Lajmet

Banorët e Shipitullës protestojnë sërish, kërkojnë takim me Bordin e KEK-ut

Published

2 years ago

on

Dhjetëra banorë të fshatit Shipitull kanë protestuar të mërkurën para zyrave të KEK-ut, në Prishtinë me kërkesën për ndryshim të shpronësimeve në këtë fshat, për s’e “nuk ka jetesë atje”.

Sipas tyre në fshatin Shipitullë, shtëpitë e tyre janë dëmtuar e mungon infrastruktura. Ankesa kanë edhe për zhurma të mëdha.

Shemsi Mjeku, nga fshati Shipitullë tha se kërkesa e vetme e tyre është të pranojnë një takim me zyrtarët e KEK-ut.

“Jena mbet në mëshirën e Zotit po kërkojmë drejtësi, po kërkojmë me na u shpronësu komplet fshati, tjera kërkesa nuk kemi vetëm me na u shpronësu fshati. Nuk ka jetesë aty mundeni me ardhë dhe me u bind, shtëpitë kanë nis me u dëmtu me u ça”, ka thënë ai.

Ndërsa, banori tjetër i fshatit, Arsim Mjeku, tha se kërkesa e vetme e tyre është një takim me bordin dhe të sqarohen se përse të njëjtin vendim nga viti 2004 i ndryshojnë datat dhe e dërgojnë në komunë..

“Skënder Bucolli e ka lëshu një komunikatë që nuk është aspak reale, të njëjtën e ka lëshu në 2004, të njëjtën në 2008, 2013, 2016, 2020-tën, vetëm datat ia ndërrojnë. Kërkojmë me bordin një takim edhe shpronësimin e krejt fshatit e jona është një kërkesë që fshati jonë të zhvendoset, asnjë shtëpi mos më lënë aty”, tha Mjeku.

Ndryshe, banorët e Shipitullës, thanë se nuk do të largohen para zyrave të KEK-ut, në rast se nuk deklarohet dikush nga bordi, edhe pse njëri nga zyrtarët policor, doli me informacion se bordi nuk do t’i pres në takim banorët, me arsyetimin se i kanë takuar ditë më parë. Pavarësisht kësaj, banorët po vazhdojnë qëndrimin para zyrave të KEK-ut.

Related Topics:
Continue Reading

Lajmet

Prishtinë: Arrestohet i dyshuari për lëndim të rëndë trupor

Published

14 minutes ago

on

August 19, 2026

By

Një person ka pësuar lëndime të rënda trupore si pasojë e një sulmi fizik që ka ndodhur në rrugën “Nikolla Tesla” në Prishtinë.

Sipas raportit 24-orësh të Policisë së Kosovës, incidenti ka ndodhur pas një mosmarrëveshjeje mes dy personave, me ç’rast i dyshuari e ka sulmuar viktimën duke i shkaktuar lëndime të rënda në kokë.

Viktima është dërguar menjëherë për trajtim të nevojshëm mjekësor në Qendrën Klinike Universitare të Kosovës (QKUK).

Ndërkaq, i dyshuari është arrestuar nga policia dhe, me vendim të prokurorit të shtetit, është dërguar në mbajtje.

Continue Reading

Lajmet

Tre të mitur arrestohen në Pejë pas përleshjes, një person dyshohet se u ther me thikë

Published

14 minutes ago

on

August 19, 2026

By

Sipas raportit të Policisë së Kosovës, tre të mitur meshkuj janë arrestuar në Pejë pas një përleshjeje, gjatë së cilës një person dyshohet se është therur me thikë.

Rasti ka ndodhur më 18 gusht, rreth orës 09:40, në rrugën “Agim Qela”. Sipas Policisë, gjatë përleshjes, njëri nga viktimat ka pësuar lëndime nga therja me thikë, ndërsa një person tjetër ka marrë lëndime të lehta trupore.

Të dy viktimat janë dërguar për tretman mjekësor.

Gjatë intervenimit, nga të dyshuarit janë konfiskuar një thikë dhe një pistoletë me gaz.

Pas intervistimit, me vendim të prokurorit, të tre të dyshuarit janë dërguar në mbajtje./A.K/

Continue Reading

Lajmet

Tentoi të grabiste një market në Prishtinë, nxori mjetin e mprehtë ndaj punëtores

Published

16 minutes ago

on

August 19, 2026

By

Sipas raportit të Policisë së Kosovës, një shtetas i Algjerisë është arrestuar në Prishtinë nën dyshimin për vjedhje grabitqare në një market.

Rasti ka ndodhur më 18 gusht, rreth orës 19:15. Sipas Policisë, i dyshuari gjatë incidentit ka nxjerrë një mjet të mprehtë para punëtores së marketit, por është ndaluar dhe arrestuar nga një zyrtar policor.

Gjatë kontrollit, nga i dyshuari është sekuestruar një mjet i mprehtë metalik dhe dy telefona celularë, ndërsa njëri prej telefonave dyshohet se rezulton të jetë i vjedhur.

Pas intervistimit, me vendim të prokurorit, i dyshuari është dërguar në mbajtje./A.K/

Continue Reading

Lajmet

Katër raste të dhunës në familje në Gllogoc, Fushë Kosovë, Leposaviq e Mitrovicë

Published

20 minutes ago

on

August 19, 2026

By

Sipas raportit të Policisë së Kosovës, katër raste të dhunës në familje janë raportuar më 18 gusht në Gllogoc, Fushë Kosovë, Leposaviq dhe Mitrovicë të Jugut.

Në Gllogoc, sipas Policisë, një grua dyshohet se është sulmuar fizikisht nga bashkëshorti i saj. Viktima ka pranuar tretman mjekësor, ndërsa pas inicimit të rastit, ajo së bashku me fëmijët është dërguar në strehimore. I dyshuari është liruar në procedurë të rregullt.

Në Fushë Kosovë, Policia ka raportuar se një grua dyshohet se në vazhdimësi ka përjetuar dhunë fizike dhe psikike nga bashkëshorti i saj. I dyshuari është arrestuar dhe, me vendim të prokurorit, është dërguar në mbajtje.

Në fshatin Belucë të Leposaviqit, sipas raportit policor, një person dyshohet se ka shfaqur sjellje agresive dhe ka demoluar disa gjësende në shtëpi. Policia ka bërë të ditur se dyshohet se ai ka probleme të shëndetit mendor dhe është dërguar për trajtim në Spitalin e Mitrovicës. Rasti është iniciuar në konsultim me prokurorin.

Ndërsa në Mitrovicë të Jugut, Policia ka raportuar se një grua dyshohet se është sulmuar fizikisht nga djali i saj. I dyshuari është arrestuar dhe, me vendim të prokurorit, është dërguar në mbajtje./A.K/

Continue Reading

Të kërkuara