Bota

BE-ja po merr në konsideratë rikthimin e gazit rus si pjesë e një marrëveshjeje paqeje për Ukrainën

Published

on

Zyrtarët e Bashkimit Europian janë në diskutime mbi mundësinë e rinisjes së eksporteve të gazit natyror nga Rusia përmes tubacioneve drejt BE-së, si pjesë e një marrëveshjeje paqeje për t’i dhënë fund luftës në Ukrainë. Propozimi ka shpërthyer debate të ashpra, pasi mbështetësit e tij argumentojnë se ky hap do të ulte çmimet e larta të energjisë në Europë, duke ndihmuar në përmirësimin e kushteve ekonomike të rajonit dhe duke inkurajuar Moskën të ulet në tryezën e negociatave.

Sidoqoftë, ideja ka hasur kundërshtime të forta nga disa shtete të BE-së, veçanërisht ato të Lindjes, të cilat kanë punuar për të ulur varësinë nga energjia ruse pas fillimit të luftës. Shumë zyrtarë shqetësohen se një hap i tillë mund të minojë përpjekjet e vazhdueshme për të reduktuar ndikimin e energjisë ruse dhe do të rrisë të ardhurat e Moskës, të cilat para luftës përbënin rreth 40% të furnizimeve të BE-së.

Kostot e energjisë kanë qenë një shqetësim kryesor për vendet e BE-së, pasi çmimet e gazit janë rritur ndjeshëm gjatë vitit të kaluar, duke shkaktuar vështirësi për industrinë europiane. Shumë shtete të mëdha anëtare të BE-së janë të interesuara për mundësinë e rikthimit të furnizimeve me gaz të lëngshëm natyror (LNG) nga Rusia, pasi kjo mund të lehtësonte kostot energjetike.

Në të njëjtën kohë, SHBA-ja ka ushtruar presion mbi BE-në për të blerë më shumë gaz të lëngshëm natyror (LNG) nga Amerika, që është më i shtrenjtë se gazi rus. Shtetet si Gjermania dhe Hungaria janë përkrahës të mundësisë për të rihapur furnizimet me gaz nga Rusia, duke argumentuar se ky hap mund të ndihmojë për të ulur kostot dhe për të siguruar një stabilitet energjetik afatgjatë.

Ky debat ka shkaktuar tensione edhe mes eksportuesve të LNG-së amerikane, të cilët kanë shprehur shqetësim se çdo rifillim i gazit rus mund ta bëjë produktin e tyre më të shtrenjtë dhe të vështirë për t’u konkurruar. Kjo mund të ndikojë negativisht në marrëveshjet afatgjata që ata po përpiqen të nënshkruajnë me kompanitë europiane.

Pavarësisht këtyre diskutimeve, objektivi afatgjatë i BE-së mbetet të eliminojë varësinë nga karburantet fosile ruse deri në vitin 2027, dhe Komisioni Europian është duke zhvilluar një plan të detajuar për arritjen e këtij qëllimi./UBTNews/

Bota

Pheniani konfirmon për herë të parë dërgimin e trupave në Ukrainë

Published

on

By

Koreja e Veriut konfirmoi, për herë të parë, se ka dërguar trupa për të mbështetur luftën e Rusisë në Ukrainë, me udhëheqësin Kim Jong Un që urdhëroi vendosjen e tyre, sipas një deklarate të publikuar nga agjencia shtetërore e lajmeve KCNA.

Operacionet për të çliruar zonën e Kurskut me qëllim sprapsjen e pushtimit të guximshëm të Federatës Ruse nga autoritetet ukrainase kanë përfunduar me fitore”, raportoi KCNA, duke cituar zyrtarë ushtarakë të Koresë së Veriut.

Të shtunën, ushtria ruse pranoi gjithashtu për herë të parë vendosjen e ushtarëve të Koresë së Veriut në luftën në Ukrainë.

Më parë, të dy vendet as nuk e kishin konfirmuar dhe as mohuar dërgimin e trupave.

Sipas agjencisë së inteligjencës së Koresë së Jugut, Koreja e Veriut dërgoi rreth 11 000 trupa për të mbështetur Rusinë në fund të vitit të kaluar, kryesisht të vendosur në rajonin përreth zonave të pushtuara nga Ukraina në Kursk të Rusisë.

3 000 trupa të tjera do të dërgohen deri në fillim të vitit 2025”, sipas zyrtarëve ushtarakë të Koresë së Jugut.

Seuli pretendon se ushtria e Koresë së Veriut ka pësuar rreth 4 000 viktima në luftën në Ukrainë, përfshirë të plagosur dhe të vrarë./ATSH/

Continue Reading

Bota

India dhe Pakistani vazhdojnë të këmbejnë zjarr në Kashmir

Published

on

By

Ushtarët e Indisë dhe Pakistanit kanë këmbyer zjarr në ditën e katërt me radhë në Kashmirin e kontestuar, tha ushtria e Nju Delhit më 28 prill.

Nuk ka raportime për viktima dhe Islamabadi ende nuk ka konfirmuar ende lajmin për këmbimin e zjarrit.

India e ka akuzuar Pakistanin se mbështet “terrorizimin ndërkufitar” pasi një sulmues i armatosur vrau 26 persona javën e kaluar, që ishte sulmi më i rëndë ndaj civilëve në Kashmirin – me shumicë myslimane – në çerekshekullin e fundit.

Ky sulm ka rritur tensionet mes dy rivalëve me fuqi bërthamore.

Islamabadi ka mohuar se ka pasur ndonjë rol, duke thënë se kjo ishte një përpjekje për ta lidhur Pakistanin me sulmin dhe duke u zotuar se do të përgjigjet ndaj veprimeve të Indisë.

Gjatë natës midis 27 dhe 28 prillit… postet e ushtrisë pakistaneze nisën zjarr të paprovokuar përtej vijës së kontrollit”, tha ushtria indiane, duke iu referuar kufirit de facto në Kashmirin e kontestuar.

Trupat indiane janë përgjigjur menjëherë dhe në mënyrë efektive”, u tha në deklaratë.

Pas sulmit të 22 prillit, Nju Delhi ndërmori disa hapa diplomatikë, duke tërhequr vizat për pakistanezët, duke pezulluar një marrëveshje për ndarjen e ujërave si dhe njoftoi për mbylljen e kufirit kryesor tokësor me Pakistanin.

Në përgjigje, Islamabadi urdhëroi dëbimin e diplomatëve dhe këshilltarëve ushtarakë indianë, anuloi vizat për shtetasit indianë dhe ndaloi avionët e Indisë që të përdornin hapësirën ajrore pakistaneze.

Kombet e Bashkuara u kanë bërë thirrje palëve për “përmbajtje maksimale” në mënyrë që çështjet të “mund të zgjidhen në mënyrë paqësore përmes një angazhimi të ndërsjellë dhe konstruktiv”./REL/

Continue Reading

Bota

Gjermania thirrje Ukrainës të mos pranojë marrëveshjen e Trump: Është kapitullim

Published

on

By

Gjermania i ka bërë thirrje Ukrainës të mos pranojë propozimin e fundit për paqe të presidentit amerikan Donald Trump, i cili sugjeron që Kievi të heqë dorë nga territore të mëdha në këmbim të një armëpushimi me Rusinë.

Ministri gjerman i Mbrojtjes, Boris Pistorius, deklaroi të dielën për transmetuesin publik ARD se një marrëveshje e tillë do të ishte e barasvlershme me një “kapitullim”. Sipas tij, ndonëse Ukraina mund të jetë e detyruar të bëjë disa kompromise territoriale për të arritur një armëpushim të qëndrueshëm, ajo nuk duhet të pranojë kushtet e ofruara nga Trump.

Ukraina padyshim e di se mund të duhet të heqë dorë nga një pjesë e territorit për të arritur një armëpushim të qëndrueshëm që është rënë dakord me mirëbesim”, tha Pistorius. “Por ata sigurisht nuk do të shkojnë aq larg, ose nuk duhet të shkojnë aq larg, sa propozimi i fundit nga presidenti amerikan.

Pistorius shtoi se propozimi i paraqitur nga Trump nuk sjell asnjë vlerë të shtuar për Ukrainën dhe se një marrëveshje e tillë mund të ishte arritur edhe një vit më parë, në kushte që ai i konsideron të papranueshme.

Sipas raportimeve të mëparshme nga Axios, e ashtuquajtura “ofertë përfundimtare” e Trump përfshin njohjen nga Shtetet e Bashkuara të Krimesë si pjesë e Rusisë, njohjen jozyrtare të kontrollit rus mbi territoret e pushtuara pas vitit 2022, ndalimin e anëtarësimit të Ukrainës në NATO dhe heqjen e sanksioneve kundër Rusisë të vendosura që prej vitit 2014.

Komentet e Pistorius vijnë në një kohë kur në Washington po diskutohet seriozisht mundësia e vazhdimit të rolit ndërmjetësues në konflikt. Senatori amerikan Marco Rubio deklaroi së fundmi se administrata Trump po shqyrton nëse palët janë mjaftueshëm afër një marrëveshjeje për të justifikuar një investim të mëtejshëm diplomatik. Megjithatë, Rubio nuk specifikoi një afat përfundimtar për arritjen e një përparimi.

Continue Reading

Bota

Trump: I zhgënjyer nga Rusia, Putin të ndalojë sulmet dhe të negociojë

Published

on

By

Presidenti amerikan Donald Trump thotë se është shumë i zhgënjyer me Rusinë dhe beson se Presidenti Vladimir Putin duhet të ndalojë së shtëni mbi Ukrainën dhe të bëjë marrëveshje.

Volodymyr Zelensky është më i qetë dhe dëshiron një marrëveshje”, theksoi Trump pas takimit me presidentin ukrainas në Kishën e Shën Pjetrit.

Takimi ynë shkoi mirë. Zelensky po bën një punë të mirë dhe dëshiron një marrëveshje. Ai ka kërkuar më shumë armë”, shtoi Trump.

“Mendoj se po, theksoi Trump në përgjigje të pyetjes nëse sipas mendimit të tij, presidenti ukrainas Volodymyr Zelensky do të ishte i gatshëm të lëshonte Krimenë si pjesë të një marrëveshjeje për t’i dhënë fund luftës.

Krimea u dorëzua vite më parë, pa asnjë të shtënë. Pyeteni Obamën”, theksoi Trump.

Shën Pjetri është zyra më e bukur që kam parë ndonjëherë. Ishte një pamje shumë e bukur”, theksoi Trump duke iu referuar takimit me Zelenskyn në prag të funeralit të Papa Françeskut./ATSH/

Continue Reading

Të kërkuara