Sport

Basketbollistet e Kosovës të etura për sukses në arenën ndërkombëtare

Published

6 years ago

August 18, 2020

Esad Dujaka

Kosova A (femrat) pritet të marrë pjesë në FIBA Kampionatin Evropian të Shteteve të Vogla, që do të organizohet në vitin e ardhshëm në Nicosia të Qipros prej 15 deri më 20 Qershor.

Bordi i Federatës së Basketbollit të Kosovës, detyrën e përzgjedhësit ia ka besuar Fidan Shatrit, i cili më herët ka qenë përzgjedhës i Kosovës U16, U18, U20 te femrat, derisa tani edhe i Kosovës A (femrat).

Shatri ka fituar pesë trofe me KBF Prishtinën dhe për vite të tëra ka punuar në basketbollin e femrave në Kosovë.

Në një intervistë për faqen zyrtare të FBK-së, ai flet për formimin e Kosovës A te femrat, pjesëmarrjen në garat ndërkombëtare dhe synimet.

Sa është e rëndësishme formimi i Kosova A (Femrat)?

Fidan Shatri: Formimi i Përfaqësues A të femrave është shumë i rëndësishëm, sepse vashat tona fitojnë përvojë në garat ndërkombëtare dhe kemi mundësi të shohim se në çfarë niveli jemi në krahasim me vendet tjera. Gjithashtu është një motivim për lojtaret e reja, që të ‘luftojnë’ për 12-shen më të mirë të Kosovës, sepse deri më tani një gjë e tillë nuk ka ndodhur.

Sa ka rëndësi pjesëmarrja në garat ndërkombëtare?

Fidan Shatri: Në garat ndërkombëtare basketbollistet e Kosovës do të fitojnë përvojë, që do të ju ndihmoj shumë atyre në të ardhmen. Është shumë e rëndësishme të përfaqësosh shtetin tënd në garat ndërkombëtare. Besoj se do të japim maksimumin tonë në çdo paraqitje në arenën ndërkombëtare.

Sa ndihmon kjo basketbollin e femrave në Kosovë?

Fidan Shatri: Për të gjitha lojtaret është një motivim shumë i madh, në mënyrë që të luajnë për Kosovën A. Shumë gjenerata kanë ëndërruar për këtë ditë që të luajmë në arenën ndërkombëtare, ndërsa ne do të kemi fatin që të prezantojmë vendin në vitin e ardhshëm. Mendoj se edhe për vashat e Kosovës është një motivim i madh që të luajnë për Kosovën A. Ato e dinë rëndësinë dhe besoj se do të japin maksimumin.

Ku do të jetë fokusi juaj?

Fidan Shatri: Ne do të mundohemi të kemi paraqitje sa më të mira. Sigurisht se nuk do të jetë lehtë për shkak se, është hera e parë. Do të mundohemi të krijojmë një ekip, me lojtare me përvojë, por edhe me ato më të reja në moshë që premtojnë shumë në të ardhmen. Kemi disa basketbolliste që luajnë jashtë Kosovës, që mund të grumbullohen, por edhe nga Superliga e Femrave.

Cilat janë synimet?

Fidan Shatri: Qëllimi ynë është të krijojmë një skuadër për të ardhmen. Na mungon përvoja në gara të tilla, por sigurisht se nuk do të luajmë me flamur të bardhë. Synimet janë të fitojmë përvojë, por edhe për paraqitje dinjitoze në garat ndërkombëtare. Besoj se angazhimi do të jetë maksimal nga të gjithë, sepse dëshira është e madhe për të pasur sukses në arenën ndërkombëtare.

Në FIBA Kampionatin Evropian për Shtetet e Vogla-Femrat në vitin 2020 janë paraqitur për të garuar: Andorra, Qipro, Gjibraltari, Irlanda, Luksemburgu, Malta dhe Norvegjia, por që u anulua për shkak të pandemisë Covid-19. Regjistrimi i shteteve për pjesëmarrje në FIBA Kampionate Evropiane në FIBA Europe do të bëhet si zakonisht, pra ndërmjet muajve Shtator/Tetor 2020.

FIBA Evropa ka kërkuar nga të gjitha Federatat Nacionale që të regjistrojnë ekipet e tyre për vitin 2021, pasi regjistrimet e paraqitura për vitin 2020 nuk do të merren parasysh.

Lajmet

Ndeshje interesante në Ligën e Konferencës në futboll

Published

2 hours ago

October 23, 2026

Safet Zejnullahu

Ndeshjet e radhës në Ligën e Konferencë në futboll sollën futboll të mirë dhe rezultate mjaft interesante.

Ekipi i Shqipërisë, Egnatia barazoi me Aarhus 1:1. Ekipi zviceran Thun u mund në fushën e vet nga Hajduku i Splitit, me rezultat 0-1. Ron Raçi ishte në bankën rezervë te kroatët.

Lugano e Zvicrës mundi Getafen e Spanjës me rezultat 5:2. Tre gola për ekipin zviceran i shënuan shqiptarë, dy Albian Ajeti e një Uran Bislimi.

Kwto ishin rezultatet e plota:

Kairat Almaty 1-5 Panathinaikos;

Iberia Tbilisi 1-1 Mjällby;

Nordsjælland 2-2 CSKA Sofia;

Crvena Zvezda 2-2 Copenhagen;

Jablonec 0-0 Brighton;

Kauno Žalgiris 1-4 Brann;

Getafe 2-5 Lugano;

Inter Escaldes 1-3 Universitatea Craiova;

Pafos 1-1 Riga;

Trabzonspor 2-0 Hearts;

Ajax 2-0 Atalanta;

Aarhus 1-1 Egnatia;

Monaco 3-0 Freiburg;

Midtjylland 0-1 Sint-Truidense;

Thun 0-1 Hajduk Split;

Borac 2-0 KuPS Kuopio;

Lincoln Red Imps 1-4 Twente;

Braga 2-0 Gent.

Lajmet

Befasi të mëdha në ndeshjet e Europa Ligës

Published

2 hours ago

October 23, 2026

Safet Zejnullahu

Mbrëmjen e së enjtes janë zhvilluar ndeshjet e radhës në kuadër të Europa Ligës në futboll.

Skuadrat Italian, Milan e Juventus nuk u ndanë mirë. E para u mund bindshëm nga angleze Bournemouth 3-0, ndërsa e dyta u ndal në barazim në stadiumin e saj, me Rennes.

Sunderlandi i Granit Xhakës u ndal në barazim ndaj Lech Poznań, 1-1, ndërsa Hoffenheimi i Avdullahut e Asllanit mundi bindshëm Lyonin francez, 3:0.

Këto ishin rezultatet:

Ararat-Armenia 0-4 AZ Alkmaar;

Ferencváros 4-1 Torreense;

GNK Dinamo 2-4 N.E.C. Nijmegen;

Juventus 2-2 Rennes;

Lech Poznań 1-1 Sunderland;

OFI Crete 0-2 Leverkusen;

Union SG 4-0 Hapoel Beer-Sheva;

Sturm Graz 1-0 Marseille;

Bournemouth 3-0 Milan;

Beşiktaş 2-2 Crystal Palace;

Celtic 1-2 Celta;

Viktoria Plzeň 1-2 Levski Sofia;

Jagiellonia 0-3 Anderlecht;

Lillestrøm 0-6 Real Sociedad;

Celje 2-2 Salzburg;

Olympiacos 1-0 Sparta Praha;

Omonia 1-4 Benfica;

Hoffenheim 3-0 Lyon.

Sport

Bayern Munich dhe Arsenal ndajnë pikët në Ligën e Kampionëve

Published

1 day ago

October 22, 2026

UBTNews

Bayern Munich dhe Arsenal kanë barazuar me rezultat 2:2 në përballjen e zhvilluar të mërkurën mbrëma në Mynih, në kuadër të xhiros së tretë të Ligës së Kampionëve.

Skuadra angleze kaloi e para në epërsi në minutën e 25-të, kur Eberechi Eze realizoi për 0:1. Megjithatë, vendasit reaguan shpejt dhe në minutën e 35-të Alphonso Davies barazoi rezultatin, pas asistimit të Harry Kane.

Në pjesën e dytë, Bayerni përmbysi rezultatin përmes Kane, i cili shënoi nga penalltia në minutën e 61-të, duke kaluar skuadrën gjermane në epërsi 2:1.

Arsenali nuk u dorëzua dhe arriti të shmangte humbjen në minutën e 82-të, kur Declan Rice realizoi golin e barazimit pas asistimit të Viktor Gyokeres.

Me këtë rezultat, Bayerni regjistron barazimin e dytë në këtë edicion të Ligës së Kampionëve, krahas një fitoreje, ndërsa Arsenali merr pikën e parë nga një barazim, pas dy fitoreve në ndeshjet e mëparshme.

Foto: Associated Press
D.L

Sport

Mourinho: Askush nuk e ka të garantuar vendin në formacionin e Real Madridit

Published

3 days ago

October 20, 2026

UBTNews

Trajneri i Real Madridit, Jose Mourinho, ka bërë të qartë se asnjë futbollist nuk e ka të garantuar vendin në formacionin titullar, duke theksuar se paraqitjet në fushë janë vendimtare për secilin lojtar.

“Askush nuk është i paprekshëm”, deklaroi trajneri portugez, raportoi të martën mediumi “Goal”.

Mourinho ka konfirmuar se Vinicius Junior do të luajë në krahun e majtë në përballjen e së mërkurës ndaj RB Leipzigut, ndërsa ka lënë të hapur mundësinë që Yan Diomande të përfshihet në formacionin titullar.

“Championsi” sjell përballjen mes Real Madridit dhe Leipzigut, e cila nis në orën 21:00 dhe i takon xhiros së tretë të fazës së ligës.

Trajneri i madrilenëve ka nënvizuar se statusi i një lojtari përcaktohet nga ajo që tregon në fushë, e jo nga emri apo reputacioni i tij.

Reali ka fituar dy ndeshjet e para në Ligën e Kampionëve, duke mposhtur Interin dhe Romën, dhe synon të vazhdojë me rezultate pozitive edhe ndaj skuadrës gjermane.

D.L