Sport

Barcelona dhe Atletico finalizojnë marrëveshjen e transferimit të Griezmann

Lajmi është konfirmuar nga burimet e “90min”.

Published

4 years ago

October 6, 2022

UBT news

Barcelona ka arritur marrëveshje me Atletico Madridin në lidhje me një transferim të përhershëm për Antoine Griezmann, ndërsa lajmi konfirmohet nga burimet e “90min”.

Francezi 31-vjeçar u ri-bashkua me Atleticon verën e kaluar në një marrëveshje huazimi dy-vjeçare, në të cilën ishin të përfshira një numër klauzolash.

Një nga këto klauzola ishte se Atletico do t’i paguante Barcelonës 40 milionë euro për të kompletuar nënshkrimin e Griezmann, nëse ai do të kishte luajtur në 50% të ndeshjeve gjatë periudhës dy vjeçare në “Wanda Metropolitano”.

Ai luajti në 80% të ndeshjeve vitin e kaluar, gjë që do të thoshte se ai ishte në rrugën e duhur për të goditur atë shenjë, por në vend që ai të fillonte këtë sezon si zakonisht, Atletico filloi të kufizonte minutat e tij. Griezmann inkuadrohej vetëm në 30 minutat e fundit të ndeshjes.

Të dy klubet e dinin se nuk mund të lejonin që situata të vazhdonte kështu gjatë gjithë sezonit, dhe filluan bisedimet për një marrëveshje të re.

Tani, Barcelona ka rënë dakord të pranojë një tarifë me vlerë rreth gjysmës së marrëveshjes origjinale, respektivisht ka pranuar që të përfitojë 20 milionë euro nga shitja e Griezmann.

Por kjo garanton që ata të marrin para për Griezmann, i cili mund të kthehej në “Spotify Camp Nou” në fund të këtij sezoni, dhe gjithashtu do të thotë se ata heqin barrën e mundshme të kontratës së tij fitimprurëse nga fatura e pagave.

Griezmann tani ka rënë dakord që të nënshkruajë një kontratë të re që do ta mbajë atë në “Wanda Metropolitano” deri në vitin 2026.

Related Topics:barcelona Atletico Madrid Antoine Griezmann

Up Next

Ballkani historik, regjistron fitoren e parë në fazën e grupeve të Ligës së Konferencës

Don't Miss

Përballje interesante në Superkupën e Femrave

Sport

Dennis Buzukja do të luftojë në UFC Beograd, shqiptari përballë Bogdan Gradit më 1 gusht

Published

3 hours ago

June 2, 2026

UBTNews

Luftëtari shqiptar i arteve marciale të përziera (MMA), Dennis Buzukja, do të jetë pjesë e një eventi historik të UFC-së që do të mbahet më 1 gusht në Beograd. Kjo do të jetë hera e parë që organizata më prestigjioze e MMA-së, Ultimate Fighting Championship, organizon një ngjarje në Serbi.

Buzukja do të përballet me Bogdan Grad, një duel që konsiderohet tejet i rëndësishëm për të ardhmen e shqiptarit në UFC. Grad ka bilanc prej 15 fitoresh dhe katër humbjesh në karrierë, megjithëse dy ndeshjet e fundit i ka mbyllur me humbje.

I lindur në Shtetet e Bashkuara të Amerikës, Buzukja garon nën flamurin amerikan, por nuk e ka fshehur asnjëherë origjinën dhe krenarinë e tij shqiptare. Në karrierën e tij profesionale në MMA ai numëron 12 fitore dhe gjashtë humbje, ndërsa në UFC ka regjistruar një fitore dhe katër humbje.

Pikërisht për këtë arsye, përballja në Beograd pritet të ketë peshë të madhe për karrierën e tij, pasi një rezultat pozitiv do ta ndihmonte të forconte pozitën e tij në organizatën më të madhe të MMA-së në botë.

Buzukja u bë i njohur edhe jashtë kafazit gjatë vitit 2024, kur nuk u lejua të hynte në arenë i mbështjellë me flamurin shqiptar para duelit të fituar ndaj Connor Matthews. Sipas tij, organizatorët e kishin ndaluar përdorimin e flamurit për shkak të zbukurimeve të arta që kishte mbi të.

“Jam i bekuar që përfaqësoj Shqipërinë dhe ishte e çuditshme që pak para daljes më thanë se nuk mund ta mbaja flamurin”, ishte shprehur atëherë Buzukja, duke mos e fshehur zhgënjimin për vendimin.

Tashmë, shqiptari do të ketë një tjetër mundësi për t’u paraqitur në një skenë të madhe ndërkombëtare, kësaj radhe në kryeqytetin serb. Buzukja garon në kategorinë e peshave deri në 66 kilogramë dhe synon një fitore që mund t’i japë shtysë të re karrierës së tij në UFC. Ndërkohë, mediat serbe kanë nisur t’i kushtojnë vëmendje paraqitjes së luftëtarit shqiptar në eventin e shumëpritur të Beogradit.

Sport

Përfaqësuesja e Kosovës nis përgatitjet për sfidat vendimtare

Published

3 hours ago

June 2, 2026

UBTNews

Përfaqësuesja A e Kosovës në konkurrencën e vajzave ka nisur përgatitjet për dy ndeshjet e fundit të ciklit kualifikues për Kupën e Botës. Dardanet zhvilluan seancën e parë stërvitore në Kampin Nacional të FFK-së në Hajvali, nën drejtimin e përzgjedhësit Sami Sermaxhaj.

Me përkushtim maksimal dhe motivim të lartë, futbollistet kosovare po punojnë intensivisht për sfidat vendimtare që i presin në këtë fazë të garave.

Kosova do të përballet me rivalin direkt, Kroacia, më 5 qershor në Prishtina, në një ndeshje që mund të jetë përcaktuese për renditjen finale në grup. Më pas, Dardanet do të udhëtojnë drejt Gjibraltari, ku do ta zhvillojnë ndeshjen e fundit të këtij cikli kualifikues.

Të bashkuara, të vendosura dhe krenare për fanellën shtetërore, vajzat dardane synojnë ta mbyllin këtë rrugëtim me paraqitje të mira dhe rezultate që do t’u mundësonin ta ruajnë pozitën e parë në renditje.

Lajmet

Talenti kosovar i Bayern Munich, Erblin Osmani, viziton FFK-në dhe ndjek stërvitjen e Kombëtares

Published

18 hours ago

June 1, 2026

UBTNews

Futbollisti i ri dhe premtues kosovar, Erblin Osmani, i cili është pjesë e klubit gjerman Bayern Munich, ka vizituar sot Federatën e Futbollit të Kosovës (FFK).

Osmani, i cili po qëndron në Kosovë për pushimet verore, u prit në ambientet e FFK-së, ku pati rastin të njihet më nga afër me aktivitetet e federatës dhe të ndjekë seancën stërvitore të Kombëtares së Kosovës në stadiumin “Fadil Vokrri”.

Sipas FFK-së, vizita e tij përfaqëson lidhjen e fortë që talentët kosovarë, të cilët po zhvillojnë karrierën e tyre në klubet më të njohura evropiane, vazhdojnë ta ruajnë me vendlindjen.

Erblin Osmani konsiderohet një nga talentët e rinj që po ndërton karrierën e tij në futbollin evropian, ndërsa Federata e Futbollit e Kosovës e vlerësoi si pjesë të gjeneratës së re që po promovon Kosovën në arenën ndërkombëtare të futbollit.

FFK i ka uruar Osmanit suksese të mëtejshme dhe arritje të reja në karrierën e tij sportive.

Sport

Dardanët rikthehen në stërvitje, fokus te sfida ndaj Andorrës

Published

22 hours ago

June 1, 2026

UBTNews

Kombëtarja e Kosovës ka rikthyer fokusin te sfida e radhës pas ndeshjes miqësore të zhvilluar të enjten në Pragë ndaj Çekisë. Dardanët kanë vazhduar përgatitjet për përballjen e ardhshme kundër Andorrës, me stafin teknik që po punon për ta mbajtur ekipin në formën optimale.

Seanca e sotme stërvitore u zhvillua në stadiumin Stadiumi Fadil Vokrri, ku morën pjesë 11 futbollistë. Ndërkohë, pjesa tjetër e skuadrës ndoqi një program rigjenerues në hotel, pas angazhimit në ndeshjen e fundit ndaj Çekisë.

Stërvitja u fokusua në aspektet taktike dhe fizike, ndërsa atmosfera në kampin e Kosovës mbetet pozitive para miqësores së dytë. Stafi teknik synon të shfrytëzojë këto ditë për të përgatitur sa më mirë ekipin dhe për t’u dhënë mundësi lojtarëve të ruajnë ritmin e garës.

Dardanët do të vazhdojnë me seancat stërvitore në ditët në vijim, me fokus maksimal te ndeshja kundër Andorrës, e cila do të shërbejë si një tjetër test i rëndësishëm për ekipin kombëtar.