Grasshopper Club Zurich ka njoftuar për nënshkrimin e kontratës së re me futbollistin shqiptar Elvir Zukajn, një tjetër talent nga skuadra e të rinjve.

Qendërmbrojtësi 21-vjeçar nga Sursee e filloi karrierën e tij në FC Lucerne në U17. Kjo u pasua nga periudha në SC Cham, FC Wohlen U23 dhe së fundmi FC Kosova përpara se të kalonte në U21 të GC Zurich në vitin 2022.

Drejtori sportiv Stephan Schwarz tha: “Elvir ishte tashmë pjesë e ekipit sezonin e kaluar. Ne mezi presim zhvillimin e tij dhe të mbajmë një tjetër talent nga ekipi ynë i të rinjve“.

Ndërkaq, Elvir Zukaj shprehet i kënaqur: “E vlerësoj besimin që GCZ më ka dhënë. Do të bëj më të mirën për klubin dhe do të pres me padurim mundësitë që do të më ofrojë sezoni i ardhshëm”.

Grasshopper Club Zurich mezi pret të vazhdojë të punojë me Elvir Zukajn dhe i uron suksese.

Superylli argjentinas, Lionel Messi ka folur për Kupën e Botës 2026, ku u pyet nëse ai do të jetë pjesë e skuadrës së Kombëtares së Argjentinës.

Messi dhe Argjentina e realizuan ëndrrën duke e fituar Kupën e Botës që u mbajt në Katar në vitin 2022.

Tani, Messi ka folur për Kupën e ardhshme të Botës, në të cilën paraqitja e tij aty do të varet nga niveli në të cilën gjendet ai dhe nga forma e tij.

“Varet se si ndihem, si jam fizikisht dhe nga të qenit realist me veten time. Ka mbetur edhe shumë kohë… në thonjëza, ‘shumë e pak’, sepse kalon shpejt, por ka ende pak kohë dhe nuk e di se si do të jem në atë moment. Mosha është gjithashtu një realitet që ekziston, edhe pse është thjesht një numër”, tha Messi.

“Ndeshjet që do të luaj tani nuk janë të njëjta me ato që luajta kur isha në Evropë duke garuar çdo tre ditë, qoftë në Ligën e Kampionëve, qoftë në ligë, qoftë në Francë apo Spanjë. Por varet se si ndihem dhe çfarë ndjej duke qenë përkrah shokëve të skuadrës, dhe duke parë nëse jam ende në nivel apo jo… le të shohim”, tha më tej Messi.

Trajneri i Spanjës, Luis de la Fuente, ka lënë jashtë mbrojtësin e Barcelonës, Pau Cubarsi dhe mesfushorët Marcos Llorente e Aleix Garcia jashtë skuadrës së tij prej 26 lojtarësh për Kampionatin Evropian Euro 2024.

Megjithatë, kjo nuk ishte e mjaftueshme për t’i fituar atij një vend në Euro 2024 pasi De la Fuente vendosi të qëndrojë me një grup më me përvojë të qendërmbrojtësve si Robin Le Normand, Nacho Fernandez, Aymeric Laporte dhe Dani Vivian.

Ish-sulmuesi i Newcastle United dhe Leicester City, Ayoze Perez, i cili shënoi me një gol dhe një asist në debutimin e tij ndërkombëtar në moshën 30-vjeçare në fitoren 5:0 të së mërkurës në miqësoren ndaj Andorrës, ishte emri surprizë në skuadrën që do të udhëtojë në Gjermani, me tetë sulmues.

Spanja, kampionia e vitit të kaluar në Ligën e Kombeve të UEFA-s do të përballet me Irlandën e Veriut të shtunën në ndeshjen e tyre të fundit përgatitore përpara se të nisin fushatën në Euro 2024 më 15 qershor kundër Kroacisë në Grupin B. Ata gjithashtu do të përballen me Italinë dhe Shqipërinë.

Listën prej 26 lojtarëve të ftuar nga Spanja për Euro 2024 e gjeni më poshtë.

Portierët: Unai Simon, Alex Remiro, David Raya

Mbrojtësit: Dani Carvajal, Jesus Navas, Aymeric Laporte, Nacho Fernandez, Robin Le Normand, Dani Vivian, Alex Grimaldo, Marc Cucurella

Mesfushorët: Rodrigo, Martin Zubimendi, Fabian Ruiz, Mikel Merino, Pedri, Alex Baena, Fermin Lopez

Sulmuesit: Alvaro Morata, Joselu, Dani Olmo, Nico Williams, Mikel Oyarzabal, Ayoze Perez, Ferran Torres, Lamine Yamal./UBTNews/

Burime me reputacion në Itali pohojnë se agjenti i Federico Chiesa, Fali Ramadani, do të takohet me drejtorin e Romës, Florent Ghisolfi javën e ardhshme, italiani mund të përfshihet edhe në një marrëveshje shkëmbimi me Manchester United.

Federico Chiesa mund të largohet nga Juventusi në verë pasi bisedimet për të zgjatur qëndrimin e tij në “Allianz Stadium” nuk kanë çuar askund deri më tani. Kontrata e tij skadon në qershor të vitit 2025, kështu që Juventusi do të detyrohet ta shesë atë nëse ai nuk arrin të nënshkruajë një marrëveshje të re.

Gjithashtu, trajneri i ri i Juventusit, Thiago Motta është gati të lejojë largimin e anësorit italian, i cili u transferua në Torino nga Fiorentina në vitin 2020.

Agjenti i Chiesas, Ramadani, do të takohet me drejtorin e Romës, Ghisolfi javën e ardhshme.

Do të jetë një takim prezantues, por do të jetë mjaft i dobishëm për të kuptuar qëllimet e Romës dhe Chiesas.

Ramadani do të takohet me klube të tjera gjatë udhëtimit të tij në Itali javën e ardhshme, por Roma është ndër skuadrat më të interesuara për 26-vjeçarin.

Chiesa mund të përfshihet edhe në një marrëveshje shkëmbimi për Mason Greenwood, një objektiv kryesor i Juventusit për këtë verë, por të dy klubet ende nuk e kanë diskutuar këtë mundësi.