Lajmet

BE ndalon mallrat luksoze dhe investimet energjetike për Rusinë

Ndalimi synon një katalog të gjerë produktesh me vlerë mbi 300 euro.

Published

on

BE ka zgjeruar sanksionet kundër Rusisë, për të ndaluar mallrat luksoze dhe investimet në energji, përcjell UBT News.

Ndalimi synon një katalog të gjerë produktesh me vlerë mbi 300 euro që përfshin, mes artikujve të tjerë, veshje, këpucë, lëkurë, aksesorë të modës, perla, bizhuteri, ar, argjendari, diamante, valixhe, çanta dore, çanta, kuleta, paruke, pajisje për kujdesin e lëkurës, parfume, si dhe vepra arti, antike, porcelani dhe qeramikë.

Havjar, shampanja, vera dhe puro mbi 300 euro janë gjithashtu të ndaluara.

Automjetet me vlerë mbi 50,000 euro – modelet më të sofistikuara nga markat si Mercedes, Ferrari dhe Porsche – dhe instrumentet muzikore që kalojnë 1,500 euro bien në mënyrë të barabartë nën ndalim.

Kjo do të thotë që të gjitha produktet e synuara të prodhuara nga BE-ja nuk do të hyjnë më në tregun rus, transmeton UBT News.

Ndalimi i mallrave luksoze u përfol fillimisht nga presidentja e Komisionit të BE-së, Ursula von der Leyen në fund të një samiti në Versajë, duke e quajtur atë një “goditje të drejtpërdrejtë për elitën ruse”.

“Ata që mbështesin makinerinë e luftës së Putinit nuk duhet të jenë në gjendje të shijojnë stilin e tyre luksoz të jetesës ndërsa bombat bien mbi njerëzit e pafajshëm në Ukrainë”, tha von der Leyen të premten.

Sanksionet e reja paraqesin gjithashtu një ndalim për të kryer investime të reja në sektorin energjetik të Rusisë dhe për të transferuar pajisje dhe teknologji të BE-së të përdorura për eksplorim.

Një numër i “oligarkëve kyç” dhe “propagandistëve” që besohet se janë të afërt me presidentin Vladimir Putin, si ish-pronari i Chelsea-t, Roman Abramovich, janë dënuar me ndalime udhëtimi dhe ngrirje të aseteve.

Rusia është tani vendi më i sanksionuar në botë, duke grumbulluar mbi 5000 lloje të ndryshme ndëshkimesh, sipas bazës së të dhënave Castellum.AI./UBTNews/

Lajmet

​Gjykata spanjolle liron Dani Alves-in

Published

on

Gjykata e Lartë e Katalonjës ka rrëzuar të premten dënimin për përdhunim ndaj ish-futbollistit brazilian Dani Alves, duke arsyetuar se çështja kishte mospërputhje dhe kontradikta në dëshmitë e paraqitura.

Alves, 41 vjeç, ishte dënuar vitin e kaluar me katër vjet e gjysmë burg për përdhunimin e një gruaje në një klub nate në Barcelonë në vitin 2022. Megjithatë, gjykata e apelit vendosi se dëshmia e akuzueses nuk kishte besueshmëri të mjaftueshme, duke theksuar se mungonin prova të qarta për të mbështetur akuzën.

“Dani Alves është shumë i lumtur. Ai është i pafajshëm, kjo është demonstruar. Drejtësia ka folur,” deklaroi avokatja e tij, Ines Guardiola.

Ndërkohë, avokatja e akuzueses, Ester Garcia, paralajmëroi se do ta çojë çështjen në Gjykatën Supreme të Spanjës, proces që mund të zgjasë deri në një vit./S.K/KP/Morung Express/

 

Continue Reading

Lajmet

Caktohet data, Pogba rikthehet në fushë

Published

on

Paul Pogba është shumë pranë rikthimit në futboll pas një periudhe të gjatë mungese tha trajneri i Monacos, Adi Hütter. Ai zyrtarisht ka konfirmuar se mesfushori francez po përparon ndjeshëm.

“Fizikisht dhe mendërisht po shkon mirë. Është stërvitur për tre muaj dhe është afër kthimit në skuadër,” deklaroi Hütter.

Sipas mediave franceze, Pogba pritet të jetë i disponueshëm më 5 tetor, në ndeshjen e Ligue 1 kundër Nice në Stade Louis II.

Ndërkohë, rikthimi në sfidën e së shtunës kundër Lorient shihet më pak i mundshëm.

Ish-mesfushori i Juventusit nuk ka luajtur një ndeshje zyrtare që prej 3 shtatorit 2023, kur u aktivizua ndaj Empolit.

Pak javë më vonë, ai u pezullua për doping dhe u dënua fillimisht me katër vite jashtë fushave. Megjithatë, në tetor 2024, Gjykata e Arbitrazhit Sportiv uli ndalimin në 18 muaj, që skadoi më 11 mars 2025.

Pas ndarjes me Juventusin, Pogba refuzoi një transferim në MLS dhe verën e kaluar nënshkroi një kontratë dyvjeçare me Monacon, e vlefshme deri më 30 qershor 2027.

Klubi monegask e ka regjistruar 31-vjeçarin edhe për Ligën e Kampionëve, ku pritet të rikthehet në tetor.

Ky rikthim do të shënojë një moment të rëndësishëm për kampionin e botës 2018, i cili synon të rifitojë formën dhe të lërë pas periudhën më të vështirë të karrierës së tij./S.K/KP/CNN/

Continue Reading

Lajmet

Aksident me fatalitet në Blagaj të Pejës

Published

on

By

Aksident i rëndë me fatalitet ka ndodhur sot në fshatin Blagaj të Pejës.

Raportohet nga mediat se në aksident janë përfshirë një veturë dhe një katërçikletë.

Si pasojë e këtij aksidenti raportohet se janë lënduar dy persona ndërsa një tjetër ka ndërruar jetë.

Në vendin e ngjarjes kanë dalë njësitet policore, teksa të lënduarit janë dërguar me urgjencë për trajtim në emergjencën e Spitalit Rajonal të Pejës.

KosovaPress ka kontaktuar me Policinë e Kosovës për të marrë më shumë informacione lidhur me rastin./D.B/KP

Continue Reading

Lajmet

​Legjenda e Barcelonës njofton pensionimin nga futbolli

Published

on

Mesfushori i Inter Miami, Sergio Busquets, ka bërë të ditur se do të tërhiqet nga futbolli në fund të këtij sezoni, duke i dhënë fund një karriere gati 20-vjeçare.

37-vjeçari e bëri njoftimin përmes një videoje në Instagram, ku falënderoi Barcelonën, kombëtaren spanjolle, Inter Miamin, shokët e skuadrës, tifozët dhe familjen e tij.

“Ndjej se ka ardhur koha t’i them lamtumirë karrierës sime si futbollist profesionist. “Kanë kaluar pothuajse 20 vjet duke shijuar këtë histori të pabesueshme për të cilën gjithmonë kam ëndërruar”, tha Busquets.

Busquets ishte një figurë kyçe te Barcelona për 14 vite, me mbi 700 paraqitje dhe 32 trofe të fituar, përfshirë 9 tituj të La Ligës dhe 3 Liga të Kampionëve.

Me Spanjën, ai regjistroi 143 ndeshje dhe fitoi Kupën e Botës 2010 dhe Euro 2012.

“Nuk e di se sa gjatë do të luajë Busi, por mendoj se ai është një nga mesfushorët më të mirë në histori… Shpresojmë që ai do të na ndihmojë në fazën eliminatore sepse është një lojtar kyç”, tha trajneri i Inter Miami, Javier Mascherano.

Busquets, i njohur për inteligjencën taktike dhe pasimet e sakta, është aktualisht lojtari me më shumë minuta të luajtura për Inter Miami këtë sezon./S.K/KP/

 

Continue Reading

Të kërkuara