Lajmet

BE-ja ka “informacione të besueshme” se Irani i ka dërguar raketa Rusisë

Published

on

Bashkimi Evropian tha më 9 shtator se aleatët e tij kanë ndarë “informacione të besueshme” se Irani e ka furnizuar Rusinë me raketa balistike, një pretendim që është hedhur poshtë nga Teherani, por nuk është mohuar në mënyrë eksplicite nga Kremlini.

Mediat amerikane, duke cituar burime anonime, raportuan javën e kaluar se Uashingtoni beson që Irani ka transferuar armë në Rusi, për përdorim në Ukrainë.

“Ne jemi në dijeni të informacioneve të besueshme, që na janë ofruar nga aleatët tanë, për dërgimin e raketave balistike iraniane në Rusi”, tha zëdhënësi i BE-së, Peter Stano.

“Jemi duke i shqyrtuar më tej [informacionet] me anëtarët tanë dhe nëse konfirmohen, këto dërgesa do të paraqisnin një përshkallëzim të rëndësishëm të mbështetjes së Iranit për luftën e paligjshme të agresionit të Rusisë kundër Ukrainës”, tha ai.

Stano shtoi se “qëndrimi unanim i udhëheqësve të BE-së ka qenë gjithmonë i qartë. BE-ja do të përgjigjet në mënyrë të shpejtë dhe në koordinim me partnerët tanë ndërkombëtarë, përfshirë edhe përmes masave të reja kufizuese ndaj Iranit. Ministria e Jashtme iraniane ka hedhur poshtë këto akuza.

Perëndimi për muaj të tërë ka paralajmëruar Teheranin kundër dërgimit të raketa në Rusi dhe BE-ja veçse ka goditur Iranin me sanksione për shkak se ka furnizuar Moskën me dronë.

“Ne mohojmë fuqishëm pretendimet ndaj rolit të Iranit në eksportin e armëve për njërën anë të luftës të luftës”, tha zëdhënësi i Ministrisë të Jashtme të Iranit, Nasser Kanali.

Kur u pyet për raportimet e mediave amerikane, Kremlini të hënën nuk mohoi në mënyrë eksplicite se Irani i ka dërguar raketa.

SHBA-ja ka thënë se çdo dërgesë e këtij lloji do të përballej me një përgjigje “të ashpër” dhe do të dëmtonte përpjekjet e Teheranit për përmirësimin e raporteve me Perëndimin.

E përballur me sanksione të ashpra perëndimore, Moska u është drejtuar Iranit dhe Koresë së Veriut për furnizime me armë, në mënyrë që të vazhdojë luftën e saj kundër Ukrainës./REL

Lajmet

Ministria e Shëndetësisë paralajmëron 100 inspektorë të rinj për luftën kundër duhanit

Published

on

By

Ministria e Shëndetësisë po planifikon t’i punësojë edhe 100 inspektorë me qëllim të rritjes së kontrollit të përdorimit të duhanit në Kosovë, kështu tha ministri në detyrë i Shëndetësisë, Arben Vitia gjatë një konference për media në prag të Ditës Botërore Kundër Duhanit.

Ministri i Shëndetësisë, Arben Vitia tha se është lajm i mirë që në Kosovë ka rënie të përdorimit të duhanit për shkak të politikave të ndërmarra, por shtoi se ende duhet punë.

Vitia theksoi se miratimi dhe zbatimi i udhëzimit administrativ për vërejtjet e kombinuara shëndetësore në pakot e duhanit ka dhënë rezultatet e tij.

Në Kosovë sipas STEPS përdorimi i duhanit është në rënie krahasuar me vitin 2011 apo hulumtimin paraprak, që natyrisht kjo është një lajm i mirë, ky është trend inkurajues që dëshmon efektivitetin e politikave të deritanishme, por një trend i pamjaftueshëm për qëllimet që ia kemi bërë vetes,” tha ai.

Ministri në detyrë i Shëndetësisë, Arben Vitia tha se me Ministrinë e Financave po shohin mundësinë t’i shtojnë kapacitetet inspektuese edhe për 100 inspektorë me qëllim të rritjes më të madhe të kontrollit të duhanit.

Rritja e akcizës në 65 euro për kilogram sipas vendimit të qeverisë së Kosovës është tjetër sinjal që politikat fiskale po japin efekt… Kemi fuqizuar edhe kapacitetin inspektues përmes rekrutimit të rreth 30 inspektorëve të rinj që kanë ndihmuar në zbatim të ligjit, por natyrisht kjo akoma nuk është e mjaftueshme dhe vazhdon të mbetet sfidë serioze, prandaj kohëve të fundit në bashkëpunim me ministrinë e Financave po përgatisim një plan për angazhimin e rreth 100 vetave shtesë që ky ligj të zbatohet në përpikëri në të gjitha vendet ku nuk duhet të pihet duhani,” theksoi Vitia.

 

Continue Reading

Lajmet

PDK-ja dorëzoi zyrtarisht në ZRRE kundërshtimin për daljen e bizneseve në tregun e lirë

Published

on

By

Partia Demokratike e Kosovës (PDK) ka dorëzuar sot në mënyrë zyrtare kundërshtimin e saj ndaj vendimit të Zyrës së Rregullatorit për Energji (ZRRE) për daljen e bizneseve në tregun e lirë, duke e cilësuar këtë vendim si të paligjshëm dhe të papërballueshëm për qytetarët.

Në një konferencë për media, deputeti i PDK-së, Abelard Tahiri, bëri të ditur se partia ka ndërmarrë hapa ligjorë për ta sfiduar këtë vendim brenda afateve të përcaktuara.

Ngritja e çmimit e ka bërë të pamundur përballimin e kësaj kostoje të lartë nga rritja e çmimeve që do të pasojë nga vendimet e paligjshme të ZRRE-së. Ne sot, duke ndjekur hapat ligjorë, e kemi dorëzuar kundërshtimin tonë administratës në ZRRE. Jemi të bindur që qëndrimet e tyre do të jenë të njëjta. Ne do të presim 15 ditë për ta anuluar këtë. Nëse brenda 15 ditëve ata nuk e anulojnë, ne do ta procedojmë në departament,” tha Tahiri.

Continue Reading

Lajmet

PDK-ja sot nis betejën ligjore për të rrëzuar vendimin e ZRRE-së

Published

on

By

Partia Demokratike e Kosovës (PDK) sot do të fillojë betejën ligjore për të kontestuar vendimin e ZRRE-së lidhur me kalimin në tregun e lirë të energjisë elektrike.

Kryetari i PDK-së, Memli Krasniqi, ka deklaruar se kundërshtimi i këtij vendimi do të bëhet duke bërë kundërshtimin administrativ të vendimit të ZRRE-së.

Sipas Krasniqit, PDK-ja nuk do të ndalet deri në rrëzimin e këtij vendimi, të cilin e konsideron të padrejtë dhe të dëmshëm për qytetarët dhe ekonominë e Kosovës.

PDK do të fillojë nesër betejë ligjore për këtë rast. Kemi besuar se do ta shtyjë vendimin. Sepse nuk ka treg të lirë. Është vetëm një ofertues, monopol. Nesër do të bëjmë kundërshtim administrativ në ZRRE, pastaj betejën ligjore deri në anulim. Vendim i tmerrshëm dhe krim kundër ekonomisë së Kosovës”, tha Krasniqi.

Continue Reading

Lajmet

Rizvanolli akuzon OEK për pengesa

Published

on

By

Ministrja e Ekonomisë, Artane Rizvanolli ka deklaruar se kanë ftuar për takim bizneset dhe odat sot nga ora 13:00 lidhur me vendimin për daljen në treg të lirë të bizneseve, porse siç tha ajo, kanë presion nga odat ekonomike që të mos mbajnë takime.

Në një konferencë për media, Rizvanolli tha se disa nga bizneset hezitojnë të vinë në takimin e sotëm.

Kemi dëgjuar se bizneset kanë presion nga Oda Ekonomike e Kosovës për të mos marrë pjesë në takime. Disa kanë thënë hezitojnë të vinë në takimin e sotëm, pasi nuk ndjehen mirë në një pozitë të tillë“, ka thënë Rizvanolli.

Ajo po ashtu ka thënë se duhet kaluar ky tranzicion.

OEK që sot ka vendos të bart problemin, dhe t’i bllokojë rrugët nuk ka ndërmarrë asnjë hap t’i përgatit bizneset. Kjo është sfidë të cilës nuk mund t’i ikim, duhet të kalojmë në këtë tranzicion. Qeveria do të jetë në çdo hap dhe betejë me secilin prej tyre“, ka shtuar Rizvanolli.

Ndërsa ka thënë se deklaratat që KESCO blen energjinë me 30 euro dhe do të shes në treg të lirë është dezinformatë.

Është dezinformatë që ka qarkulluar, nuk është e saktë që KESCO do të blejë energjinë me 30 euro dhe do të shes në treg të lirë“, nënvizoi ajo.

Bizneset kanë protestuar sot me bllokimin e disa hyrjeve në Prishtinë kundër vendimit për kalimin e bizneseve në tregun e lirë të energjisë elektrike më 1 qershor. Përfaqësuesit e bizneseve kërkojnë shtyrje të këtij procesi për një vit, në të kundërtën paralajmërojnë pasoja të rënda për ekonominë vendore.

Continue Reading

Të kërkuara