Sport

Basketbollistet e Kosovës të etura për sukses në arenën ndërkombëtare

Published

4 years ago

August 18, 2020

Esad Dujaka

Kosova A (femrat) pritet të marrë pjesë në FIBA Kampionatin Evropian të Shteteve të Vogla, që do të organizohet në vitin e ardhshëm në Nicosia të Qipros prej 15 deri më 20 Qershor.

Bordi i Federatës së Basketbollit të Kosovës, detyrën e përzgjedhësit ia ka besuar Fidan Shatrit, i cili më herët ka qenë përzgjedhës i Kosovës U16, U18, U20 te femrat, derisa tani edhe i Kosovës A (femrat).

Shatri ka fituar pesë trofe me KBF Prishtinën dhe për vite të tëra ka punuar në basketbollin e femrave në Kosovë.

Në një intervistë për faqen zyrtare të FBK-së, ai flet për formimin e Kosovës A te femrat, pjesëmarrjen në garat ndërkombëtare dhe synimet.

Sa është e rëndësishme formimi i Kosova A (Femrat)?

Fidan Shatri: Formimi i Përfaqësues A të femrave është shumë i rëndësishëm, sepse vashat tona fitojnë përvojë në garat ndërkombëtare dhe kemi mundësi të shohim se në çfarë niveli jemi në krahasim me vendet tjera. Gjithashtu është një motivim për lojtaret e reja, që të ‘luftojnë’ për 12-shen më të mirë të Kosovës, sepse deri më tani një gjë e tillë nuk ka ndodhur.

Sa ka rëndësi pjesëmarrja në garat ndërkombëtare?

Fidan Shatri: Në garat ndërkombëtare basketbollistet e Kosovës do të fitojnë përvojë, që do të ju ndihmoj shumë atyre në të ardhmen. Është shumë e rëndësishme të përfaqësosh shtetin tënd në garat ndërkombëtare. Besoj se do të japim maksimumin tonë në çdo paraqitje në arenën ndërkombëtare.

Sa ndihmon kjo basketbollin e femrave në Kosovë?

Fidan Shatri: Për të gjitha lojtaret është një motivim shumë i madh, në mënyrë që të luajnë për Kosovën A. Shumë gjenerata kanë ëndërruar për këtë ditë që të luajmë në arenën ndërkombëtare, ndërsa ne do të kemi fatin që të prezantojmë vendin në vitin e ardhshëm. Mendoj se edhe për vashat e Kosovës është një motivim i madh që të luajnë për Kosovën A. Ato e dinë rëndësinë dhe besoj se do të japin maksimumin.

Ku do të jetë fokusi juaj?

Fidan Shatri: Ne do të mundohemi të kemi paraqitje sa më të mira. Sigurisht se nuk do të jetë lehtë për shkak se, është hera e parë. Do të mundohemi të krijojmë një ekip, me lojtare me përvojë, por edhe me ato më të reja në moshë që premtojnë shumë në të ardhmen. Kemi disa basketbolliste që luajnë jashtë Kosovës, që mund të grumbullohen, por edhe nga Superliga e Femrave.

Cilat janë synimet?

Fidan Shatri: Qëllimi ynë është të krijojmë një skuadër për të ardhmen. Na mungon përvoja në gara të tilla, por sigurisht se nuk do të luajmë me flamur të bardhë. Synimet janë të fitojmë përvojë, por edhe për paraqitje dinjitoze në garat ndërkombëtare. Besoj se angazhimi do të jetë maksimal nga të gjithë, sepse dëshira është e madhe për të pasur sukses në arenën ndërkombëtare.

Në FIBA Kampionatin Evropian për Shtetet e Vogla-Femrat në vitin 2020 janë paraqitur për të garuar: Andorra, Qipro, Gjibraltari, Irlanda, Luksemburgu, Malta dhe Norvegjia, por që u anulua për shkak të pandemisë Covid-19. Regjistrimi i shteteve për pjesëmarrje në FIBA Kampionate Evropiane në FIBA Europe do të bëhet si zakonisht, pra ndërmjet muajve Shtator/Tetor 2020.

FIBA Evropa ka kërkuar nga të gjitha Federatat Nacionale që të regjistrojnë ekipet e tyre për vitin 2021, pasi regjistrimet e paraqitura për vitin 2020 nuk do të merren parasysh.

Sport

Fonseca rrezikon shkarkimin nga Milani

Published

2 days ago

December 20, 2024

UBTnews

Rritet presioni mbi trajnerin e Milanit, Fonseca: “Gazzetta dello Sport” raporton se rezultatet e tre ndeshjeve të ardhshme do të përcaktojnë të ardhmen e portugezit në “San Siro”.

Milani viziton Veronën në ndeshjen hapëse të raundit 17 të Serie A këtë mbrëmje: një lojë vendimtare për kuqezinjtë dhe trajnerin e tyre, Fonseca. Sipas “Gazzetta”, e ardhmja e trajnerit në San Siro do të varet nga rezultatet e tre ndeshjeve konkurruese në vijim.

Pas ndeshjes së Veronës, Milani do të luajë në shtëpi kundër Romës më 29 dhjetor. Më pas, në ndeshjen e parë të vitit 2025, Milani do të përballet me Juventusin në gjysmëfinalen e Superkupës në Riad më 3 janar.

Fonseca nuk pritet të shkarkohet nëse Milani dështon të mposht Veronën këtë mbrëmje, por klubi thuhet se do të vlerësojë rezultatet në tre ndeshjet e ardhshme.

Vetëkuptohet se drejtuesit e Milanit presin rezultate më të mira në ndeshjet e ardhshme.

Sport

Tronditje në Angli: Humb jetën portieri James Hitchcock, arrestohet një futbollist!

Published

2 days ago

December 20, 2024

UBT NEWS

Anglia është tronditur nga lajmi për humbjen e jetës së James Hitchcock, portierit 28-vjeçar të klubit Barton Town FC, i cili është pjesë e Northern Counties East Football League. Hitchcock u sulmua gjatë një incidenti të ndodhur të dielën në stacionin hekurudhor Barton-upon-Humber dhe ndërroi jetë në spital si pasojë e plagëve në kokë.

Klubi i tij e bëri publik lajmin e dhimbshëm, duke shprehur ngushëllime për familjen dhe komunitetin sportiv që është prekur rëndë nga kjo tragjedi. Hitchcock ishte i martuar dhe baba i një fëmije, çka e bën humbjen edhe më të rëndë.

Policia Britanike ndërmori masa të menjëhershme duke arrestuar 21-vjeçarin Mckenzie Dicicco, një sulmues i njohur në ekipet e vogla angleze, si i dyshuar për vrasjen. Ngjarja ka tronditur jo vetëm futbollin rajonal, por edhe publikun më të gjerë, duke hapur debate mbi sigurinë dhe dhunën jashtë fushës së sportit.

Hetimet vazhdojnë për të zbardhur rrethanat e incidentit që i mori jetën portierit të ri./UBTNews/

Sport

Kush ishin më të mirët e basketbollit këtë vit?

Published

2 days ago

December 20, 2024

UBTnews

Federata e Basketbollit e Kosovës ka organizuar eventin shumë të rëndësishëm “Laureatët 2024”, me një mbrëmje gala, ku janë nderuar më të mirët e vitit 2024.

Çmimet kryesore i kanë rrëmbyer basketbollisti i Trepçës, Mikaile Tmusic dhe basketbollistja e Bashkimit, Aulona Muhadri.

Çmimet te meshkujt i ka ndarë Kryetari i Federatës së Basketbollit të Kosovës, Arben Fetahu, derisa te femrat, Sekretarja e Përgjithshme e FBK-së, Elvira Dushku dhe zëvendësministrja e Ministrisë së Kulturës, Rinisë dhe Sportit, Daulina Osmani.

Tmusic fitoi katër trofe me Trepçën gjatë vitit 2024, derisa Muhadri tre trofetë me Bashkimin.

Ata kanë falënderuar bashkëlojtarët/et për ndihmën e dhënë, si dhe klubet përkatëse dhe tifozët për mbështetjen e vazhdueshme.

Në top 5 te femrat kanë hyrë: Arbnore Përquku (KBF Bashkimi), Jeta Zeka (KBF Bashkimi/KBF Penza), Malvina Haziri (KBF Prishtina), Sara Vraniqi (KBF Penza/KBF Peja 03) dhe Aulona Muhadri.

Ndërkohë te meshkujt në Top 5 kanë hyrë: Dardan Kapiti (KB Trepça), Gëzim Morina (KB Golden Eagle Ylli), Muhamedali Janjeva (KB Sigal Prishtina), Valon Bunjaku (KB Golden Eagle Ylli/ KB Bashkimi) dhe Mikaile Tmusiq (Trepca).

Skuadra më e mirë në konkurrencën e meshkujve është shpallur KB Trepça, derisa skuadra më e mirë në konkurrencën e femrave: KBF Bashkimi.

Trajneri i vitit është shpallur Lorik Kllokoqi, pasi fitoi Divizionin C me femra U18.

Shpresa e vitit te djemtë dhe vajzat ishin Yll Kastrati (KB Bora/KB Kerasan) dhe Flutra Mehmeti (KBF Prishtina).

Ngadhnjim Shabani është shpallur Gjyqtari i Vitit, i cili është edhe gjyqtar ndërkombëtar.

Punëtori Sportiv i Vitit është shpallur Vullnet Sefaja, i cili është president i Trepçës, duke fituar katër trofe brenda një viti dhe duke garuar në arenën ndërkombëtare.

Ambasadorja e basketbollit të Kosovës jashtë vendit është shpallur Astera Tuhina (Ëashington State Cougars).

Gjithashtu ka pasur çmim të veçantë për Veteran/e: Mithat Belegu te meshkujt dhe Xhevahire Mustafa te femrat.

Çmim i veçantë për Kontribuues i basketbollit, ku është nderuar Mexhit Sogojeva.

Sport

Dëmtimi i frikshëm i Donnarumma-s, humb ndeshjen me Lensin

Published

3 days ago

December 19, 2024

UBT NEWS

Gianluigi Donnarumma ka pësuar një “traumë në fytyrë” me “plagë të shumta”, sipas diagnozës fillestare të stafit mjekësor të Paris Saint-Germain, pasi u godit në mënyrë të dhunshme nga Wilfried Singo gjatë ndeshjes së luajtur të mërkurën kundër Monakos. Portieri i PSG-së ka marrë 10 qepje në fytyrë dhe një prerje shumë të rëndë. Imazhet e incidentit janë përhapur shpejt nëpër botë dhe kanë tërhequr vëmendjen e tifozëve dhe mediave.

Për momentin, nuk ka një datë të saktë për rikthimin e Donnarumma-s në fushë. PSG ka lëshuar një komunikatë në të cilën njofton se portieri i Kombëtares italiane është kthyer në Paris me pjesën tjetër të grupit dhe do t’i nënshtrohet disa ekzaminimeve të mëtejshme për të vlerësuar shkallën e dëmtimit dhe për të përcaktuar nëse ka ndonjë dëmtim të mundshëm të kockave të fytyrës. Klubin francez ka konfirmuar gjithashtu se Donnarumma do të duhet të qëndrojë pa aktivitet për disa ditë dhe do të mungojë në ndeshjen kundër Lens, e cila do të luhet të dielën e ardhshme.

Kërkesa për falje ka ardhur nga vetë Wilfried Singo, i cili ka shprehur keqardhjen e tij për incidentin. Në një postim në Instagram, ai shkruan: “Dua të kërkoj falje nga Gianluigi Donnarumma. Gjesti im nuk ishte natyrisht i qëllimshëm, vetëm më vonë pata mundësinë të shihja se ai kishte një plagë të rëndë në fytyrë. Të uroj shërim të shpejtë”. Singo ka luajtur te Torino nga 2019 deri në 2023, dhe ka theksuar se nuk kishte pasur asnjë qëllim të keq në veprimin e tij./UBTNews/