Kryetari i OVL-UÇK, Hysni Gucati ka deklaruar të enjten se brenda Lëvizjes Vetëvendosje ka dëshmitarë të Gjykatës Speciale.

Në një konferencë për media, ai përmendi emrin e ministres së Jashtme në detyrë, Donika Gërvalla, duke thënë se ajo ka dorëzuar dokumente në këtë gjykatë.

“Ne jemi bazuar gjithmonë në punimin shkencor duke parë Dimal Bashën që e ka bërë në vitin 2012, ku Dimal Basha thotë se në vitet e ’90-ta, Ushtria Çlirimtare e Kosovës është financuar nga dilerë të drogës, ku aty përfshihen të gjithë dëshmorët, ata që kanë rënë. Besoj e dini, që disa eksponentë të VV-së që janë aty sot, në Parlamentin e Kosovës kanë deponuar dokumentacione të Gjykatën Speciale në Hagë. Ministra Gërvalla gjithqysh, por ka edhe të tjerë”, u shpreh Gucati.

Sipas tij, janë disa këshilltarë të ministrave, ku paralajmëron se emrat e tyre do të dalin shumë shpejt.

“Shumë shpejt do të dalim me emra, ne nuk kemi nevojë t’i frikësohemi askujt. Ka ardhur koha ta ndajmë sharpin nga sheqeri, dhe të kuptohet një herë e mirë se kush e do vendin dhe kush nuk e do”, tha tutje kreu i OVL-UÇK-së.

Ai shton se i vjen turp për deputetët e Kosovës që votuan Dimal Bashën për kryetar të Kuvendit.

Në raportin e fundit 24 orësh nga Policia e Kosovës, në disa qytete të Kosovës ka pasur incidente kriminale dhe shifra të larta të gjobave të shqiptuara në kundërvajtje.

AKSIDENTE TRAFIKU DHE GJOBA

Gjatë 24 orëve të fundit janë shqiptuar 2430 tiketa trafiku, janë shkaktuar 40 aksidente me dëme materiale dhe 29 aksidente me të lënduar. Zyra e Informimit nga PK ka njoftuar se 14 persona janë arrestuar, kurse 10 janë dërguar në mbajtje.

 INCIDENTET KRIMINALE-PRISHTINË

 MBAJTJE NË PRONËSI, KONTROLL APO POSEDIM I PAAUTORIZUAR I ARMËVE

Rr. “Bill Klinton”, Prishtinë 28.08.2025-14:20.  Është shoqëruar në stacionin policor i dyshuari mashkull kosovar, pasi që gjatë kontrollit tek i njëjti është gjetur dhe sekuestruar një armë e shkurtër dhe një karikator me 12 fishekë. Me vendim të prokurorit, pas intervistimit rasti shkon në procedurë të rregullt.

Rr. “Holger Petersen”, Prishtinë 28.08.2025-14:00.  Është shoqëruar në stacionin policor i dyshuari mashkull kosovar, pasi që gjatë kontrollit tek i njëjti është gjetur dhe është sekuestruar një armë e shkurtër dhe një karikator me 10 fishekë. Me vendim të prokurorit, pas intervistimit rasti shkon në procedurë të rregullt.

DHUNË NË FAMILJE

Prishtinë 28.08.2025-09:00. Është shoqëruar në stacionin policor i dyshuari mashkull kosovar, pasi që i njëjti pas një mosmarrëveshje ka sulmuar fizikisht bashkëshorten e tij viktimën femër kosovare. Pas intervistimit, me vendim të prokurorit rasti shkon në procedurë të rregullt.

DEGRADIM I INTEGRITETIT SEKSUAL

Prishtinë 27.08.2025-19:30. Ankuesja femër kosovare, e mitur ka raportuar se deri sa ishte ulur afër një parkingu një person i moshës madhore kishte bërë veprime të pa hijshme me q’ rast e njëjta ishte ndier e frikësuar dhe e rrezikuar.

BLERJE, POSEDIM, SHPËRNDARJE DHE SHITJE E PAAUTORIZUAR E NARKOTIKËVE

Rr. “Bahri Fazliu”, Podujevë 28.08.2025-22:45. Janë arrestuar dy të dyshuar meshkuj kosovarë, pasi që gjatë kontrollit tek të njëjtit janë gjetur dhe konfiskuar 12.14 gramë substancë e dyshuar narkotike e llojit marihuanë, një thikë dhe një mulli. Pas intervistimit, me vendim të prokurorit, një i dyshuar dërgohet në mbajtje ndërsa tjetri lirohet në procedurë të rregullt.

INCIDENTE KRIMINALE-GJILAN

AKSIDENT TRAFIKU ME DËME MATERIALE

Rr. “Gjilan-Prishtinë” 28.08.2025-07:15. Raportohet se ka ndodhur aksident trafiku në mes dy veturave. Përveç dëmeve materiale, nuk raportohet për të lënduar.

 INCIDENTE KRIMINALE-FERIZAJ

 LËNDIM I LEHTË TRUPOR

Fshati Bibaj, Ferizaj 28.08.2025-01:00. Ankuesja femër kosovare, ka raportuar se pas një mosmarrëveshje është sulmuar fizikisht nga bashkëshorti i saj i dyshuari mashkull kosovar. Viktima ka pranuar tretman mjekësor, ndërsa pas intervistimit me vendim të prokurorit e njëjta dërgohet në strehimore. Rasti nën hetime.

INCIDENTE KRIMINALE-PRIZREN

GRABITJE

Prizren 28.08.2025-21:30. Ankuesi mashkull kosovar, ka raportuar se një i dyshuar dhe i maskuar me forcë ka depërtuar në shtëpinë e tij dhe i njëjti ka arritur t’ia marr dy stoli dore dhe është  larguar në drejtim të panjohur. Nuk raportohet për të lënduar. Lidhur me rastin është njoftuar prokurori.

INCIDENTE KRIMINALE-PEJE

DHUNË NË FAMILJE

Pejë 28.08.2025-06:00. Ankuesja femër shtetase e Shqipërisë ka raportuar se pas një mosmarrëveshje është sulmuar fizikisht nga i dashuri i saj i dyshuari mashkull kosovar. Viktima nuk ka pranuar tretman mjekësor. Rasti nën hetime.

INCIDENTET KRIMINALE-GJAKOVË

DHUNË NË FAMILJE

Malishevë 28.08.2025-14:40. Ankuesja femër kosovare, ka raportuar se bashkëshorti i saj i dyshuari mashkull kosovar, në vazhdimësi i shkakton dhunë psiqike, fizike dhe kanosje. Viktima ka pranuar tretman mjekësor, ndërsa i dyshuari është arrestuar dhe pas intervistimit me vendim të prokurorit, është liruar në procedurë të rregullt.

MBAJTJE NË PRONËSI, KONTROLL APO POSEDIM I PAAUTORIZUAR I ARMËVE/SULM

Gjakovë 28.08.2025-15:00. Janë arrestuar dy të dyshuar meshkuj kosovarë, pasi që të njëjtit kanë sulmuar fizikisht viktimën mashkull kosovar. Viktima ka refuzuar tretmanin mjekësor. Nga njeri i dyshuar është konfiskuar një mjet i mprehtë. Me vendim të prokurorit, pas intervistimit një i dyshuar dërgohet në mbajtje, ndërsa tjetri lirohet në procedurë të rregullt.

VJEDHJE E RËNDË

Gjakovë 27.08.2025-23:30. Ankuesi mashkull kosovar, ka raportuar se të dyshuar të panjohur në shtëpinë e tij kanë vjedhur para të gatshme, stoli/ bizhuteri, një armë zjarri me një karikator me 9 fishekë të cilën e kishte me leje. Lidhur me rastin është njoftuar prokurori.

INCIDENTET KRIMINALE-MITROVICË JUG

VDEKJE E DYSHIMTË

Skenderaj 28.08.2025-10:00. Është raportuar për një  viktimë mashkull kosovar pa shenja jete. Në vendin e ngjarjes kanë dalë njësit relevante policore si dhe emergjenca ku mjeku kujdestar ka konstatuar vdekjen e viktimës. Me vendim të prokurorit, trupi i pajetë është dërguar në IML për obduksion.

DHUNË NË FAMILJE

Vushtrri 28.08.2025-08:30. Ankuesja femër kosovare, ka raportuar se i dyshuari mashkull kosovar e kishte kanosur me një armë të ftohtë dhe ka ikur në drejtim të panjohur. Në vendin e ngjarjes është gjetur dhe sekuestruar arma e ftohtë të cilën e kishte përdorur i dyshuari. Rasti nën hetime.

 

 

 

 

 

 

UBT ofron programin Inxhinieri e Ndërtimit dhe Infrastrukturë në nivelin master të studimeve, program ky që ka nxjerrë shumë ekspertë dhe profesionistë të fushës së ndërtimit dhe infrastrukturës.

Përmes këtij programi, studentët e UBT-së përfitojnë kompetenca të avancuara në fushën e ndërtimit dhe infrastrukturës, me gërshetimin e teknologjisë së ndërtimit që ka siguruar UBT enkas për studentët, si dhe laboratoret e materialeve që iu shërbejnë studentëve në hulumtimet e tyre përgjatë studimeve.

Fakulteti Inxhinieri e Ndërtimit dhe Infrastrukturë në UBT është një nga fakultetet më të mëdha në shkallë vendi dhe më gjerë, dhe është i pozicionuar në rangun e fakulteteve homologe rajonale dhe evropiane.

Bazuar në standardet më të njohura ndërkombëtare, ky program studimi studentëve u ofron cilësi dhe lidership përmes profesionistëve më të mirë të ndërtimtarisë që ka Kosova e që janë në UBT.

APLIKO TANI ONLINE!

Serbja nga Kosova, A.M., e cila ndodhet në paraburgim në Kroaci së bashku me partnerin e saj, pilotin kroat J.I. (54), dyshohet se ka pasur komunikim të drejtpërdrejtë me Vladimir Radivojeviqin, të njohur me nofkën “Mami”, raporton portali kroat Index.hr.

Radivojeviq, i akuzuar nga Prokuroria Speciale e Kosovës vitin e kaluar, dyshohet se është ndër organizatorët e sulmit terrorist në Banjskë më 24 shtator 2023, ku mbeti i vrarë rreshteri i Policisë së Kosovës, Afrim Bunjaku. Ai njihet si udhëheqës i të ashtuquajturës “Brigada e Veriut”, e shpallur organizatë terroriste në Kosovë.

Hetuesit kroatë kanë zbuluar mesazhe të dërguara nga A.M. te “Mami”, në të cilat ajo i shkruante: “Duhet ta ‘hekurosni’ sulmin ndaj KFOR-it me çdo kusht”, duke iu referuar incidentit të 25 shtatorit 2022, kur trupat e KFOR-it u sulmuan në Zubin Potok. Po atë ditë, piloti J.I., që ishte pjesë e kontingjentit kroat në KFOR, i kishte shkruar asaj: “Vërtetë e prishët punën mbrëmë”.

Sipas prokurorisë kroate, piloti akuzohet për një formë të rëndë të spiunazhit – zbulimin e informacioneve sekrete për lëvizjen e trupave ndërkombëtare – për çka rrezikon deri në 10 vjet burgim. Partnerja e tij serbe mund të dënohet deri në 5 vjet, për mbledhje dhe transmetim të të dhënave sekrete.

Gjykata e Qarkut në Split ka vendosur që çifti të mbahet në paraburgim, për shkak të rrezikut të ndikimit te dëshmitarët dhe mundësisë së arratisjes. Dyshja ishte njohur në vitin 2016 në Kosovë, kur J.I. shërbente në KFOR dhe A.M. punonte si përkthyese në EULEX. Marrëdhënia e tyre ka zgjatur rreth nëntë vjet.

Në dëshminë e tij, piloti ka mohuar spiunazhin, duke thënë se e dashura i dërgonte vetëm të dhëna mbi kushtet e motit. Por prokuroria pretendon se ai e dinte që partnerja mund të përdorte informacionet për qëllime të tjera dhe megjithatë ia përcillte. A.M., nga ana e saj, është justifikuar duke thënë se punonte për shërbimin sekret gjerman BND, pretendim i cili nuk është vërtetuar.

Presidenti kroat, Zoran Milanoviq, ka shprehur mbështetje për institucionet e vendit, duke theksuar se ushtria kroate ka vepruar në përputhje me ligjin për të identifikuar autorët e mundshëm dhe për të parandaluar krime të tjera.

“Presidenti shpreh mbështetje për të gjitha institucionet e Republikës së Kroacisë, kryesisht për Ushtrinë e Kroacisë, e cila përmes veprimeve të veta ka përcaktuar kryerjen e mundshme të veprave penale në dëm të Republikës së Kroacisë dhe ka marrë masat e duhura për t’i identifikuar autorët e mundshëm dhe për të parandaluar vepra të mëtejshme penale”, thuhet nga Presidenca e Kroacisë.

Ndërkohë, nga Prishtina, zëdhënësi i Qeverisë në detyrë, Përparim Kryeziu, ka theksuar se Kosova është e gatshme të bashkëpunojë ngushtë me autoritetet kroate, duke mohuar kategorikisht se A.M. ka pasur qasje në informacione konfidenciale të Zyrës së Kryeministrit.

Foto e huazuar nga: Index.hr