Sport

Barcelona në hall me kontratën e yllit argjentinas Lionel Messi

Publikuar

3 vjet më parë

më

Skuadra e Barcelonës do të duhet t’i paguajë nga 190 mijë euro për çdo javë Lionel Messit deri në vitin 2025 nëse eventualisht ylli argjentinas vendos të largohet nga “Camp Nou” në fund të këtij sezoni, kur edhe i skadon kontrata.

Kështu ka raportuar të mërkurën e përditshmja spanjolle “Marca”. Messi ishte i dëshpëruar të largohej nga Barcelona në verën e vitit të shkuar, pasi u zhgënjye nga rezultatet e klubit në sezonin e fundit. Mirëpo, Barça bllokoi çdo lëvizje të tij, duke insistuar se të gjitha skuadrat që duan ta transferojnë Messin do të duhej të paguanin klauzolën e lirimit të argjentinasit në vlerë prej 700 milionë eurosh.

Aktualisht, e ardhmja e Messit është në ajër dhe sipas mediumeve në Spanjë, ai pritet të largohet si lojtar i lirë nga Barcelona në fund të këtij edicioni. Madje, thuhet se ylli argjentinas tashmë ka nisur negociatat me Manchester Cityn, pasi është futur në gjashtë muajt e fundit të kontratës së tij. E nëse Messi largohet, atëherë ai do të vazhdojë të fitojë nga 190 mijë euro në javë për katër vjetët e ardhshëm nga Barcelona për shkak një marrëveshjeje në kontratë, që është përfshirë shumë vite më parë.

“Barcelona, që është në vështirësi financiare për shkak të pandemisë së koronavirusit, do të duhet t’i paguajë Lionel Messit nga 190 mijë euro në javë deri në vitin 2025 nëse ai vendos të largohet në verën e këtij viti”, ka shkruar “Marca”.

Në raportin e gazetës thuhet se Messi, i cili ka fituar gjashtë herë “Topin e Artë” do të arkëtojë 39 milionë euro në fund të këtij edicioni, që është gjysma e bonusit të tij prej 78 milionë eurove që u dakordua kur argjentinasi vendosi firmën në rinovimin e kontratës së tij të fundit në vitin 2017.

Gjysma tjetër e bonusit, zyrtarisht thuhet se do të paguhet me këste, ku Messi do të marrë paratë në tetë pagesa të ndara gjatë katër vjetëve – që do të vazhdojnë deri në vitin 2025. Bazuar në këtë, del se Messi do të marrë 190 mijë euro në javë nga Barcelona nëse prej edicionit të ardhshëm do të luajë në një klub tjetër. Kjo do të ishte një tjetër goditje e madhe për Barcelonën, që aktualisht ka një borxh gati prej një miliard eurosh.

Skuadra nga La Liga njoftoi gjatë sezonit 2019/20 se priste të ishte klubi i parë që do të thyejë rekordin duke arkëtuar mbi një milionë euro në të ardhura brenda një viti të vetëm.

Megjithatë, kjo shifër nuk u arrit për shkak të përhapjes së pandemisë së koronavirusit dhe si rezultat i kësaj, Barça pësoi një humbje prej gati 100 milionë eurosh në sezonin e fundit dhe ka shqetësime se ky sezon mund të jetë edhe më i keq sa i përket këtij aspekti. Kjo do të thotë se presidenti i ardhshëm i Barcelonës dhe bordi i tij, duhet urgjentisht të merren me borxhe të mëdha kur të vijnë në krye të klubit. Krahas borxhit, kryesia e re duhet të merret edhe me çështjen e së ardhmes të Messit. Javë më parë, Messi ka deklaruar se asgjë nuk është e sigurt për të ardhmen e tij, dhe se vendimin përfundimtar do ta marrë në fund të këtij sezoni.

Etiketa
Vazhdo të lexosh

Sport

Nëntë skuadra italiane në garat evropiane

Publikuar

34 minuta më parë

më

20 Maj, 2024

nga

UEFA ka konfirmuar se nëse Fiorentina fiton Ligën e Konferencës dhe përfundon jashtë shtatëshes së parë në Serie-A, do të ketë nëntë skuadra italiane në Evropë sezonin e ardhshëm.

Kishte një konfuzion të vërtetë për situatën, pasi gjërat u bënë të paqarta nga Italia që fitoi një vend shtesë në Ligën e Kampionëve për shkak të kryesimit të renditjes për konkurrencën e klubeve.

Nëse Fiorentina fiton finalen e Ligës së Konferencës kundër Olympiakosit më 29 maj, atëherë automatikisht do të kualifikohet në Ligën e Evropës.

Drejtori i UEFA-s, Giorgio Marchetti ka thënë të dielën në mbrëmje se nëse Viola e ngre trofeun dhe përfundon në vendin e tetë në Serie A, atëherë vendi i Ligës së Konferencës do t’i shkojë ekipit të nëntë.

Kjo do të jetë ose Torino ose Napoli, duke shkuar në raundin e fundit të sezonit.

Kjo do të thotë se nëntë skuadrat më të mira në Serie A do të kualifikohen të gjitha për turnetë e UEFA-s, pasi pesë më të mirat (ose gjashtë, në varësi të Atalantës) hyjnë në Ligën e Kampionëve, e gjashta, e shtata dhe Fiorentina hyn në Europa League, pastaj e nënta në Ligën e Konferencave.

Vazhdo të lexosh

Sport

Da Zerbi mund të rikthehet në Itali

Publikuar

37 minuta më parë

më

20 Maj, 2024

nga

Milani do të hapë bisedimet me Roberto De Zerbin në ditët në vijim pas vendimit të tij për t’u larguar nga Brightoni, duke ndryshuar planet në kryeqytetin e Lombardisë.

Trajneri 44-vjeçar italian i befasoi tifozët e “Pulëbardhave” javën e kaluar kur konfirmoi publikisht largimin e tij nga klubi në fund të këtij sezoni të Premier Ligës, pasi nuk arriti të gjente gjuhën e përbashkët me pronarin Tony Bloom përpara afatit kalimtar të verës.

Milani ka qenë prej kohësh në kërkim të një trajneri të ri për të zëvendësuar Stefano Piolin dhe kishte marrë në konsideratë për një kohë të shkurtër De Zerbin, por u ndalua nga klauzola e tij e lirimit prej 13 milionë euro. Largimi i tij nga Brightoni me marrëveshje të ndërsjellë i ndryshon gjërat, megjithatë, duke i shtyrë kuqezinjtë të ndryshojnë planet e tyre.

Milani e ka mirëpritur lajmin për largimin e De Zerbit nga Brightoni dhe do të kontaktojë me trajnerin në ditët në vijim për të filluar diskutimin e një lëvizjeje të mundshme në verë.

Për momentin, Paulo Fonseca është ende në krye të listës së dëshirave të kuqezinjve, por kjo mund të ndryshojë shpejt, në varësi të mënyrës sesi do të shkojnë bisedimet me trajnerin italian.

Vazhdo të lexosh

Sport

Konfirmohen negociatat, Mourinho me klub të ri

Publikuar

1 orë më parë

më

20 Maj, 2024

nga

José Mourinho së shpejti do të rikthehet në stolin e trajnerit. 61-vjeçari është gati të nënshkruajë me klubin më të mirë turk, Besiktas. Hüseyin Yücel, nënkryetar i klubit, konfirmoi se ata kanë zhvilluar një takim tashmë me portugezin.

“Ne u takuam me José Mourinhon në Stamboll një muaj më parë dhe ai ishte i lumtur për ofertën tonë”, ka thënë Yucel.

“Ne kemi sqaruar tashmë kushtet ekonomike dhe do të udhëtojmë në Itali javën e ardhshme për t’u takuar personalisht”, ka shtuar ai.

Mourinho u shkarkua nga Roma në muajin janar. Që atëherë, portugezi ka mbetur pa klub. Megjithatë duket se kjo do të ndryshojë së shpejti. Do të ishte pozicioni i tij i parë si trajner në Turqi.

Vazhdo të lexosh

Sport

Tifozat Kuq e Zi protestojnë ndaj kandidaturës së Shqipërisë me Serbinë për EURO 2027

Publikuar

2 orë më parë

më

20 Maj, 2024

nga

Tifogrupi i kombëtares së Shqipërisë të njohur me emrin si ‘Tifozat Kuq e Zi’ kanë reaguar ndaj vendimit të Federatës së Futbolit të Shqipërisë për të shpallur kandidaturën e përbashkët me Serbinë për organizimin e Euro 2027 për grupmoshat U21.

Presidenti i FSHF-së, Armando Duka, javë më parë kishte konfirmuar kandidaturën e përbashkët të Shqipërisë me Serbinë për organizimin e Kampionatit Evropian 2027 për grupmoshat U21.

Arsyetimi i të parit të Federatës Shqipëtare të Futbollit ishte se Shqipëria nuk i plotëson kushtet elementare për organizimin e kësaj ngjarje.

Ndër të tjerash, ai kishte thënë se duhet angazhim i madh i dy qeverive të dy vendeve respektive, madje e kishte cilësuar si “lajm të mirë” për të dy popujt fqinj.

Ky njoftim nuk ishte pritur aspak mirë nga tifozët shqiptarë anembanë botës dhe tani “Tifozat Kuq e Zi” kanë ndërmarrë një nismë për të shprehur mllefin e tyre ndaj këtij.

Përmes një videoje të publikuar në rrjetet sociale, shihet se si ‘Tifozat Kuq e Zi’ kanë ngjyrosur me të kuqe rrugët pranë zyrave të FSHF-së, si dhe kanë ngjitur disa fotografi të luftës dhe gjenocidit që ushtria serbe ka ushtruar në popullin e Kosovës.

“Kundërshtojmë çdo nismë që mundohet ti rregulloj imazhin një populli barbar e gjenocidal. Kundërshtojmë çdo bashkëpunim me vrasësit me ata që shkaktuan me qindra masakra ndaj shqiptarëve dhe që deportuan me miliona nga shtëpitë e tyre gjatë gjithë historisë”, thuhet në postimin e tyre në Instagram./UBTNews/

 

View this post on Instagram

 

A post shared by Tifozat Kuq e Zi (@tifozatkuqezi)

Vazhdo të lexosh

Të kërkuara