Lajmet

Baret në Gjermani e bojkotojnë shfaqjen e Kupës së Botës në ekrane, e cilësojnë ‘të papranueshme’

Trajtimi i Katarit ndaj punëtorëve migrantë, grave dhe komunitetit LGBTQ është kritikuar shumë.

Published

4 years ago

on

Kur Gjermania të nisë fushatën e saj të Kupës së Botës kundër Japonisë, ekranet e projektorëve në barin e futbollit Fargo të Berlinit do të jenë në një pozicion më ndryshe sesa herave të kaluara.

Lokali, i cili i përshtat orarin e rregullt të punës me orarin e futbollit, nuk do t’i hapë as dyert deri një orë pas përfundimit të ndeshjes.

Zëdhënësi i Fargo, Joschik Pech tha se në këtë përfundim kanë ardhur pasiqë nuk janë të pajtimit që Kupa e Botës të zhvillohet në një vend ku qëllimi është që të bëjnë “vendin të duket ndryshe ndërkombëtarisht nga sa është në të vërtetë”.

Fargo është një nga dhjetëra baret në të gjithë Gjermaninë, përfshirë disa në kryeqytetin e Berlinit, të cilët janë zotuar të bojkotojnë atë që zakonisht është një ngjarje e shumëpritur në vendin e ‘çmendur’ pas futbolli.

Trajtimi i Katarit ndaj punëtorëve migrantë, grave dhe komunitetit LGBTQ është vënë në qendër të vëmendjes ndërsa vendi përgatitet për të pritur turneun. Katari ka refuzuar me zemërim shumicën e sulmeve.

Organizatori kryesor i Kupës së Botës tha se sulmet ndaj shtetit të Gjirit ishin nisur sepse ai “konkuronte si i barabartë dhe rrëmbeu” Kupën e Botës nga ofertuesit rivalë.

Disa vende të tjera, duke përfshirë “Fan Mile” kanë anuluar ngjarjet e shikimit publik, zyrtarisht për shkak të shqetësimeve rreth motit, kostove të energjisë dhe rrezikut të infeksioneve Covid.

Duke mos dashur thjesht të injorojë turneun njëmujor, Fargo do të zhvillojë disa ngjarje paralelisht me ndeshjet e Kupës së Botës, përfshirë leksione për të drejtat e njeriut dhe udhëtime grupore në ndeshjet e futbollit amatore dhe të femrave.

“Ne presim që të ketë një humbje të shitjeve dhe sigurisht një humbje në fitime, por nuk mendojmë se do të jetë aq e keqe që pijetori të falimentojë”, tha Pech.

Vendimi i Fargo nuk është i papëlqyeshëm në mesin e klientëve. Sebastian, 24 vjeç, një “tifoz aktiv i futbollit” i tha AFP se ai e mbështeti bojkotin dhe do të bënte të njëjtën gjë.

“Do të doja ta shikoja, por nuk do ta shikoja”, duke shtuar se “deri në këtë pikë kam parë çdo Botëror të luajtur gjatë jetës sime”.

Një tjetër kliente e Fargo, Stella, i tha AFP se ajo gjithashtu do të bojkotonte ngjarjen për herë të parë, duke thënë se shpresonte se ndjenja e tifozëve do t’i detyronte njerëzit të mendojnë më në mënyrë kritike për organizatorët e Kupës së Botës.

Disa bare si Tante Kaethe i Berlinit kanë vendosur të shfaqin lojërat, por duan të përdorin ekspozimin e shtuar të krijuar nga turneu për të hedhur dritë mbi abuzimet e të drejtave të njeriut.

Të tjerë janë zotuar të tregojnë ngjarjen.

Afër Fargos, Salama El-Khatib, pronari dhe menaxheri i Barit të njëjtë me emrin Salama, tha se “çdo person mund të vendosë vetë” nëse dëshiron të shikojë.

“Unë do t’i shfaqë të gjitha lojërat, që nga ora 11 e mëngjesit deri në 20:00, pa përjashtim”, tha El-Khatib për AFP.

El-Khatib, i cili erdhi në Berlin nga Lindja e Mesme për të studiuar në vitet 1980 përpara se të hapte lokalin e tij në 1996, tha se “pyetjet e të drejtave të njeriut (në Katar) diskutoheshin shpesh” nga ai dhe klientët e tij, por ai nuk kishte marrë parasysh një bojkotim.

“Më duket se diskutimi (po ndodh) shumë vonë — ne duhej ta kishim katër vjet më parë. Të diskutojmë bojkotin dy javë përpara (ngjarjes) është e pakuptimtë — ne kishim nevojë ta kishim shumë kohë më parë”./UBTNews/

© AFP

Related Topics:
Continue Reading

Lajmet

Kuriozitetet e ditës

Published

18 minutes ago

on

September 15, 2026

By

Lexoni pesë kuriozitete. Mund të mos i keni ditur:

 

  1. Në Singapor është e ndaluar të përtypësh çamçakëz në vende publike, për të mbajtur qytetin më të pastër.
  2. Netflix dikur u ofroi themeluesve të Blockbuster ta blinin kompaninë për vetëm 50 milionë dollarë, por ata refuzuan.
  3. Në Australi ekziston një gardh mbi 5 mijë kilometra i gjatë, i ndërtuar për të mbajtur larg qentë e egër.
  4. Trupi i njeriut krijon aq shumë nxehtësi në 30 minuta sa mund të vlojë rreth 2 litra ujë.
  5. Në Japoni ekziston një tren që ndalon vetëm për një nxënëse, vetëm që ajo të mund të shkojë në shkollë.

Continue Reading

Lajmet

PDK dërgon sërish në Kushtetuese zgjedhjen e Qeverisë: Albin Kurti dhe partia e tij shkelën afatet me qëllim

Published

29 minutes ago

on

September 15, 2026

By

Partia Demokratike e Kosovës i është drejtuar sërish sot Gjykatës Kushtetuese për të kontestuar ligjshmërinë e vendimit për zgjedhjen e Qeverisë së re të udhëhequr nga Albin Kurti.

Kërkesa zyrtare është dorëzuar nga deputetët e këtij subjekti politik, Përparim Gruda dhe Arian Tahiri, të cilët kërkuan nga Gjykata Kushtetuese që të vlerësojë në tërësi ligjshmërinë e procedurave të ndjekura gjatë votimit në Kuvend.

Sipas përfaqësuesve të PDK-së, mënyra e konstituimit të Kuvendit dhe hapat e ndërmarrë menjëherë pas tij përmbajnë shkelje seriosaze kushtetuese. Nga partia më e madhe opozitare janë shprehur se Albin Kurti dhe Lëvizja Vetëvendosje kanë shkelur afatet kushtetuese me qëllim gjatë këtij procesi.

Kjo lëvizje e PDK-së vjen vetëm një ditë pasi ky subjekt politik dërgoi një tjetër kërkesë në Gjykatën Kushtetuese, e cila lidhej me procedurën e konstituimit të legjislaturës së 11-të ku u zgjodh kryetarja dhe katër nënkryetarët e Kuvendit procedurë kjo që i hap rrugë edhe votimit të kabinetit të ri qeveritar. /Ekonomia online/

Continue Reading

Lajmet

IBM dhe NASA publikojnë modelin e ri të AI për Hënën

Published

37 minutes ago

on

September 15, 2026

By

IBM dhe NASA kanë publikuar një model të ri të Inteligjencës Artificiale, të trajnuar me të dhëna nga dekada të tëra vëzhgimesh të Hënës, i cili do të jetë i qasshëm publikisht për studiuesit dhe zhvilluesit.

“NASA-IBM Lunar Foundation Model” është publikuar në platformën Hugging Face, së bashku me një bazë të unifikuar të të dhënave hënore, të përgatitur posaçërisht për përdorim në teknologjitë e machine learning.

Për dekada, misionet hapësinore kanë mbledhur sasi të mëdha të dhënash për Hënën, por ato janë ruajtur në formate dhe rezolucione të ndryshme, duke e vështirësuar analizimin e tyre në mënyrë të integruar.

Për të adresuar këtë problem, ekipet e IBM dhe NASA kanë kombinuar më shumë se 30 shtresa të dhënash nga nëntë instrumente të përdorura në katër misione të ndryshme. Në mesin e tyre janë Lunar Reconnaissance Orbiter dhe GRAIL të NASA-s, si dhe misioni japonez SELENE/Kaguya.

Një nga përdorimet më interesante të modelit është identifikimi i zonave ku mund të ketë depozita akulli në Hënë. Krateret që ndodhen vazhdimisht në hije konsiderohen ndër zonat më premtuese për praninë e akullit nën sipërfaqe, por analizimi i tyre është veçanërisht i vështirë.

Sipas IBM, modeli i ri ka ulur me 23 për qind gabimin në identifikimin e zonave me potencial të lartë për akull, krahasuar me modelin e përgjithshëm të vizionit kompjuterik SwinV2-B.

Modeli i ri pritet t’u ofrojë studiuesve dhe zhvilluesve një mjet të hapur për analizimin e të dhënave hënore dhe për zhvillimin e aplikimeve të reja në eksplorimin e Hënës./A.K/

Continue Reading

Lajmet

Javier Bardem nderohet me “Çmimin për Arritje Jetësore” në Festivalin e Filmit në Romë

Published

38 minutes ago

on

September 15, 2026

By

Aktori i njohur spanjoll, Javier Bardem, do të nderohet me “Çmimin për Arritje Jetësore” në Festivalin e Filmit në Romë, një nga ngjarjet e rëndësishme kinematografike në Itali. Çmimi do t’i dorëzohet nga regjisori i njohur italian, Paolo Sorrentino.

Festivali do të mbahet nga 13 deri më 25 tetor, ndërsa Bardem do të prezantojë edhe filmin “The Beloved”, me regji të Rodrigo Sorogoyen.

Filmi, i cili pati premierën botërore në Festivalin e Filmit në Kanë, rrëfen historinë e regjisorit Esteban Martinez, të interpretuar nga Bardem, i cili pas shumë vitesh ribashkohet me vajzën e tij, një aktore në ngritje.

Bardem së fundmi ishte pjesë edhe e Festivalit të Filmit në Venecia, ku prezantoi filmin “Bunker”, me regji të Florian Zeller.

Aktori spanjoll pritet të rikthehet në ekran në rolin e Stilgarit në filmin e shumëpritur “Dune: Part Three”, me regji të Denis Villeneuve.

Ndërkohë, Bardem ka përfunduar edhe xhirimet e filmit “Hello & Paris” të Amazon MGM Studios, ku interpreton përkrah aktores Kate Hudson./A.K/

Continue Reading

Të kërkuara