Sport

Batatina: Emërimi i Glihas gabim total nga FFK-ja, po të insistoja mund të bëhesha unë

Sipas tij, Ghilla është përgjëgjës për mos sukseset e Kosovës në ndeshjet e zhvilluara deri më tani.

Published

3 years ago

on

Trajneri i Llapit, Tahir Batatina e ka kundërshtuar ashpër vendimin e Federatës së Futbollit të Kosovës që në krye të kombëtares të emërohet trajneri Primozh Ghilla.

Ai ka thënë se ky është një gabim i radhës nga FFK pasi slloveni nuk i ka dhënë asgjë kombëtares sa ishte ndihmës i Alain Giresses.

Batatina ka shtuar se Ghilla është përgjëgjës për mos sukseset e Kosovës në ndeshjet e zhvilluara deri më tani.

“Unë mendoj që ky është një prej gabimeve të radhës që e bënë Federata e Futbollit të Kosovës. Pa marr parasysh ku do të vinte në krye të kombëtares, në momentin kur vazhdon atë avazin e kohës së kaluar kur trajneri i parë shkarkohet dhe ndihmësi i tij bëhet selektor, kur ndihmësi i parë e ka një përgjegjësi për suksesin dhe mos-suksesin, të paktën ka qenë pjesë e atij stafi dhe nuk ka pasur sukses dhe nuk e di çfarë filozofie më ndryshe mund të sjellë ai te skuadra. Kështu që mendoj ky është gabimi i radhës që është bërë, shpresoj që te ketë fat”, tha Batatina.

Ditë më parë, Batatina kishte shprehur gatishmëri për t’u bërë trajner i Kosovës, gjë për të cilën thotë se po të donte dhe po të insistonte më shumë, edhe do të mund të bëhej.

“Unë mendoj që është dashur të vendoset një trajner vendor, nuk është Batatina apo dikush tjetër. Nuk e ka pasur ashtu me çdo kush të jem trajner se po ta kisha fokusin ndoshta edhe mund të isha, nuk kam dashur as të bëjë presione të vazhdueshme apo diç tjetër. Si do që të jetë, mendoj që është gabim total vendosja e tij, është dashur të vendoset një prej shqiptarëve shef i shtabit teknik, është dashur një trajner vendor, e jo ky, nuk ka cilësi, nuk ka kualitet për te qenë aty, por shpresoj që ndeshjet e mbertura t’i përfundojmë, ta mbyll këtë cikël dhe mendoj se në ciklin e radhës në Kampionatin Evropian apo Botëror që do të mbahet të jetë një trajner i ri, me një vizion të ri i cili do ta arrin objektivin që e ka kombëtarja jonë”, tha Batatina.

Ndihmës të Glihas do të jenë dyshja e njohur nga Kosova, Afrim Tovërlani, i cili është trajneri i ekipit të Kosovës U-21 dhe Arbnor Morina.

Related Topics:
Continue Reading

Sport

Maroku pa golashënuesin kryesor ndaj Francës në çerekfinalen e Kupës së Botës

Published

56 minutes ago

on

July 9, 2026

By

Kombëtarja e Marokut ka marrë një goditje të madhe para përballjes së sotme ndaj Francës në çerekfinalen e Kupës së Botës.

Sulmuesi Ismael Saibari, golashënuesi më i mirë i marokenëve në këtë turne me tri gola të realizuar, nuk ka arritur të rikuperohet nga lëndimi dhe do ta humbasë ndeshjen që zhvillohet sonte nga ora 22:00 në Boston.

Saibari pësoi lëndim në ndeshjen e fazës së 1/8-tës ndaj Kanadasë. Stafi teknik i Marokut kishte shpresuar se ai do të ishte gati për sfidën vendimtare me Francën, por rikuperimi nuk ka shkuar sipas planit.

Mungesën e sulmuesit e ka konfirmuar edhe trajneri i Marokut, Mohamed Ouahbi, duke bërë të ditur se Saibari nuk do të jetë në dispozicion për këtë takim.

Mungesa e 24-vjeçarit konsiderohet një humbje e rëndësishme për Marokun, që synon kualifikimin në gjysmëfinalen e Kupës së Botës.

D.L

Continue Reading

Sport

Kosova U20 niset drejt Bratislavës për Kampionatin Evropian

Published

18 hours ago

on

July 8, 2026

By

Përfaqësuesja e Kosovës U20 në konkurrencën e djemve do të marrë pjesë në FIBA U20 EuroBasket 2026, Divizioni B, që do të zhvillohet nga 10 deri më 19 korrik në Bratislavë të Sllovakisë.

Dardanët e rinj do të synojnë paraqitje sa më të mira në arenën evropiane dhe do të luftojnë për një renditje sa më të lartë në këtë kampionat. Kosova është pjesë e Grupit D, ku do të përballet me Qipron, Bosnje e Hercegovinën, Portugalinë, Islandën dhe Armeninë.

Para nisjes së Evropianit, përzgjedhësi Andin Rashica ka bërë publike listën përfundimtare me 12 basketbollistët që do ta përfaqësojnë Kosovën në këtë garë.

Lista e Kosovës U20:

  • Erolt Rrahmani
  • Ambri Bedra
  • Andi Ahmeti
  • Elon Hasanaj
  • Eden Cingu
  • Oltion Shatri
  • Mal Tusuni
  • Drin Tafilaj
  • Mal Syla
  • Orion Beseni
  • Lir Zeneli
  • Noa Istrefi

Përzgjedhës i ekipit është Andin Rashica, ndërsa pjesë e stafit teknik janë edhe ndihmësit Elbesar Gështenja dhe Granit Makolli.

D.L

Continue Reading

Sport

Belgjika mposht bindshëm SHBA-në dhe siguron çerekfinalen e Botërorit

Published

1 day ago

on

July 8, 2026

By

Belgjika është kualifikuar në çerekfinale të Kupës së Botës 2026, pasi mposhti bindshëm Shtetet e Bashkuara të Amerikës me rezultat 4:1 në ndeshjen e zhvilluar në Seattle, para 66.925 shikuesve.

Edhe pse ishte një nga përballjet më të përfolura të këtij Botërori për shkak të zhvillimeve jashtë fushës, sfida në fushën e lojës u dominua nga belgët.

Charles De Ketelaere kaloi Belgjikën në epërsi në minutën e nëntë, ndërsa Malik Tillman barazoi shifrat për SHBA-në në minutën e 31-të. Gëzimi i amerikanëve zgjati pak, pasi vetëm dy minuta më vonë De Ketelaere realizoi golin e dytë personal për t’i rikthyer epërsinë belgëve.

Në pjesën e dytë, Hans Vanaken shënoi për 3:1 në minutën e 57-të, ndërsa Romelu Lukaku vulosi fitoren me golin e realizuar në kohën shtesë, në minutën e 93-të.

Para ndeshjes pati zhvillime që shkaktuan reagime të shumta në botën e futbollit. FIFA vendosi të pezullojë dënimin me një ndeshje moslojë të sulmuesit amerikan Folarin Balogun, i cili ishte ndëshkuar me karton të kuq në sfidën e kaluar. Sipas raportimeve, vendimi erdhi pasi presidenti i SHBA-së, Donald Trump, zhvilloi një bisedë telefonike me presidentin e FIFA-s, Gianni Infantino, duke kërkuar rishqyrtimin e kartonit të kuq të Balogun. Sulmuesi ishte titullar ndaj Belgjikës, por nuk arriti të lërë gjurmë në ndeshje.

Me këtë fitore, Belgjika avancon në çerekfinale, ku do të përballet me Spanjën.

D.L

Continue Reading

Sport

Argjentina siguron çerekfinalen pas një përmbysjeje dramatike ndaj Egjiptit

Published

1 day ago

on

July 8, 2026

By

Argjentina ka siguruar një vend në çerekfinalet e Kupës së Botës 2026, pasi mposhti Egjiptin me një përmbysje dramatike në ndeshjen e zhvilluar mbrëmjen e djeshme në Atlanta.

Kampionët në fuqi treguan edhe një herë karakterin e tyre, duke reaguar pasi mbetën në disavantazh dhe duke arritur një fitore të rëndësishme që i mban në garë për mbrojtjen e titullit.

Pas suksesit të vështirë ndaj Kepit të Gjelbër në raundin e 1/16, skuadra e drejtuar nga Lionel Scaloni dëshmoi se di të fitojë edhe në momentet më të vështira. Vendosmëria, intensiteti dhe lufta deri në sekondën e fundit ishin elementët që bënë diferencën.

Leandro Paredes, Julián Álvarez dhe Lautaro Martínez ishin ndër protagonistët kryesorë, duke dhënë kontribut të madh në rikthimin e Argjentinës. Veprimet e tyre vendimtare simbolizuan shpirtin luftarak që ka karakterizuar këtë brez futbollistësh.

Pas ndeshjes, u rikujtua edhe deklarata e Lionel Messit, i cili kishte thënë: “Njerëzit duhet të kenë besim, ky grup nuk do t’i zhgënjejë.“ Një mesazh që vazhdon të pasqyrojë karakterin e kësaj skuadre, e cila edhe një herë tregoi se nuk dorëzohet kurrë.

Me këtë fitore të arritur mbrëmjen e djeshme, Argjentina avancon në çerekfinale dhe vazhdon rrugëtimin drejt mbrojtjes së titullit botëror.

Burimi: ESPN

D.L

Continue Reading

Të kërkuara