Lajmet
BE dhe SHBA bisedojnë për bashkëpunim
Do të flitet edhe për mosmarrëveshjet e mëdha me Kinën dhe vende të tjera.
Published
3 years agoon
By
Betim GashiKëshilli i Tregtisë dhe Teknologjisë (TTC), të cilin Komisioni i BE-së dhe qeveria amerikane e themeluan pas takimit të tyre në Bruksel në qershor, do të takohet për herë të parë në nivelin drejtuesish të mërkurën (29.09). Dy zonat më të mëdha ekonomike të qeverisura në mënyrë demokratike në botë duan të punojnë së bashku për të vendosur standarde të përbashkëta, për të forcuar inovacionet, investimet dhe tregtinë. Vitin e kaluar vëllimi tregtar mes tyre ka qenë 556 miliardë euro ose 42 përqind e tregtisë botërore.
Takimi TTC ishte shumë afër shtyrjes, pas tendosjeve të fundit mes Francës dhe SHBA, për shkak të një projekti të armatimeve me nëndetëse me Australinë. Por presidenti amerikan Biden dhe ai francez Macron kanë arritur të ulin tensionet dhe të rivendosin mirëbesimin, të paktën për aq sa takimi të mos shtyhet.
Problemet që ka shkaktuar Trumpi
Për dy komisionerët e BE, Margarethe Vestager (Departamenti i Digjitalizimit në Evropë) dhe Valdis Dombrovskis (Departamenti i Ekonomisë), bisedimet janë shumë të rëndësishme. “Ne kemi vlera të përbashkëta demokratike dhe duam t’i përkthejmë ato në masa konkrete në të dy anët e Atlantikut”, deklaroi Margrethe Vestager në qershor. Krahasuar me vitet shkatërruese në kohën e presidentit Trump, ky është një hap i madh përpara. Trump kishte ndërprerë negociatat zyrtare midis BE-së dhe SHBA-së për një marrëveshje gjithëpërfshirëse të tregtisë së lirë dhe investimeve (TTIP), ndonëse negociatat kanë zgjatur me vite.
Marrëveshja e tregtisë së lirë
Komisioneri i BE, Valdis Dombrovski
Diplomatët e BE-së që përgatitën raundin e ri të bisedimeve thonë se këtu nuk bëhet fjalë për vazhdimin e negociatave TTIP – me mënyra të tjera. Qëllimi nuk është arritja e një marrëveshje formale. Por me siguri që do të flitet për konfliktet tregtare për çelikun, aluminin, taksat dhe tarifat ndëshkuese që janë futur në kohën e Trumpit. Ata megjithatë nuk besojnë se problemi do të zgjidhet me një takim, thotë eksperti i tregtisë, Peter Chase nga një think tank gjerman në Bruksel.
“Problemi i vërtetë është se të dyja palët nuk kanë vizion se çfarë duhet të bëjnë. Ndaj do të synohet që të arrihet diçka më pak se TTIP.” Qëllimi i raundit të parë të bisedimeve, ku do të takohen dhjetë grupe pune dhe do të flasin për temat si inteligjenca artificiale, zinxhirët e prodhimit digjital, furnizimi me lëndë të parë etj. do të jetë një udhërrëfyes konkret se çfarë standardesh duhet të arrihen.
Demokratët duhet të bashkëpunojnë
Sekretari amerikan i Shtetit Anthony Blinken vendosi synime ambicioze për takimin e Këshillit të Tregtisë dhe Teknologjisë. Ai synon gjithashtu forcimin e demokracive perëndimore. Blinken në korrik u bëri thirrje demokracive të mbrojnë pozicionet drejtuese në inovacionet digjitale dhe vendosjen e standardeve për rregullimin e inteligjencës artificiale, për të garuar dhe konkurruar sa më fuqishëm në internet. Kina dhe Rusia, nga ana tjetër, do të përdorin teknologji të reja për sulmet e hakerëve dhe për mbikqyrjen masive.
Margarethe Vestager
Problemet me lëndë të parë
Në disa sektorë, si në prodhimin e përçuesve elektrikë, ka probleme serioze me furnizimin. Këto lëndë tani importohen prej Azisë në 80 – 90 % të rasteve. Për momentin ka ngushtica të mëdha në treg, ndërkohë që probleme ka edhe me furnizimin e prodhuesve të automjeteve me lëndë të para. Kjo do të jetë një temë tjetër që do të trajtohen në konsultimet mes SHBA dhe BE, sepse ato duan të jenë konkurruese në tregun botëror.
BE dhe SHBA duan të bien dakord mbi rregullat e përbashkëta për investimet e rëndësishme strategjike në Kinë dhe në tregjet e tjera. Edhe testet e përbashkëta të pajisjeve të mundshme të armatimit dhe kontrollet e eksportit për teknologji të ndjeshme të lartë do të diskutohen. Për më tepër, grupet e punës merren me kontrollin dhe me taksat për kompanitë e mëdha në internet, furnizimin e qëndrueshëm me energji dhe teknologjitë përkatëse për klimën.
“Nëse SHBA dhe Evropa në të vërtetë përdorin këshillin e ri për të krijuar lidhjen midis sigurisë kombëtare dhe fuqisë ekonomike, atëherë mund të ketë edhe diçka të rëndësishme. Por për këtë do të duhet kohë”, thotë Peter Chase nga instituti gjerman Marshall. Takimi do të mbahet në Pitsburg, që dikur ishte një qendër e industrisë së rëndë për teknologji të reja dhe ekonomi digjitale.DW
You may like
Bota
Klani Berluskoni po kthehet në politikën italiane!
Published
5 hours agoon
October 9, 2024By
UBT NEWSDy fëmijët e Silvio Berlusconit, ish-kryeministrit italian, Marina dhe Pier Silvio, po planifikojnë rikthimin e partisë Forza Italia në politikën italiane. Ky zhvillim vjen pas vdekjes së Berlusconit vitin e kaluar në moshën 86-vjeçare, pas një karriere të gjatë si lider i qeverisë italiane dhe themelues i partisë së njohur.
Sipas raportimeve të Bloomberg, që nga fundi i korrikut, fëmijët e Berlusconit janë takuar me këshilltarët e tyre politikë, përfshirë strategun e babait të tyre, Gianni Letta, dhe ish-presidentin e Parlamentit Europian, Antonio Tajani, aktualisht ministër i Jashtëm. Takimet kanë për qëllim diskutimin e ideve për rikthimin e Forza Italias dhe sfidimin e partisë aktuale në pushtet, Vëllezërit e Italisë, të udhëhequr nga kryeministrja Giorgia Meloni.
Marina, 58 vjeçe, drejton kompaninë e familjes, Fininvest SpA, ndërsa vëllai i saj Pier Silvio, 55 vjeç, është në krye të MediaForEurope. Ata duket se po përpiqen të largohen nga bota e korporatave dhe të rinovojnë Forza Italian, duke e pozicionuar atë si një alternativë të fortë ndaj qeverisë aktuale.
Sipas raportit, fëmijët e Berlusconit po përpiqen të ndikojnë edhe në politikën qeveritare, sidomos në përpjekjet për të penguar vendosjen e taksave të reja mbi fitimet bankare. Giovanni Orsina, kreu i departamentit të politikës në Universitetin LUISS në Romë, thekson se fëmijët mund të jenë të gatshëm të “marrin kontrollin” nëse qeveria Meloni përballet me një krizë.
Ky rikthim politik erdhi në një kohë kur partia e Melonit po përballet me tensione brenda koalicionit të saj dhe përplasje me Brukselin për politikën buxhetore. Klani Berlusconi po shfrytëzon këtë situatë për të mobilizuar mbështetje dhe për të ushtruar presion mbi ekipin e Melonit, duke krijuar mundësi për një rikthim të mundshëm në pushtet./UBTNews/
Lajmet
Muaji i ndërgjegjësimit: UBT rozë në tetor!
Published
5 hours agoon
October 9, 2024By
UBT NEWSNë UBT u mbajt një ngjarje e veçantë në kuadër të muajit Tetor Rozë, dedikuar ndërgjegjësimit për Kancerin e Gjirit. Kjo ngjarje kishte si qëllim të nxisë ndërveprimin dhe të promovojë veprime konkrete për shëndetin e grave dhe vajzave në Kosovë.
Pjesëmarrësit përfshinin përfaqësues nga Instituti Kombëtar i Shëndetësisë Publike të Kosovës, profesorë, dekanë dhe studentë të UBT-së. Gjatë diskutimeve, u theksua rëndësia e diagnostikimit të hershëm dhe kujdesit të vazhdueshëm ndaj shëndetit të grave. Ekspertët mjekësorë nënvizuan se diagnostikimi i hershëm mund të shpëtojë jetë dhe inkurajuan gratë dhe vajzat të kryejnë kontrolle të rregullta dhe të informohen për metodat e parandalimit dhe trajtimit të kancerit të gjirit.
Fjalimet e përfaqësuesve të UBT-së dhe të ftuarve reflektuan angazhimin e tyre për të mbështetur fushata të tilla dhe për të ofruar platforma informuese për shëndetin publik. Ata bënë thirrje për vëmendje të shtuar ndaj shëndetit të grave, duke theksuar se kontrollet mjekësore të rregullta janë të domosdoshme për parandalimin e sëmundjeve.
Ngjarja u shoqërua me aktivitete ndërgjegjësuese, duke përfshirë shpërndarjen e materialeve informuese dhe mundësinë për të bërë pyetje ekspertëve. UBT demonstroi kështu angazhimin e tij për shëndetin e komunitetit, duke ofruar një platformë të vlefshme për informimin dhe mbështetje për çdo grua dhe vajzë në Kosovë./UBTNews/
Lajmet
Rohde: Kosova nga tani do të përfaqësohet në CEFTA nga zyrtarët e vet
Published
6 hours agoon
October 9, 2024By
UBTnewsAmbasadori gjerman në Prishtinë, Jorn Rohde, ka thënë të mërkurën se Kosova do të përfaqësohet nga zyrtarët e vet nga tani në Marrëveshjen për Tregtinë e Lirë të vendeve të Evropës Qendrore (CEFTA).
Kosova është përfaqësuar në CEFTA përmes Misionit të Kombeve të Bashkuara në Kosovë (UNMIK) prej vitit 2007, kur iu bashkua asaj.
“Lajm vërtet i mirë për Kosovën dhe tërë rajonin: CEFTA është zhbllokuar dhe nga tani Kosova do të përfaqësohet nga zyrtarët e vet, ashtu siç duhet, e jo nga UNMIK-u”, shkroi Rohde në X.
CEFTA synon rritjen e tregtisë së mallrave dhe shërbimeve, eliminimin e barrierave tregtare mes palëve dhe tërheqjen e investimeve.
Ai tha se ky është “hap i madh” drejt përfaqësimit dhe pjesëmarrjes së barabartë në këtë organ rajonal.
Ky ndryshim, të cilin Kosova ka kohë që e kërkon, erdhi dy ditë pasi Qeveria e Kosovës vendosi ta heqë ndalesën ndaj importit të mallrave serbe në pikëkalimin në Merdare.
Kosova u përball me trysni në javët e fundit për ta hequr ndalesën ndaj mallrave serbe, posaçërisht nga Gjermania.
Gjermania ka këmbëngulur se ndalimi i importit të mallrave nga Serbia dëmton marrëveshjen CEFTA-s dhe Procesin e Berlinit, një nismë që synon të ndihmojë zhvillimin ekonomik të gjashtë vendet e Ballkanit Perëndimor dhe t’i afrojnë ato me Bashkimin Evropian.
I dërguari i posaçëm i Gjermanisë për Ballkanin Perëndimor, Manuel Sarrazin, qëndroi disa herë në Kosovë në muajt e fundit, ku paralajmëroi se ndalesa e mallrave serbe bllokonte punën e CEFTA-s, dhe se, për shkak të saj, Kosova rrezikonte pjesëmarrjen në Procesin e Berlinit.
Samiti i dhjetë i Procesit të Berlinit mbahet më 14 tetor.
Pas kërkesës së zyrtarëve kosovarë për ndryshimin e emrit, Gjermania ofroi një “zgjidhje” në këmbim të heqjes së ndalesës për importin e mallrave nga Serbia.
Sarrazin theksoi se pranë emrit të Kosovës në CEFTA do të kishte një yll, ose një fusnotë, që tregon se statusi i Kosovës nuk është zgjidhur përfundimisht.
Kryeministri i Kosovës, Albin Kurti, tha të hënën kur njoftoi për heqjen e ndalesës ndaj mallrave serbe, se pret që Kosova në takimin e radhës të përfaqësohet me emrin e vet.
Shtetet anëtare të CEFTA-s janë Kosova, Shqipëria, Maqedonia e Veriut, Serbia, Bosnja dhe Hercegovina, Mali i Zi dhe Moldavia.
Rumania, Bullgaria dhe Kroacia u tërhoqën nga CEFTA pas anëtarësimit të tyre në BE./REL/
Lajmet
Hajdari: Kosova tash do të përfaqësohet vetë në CEFTA, pa UNMIK-un
Published
6 hours agoon
October 9, 2024By
UBTNewsMinistrja e Industrisë, Ndërmarrësisë dhe Tregtisë, Rozeta Hajdari, ka dalë me njoftim publik rreth zhbllokimit zyrtar të Marrëveshjes së Tregtisë të Lirë të Evropës Qendrore (CEFTA), ku tanimë Kosova do të përfaqësohet vetë dhe pa pjesëmarrjen e UNMIK-ut.
Në një konferencë për media pas përfundimit të mbledhjes së Komitetit të Përbashkët të CEFTA-s, Hajdari ka thënë se Kosova do të përfaqësohet si vendet tjera anëtare “pas një pune intensive të Qeverisë së Kosovës”.
“Ju njoftojmë se në takimin që kemi pasur me CEFTA-n, me Serbinë si udhëheqëse e këtij viti, ku në këtë takim është marrë vendim që përfundimisht pjesëmarrja e UNMIK është larguar dhe kjo ka ardhë pas një pune intensive të Qeverisë së Kosovës. Kosova do të përfaqësohet vetë dhe pa pjesëmarrjen e UNMIK. Qeveria përmes MINT me datë 24 shtator kishte adresuar letrën në sekretariat ku kërkonim largimin e UNMIK-ut, në mënyrë që Kosova të përfaqësohej si vendet tjera anëtare”, ka thënë Hajdari.
Klani Berluskoni po kthehet në politikën italiane!
Muaji i ndërgjegjësimit: UBT rozë në tetor!
Alarm: Barcelona u detyrohet 140 milionë euro klubeve të tjera
Atalanta në gjueti të Edon Zhegrovës!
Rohde: Kosova nga tani do të përfaqësohet në CEFTA nga zyrtarët e vet
Hajdari: Kosova tash do të përfaqësohet vetë në CEFTA, pa UNMIK-un
AfD nominon Alice Weidel si kandidate për kancelare
Arrestohet në Zveçan një person për armëmbajtje pa leje, sekuestrohet një sasi armatimi
Arda Güler në radarin e Mourinhos!
Të kërkuara
-
Lajmet2 months ago
Mbyllet olimpiada e Parisit 2024- Kurora e sportit i përket Amerikës
-
Lajmet2 months ago
Zgjedh Menaxhment, Biznes dhe Ekonomi në UBT – Ferizaj dhe bëhuni liderët e së ardhmes
-
Lajmet4 weeks ago
Kurti: Përdhunimi është mjeti që përdori Serbia në Kosovë në mënyrë që të lë pasoja të përhershme në familje
-
Kronika e zezë4 weeks ago
Arrestohet një i dyshuar për krime lufte, Policia: Në mars të 99-tës kreu vepra të ndryshme penale