Sport

Barcelona në hall me kontratën e yllit argjentinas Lionel Messi

Published

5 years ago

on

Skuadra e Barcelonës do të duhet t’i paguajë nga 190 mijë euro për çdo javë Lionel Messit deri në vitin 2025 nëse eventualisht ylli argjentinas vendos të largohet nga “Camp Nou” në fund të këtij sezoni, kur edhe i skadon kontrata.

Kështu ka raportuar të mërkurën e përditshmja spanjolle “Marca”. Messi ishte i dëshpëruar të largohej nga Barcelona në verën e vitit të shkuar, pasi u zhgënjye nga rezultatet e klubit në sezonin e fundit. Mirëpo, Barça bllokoi çdo lëvizje të tij, duke insistuar se të gjitha skuadrat që duan ta transferojnë Messin do të duhej të paguanin klauzolën e lirimit të argjentinasit në vlerë prej 700 milionë eurosh.

Aktualisht, e ardhmja e Messit është në ajër dhe sipas mediumeve në Spanjë, ai pritet të largohet si lojtar i lirë nga Barcelona në fund të këtij edicioni. Madje, thuhet se ylli argjentinas tashmë ka nisur negociatat me Manchester Cityn, pasi është futur në gjashtë muajt e fundit të kontratës së tij. E nëse Messi largohet, atëherë ai do të vazhdojë të fitojë nga 190 mijë euro në javë për katër vjetët e ardhshëm nga Barcelona për shkak një marrëveshjeje në kontratë, që është përfshirë shumë vite më parë.

“Barcelona, që është në vështirësi financiare për shkak të pandemisë së koronavirusit, do të duhet t’i paguajë Lionel Messit nga 190 mijë euro në javë deri në vitin 2025 nëse ai vendos të largohet në verën e këtij viti”, ka shkruar “Marca”.

Në raportin e gazetës thuhet se Messi, i cili ka fituar gjashtë herë “Topin e Artë” do të arkëtojë 39 milionë euro në fund të këtij edicioni, që është gjysma e bonusit të tij prej 78 milionë eurove që u dakordua kur argjentinasi vendosi firmën në rinovimin e kontratës së tij të fundit në vitin 2017.

Gjysma tjetër e bonusit, zyrtarisht thuhet se do të paguhet me këste, ku Messi do të marrë paratë në tetë pagesa të ndara gjatë katër vjetëve – që do të vazhdojnë deri në vitin 2025. Bazuar në këtë, del se Messi do të marrë 190 mijë euro në javë nga Barcelona nëse prej edicionit të ardhshëm do të luajë në një klub tjetër. Kjo do të ishte një tjetër goditje e madhe për Barcelonën, që aktualisht ka një borxh gati prej një miliard eurosh.

Skuadra nga La Liga njoftoi gjatë sezonit 2019/20 se priste të ishte klubi i parë që do të thyejë rekordin duke arkëtuar mbi një milionë euro në të ardhura brenda një viti të vetëm.

Megjithatë, kjo shifër nuk u arrit për shkak të përhapjes së pandemisë së koronavirusit dhe si rezultat i kësaj, Barça pësoi një humbje prej gati 100 milionë eurosh në sezonin e fundit dhe ka shqetësime se ky sezon mund të jetë edhe më i keq sa i përket këtij aspekti. Kjo do të thotë se presidenti i ardhshëm i Barcelonës dhe bordi i tij, duhet urgjentisht të merren me borxhe të mëdha kur të vijnë në krye të klubit. Krahas borxhit, kryesia e re duhet të merret edhe me çështjen e së ardhmes të Messit. Javë më parë, Messi ka deklaruar se asgjë nuk është e sigurt për të ardhmen e tij, dhe se vendimin përfundimtar do ta marrë në fund të këtij sezoni.

Related Topics:
Continue Reading

Sport

Rrahmani e Haraslini kanë nisur ngacmimet për short

Published

5 hours ago

on

November 25, 2025

By

Sllovakia e Kosova do të luajnë mes vete në ndeshjen gjysmëfinale të plejofit për Botërorin 2026 në muajin mars.

Menjëherë pas shortit, Albion Rrahmani e Lukash Haraslin kanë nisur ngacmimet për përballjen që do ta kenë vitin tjetër.

Rrahmani e Haraslin luajnë te skuadra e Spartës së Pragës në Republikën e Çekisë.

Për këtë ka folur Haraslin që të shtunën mbrëma shënoi e asistoi në fitoren 2:1 të Spartës së Pragës në udhëtim te Mlada Boleslav.

Rrahmani ishte titullar dhe luajti deri në minutën e 63-të.

ka deklaruar Haraslin, ka shkruar “Tasr.sk” të dielën.“Kosova është kundërshtare e papërshtatshme. Ata kishin situatë të vështirë në kualifikim dhe shkëlqyen me rezultate. Do të kemi ndeshje të vështirë para nesh, por besoj se ambienti në shtëpi do të na ndihmojë. Kam folur me Albion Rrahmanin. Natyrisht, ngacmimet mes nesh kanë nisur menjëherë pas shortit”, 

25-vjeçari Rrahmani në 25 ndeshjet e këtij edicioni ka nëntë gola e dy asistime në të gjitha garat. /A.Z/UBT News/

Continue Reading

Sport

Njëri u largua, tjetri erdhi! Qëndrim Kida, trajner i Prishtinës së Re

Published

7 hours ago

on

November 25, 2025

By

Continue Reading

Sport

​Rikthehet Championsi, derbi i madh zhvillohet në “Stamford Bridge”

Published

9 hours ago

on

November 25, 2025

By

Sonte zhvillohen disa sfida tejet interesante në kuadër të fazës së ligës së Ligës Kampionëve, duke sjellë përballje mes klubeve më të mëdha të Europës. Dita e Champions League hapet në orën 18:45 me dy takime: një përballje klasike mes dy skuadrave me histori, Ajax kundër Benfica, si dhe sfida mes Galatasaray dhe Royale Union SG.

Më pas, në orën 21:00, vëmendja do të zhvendoset te supersfidat e mbrëmjes. Padyshim, kryendeshja është ajo mes Chelsea dhe Barcelona, një përballje mes dy gjigantëve që premton emocione të forta.

Në të njëjtën kohë, Manchester City pret në shtëpi Bayer Leverkusen, ndërsa Juventus udhëton në veri për të luajtur kundër Bodo/Glimt. Takime të tjera me peshë përfshijnë duelin mes Dortmund dhe Villarreal, si dhe përballjen mes Marseille dhe Neëcastle.

Së fundi, Napoli kërkon fitoren kundër Qarabag, ndërsa Slavia Prague do të masë forcat me Ath Bilbao./KP

Continue Reading

Sport

Shpëtim Babaj jep dorëheqje nga KF Prishtina e Re

Published

1 day ago

on

November 24, 2025

By

Shpëtim Babaj nuk do të vazhdojë të jetë trajner i KF Prishtina e Re. Lajmin e bëri të ditur vet Babaj përmes një postimi në profilin e tij në Facebook.

Aktualisht, Prishtina e Re gjendet në vendin e fundit të renditjes dhe është skuadra më e rrezikuar për t’u larguar nga Superliga këtë sezon.

Reagimi i plotë i Babajt: Sot jap dorëheqjen e parevokueshme nga detyra e kryetrajnerit të KF Prishtina e Re. Ky vendim vjen pas një analize të situatës aktuale dhe pas ndeshjes së fundit, duke konsideruar të gjitha aspektet profesionale të punës sime. Edhe pse dorëheqjen e kam paraqitur më herët (dy herë), këtë herë vendimi është përfundimtar. Gjatë periudhës së angazhimit tim kam punuar me seriozitet të lartë, përkushtim të plotë dhe profesionalizëm maksimal, pavarësisht sfidave të shumta dhe faktorëve të ndryshëm që kanë ndikuar në dinamikën e punës. Në çdo moment kam vepruar me integritet dhe me synim të vetëm për të kontribuar në zhvillimin e ekipit .

Falenderoj drejtuesit për besimin qe kishin e vazhdonin ta kishin te une, dhe të gjithë futbollistat që kanë kontribuar pozitivisht gjatë kësaj periudhe. KF Prishtina e Re ka potencial te madhe për të arritur objektivat, nëse sigurohet qartësi, stabilitet e bashkimi në të gjitha strukturat. Dorëheqja ime është një akt profesional dhe i menduar me përgjegjësi të plotë, me bindjen se ky ndryshim do t’i shërbejë energjisë së re e progresit të klubit. Falenderim i veqant shkon për kryetarin Rrustem Pacollin e gjithe kryesin e klubit. /A.Z/UBT News/

Continue Reading

Të kërkuara