Sport

Barcelona shumë pranë rikthimit të Alves

Xavi dëshiron me çdo kusht që ta rikthejë ish-bashkëlojtarin e tij në klub.

Published

on

Gjigandi katalunas, Barcelona është shumë pranë rikthimit të Dani Alves në stadiumin “Camp Nou”, ku “Goal” e konfirmon që marrëveshja me mbrojtësin veteran është shumë afër të arrihet.

Trajneri i ri i Barçës, Xavi dëshiron me çdo kusht që ta rikthejë ish-bashkëlojtarin e tij në klub, dhe ka kërkuar që marrëveshja e mbrojtësin brazilian të arrihet sa më shpejtë.

Alves e la të hapur mundësinë e rikthimit te Barcelona, ku në një intervistë për “Sport” në tetor kishte thënë që do të ishte i gatshëm që të dëgjoj oferta.

“Do të tingëllonte si një mundësi tejet e mirë nëse i duhem Barçës tani. Gjithmonë e kam thënë që jam larguar sepse e pash që gjërat nuk ishin në rregull. Po ashtu, e kam thënë që kur Barça ka nevojë për mua dhe më dëshiron mua, do të jem në dispozicion pavarësisht se ku jam. Dashuria dhe respekti që kam për këtë klub është shumë i madh”, tha Alves.

Në aventurën e tij të parë me gjigandin katalunas, Alves kishte bërë 391 paraqitje për Barcelonën duke regjistruar 21 gola dhe 101 asistime mbi emrin e tij, dhe duke arritur të fitojë 23 trofe përgjatë periudhës së viteve 2008 deri në 2016.

Sport

Inter aktivizon opsionin për blerjen e Manuel Akanjit

Published

on

Inter ka vendosur të aktivizojë opsionin e blerjes për Manuel Akanjin me vlerë 15 milionë euro, për ta transferuar mbrojtësin zviceran në mënyrë të përhershme nga Manchester City në fund të këtij sezoni, raporton eksperti i merkatos Nicolo Schira.

Akanji iu bashkua zikaltërve në formë huazimi në ditën e fundit të afatit të verës dhe ka bindur drejtuesit e klubit me paraqitjet e tij të sigurta dhe të qëndrueshme.

Ai ka qenë titullar në të katër ndeshjet e Serie A këtë sezon, duke u bërë një element kyç në mbrojtjen e Christian Chivus.

30-vjeçari është i gatshëm të bëhet pjesë e projektit afatgjatë të Interit dhe ka rënë dakord për kushtet personale me klubin italian.

Marrëveshja e re pritet të zgjasë deri në vitin 2029, me një pagë vjetore prej 4.5 milionë eurosh.

Ky transferim siguron Interit stabilitet në prapavijë, ndërsa Akanji shihet si pasardhës i natyrshëm i veteranëve të mbrojtjes zikaltër në një fazë rinovimi të skuadrës. /A.Z/UBT News/

Continue Reading

Sport

Harry Kane i hapur për kontratë të re me Bayernin

Published

on

By

Sulmuesi anglez Harry Kane ka lënë të kuptohet se mund të zgjasë qëndrimin e tij te Bayern Munich përtej vitit 2027, kur përfundon kontrata e tij aktuale.

Kane tha se është i gatshëm të zhvillojë bisedime për një marrëveshje të re me klubin bavarez, ndërsa dëshira për t’u rikthyer në Premier League është zbehur.

E shoh patjetër mundësinë për ta vazhduar kontratën. Ende nuk kemi biseduar, por nëse lind nevoja, do të flisja hapur me Bayernin,” deklaroi 32-vjeçari.

Që nga transferimi i tij nga Tottenham në vitin 2023, Kane ka qenë në formë të jashtëzakonshme, duke shënuar 103 gola në 106 ndeshje dhe duke fituar Bundesligën e Superkupën e Gjermanisë.

Kur u largova për herë të parë nga Anglia, do të kisha thënë se do të kthehesha patjetër. Tani, pas disa vitesh në Gjermani, ajo dëshirë është pak më e vogël, por asnjëherë nuk i dihet së ardhmes,” shtoi ai.

Aktualisht, Kane ndodhet me kombëtaren e Anglisë, që të enjten do të zhvillojë një miqësore ndaj Uellsit në Wembley dhe më pas do të përballet me Letoninë më 14 tetor në Riga për kualifikueset e Kupës së Botës./D.B/KP

Continue Reading

Sport

Sulmuesi i Tottenhamit, Myrtaj, kalon nga Shqipëria te Hungaria

Published

on

Sulmuesi i ekipit U18 të Tottenhamit, Leon Myrtaj, ka vendosur të ndërrojë përfaqësimin nga Shqipëria U17 drejt Hungarisë U18, njoftoi klubi anglez.

Tottenhami bëri të ditur se: “Sulmuesi i krahut, Leon Myrtaj, i bashkohet për herë të parë ekipit U19 të Hungarisë, pasi më parë kishte përfaqësuar Shqipërinë deri në grupmoshën e 17 vjeçarëve.”

Myrtaj ka luajtur shtatë ndeshje për Shqipërinë para se të merrte vendimin për të ndryshuar përfaqësimin kombëtar. /A.Z/UBT News/

Continue Reading

Sport

Florian Haxha mungon në grumbullimin e Kosovës për dy ndeshjet e këtij muaji

Published

on

Mesfushori i djathtë Florian Haxha nuk do të jetë në gjendje të ndihmojë Përfaqësuesen e Kosovës për dy ndeshjet e këtij muaji për shkak të gjendjes shëndetësore.

Lajmin e bëri të ditur të martën Federata e Futbollit e Kosovës (FFK).

“Mesfushori i skuadrës polake, Motor Lublin, Florian Haxha, nuk do të jetë pjesë e grumbullimit të Kombëtares së Kosovës për ndeshjet kundër Sllovenisë dhe Suedisë, për shkak të gjendjes shëndetësore,” njoftoi FFK-ja.

Përndryshe, 23-vjeçari Haxha ka luajtur këtë edicion tre ndeshje me Motor Lublinin, ndërsa me Përfaqësuesen e Kosovës ka regjistruar dy paraqitje. /A.Z/UBT News/

Continue Reading

Të kërkuara