Sport

Bayerni pendohet për Alaban

Rummenigge: Largimi i tij s’është kompensuar.

Published

4 years ago

November 22, 2021

Betim Gashi

Tek Bayerni i Mynihut duket se janë penduar që lejuan largimin e David Alabas drejt Realit të Madridit.

Ish-shefi ekzekutiv i bavarezëve, Karl-Heinz Rummenigge, shpreh keqardhjen që mbrojtësi austriak vendosi t’i japë lamtumirën klubit të jetës së tij, duke lënë një boshllëk në skuadrën e Julian Nagelsmannit.

“Mungon organizatori i mbrojtjes. Fatkeqësisht, ai është transferuar te Reali i Madrid. David Alaba ka qenë gjithmonë një njeri shumë i rëndësishëm për Bayernin, pasi ishte organizatori i mbrojtjes. Ai ishte gjithashtu një njeri i rëndësishëm për dhomën e zhveshjes. Mendoj se mungesa e Davidit ndihet në këtë mbrojtje. Në thelb, mendoj se të gjithë janë dakord që ky largim nuk duhej të ndodhte. Të mos harrojmë që djali u rrit te Bayerni, luajti për 13 vjet dhe gjithmonë ka qenë një lojtar i rëndësishëm, pjesë e ADN-së së skuadrës sonë.”

Rummenigge, duke iu kthyer bisedimeve për rinovimin e kontratës me 28-vjeçarin, deklaroi:

“Fatkeqësisht, gjithçka u bllokua në një moment. Ose për arsye ekonomike, ose për shkak të atmosferës. Është e vështirë të vlerësohet tani, por dimë ai tani nuk është më aty, për fat të keq. Mendoj se ky largim nuk është kompensuar plotësisht. Bëmë gjithçka që ai të qëndronte, fatkeqësisht, bisedimet ngecën diku. Dhe ai arriti në përfundimin se donte të largohej nga klubi sepse pa dyshim kishte një ofertë shumë interesante nga Reali i Madridi.”TCH

Sport

Abraham nga aeroplani, do të jem në sulm me dyshen shqiptare

Published

6 hours ago

July 1, 2025

UBT News

Besiktasi po përforcohet në repartin e sulmit për sezonin e ri.

Dhe ata kanë siguruar shërbimet e sulmuesit të njohur, Tammy Abraham nga Roma.

Në një video të publikuar nga vetë klubi turk, Abraham nga aeroplani jep mesazhin për tifozët e gjigantit turk.

Te Besiktasi ai do të luaj përkrah dyshes shqiptare, Milot Rashicës dhe Ernest Muçit.

Abraham sezonin që lamë pas ishte i huazuar te Milani, ku bëri 44 paraqitje dhe shënoi 10 gola dhe 7 asistime.

Sport

Ansu Fati zyrtarizohet te Monaco

Published

8 hours ago

July 1, 2025

UBT News

Monaco ka bërë lëvizjen e tretë në këtë afat kalimtar.

Pas Paul Pogbas dhe Eric Dierit, “bardhekuqtë” kanë siguruar shërbimet e Ansu Fatit.

Spanjolli, do t’i bashkohet në formë huazimi me të drejtë blerjeje për 11 milionë euro.

Fati zgjodhi numrin 31 në fanellë, numër që e kishte pasur fillimisht në debutimin e tij me Barcelonën si edhe te Brightoni.

Sport

Nis gara për organizimin e Botërorit të Klubeve, FIFA shqyrton mundësinë për ta luajtur në dimër

Published

11 hours ago

July 1, 2025

UBT News

FIFA po shqyrton mundësinë që edicioni i ardhshëm i FIFA Club World Cup të zhvillohet gjatë dimrit, një ndryshim që shkakton trazira në kalendarin e kampionateve europiane.

Katari, vendi që organizoi Kupën e Botës në 2022, ka shprehur interesin për të qenë nikoqiri i radhës së këtij turneu të zgjeruar, pas edicionit të parë këtë verë në SHBA. Për shkak të temperaturave gjatë verës në Katar, turneu duhet të mbahet në dhjetor, siç ndodhi edhe me Kupën e Botës në 2022.

Sipas raportimeve të The Guardian, përfaqësues të Katarit kanë zhvilluar bisedime me zyrtarët më të lartë të FIFA-s në SHBA për një mundësi ndryshimi të vendit të organizimit. Katar synon të organizojë këtë turne në dhjetor 2029.

Ky plan po ndeshet me kundërshtime të forta nga ligat evropiane, përfshirë Premier League, që paralajmërojnë ndërprerje të rëndësishme në sezon. Në 2022, zhvendosja e Kupës së Botës në dimër kishte detyruar ndalimin e kampionateve për më shumë se një muaj, një përvojë që ligat dëshirojnë ta shmangin.

Katar ofron ofertë të fortë duke pretenduar se mund të organizojë një Club World Cup me zero emetime karboni. Stadiumet e ndërtuara për Kupën e Botës janë ende të gatshme, gjë që do të ulë kostot dhe do të minimizojë udhëtimet për tifozët. Lojtarët janë ankuar për kushtet e motit gjatë turneut të fundit, me disa ndeshje të pezulluara për shkak të bubullimave e stuhive të verës në SHBA, përfshirë edhe ndeshjen Chelsea-Benfica që u ndërpre për dy orë.

Sindikatat e lojtarëve, si FifPro, kanë shprehur shqetësime për sigurinë e mirëqenien e sportistëve, ekspertët paralajmërojnë se situata e motit pritet të jetë sfiduese edhe në Kupën e Botës 2026 që zhvillohet në SHBA, Meksikë e Kanada.

Edhe Kupa e Botës 2034 në Arabinë Saudite të zhvendoset në dimër për shkak të kushteve klimatike.

Sport

Messi drejt rikthimit në Barcelonë?

Published

12 hours ago

July 1, 2025

UBT News

Kanë kaluar katër vite që kur Lionel Messi u largua nga Barcelona, por fansat ende ëndërrojnë rikthimin e legjendës argjentinase te klubi i zemrës së tij.

Në moshën 38-vjeçe, Messi luan në MLS me Inter Miami, ku kontrata e tij zgjat deri më 31 dhjetor 2025, spekulimet për një rikthim të mundshëm te Barcelona janë rikthyer fuqishëm në media.

Sipas gazetarit Esteban Edul nga ESPN Argentina, Messi po konsideron të lërë MLS-në rreth gjashtë muaj përpara FIFA Botërorit 2026, me synimin për të luajtur në një ligë më konkurruese dhe për t’u përgatitur më mirë për turneun.

Bisedimet për rinovimin e kontratës me Inter Miami janë pezulluar, duke lënë të hapur mundësinë e largimit në dritaren e transferimeve dimërore. Messi u shpall kampion bote me Argjentinën në Botërorin 2022 në Katar dhe do të hyjë në Botërorin 2026 si kampion në fuqi, me shpresën për të mbrojtur titullin.

Nëse vendos të largohet nga MLS, lidhjet për rikthimin në Barcelonë do të rifillojnë, siç ndodhi edhe kur u largua nga PSG në 2023.

Raportime të fundit sugjerojnë se marrëdhënia e prishur me bordin drejtues të Barcelonës, nën presidencën e Joan Laportas, e bën një rikthim të vështirë.

Gazetari Guillem Balague, i afërt me kampin e Messit, deklaroi në shkurt se ish-kapiteni i Barcelonës nuk do ta konsideronte kthimin te klubi për aq kohë sa Laporta do të jetë president. Me gjashtë muaj të mbetur deri në fund të kontratës me Inter Miami, mbetet për t’u parë nëse Barcelona do të përpiqet të zbusë marrëdhëniet dhe t’i japë mundësinë yllit të tyre të madh të bëjë një rikthim madhështor.