Sport

Barcelona publikon listën e lojtarëve për takimin me United: Dy mungesa kyçe

As Sergio Busquets dhe as Ousmane Dembele nuk do të jenë në dispozicion për ndeshjen e parë të Playoff-it.

Published

3 years ago

February 15, 2023

Betim Gashi

Barcelona ka publikuar listën e skuadrës për ndeshjen në Ligës e Evropës me Manchester United, me dy mungesa kryesore që bien në sy.

As Sergio Busquets dhe as Ousmane Dembele nuk do të jenë në dispozicion për ndeshjen e parë të Playoff-it të garës së dytë më të madhe për klube në Evropë, që do të zhvillohet në Camp Nou të enjten (nesër).

Të dy kishin pësuar lëndime në fillim të shkurtit dhe pritej të humbnin ndeshjen, megjithëse nëse Busquets do të ishte rikuperuar shpejt, kishte një shans që ai të përfshihej në skuadër.

Përndryshe, Xavi Hernandez ka në dispozicion pjesën tjetër të skuadrës, por ka thirrur të rinjtë Marc Casado (mesfushor) dhe Angel Alarcon (sulmues) për të shtuar opsione në ekip.

Nëse ndeshja me Villarrealin fundjavën e kaluar ishte diçka për të mësuar, Raphinha ka të ngjarë të fillojë në krahun e djathtë të sulmit në mungesë të Dembeles. Braziliani ka qenë në formë mikse kohët e fundit, duke shënuar dy herë dhe duke asistuar një herë në tri ndeshjet e tij të fundit, por edhe duke e humbur shpesh topin.

Xavi ka zgjedhur një mesfushë me katër lojtarë kohët e fundit, dhe kundër Nëndetëses së Verdhë ai e mbajti atë strukturë, duke vënë Franck Kessie në vend të Sergio Busquets. Lojtari nga Bregu i Fildishtë siguron më pak dominim për Barcelonën, por fizikisht i ka dhënë Blaugranasëve shumë më tepër kapacitet sulmues.

Sport

Muriqi emocionon tifozët e Mallorcas me mesazhin pas sezonit

Published

4 hours ago

May 26, 2026

UBTNews

Vedat Muriqi u ka dërguar një mesazh emocional tifozëve të RCD Mallorca pas përfundimit të sezonit në La Liga, duke shprehur zhgënjimin për mënyrën se si u mbyll edicioni për skuadrën spanjolle.

Sulmuesi kosovar tha se ndien “dhembje dhe trishtim në zemër”, pasi Mallorca nuk arriti objektivat e synuara këtë sezon, megjithatë ai theksoi se skuadra ka luftuar deri në fund në çdo ndeshje.

Muriqi falënderoi tifozët për mbështetjen gjatë gjithë sezonit, duke thënë se përkrahja e tyre ka qenë shumë e rëndësishme për ekipin në momentet më të vështira.

Ai gjithashtu premtoi se skuadra do të punojë për t’u rikthyer më e fortë në sezonin e ardhshëm, ndërsa mbetet një nga lojtarët kryesorë të Mallorcas dhe një prej futbollistëve më të rëndësishëm të Kombëtares së Kosovës.

Sport

Sukses i madh për Kosovën, Lisjeta Thaqi del e para në botë

Published

8 hours ago

May 26, 2026

UBTNews

Pilotja kosovare Lisjeta Thaqi ka shkëlqyer në serinë e dytë të Paragliding Accuracy World Cup, e mbajtur në Maqedonia e Veriut, duke triumfuar me vendin e parë në kategorinë e femrave.

Me një performancë të qetë, të saktë dhe në nivel elitar, Thaqi arriti të lërë pas shumë emra të njohur të këtij sporti, duke ngritur flamurin e Kosovës në arenën ndërkombëtare. Ky sukses vlerësohet si rezultat i punës së vazhdueshme, përkushtimit dhe profesionalizmit që ajo ka dëshmuar në garat ndërkombëtare.

Suksese të rëndësishme regjistruan edhe pilotët tjerë kosovarë. Migjen Shala u rendit në vendin e katërt në klasifikimin e përgjithshëm, ndërsa Fanol Shala dhe Lisjeta Thaqi ndanë vendin e pestë në botë.

Rezultatet e fundit konfirmojnë ngritjen e vazhdueshme të Kosovës në sportin e paragllajdingut, me sportistët kosovarë që po rivalizojnë dhe mposhtin elitën botërore në garat ndërkombëtare.

Sport

Titulli i shtatë në histori për KFF Mitrovicën

Published

8 hours ago

May 26, 2026

UBTNews

KFF Mitrovica është shpallur zyrtarisht kampione e Siguria Superligës së Kosovës për edicionin 2025/26, duke kurorëzuar edhe një sezon të suksesshëm në futbollin e femrave.

Skuadra mitrovicase arriti ta fitojë titullin pas paraqitjeve dominuese gjatë gjithë kampionatit, duke konfirmuar edhe një herë epërsinë në elitën e futbollit kosovar.

Ky është titulli i shtatë kampion në historinë e klubit, sukses që dëshmon vazhdimësinë, organizimin dhe stabilitetin e KFF Mitrovicës ndër vite. Me këtë triumf, mitrovicaset kanë siguruar gjithashtu pjesëmarrjen në garat evropiane për sezonin e ardhshëm.

Dominimi i KFF Mitrovicës në futbollin e femrave vazhdon të mbetet shembull i suksesit dhe profesionalizmit në sportin kosovar.

Sport

Kosova fiton sërish ndaj Shqipërisë në përgatitjet për European League 2026

Published

9 hours ago

May 26, 2026

UBTNews

Kombëtarja e Kosovës në volejboll për vajza ka regjistruar edhe fitoren e dytë radhazi në ndeshjet miqësore ndaj Kombëtarës së Shqipërisë në volejboll për vajza, duke triumfuar me rezultat 3:1 në përballjen e zhvilluar në Fark të Shqipërisë.

Ndeshja u zhvillua në kuadër të përgatitjeve për CEV Volleyball European League 2026, ku Kosova synon të paraqitet sa më e përgatitur në sfidat zyrtare të muajit qershor.

Vashat kosovare treguan lojë të mirë, stabilitet dhe organizim në parket, duke konfirmuar progresin e ekipit nën drejtimin e shtabit teknik të udhëhequr nga përzgjedhësi Lorik Ilazi. Në staf janë edhe ndihmësit Ylli Kadriu dhe Vlora Berisha, ndërsa së fundmi ekipit i është bashkuar edhe trajneri spanjoll Alberto Ruiz Rubio.

Kosova do të zhvillojë gjashtë ndeshje gjatë muajit qershor në kuadër të European League 2026. Fillimisht do të përballet me Kombëtarja e Spanjës në volejboll për vajza më 6 qershor, më pas ndaj Kombëtarja e Bosnjë dhe Hercegovinës në volejboll për vajza më 7 qershor.

Më 12 qershor, Kosova luan kundër Kombëtarja e Greqisë në volejboll për vajza, më 14 qershor përballet me Kombëtarja e Portugalisë në volejboll për vajza, ndërsa më 19 dhe 21 qershor do të luajë ndaj Kombëtarja e Malit të Zi në volejboll për vajza dhe Kombëtarja e Hungarisë në volejboll për vajza.

Federata e Volejbollit e Kosovës ka falënderuar Federata Shqiptare e Volejbollit për bashkëpunimin dhe organizimin e ndeshjeve miqësore, të cilat konsiderohen shumë të rëndësishme për përgatitjen e të dy kombëtareve.