Sport

Barcelona thyen çdo rekord, skuadra e Hansi Flick arrin shifra historike

Published

on

Barcelona ka thyer çdo rekord në këtë sezon, duke arritur shifra historike që nuk janë parë më parë në La Liga. Me një ritëm të çmendur, skuadra e trajnerit Hansi Flick ka fituar 27 pikë në nëntë ndeshjet e fundit të La Ligës, ndërsa Reali i Madridit ka arritur vetëm 17 pikë, duke thelluar diferencën mes dy skuadrave.

Në këtë moment të sezonit, Barcelona është në krye me 66 pikë, tre më shumë se Reali, dhe ka një diferencë të madhe në mesataren e golave. Skuadra e Flick ka shënuar 30 gola në këto ndeshje, ndërsa Reali vetëm 15, duke theksuar dominimin e blaugranave në sulm.

Sipas të dhënave të “Opta”, Barcelona ka arritur një rekord të paprecedentë, duke shënuar 139 gola pas 45 ndeshjeve në të gjitha garat, një shifër që nuk është arritur më parë në historinë e La Ligës. Kjo ecuri e jashtëzakonshme përfshin një seri prej 20 ndeshjesh pa humbje, me nëntë fitore radhazi në La Liga, një arritje që nuk ishte parë për gati një dekadë.

Këto rezultate kanë vënë Barcelona-n në një pozicion të fortë për të fituar titullin, edhe pse Reali është ende në ndjekje, duke shpresuar që historia dhe eksperienca e tij të ndikojnë në përmbysjen e situatës./UBTNews/

Continue Reading

Sport

Stephen Curry fiton duelin me LeBron James, rezultatet në NBA

Published

on

Golden State Warriors ka fituar ndaj Los Angeles Lakers me rezultatin 123-116 në një përballje të ngushtë mes dy ekipesh që luftojnë për titullin në NBA. Stephen Curry ishte i jashtëzakonshëm me 38 pikë, duke udhëhequr Warriors në fushë, ndërsa Moses Podziemski e mbështeti me 28 pikë.

Nga ana tjetër, LeBron James shënoi 33 pikë dhe Austin Reaves shtoi 31, por këto nuk mjaftuan për Lakers për të mposhtur Golden State.

Në ndeshje të tjera, Milwaukee Bucks mundi Philadelphia 126-113, me Giannis Antetokounmpo që shënoi një “triple double” me 35 pikë, 17 rebound dhe 20 asist.

Toronto Raptors pësoi një humbje 112-103 ndaj Portland, ku Shadon Sharpe ishte protagonist me 36 pikë. Po ashtu, skuadra e Miami u mund në shtëpi nga Memphis Grizzlies me rezultatin 110-108, me Ja Morant që udhëhoqi miqtë me 30 pikë, ndërsa 35 pikët e Tyler Herro nuk mjaftuan për të shpëtuar Miami.

Minnesota Timberwolves fitoi 105-90 kundër Brooklyn Nets, me Anthony Edwards që shënoi 28 pikë.

Rezultatet e tjera:

Philadelphia – Milwaukee: 113-126

Washington – Orlando: 97-109

Brooklyn – Minnesota: 90-105

Miami – Memphis: 108-110

Toronto – Portland: 103-112

Lakers – Golden State: 116-123

Continue Reading

Sport

Xhiro e 27 e Superligës, ndeshje kyçe për Malishevën dhe Prishtinën

Published

on

By

Do të hapet sot xhiro e 27 e Superligës së Kosovës në futboll dhe do të zhvillohen dy ndeshjet mjaftë interesante.

Padyshim se vëmendja kryesore do të jetë në stadiumin “Liman Gegaj” në Malishevë, aty ku do të përballen Malisheva dhe Prishtina.

Ky ballafaqim sa rëndësi të madhe pasi që këto dy skuadra janë në luftë direkte për pozitën e tretë që siguron pjesëmarrjen në garat evropiane në sezonin e ardhshëm.

Aktualisht, Malisheva është e renditur në vendin e tretë me 41 pikë, kurse Prishtina e katërta me 35 sosh. Ndeshja do të zhvillohet me fillim nga ora 15:00.

Ndeshja tjetër e cila zhvillohet në të njëjtën kohë është ajo ndërmjet Feronikelit 74’ dhe Dritës. Derista Drita tashmë është një hap larg titullit kampion si liderë me 57 pikë, Feronikeli po lufton për ta shmangur largimin nga Superliga, edhe pse duke mjaftë mision i pamundur pasi ka vetëm 14 pikë në vendin e fundit.

Continue Reading

Sport

Tensionet në Kongresin e UEFA-s: Kosova përfaqësohet pa flamurin shtetëror në Beograd!

Published

on

Një ngjarje e pazakontë ka ndodhur në Kongresin e UEFA-s që po mbahet në Beograd, ku përfaqësuesi i Federatës së Futbollit të Kosovës (FFK), Agim Ademi, u fotografua me flamurin e Kosovës, duke shkaktuar një reagim të menjëhershëm nga Federata Serbe të Futbollit. Si pasojë e kësaj fotoje, federata serbe ndërmori hapa të menjëhershëm për të larguar çdo simbol që përfaqësonte shtetin e Kosovës nga kongresi i UEFA-s.

Pas ngjarjes, Federata Serbe kërkoi falje publike nga serbët, ndërsa hoqi të gjitha simbolet që kishin lidhje me shtetin e Kosovës. Ky veprim nxori në pah tensionet që ekzistojnë mes dy shteteve, duke treguar se Kosova, ndonëse është një anëtare e UEFA-s, po përfaqësohet në këtë kongres vetëm me logon e FFK-së dhe jo me simbolet shtetërore, siç ndodh me shtetet e tjera të pranishme.

Një tjetër element që ka shtuar tensionet ishte vendimi i sekretarit të FFK-së, Marcus Weidner, i cili ka pranuar të ulet në tavolinë pa flamurin e Kosovës, një akt që thekson edhe më tej kompleksitetin e situatës politike dhe sportive që ka lindur pas njohjes ndërkombëtare të Kosovës dhe ndikimeve të këtij procesi në fusha të ndryshme, përfshirë futbollin.

Ky incident thekson edhe një herë vështirësitë me të cilat përballet Kosova në arenën ndërkombëtare, sidomos në fushën e sporteve, dhe rëndësinë e dialogut dhe bashkëpunimit për tejkalimin e tensioneve mes shteteve në rajon.

Continue Reading

Sport

Nuk përmbahet Mourinho pas eliminimit, kap për hunde trajnerin kundërshtar

Published

on

José Mourinho ka qenë protagonist i një episodi të pahijshëm pas eliminimit të skuadrës së tij nga Fenerbahçe në çerekfinalet e Kupës së Turqisë. Pas humbjes 2-1 ndaj Galatasaray-t, dhe ndërsa lojtarët dhe stafi teknik i Galatasaray-t po drejtoheshin drejt tifozëve të tyre, Mourinho e ka kapur për hunde trajnerin e kundërshtarëve, Okan Buruk. Ky veprim ka shkaktuar një skenë të tensionuar, ku Buruk u rrëzua në tokë dhe mbajti duar mbi fytyrë, si një lojtar pas një faulli të rëndë.

Pas ngjarjes, Buruk kërkoi të përballej me Mourinhon, i zemëruar nga sulmi, por u qetësua me ndërhyrjen e lojtarëve të tij dhe vazhdoi ecjen pa pasoja të tjera. Ky incident është një tjetër moment polemik për Mourinhon, i cili ka pasur përplasje të ngjashme edhe me trajnerë dhe figura të tjera, duke përfshirë një të famshëm me Tito Vilanovën në vitin 2011, kur i vuri gishta në sy gjatë një klasike mes Real Madridit dhe Barcelonës. Pas atij momenti, Mourinho ka kërkuar më vonë falje.

Ky veprim ka ngritur përsëri pyetje për sjelljen e trajnerit portugez, që shpesh është shoqëruar me polemika dhe situata të tensionuara.

Continue Reading

Të kërkuara