alkoolin nëse do të qëndroja i martuar me Jennifer Garner

Dyshja janë divorcuar në vitin 2018 dhe ndajnë tre fëmijë.

Published

on

Ben Affleck tha në “The Howard Stern Show se u ndje se “ishte zënë në grackë” në martesën e tij me Jennifer Garner, duke shtuar se nuk do të shërohej nëse ata do të ishin ende bashkë, përcjell UBT News.

“Ne ndoshta do të kishim përfunduar në fyt të njëri-tjetrit”, tha mes të tjerash aktori 49 vjeçar. Aktori shkoi në rehabilitim për alkoolizëm në vitin 2018, e poashtu u divorcua nga ish-gruaja Garner po atë vit.

“Nuk mund të largohem për shkak të fëmijëve të mi, por nuk jam i lumtur, çfarë të bëj?” tregoi ai për mendimet e tij të atëhershme.

Aktori shtoi se ai dhe aktorja Jennifer Garner, të cilët ishin të martuar nga viti 2005 deri në 2018, u përpoqën të punonin në martesën e tyre për hir të tre fëmijëve të tyre.

Ben Affleck dhe Jennifer Garner.

“Në fund të fundit, ne u përpoqëm sepse kishim fëmijë, por të dy ndiheshim sikur nuk donim që ky të ishte modeli që fëmijët tanë të e shohin martesën”, tha ai.

Sipas tij, gjatë kohës së divorcit të tij, gazetat e kishin gabim shkakun për ndarjen e tyre.

“Gjithçka që lexonit [në lajmet për divorcin] ishin gjepura. Ne u ndamë. Ne kishim një martesë që nuk funksionoi. Kjo ndodhë. Ajo është dikush që e dua dhe e respektoj, por me të cilën nuk duhet të jem i martuar më”.

Aktori i “Argo” tha se martesa e tij me Garner përfundoi në kushte të mira.

“Ne e bëmë atë miqësisht. Ne bëmë më të mirën. A kishim momente tensioni? A kishim mosmarrëveshje për kujdestarinë? A ishin gjërat e vështira për ne? A u zemëruam? Po, por në thelb e gjitha ishte gjithmonë e mbështetur me një respekt”, tha ai, duke shtuar, “E dija që ajo ishte një nënë e mirë. Gjithmonë shpresoja se ajo e dinte që unë isha një baba i mirë. E dija që isha”.

Affleck zbuloi gjithashtu se sapo arriti në fund, iu deshën një vit e gjysmë që të bëhej esëll.

“Jam me fat sepse arrita atë pikë përpara se të humbja gjërat që ishin më të rëndësishmet. Jo karriera ime apo paratë – ishte marrëdhënia ime me fëmijët e mi dhe kur u ndjeva sikur ndikoi tek ata, e kuptova”.

Para martesës me Jennifer Garner, Ben Affleck ishte i fejuar me këngëtaren dhe aktoren e njohur, Jennifer Lopez, në vitin 2002 por që më pas ishin ndarë. Ndërsa këtë vit dyshja kanë filluar romancën e tyre përsëri./UBTNews/

Lajmet

Tre persona në pranga për së paku tetë vjedhje në Fushë-Kosovë, dëmi mbi 60 mijë euro

Published

on

Policia e Kosovës ka arrestuar tre persona në Fushë-Kosovë, të dyshuar për kryerjen e së paku tetë rasteve të vjedhjeve të rënda në banesa gjatë muajve tetor dhe nëntor 2026.

Sipas Policisë, A.B., F.H. dhe M.K. janë arrestuar pas një hetimi dymujor. Operacioni policor është zhvilluar më 18 nëntor, ndërsa dëmi fillestar material nga vjedhjet vlerësohet të jetë mbi 60 mijë euro.

Gjatë kontrolleve në katër lokacione, policia ka sekuestruar stoli ari, para të gatshme, një pistoletë, një veturë që dyshohet se është përdorur në kryerjen e veprave penale, dy telefona dhe një sasi të dyshuar të marihuanës.

Hetimet e mëtejshme kanë çuar policinë edhe te një argjendari në lagjen “Dardania” në Prishtinë, ku dyshohet se janë shitur stolitë e vjedhura. Pronari i argjendarisë është shoqëruar në stacion policor. Ndërkaq, një sasi tjetër ari është lokalizuar dhe sekuestruar në Prizren.

Policia ka bërë të ditur se ndaj të dyshuarve janë iniciuar raste për “Vjedhje të rëndë”, “Posedim të paautorizuar të armëve” dhe “Posedim të paautorizuar të narkotikëve”.

Pas intervistimit, me vendim të prokurorit, tre të arrestuarit janë dërguar në mbajtje për 48 orë./A.K/

Continue Reading

Lajmet

Tre zyrtarë nga Kosova diplomojnë në Akademinë e FBI-së, vlerësohet partneriteti me SHBA-në

Published

on

By

Ambasada e Shteteve të Bashkuara të Amerikës në Kosovë ka njoftuar se tre zyrtarë të zbatimit të ligjit nga Kosova kanë diplomuar së fundmi në Akademinë Kombëtare të FBI-së.

Në njoftimin e ambasadës theksohet se Kosova është një partnere e fortë e SHBA-së në fushën e zbatimit të ligjit dhe ka një nga rrjetet më të mëdha të të diplomuarve të Akademisë Kombëtare të FBI-së në nivel global.

“Krenarë të festojmë diplomimin e tre zyrtarëve kosovarë nga Akademia Kombëtare e FBI-së! Kosova është një partnere e fortë e SHBA-së në zbatimin e ligjit, me një nga rrjetet më të mëdha të alumni-t të Akademisë Kombëtare të FBI-së në botë. Jemi të entuziazmuar të punojmë së bashku për të luftuar krimin e organizuar transnacional”, thuhet në njoftimin e Ambasadës amerikane.  /E.A/

Continue Reading

Lajmet

Kuvendi miraton tri marrëveshje ndërkombëtare

Published

on

Kuvendi i Kosovës sot ka miratuar tri marrëveshje ndërkombëtare.

Me dy të tretat e votave, deputetët miratuan Konventën për Njohjen dhe Ekzekutimin e Vendimeve të Huaja Gjyqësore në Çështjet Civile ose Tregtare.

Kjo marrëveshje mori miratimin në tentimin e tretë, pasi u sigurua se Serbia nuk është pjesë e kësaj konvente.

Po ashtu, Kuvendi miratoi Protokollin për ndryshimin e Marrëveshjes mbi Statusin dhe Funksionet e Komisionit Ndërkombëtar për Personat e Zhdukur.

Në mesin e marrëveshjeve të miratuara ishte edhe Konventa për Zgjedhjen e Gjykatës. /KosovaPress/

/A.K/

Continue Reading

Lajmet

Kurti: Javën e ardhshme pritet drafti i parë i strategjisë për Apelin dhe Ligjit për Specialen

Published

on

Kryeministri i Kosovës, Albin Kurti, ka bërë të ditur se javën e ardhshme pritet të pranohen drafti i parë i strategjisë shtetërore për procesin e Apelit në Hagë dhe drafti i ri i Ligjit për Dhomat e Specializuara.

Duke folur në Kuvend për Ligjin për Specialen, Kurti ka thënë se ai është hartuar pas pakënaqësisë me aktgjykimin e 16 shtatorit, por ka theksuar se që nga fillimi kishte shprehur rezerva për këtë nismë.

“Nuk dyshoj në qëllimin e mirë, por nuk mjafton vetëm qëllimi i mirë, duhet të kemi edhe sukses. Për këtë na duhet një ligj që nuk kthehet mbrapsht dhe bëhet praktik në realitet”, ka deklaruar Kurti.

Ai ka theksuar se në grupin punues për strategjinë janë të përfshirë përfaqësues të ndryshëm, ndërsa drafti i ri i ligjit pritet të përgatitet nga një ekip ekspertësh.

Kurti ka përsëritur se nuk e ka ndryshuar qëndrimin për Dhomat e Specializuara që nga viti 2015, duke e cilësuar këtë gjykatë si të pazakontë.

Ai ka përmendur edhe raportin e vitit 2008 për pretendimet lidhur me “Shtëpinë e Verdhë” dhe trafikimin e organeve, duke thënë se hulumtimet e zhvilluara nuk kishin gjetur dëshmi për këto pretendime.

Sipas Kurtit, çështja e ndërmarrjes së përbashkët kriminale mbetet ndër pikat që duhet të trajtohen në procesin e Apelit. Ai ka shprehur bindjen se vendimi i 16 shtatorit duhet të korrigjohet në Apel, proces për të cilin ka thënë se pritet të zhvillohet gjatë vitit 2027./A.K/

Continue Reading

Të kërkuara