Lajmet

BE-ja zotohet se do të rrisë ndihmën ushtarake për Moldavinë

Në rajonin separatist të mbështetur nga Moska, Transdniester, janë raportuar disa incidente.

Published

4 years ago

May 4, 2022

Betim Gashi

Presidenti i Këshillit Evropian, Charles Michel ka premtuar rritjen e ndihmës ushtarake për Moldavinë, teksa në rajonin separatist të mbështetur nga Moska, Transdniester, janë raportuar disa incidente që çuan në akuzat ndaj Rusisë se po dëshiron që ta destabilizojë këtë shtet ish-sovjetik dhe ta përfshijë në luftën e saj kundër Ukrainës.

“Këtë vit planifikojmë të rrisim ndjeshëm mbështetjen tonë për Moldavinë, duke i ofruar forcave të saj të armatosura pajisje shtesë ushtarake”, tha Michel gjatë një konference të përbashkët për media me presidenten moldave, Maia Sandu.

Gjatë kësaj konference më 4 maj në Moldavi, ai nuk dha më shumë detaje për këtë çështje.

Michel po ashtu u zotua që ta mbështesë Moldavinë kundër sulmeve kibernetike dhe dezinformatave, duke shtuar se shmangia e përshkallëzimit të tensioneve në Transdniester është e një rëndësie të veçantë.

“Ne duhet të mbajmë stabilitetin”, tha Michel, duke shtuar se 27 shtetet e bllokut evropian kanë përgjegjësi për t’i ndihmuar Moldavisë gjatë luftës në shtetin e saj fqinj, Ukrainë.

“BE-ja qëndron në solidaritet të plotë me ju, me Moldavinë, në detyrat e saj evropiane për të ndihmuar dhe mbështetur shtetin tuaj”, tha Michel.

Moldavia ka parë një fluks të qindra-mijëra refugjatëve ukrainas që prej nisjes së pushtimit të paprovokuar rus të Ukrainës më 24 shkurt. Michel tha se BE-ja do ta mbështesë Moldavinë “për t’u përballur me pasojat e agresionit rus në Ukrainë”.

“Ne do të vazhdojmë të thellojmë partneritetin tonë me ju dhe për të sjellë shtetin tuaj më afër BE-së”, tha Michel.

Ndërkaq, presidentja e Moldavisë, Maia Sandu, tha se shteti i saj ka plane për “skenarë pesimistë”, por shtoi se “ne nuk shohim asnjë rrezik të menjëhershëm tani për tani”. Ajo tha se incidentet në Transdniester janë “gjeneruar nga forcat pro luftës” dhe se “ne po tentojmë të dekurajojmë incidente të tilla”.

Javën e kaluar, autoritetet në Transdniester thanë se ka pasur shpërthime në Ministrinë e Sigurisë, në një njësi ushtarake dhe në një kullë të një radioje në pronësi ruse, ndërkaq të shtëna janë dëgjuar në një fshat ku gjendet një depo e armëve ruse. Moska i quajti këto incidente si “veprime terroriste”.

Ukraina ka thënë se Rusia dëshiron të destabilizojë rajonin dhe të krijojë pretekst për ndërhyrje ushtrake.

Rajoni i Transdniester është një rrip i ngushtë toke midis Moldavisë dhe Ukrainës. Ky rajon ka shpallur pavarësinë nga Moldavia më 1990. Të dy palët kanë zhvilluar një luftë të shkurtër më 1992, që ka përfunduar me ndërhyrjen e trupave ruse në anën e separatistëve. Rusia ende ka afër 1,500 ushtarë në këtë rajon separatist./REL

Vendi

Tensione te Kuvendi për ndryshimet në ligjin për Specialen

Published

6 hours ago

October 5, 2026

UBTNews

Situata rreth Kuvendit të Kosovës është tensionuar mbrëmjen e sotme, ku janë parë forca të shumta policore të dislokuara në hyrje-daljet e oborrit të ndërtesës. Ndërhyrja e policisë erdhi pasi protestuesit tentuan të bllokojnë rrugëkalimet për të parandaluar largimin e deputetëve nga objekti.

Kërkesa kryesore e protestuesve është miratimi i plotë në lexim të dytë i ndryshimeve ligjore për Gjykatën Speciale, proces ky që aktualisht mbetet në pikëpyetje.

Për të menaxhuar situatën dhe për të shmangur përshkallëzimin e mëtejshëm, në perimetrin e Kuvendit janë zhvendosur edhe njësite speciale policore për kontrollin e turmave. Ndërtesa vazhdon të mbetet nën monitorim të rreptë sigurie. /E.A/

Aktualitet

Përfundon takimi mes Kurtit dhe Hamzës

Published

7 hours ago

October 5, 2026

UBTNews

Ka përfunduar takimi mes kryeministrit Albin Kurti dhe kryetarit të Partisë Demokratike të Kosovës, Bedri Hamza.

Siç bëhet e ditur pas takimit është parë të mblidhet grupi parlamentar i PDK-së.

Ende nuk ka deklarime për media.

Vendi

United Hospital pasuron ekipin mjekësor me ortopedin dhe traumatologun Dr. Arzen Balidemaj

Published

7 hours ago

October 5, 2026

UBTNews

United Hospital ka mirëpritur në ekipin e saj mjekësor Dr. Arzen Balidemaj, specialist i Ortopedisë dhe Traumatologjisë, duke zgjeruar kështu gamën e shërbimeve profesionale për trajtimin e sëmundjeve dhe dëmtimeve të sistemit muskuloskeletal. Përmes sjelljes së ekspertizës bashkëkohore, përvojës ndërkombëtare dhe qasjeve të reja diagnostikuese e trajtuese, spitali po i jep një dimension të ri mjekësisë moderne dhe po krijon mundësi që pacientët të marrin shërbime të specializuara me standarde të avancuara.

Dr. Balidemaj sjell në United Hospital përvojën dhe njohuritë e fituara në fushën e ortopedisë, si dhe standarde të trajtimit të bazuara në praktikat evropiane.

Sipas njoftimit të spitalit, ai është i certifikuar nga AGA dhe EndoCert në Gjermani.

United Hospital fuqizon mjekësinë moderne me ekspertë të njohur dhe profesionistë të rinj

United Hospital po vazhdon të ndërtojë një standard të ri në shërbimet shëndetësore në Kosovë, duke zgjeruar vazhdimisht ekipin me mjekë të dëshmuar, kuadro me renome dhe profesionistë të fushave të ndryshme të mjekësisë.

Përmes sjelljes së ekspertizës bashkëkohore, përvojës ndërkombëtare dhe qasjeve të reja diagnostikuese e trajtuese, spitali po i jep një dimension të ri mjekësisë moderne dhe po krijon mundësi që pacientët të marrin shërbime të specializuara me standarde të avancuara.

Në këtë rrugëtim të zhvillimit dhe inovacionit, United Hospital po e pasuron ekipin e vet edhe me emra të rinj të mjekësisë, të cilët me profesionalizmin, përkushtimin dhe përvojën e tyre po sjellin energji të re dhe po kontribuojnë në ngritjen e cilësisë së kujdesit shëndetësor.

Një nga këta profesionistë është edhe Dr. Arzen Balidemaj, specialist i Ortopedisë dhe Traumatologjisë, i cili tashmë i është bashkuar ekipit të United Hospital. Me përvojën e tij dhe kualifikimet profesionale, ai sjell ekspertizë të avancuar në trajtimin e sëmundjeve dhe dëmtimeve të nyjeve, ortopedisë sportive dhe traumatologjisë.

Ky është vizioni i United Hospital: të sjellë ekspertizën te pacienti, të hapë rrugë për risi në mjekësi dhe të ndërtojë një ekip ku profesionalizmi, teknologjia dhe përkushtimi ndaj pacientit bashkohen në një standard të ri të kujdesit shëndetësor.

Fokusi i tij profesional përfshin trajtimin e problemeve të nyjeve, dëmtimeve sportive dhe rasteve traumatologjike, ndërsa ndër shërbimet që do të ofrojë janë:

Endoprotetika e nyjeve të mëdha, përfshirë shpatullën, gjurin dhe kërdhokullën;

Kirurgjia artroskopike dhe minimalisht invazive;

Ortopedia sportive dhe trajtimet për ruajtjen e nyjeve;

Ndërhyrjet kirurgjikale në shpatull, kërdhokull, gju, dorë, bërryl dhe shputë.

Me angazhimin e Dr. Balidemajt, United Hospital synon të vazhdojë zgjerimin e shërbimeve të specializuara dhe t’u ofrojë pacientëve qasje në trajtime bashkëkohore në fushën e ortopedisë dhe traumatologjisë.

Për të caktuar një vizitë:
📞 046 60 70 70
📍 M2 Prishtinë–Ferizaj, Km 7, Prishtinë, Kosovë

United Hospital – kujdes i specializuar për shëndetin e nyjeve dhe sistemit muskuloskeletal./rajonipress/