Sport

Befason Conte, ja kujt ia dedikon titullin e fituar me Interin

Published

5 years ago

May 24, 2021

Betim Gashi

Interi me në krye trajnerin Antonio Conte e ka festuar të dielën titullin e 19-të në Serie A duke arkëtuar 91 pikë pas 38 ndeshjeve të zhvilluara dhe me një dallim prej 12 pikëve nga vendi i dytë që mbahet ngarivali i qytetit, Milani.

Ky ishte edhe titulli i parë i trajnerit Antonio Conte me klubin zikaltër dhe sipas teknikut italian, kjo ishte një rrugë aspak e lehtë për t’u ndjekur.

Duke ditur vështirësitë që u hasën deri tek titulli, Conte ka thënë se ia dedikon pikërisht vetes së tij këtë titull.

“Unë ia kushtoj vetes time”, tha ai. “Sepse e di që në çdo rast nuk ka qenë një rrugë e lehtë në këto dy vite. Unë me të vërtetë duhej të jepja gjithçka nga vetja ime. Ka pasur edhe raste kur unë kam dyshuar në disa gjëra dhe kam dyshuar në vetvete, por ne kemi qenë mjaft të fortë për të tejkaluar gjithçka. Të gjithë kemi qenë të mirë, edhe unë”, tha në fund Conte.

Related Topics:Milan Serie A Antonio Conte

Up Next

Eden Hazard kërkon të rikthehet te Chelsea

Don't Miss

Pioli i lumtur me kualifikimin e Milan në Champions League

Lajmet

Laura Fazliu fiton medaljen e argjendtë, Kosovën e çon në medaljen e pestë

Published

8 hours ago

August 29, 2026

UBTNews

Xhudistja kosovare Laura Fazliu ka fituar medaljen e argjendtë në kategorinë deri në 63 kilogramë, duke i siguruar Kosovës medaljen e pestë në këtë garë.

Fazliu arriti deri në finale, ku u përball me italianen Carlotta Avanzato, por u mposht në duelin për medaljen e artë dhe u desh të kënaqej me të argjendtën.

Kjo është medalja e katërt e Kosovës në xhudo dhe e pesta në total për vendin tonë.

Sport

Fatjona Kasapi i sjell Kosovës medaljen e dytë në “Taranto 2026”

Published

1 day ago

August 28, 2026

UBTNews

Fatjona Kasapi ka fituar medaljen e bronztë në Lojërat Mesdhetare “Taranto 2026”.

Xhudistja kosovare ka siguruar podiumin në kategorinë deri në 52 kilogramë, duke i sjellë Kosovës medaljen e parë në xhudo në këtë edicion.

Kjo është medalja e dytë për Kosovën në “Taranto 2026”, pas medaljes së artë të fituar nga boksierja Donjeta Sadiku.

Kosova tani pret edhe paraqitjet e tjera në xhudo, ku disa garues kosovarë janë në luftë për medalje.

D.L

Sport

Kosova pëson tjetër humbje të thellë në Lojërat Mesdhetare

Published

1 day ago

August 28, 2026

UBTNews

Hendbollistet e Kosovës kanë pësuar edhe një humbje të thellë në Lojërat Mesdhetare “Taranto 2026”.

Të premten, në Fasano, Kosova u mposht bindshëm nga Tunizia me rezultatin 38:10.

Hendbollistet kosovare patën vështirësi të mëdha në sulm, duke realizuar vetëm tre gola gjatë 30 minutave të pjesës së parë.

As në pjesën e dytë situata nuk ndryshoi shumë, pasi Kosova, e drejtuar nga përzgjedhësi kroat Nenad Shoshtariq, nuk arriti të rivalizojë me Tunizinë.

Për Kosovën kjo ishte humbja e katërt rresht në Lojërat Mesdhetare.

Angjelina Krasniqi ishte golashënuesja më e mirë e Kosovës me katër gola. Nga dy gola shënuan Elsa Kongjeli dhe Samanda Konjuhaj, ndërsa nga një gol realizuan Vanesa Kastrati dhe Aurea Konjuvca.

Kosova në “Taranto 2026” po paraqitet me një ekip të përbërë kryesisht nga hendbolliste të reja.

Në ndeshjen e parë të Grupit A, Kosova pësoi humbje 35:20 nga Algjeria. Në duelin e dytë u mposht 40:20 nga Greqia, ndërsa në ndeshjen e tretë humbi 38:21 nga Italia.

Ndeshjen e fundit në fazën e grupeve, Kosova do ta zhvillojë të dielën nga ora 17:30, kur përballet me Maqedoninë e Veriut.

D.L