Kulturë
“Barbie” përballet me kritika!
Kukulla e famshme amerikane, Barbie po përballet me kritika në rrjetet sociale për mospërfshirje të kukullës aziatike në koleksionin e tyre dedikuar Lojërave Olimpike Tokyo 2020.
Mattel, kompania prodhuese e kukullës Barbie, bashkëpunoi me Komitetin Olimpik Ndërkombëtar dhe organizatorët e Tokyo 2020 për linjën e re të kukullave në shkurt të vitit 2020, që u krijuan veçanërisht për Lojërat Olimpike.
Koleksioni përfshin pesë kukulla që pasqyrojnë pesë sportet e reja që i ishin shtuar programit olimpik këtë vit – bejsboll/softball, ngjitje sportive, karate, skateboarding dhe surf.
“Tokio 2020 është një moment historik që bashkon botën përmes sportit dhe inspiron fansat e të gjitha moshave. Koleksioni Mattel Tokio 2020 nderon këto sporte dhe frymëzon një brez të ri përmes shpirtit olimpik dhe traditës së shquar atletike”, kishte deklaruar Janet Hsu nga kompania Mattel.
Pavarësisht përpjekjeve për inovacion, shumica vunë në pah mungesën e kukullës aziatike Barbie gjatë promovimit muajin e kaluar.
Njerëzit përmes Twitterit dhe Instagramit shfaqën pakënaqësitë e tyre për mospërfshirjen e kukullës aziatike në koleksionin e ri, pavarësisht se a ishte aksidentale ose e qëllimshme.
“Nuk do të blejë kukulla Barbie për dy vajzat e mia. Kurrëfarë reprezentimi”, deklaroi Mai Xiong, e cila kishte emigruar në Shtetet e Bashkuara të Amerikës si refugjate Hmong në moshën trevjeçare.
Shumë përdorues pyetën se si Mattel harroi të përfshinte kukullën aziatike meqë Lojërat u mbajtën në Tokio – qyteti i njohur aziatik, dhe me disa emra të njohur që triumfuan në këto Lojëra.
Kukullat Barbie u bënë shumë të famshme. Vetëm disa javë para ceremonisë së hapjes së Olimpiadës në Tokio, Barbie prezantoi një kukull që u modelua për tenisten japoneze, Naomi Osaka si pjesë e serisë së koleksionit Barbie. Kukulla u shit vetëm disa orë pas publikimit./UBTNews
Në kuadër të temës “Personalitete të shquara” dhe në shënim të Ditës Ndërkombëtare të të Drejtave të Fëmijëve, Posta e Kosovës ka lëshuar sot në qarkullim një emision të ri pullash postare, i dedikuar dy prej figurave më të rëndësishme të letërsisë shqipe për fëmijë: Rifat Kukajt dhe Ymer Elshanit.
Rifat Kukaj (1938–2005) ishte mësues, poet dhe dramaturg, i njohur për stilin e thjeshtë, por të ngarkuar me emocione dhe simbolikë.
Ai krijoi një botë të veçantë letrare për fëmijët, duke lënë pas vepra të paharrueshme si: “Xhuxhi nga Taxhuxhi”, “Lepuri me pesë këmbë”, “Bardhi e Mirushja”, “Rrasa e zogut”, “Shkrepi i diellit”, “Vjollca magjike” dhe shumë poezi të tjera.
Ymer Elshani (1948–1999) ishte poet, prozator dhe kritik letrar, i cili krijoi edhe në fushën e letërsisë për fëmijë, duke sjellë një botë të pasur imagjinare dhe ide të ndjeshme.
Ndër veprat e tij më të njohura renditen: “Çka ëndërrojnë lulet”, “Plaku me violinë”, “Unaza magjike”, “Ndodhitë e hundëkarotës” dhe “Guri i çmueshëm”. Ai u nda nga jeta si martir gjatë luftës në Kosovë, ndërsa pas përfundimit të saj, e bija, Teuta Elshani, botoi disa nga dorëshkrimet e tij të mbetura.
Ky emision i ri i pullave postare vjen si një nderim për kontributin e tyre të jashtëzakonshëm në letërsinë për fëmijë dhe për pasurimin e kulturës shqiptare.
Elbasani mirëpret edhe këtë vit Koloninë e Piktorëve “Skampis 2025”, një aktivitet që bashkon artistë të njohur nga e gjithë Shqipëria për të përçuar përmes penelit atmosferën, historinë dhe shpirtin e qytetit.
Me tematikën “Elbasani turistik nën gjurmët e penelit”, kolonia synon të promovojë qytetin si një destinacion kulturor dhe artistik, duke evidentuar bukuritë natyrore, monumentet historike dhe karakterin urban të tij.
Në këtë edicion marrin pjesë piktorët: Agron Polovina, Alion Cano, Buron Kaceli, Dashnor Kulolli, Emirjona Stasi Nako, Edi Kojani, Elmal Baboci, Fatmir Dardha, Gazmend Leka, Gazmend Kafa, Helidon Haliti, Sadik Kasa, Nasuf Myftari, Nikolin Ivani, Kudret Durollari, Romeo Kallco, Sefedin Stafa, Vanjgo Vasili, Zaim Elezi dhe Kristjan Zara.
Artistët po realizojnë veprat e tyre në pika të ndryshme të qytetit, nga kalaja dhe rrugicat karakteristike deri tek peizazhet natyrore përreth, duke pasqyruar identitetin unik të Elbasanit.
Ekspozita përmbyllëse do të mbahet sot në mbrëmje në hollin e Teatrit “Skampa”, ku publiku do të ketë mundësinë të shohë të gjitha krijimet e realizuara gjatë kolonisë.
Kolonia e Piktorëve “Skampis 2025” dëshmon përkushtimin e Bashkisë Elbasan për të mbështetur artin dhe kulturën, duke forcuar pozicionin e qytetit si një qendër e rëndësishme kulturore në Shqipëri. /A.Z/UBT News/
Osmani pas shortit të play-off-it: E bindur në suksesin e Kosovës edhe kundër Sllovakisë
Kosova përballet me Sllovakinë në playoff-in e Botërorit 2026
28 dhjetori – dita kur do të mbahen zgjedhjet
Pas sfidave me kancerin, Kate Middleton dhe Jessie J ndajnë solidaritetin e tyre
Shpërndahet Kuvendi, Haradinaj: Propozuam 21 dhjetorin si ditë të zgjedhjeve parlamentare
“Kjo tregon paaftësi” – Limaj e quan fatkeqësi shpërndarjen e Kuvendit të Kosovës
PDK kërkon që zgjedhjet të mbahen më 21 dhjetor
Presidentja Osmani ka shpërndarë Kuvendin e Republikës së Kosovës
Konflikti ligjor i Blake Lively, gjykata urdhëron dorëzimin e videove të lindjes
-
Lajmet3 months agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Aktualitet4 weeks agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
-
Rajoni2 months agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Vendi2 months agoVotoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën