Sport

Barcelona në kërkim të titullarit të kombëtares- Dani Olmo në prag të nënshkrimit

Published

2 years ago

on

Futbollisti spanjoll Dani Olmo është në prag të një marrëveshjeje të madhe transferimi me Barcelona, pas paraqitjeve të shkëlqyera me kombëtaren spanjolle gjatë Kampionatit Evropian. Sipas raportimeve, Olmo, i cili aktualisht luan për RB Leipzig, pritet të nënshkruajë një kontratë gjashtëvjeçare me klubin katalunas.

Fabrizio Romano ka konfirmuar se Olmo ka arritur marrëveshje personale me Barcelona, ndërsa transferimi pritet të finalizohet gjatë merkatos së verës. Barcelona do të paguajë RB Leipzigut një shumë prej 55 milionë eurosh për shërbimet e talentuarit spanjoll.

Olmo ishte pjesë e skuadrës së Spanjës që fitoi Kampionatin Evropian, duke luajtur një rol kyç në suksesin e tyre. Ai shënoi golin vendimtar në finalen ku Spanja mposhti Anglinë, duke rritur edhe më shumë vlerën e tij në tregun e transferimeve.

Përveç Barcelonës, disa ekipe tjera evropiane treguan interes për mesfushorin ofensiv, por Barcelona arriti të sigurojë shërbimet e tij duke fituar garën për nënshkrimin e kontratës./UBTNews/

Related Topics:
Continue Reading

Lajmet

Laura Fazliu fiton medaljen e argjendtë, Kosovën e çon në medaljen e pestë

Published

5 minutes ago

on

August 29, 2026

By

Xhudistja kosovare Laura Fazliu ka fituar medaljen e argjendtë në kategorinë deri në 63 kilogramë, duke i siguruar Kosovës medaljen e pestë në këtë garë.

Fazliu arriti deri në finale, ku u përball me italianen Carlotta Avanzato, por u mposht në duelin për medaljen e artë dhe u desh të kënaqej me të argjendtën.

Kjo është medalja e katërt e Kosovës në xhudo dhe e pesta në total për vendin tonë.

Continue Reading

Sport

Fatjona Kasapi i sjell Kosovës medaljen e dytë në “Taranto 2026”

Published

24 hours ago

on

August 28, 2026

By

Fatjona Kasapi ka fituar medaljen e bronztë në Lojërat Mesdhetare “Taranto 2026”.

Xhudistja kosovare ka siguruar podiumin në kategorinë deri në 52 kilogramë, duke i sjellë Kosovës medaljen e parë në xhudo në këtë edicion.

Kjo është medalja e dytë për Kosovën në “Taranto 2026”, pas medaljes së artë të fituar nga boksierja Donjeta Sadiku.

Kosova tani pret edhe paraqitjet e tjera në xhudo, ku disa garues kosovarë janë në luftë për medalje.

D.L

Continue Reading

Sport

Kosova pëson tjetër humbje të thellë në Lojërat Mesdhetare

Published

24 hours ago

on

August 28, 2026

By

Hendbollistet e Kosovës kanë pësuar edhe një humbje të thellë në Lojërat Mesdhetare “Taranto 2026”.

Të premten, në Fasano, Kosova u mposht bindshëm nga Tunizia me rezultatin 38:10.

Hendbollistet kosovare patën vështirësi të mëdha në sulm, duke realizuar vetëm tre gola gjatë 30 minutave të pjesës së parë.

As në pjesën e dytë situata nuk ndryshoi shumë, pasi Kosova, e drejtuar nga përzgjedhësi kroat Nenad Shoshtariq, nuk arriti të rivalizojë me Tunizinë.

Për Kosovën kjo ishte humbja e katërt rresht në Lojërat Mesdhetare.

Angjelina Krasniqi ishte golashënuesja më e mirë e Kosovës me katër gola. Nga dy gola shënuan Elsa Kongjeli dhe Samanda Konjuhaj, ndërsa nga një gol realizuan Vanesa Kastrati dhe Aurea Konjuvca.

Kosova në “Taranto 2026” po paraqitet me një ekip të përbërë kryesisht nga hendbolliste të reja.

Në ndeshjen e parë të Grupit A, Kosova pësoi humbje 35:20 nga Algjeria. Në duelin e dytë u mposht 40:20 nga Greqia, ndërsa në ndeshjen e tretë humbi 38:21 nga Italia.

Ndeshjen e fundit në fazën e grupeve, Kosova do ta zhvillojë të dielën nga ora 17:30, kur përballet me Maqedoninë e Veriut.

D.L

Continue Reading

Sport

Erza Muminoviq mbetet pa medalje në Taranto

Published

24 hours ago

on

August 28, 2026

By

Erza Muminoviq është mposhtur në luftën për medaljen e bronztë në Lojërat Mesdhetare “Taranto 2026”.

Xhudistja kosovare, në kategorinë deri në 48 kilogramë, pësoi humbje nga spanjollja Mireia Rodriguez Salvador.

Rodriguez Salvador e siguroi fitoren me “Ippon” pas vetëm 45 sekondash luftë.

Kështu, Muminoviq e përfundon garimin në Taranto pa medalje.

D.L

Continue Reading

Të kërkuara