Lajmet

BE: Ligji ynë i inteligjencës artificiale duhet të shërbejë si ‘model për botën’

Akti i propozuar i Intelegjencës Artificiale vendos udhëzimet për vitet e ardhshme.

Publikuar

Bashkimi Evropian dëshiron që Akti i Inteligjencës Artificiale të jetë një shembull për pjesën tjetër të botës që duhet ndjekur kur rregullon teknologjinë në zhvillim, shkruan Euronews, transmeton UBT News.

Ministrat e Telekomunikacionit të BE-së mbajtën të enjten debatin e tyre të parë mbi Aktin e propozuar të AI në Bruksel për të vendosur udhëzimet për vitet e ardhshme, ku ministri slloven i Administratës Publike, Boštjan Koritnik, tha se akti i AI duhet të shërbejë si një model global.

“Ministrat shprehën mbështetjen e tyre të qartë për një ligj gjithëpërfshirës mbi inteligjencën artificiale, i cili do të shërbente si një model në të gjithë globin, në të njëjtën mënyrë si rregullorja e përgjithshme e mbrojtjes së të dhënave, GDPR, në fushën e mbrojtjes së të dhënave personale”, tha Koritnik.

“Ka ende punë të konsiderueshme përpara, pasi ne duam të sigurohemi që Akti i Inteligjencës Artificiale do të arrijë qëllimet e tij të dyfishta për të siguruar sigurinë dhe respektimin e të drejtave themelore dhe stimulimin e zhvillimit dhe marrjes së teknologjisë së bazuar në AI në të gjithë sektorët. Presidenca e Këshillit Evropian do të vazhdojë punën intensive mbi këtë propozim, të cilin e konsideron një përparësi kryesore në fushën dixhitale”.

AI dhe teknologjia e njohjes së fytyrës përdoret për të identifikuar sëmundjet, siç është demenca përmes sinjaleve të padukshme për syrin e njeriut, përcjell UBT News.

Ndërsa ka përfitime të qarta nga kërkimet në mjekësi, ka përdorime të tjera që mbartin rreziqe. Një shembull është zbatimi i ligjit pa asnjë mbikëqyrje.

Me ndihmën e inteligjencës artificiale, bëhen përpjekje për të identifikuar përgjegjësit për sulmet terroriste, aktet e dhunës ose aksidentet.

Kompanitë si Amped me seli në Trieste të Italisë, përdorin AI për video analiza. Ndërsa këto kompani i nënshtrohen kontrolleve të garancisë, në disa vende jashtë BE-së kjo nuk ndodhë.

Sipas Despina Travlou, Sekretare e Përgjithshme në AIIA-OJF, përdorimi i AI nuk është rregulluar ende mjaftueshëm dhe mund të çojë në shkelje të të drejtave civile./UBTNews/

Vazhdo të lexosh

Lajmet

Studimi tregon si ndikon gjumi në pamjen e njeriut

“Cilësia e dobët e gjumit shoqërohet me më shumë ndjenja negative për plakjen”, tha Serena Sabatini.

Publikuar

nga

Studiuesit nga Universiteti i Exeter thonë se është e mundur që një person të ndihet më i vjetër se sa është nëse nuk ka gjumë cilësor.

“Cilësia e dobët e gjumit shoqërohet me më shumë ndjenja negative për plakjen”, thotë autorja kryesore Serena Sabatini.

Përveç kësaj, njerëzit që nuk flenë mirë mund të bëhen më të prirë ndaj problemeve shëndetësore.

Në këtë studim morën pjesë 4.482 persona të moshës mbi 50-vjeç. Pjesëmarrësit ishin pjesë e një studimi tjetër të quajtur Protect Study.

Ky studim u krijua sepse gjatë studimit “Protect”, ata vunë re se shumë njerëz komentojnë cilësinë e gjumit të tyre dhe se si ai lidhet me mënyrën se si ndihen.

Për shkak të këtyre komenteve, ata vendosën që pjesëmarrësit të plotësojnë një pyetësor në lidhje me vizionin e tyre për cilësinë e gjumit. Pyetësori përmbante gjithashtu pyetje rreth ndryshimeve negative në kujtesë, energji, motivim dhe aktivitet.

Pjesëmarrësit e studimit plotësuan pyetësorin dy herë, me një diferencë prej një viti. Kur studiuesit analizuan të dhënat e mbledhura, ata zbuluan se njerëzit që e vlerësuan më keq cilësinë e gjumit ndiheshin më të moshuar.

Ekspertët thonë se gjumi i keq jo vetëm që mund t’ju bëjë të ndiheni më të vjetër, por mund të ketë edhe pasoja reale për shëndetin tuaj, shkruan Healthline.

Stephanie Grigs, një asistente profesoreshë në Shkollën e Infermierisë Frances Payne Bolton dhe një bashkëpunëtore në Qendrën Schubert për Studimet e Fëmijëve në Universitetin Case Western Reserve, tha se gjatë gjumit kalojmë nëpër faza të ndryshme të gjumit si REM dhe NREM: N1. Faza N2 dhe N3.

“Këto procese dhe faza të gjumit janë thelbësore dhe ato mund të na ndihmojnë të shërohemi nga sëmundja, të riparojmë trupin tonë, të konsolidojmë kujtimet tona dhe të rregullojmë emocionet tona”, tha ajo, duke shtuar se hormone të ndryshme sekretohen ose rregullohen gjatë fazave të ndryshme, gjumit.

Hormoni i rritjes sekretohet gjatë fazës NREM H3 (gjumi me valë të ngadalta). Ky hormon është përgjegjës për riparimin e enëve të gjakut. Grigs tha se kjo është e rëndësishme sepse pllaka mund të krijohet në enët e gjakut dhe përfundimisht të çojë në sulm në zemër ose goditje në tru.

Cristiano Guarana, një asistent profesor i menaxhimit dhe sipërmarrjes në Universitetin Kelley School of Business në Indiana SHBA, shpjegoi më tej se gjumi i dobët mund të vështirësojë të menduarit, duke shtuar se mungesa e gjumit redukton lidhjen midis amigdalës dhe korteksit paraballor.

“Në përgjithësi, këto rajone janë përgjegjëse për kontrollin e impulseve tona dhe përpunimin e informacionit përkatës. Njerëzit e privuar nga gjumi kanë boshllëqe në vëmendje, bëjnë zgjedhje të këqija, sillen në mënyrë jo etike dhe janë të këqij në rregullimin e emocioneve negative,” tha ai.

“Në thelb, kur individët nuk flenë mjaftueshëm, ata janë më pak në gjendje të përpunojnë informacionin”, përfundoi Guarana.

Vazhdo të lexosh

Lajmet

Pandemia nuk ngadalësoi shitjet globale të armëve

Vitin që lamë pas kompanitë kryesore kanë shitur armë dhe shërbime ushtarake në vlerë prej 521 miliardë dollarë.

Publikuar

nga

Industria globale e mbrojtjes rriti më tej shitjet e armëve vitin e kaluar, pavarësisht nga pandemia e shkaktuar nga COVID-19 dhe pasojat e saj ekonomike, sipas të dhënave të publikuara sot.

Sipas Institutit Ndërkombëtar të Kërkimit të Paqes në Stokholm (SIPRI), 100 kompanitë kryesore të armëve në botë kanë shitur armë dhe shërbime ushtarake në vlerë prej 521 miliardë dollarë në vitin 2021.

“Kjo ishte një rritje prej 1.3 për qind në terma real krahasuar me një vit më parë, duke shënuar vitin e gjashtë radhazi të rritjes”, thotë SIPRI, raporton atsh.

Shtetet e Bashkuara të Amerikës ruajtën vendin e parë, me 41 kompani në renditjen e 100 më të mirave.

Mes tyre, shitjet e tyre të armëve arritën në 285 miliardë dollarë në 2020 – një rritje prej 1.9 përqind nga viti në vit.

Kina doli e dyta, me pesë kompanitë e saj të listuara në mesin e 100 më të mirave që arritën rreth 66.8 miliardë euro shitje ose 1.5 përqind më shumë se në vitin 2019.

Vazhdo të lexosh

Lajmet

Trump ka mbledhur 1 miliard dollarë për platformen e tij të mediave sociale

Marrëveshja do të sigurojë të ardhura të vlerësuara prej 1.25 miliardë dollarësh.

Publikuar

nga

Trump Media & Technology Group Corp. (TMTG) dhe Digital World Acquisition Corp. (DWAC), një kompani për blerje me qëllime të veçanta, njoftuan të shtunën se të dy kompanitë arritën një marrëveshje për të financuar faqen e re të mediave sociale të Trump, TRUTH Social.

Marrëveshja – për të cilën burimet fillimisht i thanë Reuters se ishte në progres në fillim të kësaj jave – do të sigurojë të ardhura të vlerësuara prej 1.25 miliardë dollarë për TRUTH Social, sipas një njoftimi për shtyp. Ndërsa identiteti i investitorëve mbetet i panjohur, financimi do të funksionojë si investime “PIPE”, apo investime private në kapitalin publik.

Trump tha në një deklaratë të shtunën se investimi do ta vendosë kompaninë e tij “në një pozicion më të fortë për të luftuar kundër tiranisë së Big Tech”.

“1 miliard dollarë i dërgon një mesazh të rëndësishëm Big Tech se censura dhe diskriminimi politik duhet të marrin fund”, tha Trump në një deklaratë. “Amerika është e gatshme për TRUTH Social, një platformë që nuk do të diskriminojë në bazë të ideologjisë politike”.

TMTG tha në tetor se faqja dhe aplikacioni shoqërues pritet të nisë në fillim të vitit 2022, pas një prove në nëntor.

Njoftimi i Trump për platformën erdhi pasi ish-presidentit i’u ndalua qasja përgjithmonë në disa rrjete sociale kryesore për shkelje të politikave në fillim të këtij viti, duke përfshirë Facebook, Twitter dhe YouTube./UBTNews/

Vazhdo të lexosh

Kulturë, Lifestyle

Kjo është arsyeja pse Brad Pitt nuk e përdor kurrë emrin e tij të vërtetë

Ai nuk e ka përdorur emrin e tij të vërtetë që kur u shpërngul nga vendlindja e tij, Misuri.

Publikuar

nga

Brad Pitt ka pasur gjithmonë një reputacion si një nga aktorët më të pashëm në Hollywood, por pak njerëz e dijnë emrin e tij të vërtetë.

Që kur fitoi famë dhe popullaritet, bukuria e tij nuk ka lënë thuajse askënd indiferent dhe Angelina Jolie dhe ai ende konsiderohen si një nga çiftet më të bukur në historinë e industrisë së filmit.

Emri i tij është i njohur në të gjithë planetin, por shumë nuk e dinë se ai nuk e ka përdorur emrin e tij të vërtetë që kur u shpërngul nga vendlindja e tij, Misuri.

Aktori foli një herë për rrethanat që çuan në largimin e tij nga Misuri. Pitt shpjegoi se ai duhet të kishte mbaruar shkollën, por ai thjesht nuk mund të priste fillimin e karrierës së tij filmike. Ai u largua para se të diplomohej.

“Gjithmonë ankohesha se nuk kishte akademi filmi në Misurin jugor dhe më shkonte mendja se mund të shkoja në të, kështu që fjalë për fjalë i paketova gjërat, hipa në makinë dhe u largova. Nuk u diplomova”, pranoi Pitt në Festivalin Ndërkombëtar të Filmit në Santa Barbara.

Emri i vërtetë i aktorit është William Bradley Pitt, i quajtur sipas babait të tij William Alvin Pitt. Brad vendosi të shkurtojë emrin e tij për shkak të dëshirës së tij për të ndjekur aktrimin.

Për ta mbajtur më të lehtë në kujtesë, aktori ka përdorur emrin e tij të mesëm, ndaj sot shumë nuk e dinë se si quhet. Përveç kësaj, pakkush e di se edhe Brad iu nënshtrua korrigjimit estetik.

Brad Pitt nuk është i vetmi aktor që ka ndryshuar emrin për t’u bërë i famshëm në Hollywood. Jamie Foxx tani është i njohur me këtë emër, por ne pyesim veten nëse do të kishte qenë kështu nëse ai do t’i kishte qëndruar emrit të tij të vërtetë, dhe ky është Eric Marlon Bishop. Edhe legjendarja Marilyn Monroe ndryshoi emrin e saj, në fakt quhej Norma Jean Mortenson.

Vazhdo të lexosh

Të kërkuara