Jasir Asani është zyrtarisht lojtar i klubit legjendar iranian Esteghlal.

Sulmuesi shqiptar kalon nga Gwang-ju për një shifër që raportohet të jetë rreth 1 milion euro, duke nisur kështu një kapitull të ri në karrierën e tij ndërkombëtare.

Ndryshe nga plani fillestar që e parashikonte bashkimin me ekipin në janar, marrëveshja u përshpejtua e klubi e ka sulmuesin në dispozicion menjëherë, duke lënë të kënaqura të gjitha palët e përfshira.

Esteghlal konsiderohet një nga klubet më të njohura e të mbështetura në Iran, tifozët kanë treguar entuziazmin e tyre duke uruar Asanin në rrjet. Pas aventurës së tij në Korenë e Jugut, sulmuesi nis një eksperiencë të re, ndërsa të gjithë sytë janë tek performanca e tij në kampionatin iranian, transmeton tch.

Pas muajsh spekulimesh dhe ndryshimesh të datave, historia e transferimit të Asanit te Esteghlal duket se ka gjetur fundin e saj, duke i dhënë këtij kapitulli të merkatos një përfundim të ngjashëm me një telenovelë për futbollin shqiptar.

Mirlind Daku ishte bërë objektiv i fyerjeve të tifozëve të Zenit St. Petersburgut derisa skuadra e tij, Rubin Kazan e zhvilloi ndeshjen e Kupës së Rusisë me vendësit në Shën Petersburg më 12 gusht.

Komiteti i Kontrollit dhe i Disiplinës i Federatës Ruse të Futbollit ka vendosur që ta gjobisë klubin e njohur rus me një shumë modeste prej 213 eurosh.

Për ironi të fatit, përfaqësuesi shqiptar gjatë kësaj vere ishte pranë transferimit pikërisht tek Zeniti, por në fund gjithçka dështoi dhe futbollisti nga Kosova qëndroi në Kazan tek Rubini.

Tifozët e Zenitit njihen si pro serbë, prandaj edhe e kanë shfaqur urrejtjen ndaj tij. Futbollisti gjilanas po shkëlqen në futbollin rus, ndërsa i ka realizuar 5 gola në 7 ndeshje sa i ka zhvilluar deri tash.

Ndonëse spekulohej se mund të përfundonte në Turqi, Daku vendosi të qëndrojë në Rubin Kazan, me të cilin e vazhdoi së fundmi kontratën me një përmirësim të ndjeshëm të rrogës.

Sezoni 2024-2025 ishte ndoshta më i komplikuari që kur Pep Guardiola është ulur në bankinën e Manchester Cityt.

Një seri historike prej pesë humbjesh radhazi e shtatë ndeshje pa fituar, i lanë “Citizens” jashtë Carabao Cup, larg garës për titull të kampionit në Premierligë dhe një hap larg eliminimit nga faza e ligës në Champions.

Vetëm falë intervenimeve në afatin kalimtar të dimrit, 200 milionë funte të investuara, klubi ia doli që ta ndalë thyerjen e sigurojë kualifikimin në Ligën e Kampionëve. E ardhmja e Guardiolës dukej e paqartë, sa që emri lidhej me bankinën e Kombëtares angleze, e cila mbeti e zbrazët pas largimit të Gareth.

Federata Angleze e zgjodhi trajnerin Thomas Tuchel, ndërsa “Qytetarët” e blinduan Pep deri më 2027, vetë ish-trajneri i Barcelonës dhe i Bayern Munichut e la të hapur mundësinë që të qëndrojë edhe më gjatë në “Etihad Stadium”.

“I kam edhe dy vjet kontratë, ndoshta do të vazhdoj edhe për dy të tjerë. Nuk e di se kur ndalem: këtë vit, pas dy apo katër vjetësh. Për momentin jam mirë, ndihem i motivuar”, deklaroi spanjolli për “Men in Blazers”.

Guardiola e lavdëroi dhe e përshëndeti edhe ambientin e mrekullueshëm që mbretëron në klub.

“Nëse rri për 10 vjet në një pozitë është sepse ndihesh si në shtëpi. Nuk mund të kërkoj më shumë, futbolli ka qenë mjaft bujar me mua”, shtoi ai.

Guardiola e nisi sezonin e ri me këmbë të mbarë, duke e dërrmuar Wolverhamptonin, 0:4, duke i rigjetur paraqitjet e mira që nisën në Botërorin e Klubeve.

Me përforcimet e reja, Pep beson në sezon pozitiv. “Në këtë vit do të kemi më shumë konsistencë sesa në sezonin e kaluar”, përfundoi trajneri spanjoll.

Fabio Deivson Lopes Maciel është bërë lojtari me më shumë ndeshje të luajtura në historinë e futbollit.

Portieri i Fluminense, i cili do të festojë ditëlindjen e 45-të në shtator, luajti golin e tij të 1,391-të në fushën e stadiumit ikonik Maracana në ndeshjen e Copa Sudamericana kundër klubit kolumbian America de Cali, duke e bërë atë zyrtarisht lojtarin me më shumë paraqitje në histori.

Rekordi i mëparshëm prej 1,390 paraqitjesh mbahej nga portieri legjendar anglez Peter Shilton, karriera e të cilit zgjati 31 vjet, nga 1966 deri në vitin 1997.

Karriera e Fabios filloi 28 vjet më parë, të njëjtin vit kur Shilton i tha lamtumirë. Ai filloi të mbronte për Uniao Bandeirante, është interesante se pas kësaj mbrojti vetëm për tre klube. Më 2000 u transferua te Vasco da Gama, dhe më pas nga viti 2005 deri më 2021 mbrojti për Cruzeiro dhe me 976 ndeshje është mbajtësi i rekordit për atë klub të famshëm. Që nga viti 2022, pavarësisht viteve të tij të fundit si lojtar, ai ka qenë zgjedhja e parë në portë për Fluminense.

Me klubin nga Rio de Janeiro, ai fitoi dy kampionate kombëtare, Copa Libertadores në vitin 2023 dhe Recopa Sudamericana në vitin 2024.

Kontrata e tij me Fluminense është e vlefshme deri në dhjetor 2026, që do të thotë se ai do të vazhdojë ta rrisë rekordin, dhe i vetmi lojtar që ka një shans ta kalojë atë është i pathyeshmi Cristiano Ronaldo. Ai është në vendin e tretë me 1,287 paraqitje dhe, duke marrë parasysh se është katër vjet e gjysmë më i ri dhe nuk tregon shenja ngadalësimi, nuk do të ishte çudi nëse ai do ta zgjasë karrierën e tij derisa të thyejë rekordin e Fabios.