Lajmet

Banorët e Krimesë nuk janë penduar që janë bashkuar me Rusinë, pretendon zyrtari

Krimea është aneksuar ilegalisht nga Vladimir Putin.

Published

3 years ago

on

Banorët në Krime nuk janë penduar rreth ribashkimit me Rusinë, ka pohuar kryetari i këshillit të Krimesë, Vladimir Konstantinov.

Duke folur me agjencinë e lajmeve TASS, z. Konstantinov ka thënë se çështja rreth rajonit ka ekzistuar vetëm brenda mendjes së Volodymyr Zelensky-t dhe bashkëpunëtorëve të tij.

“Nëntë vite kanë kaluar dhe njerëzit në ishull nuk e kanë ndryshuar mendjen e tyre. Kështuqë çështja e Krimesë nuk ekziston në aspektin e politikës reale”, tha ai.

“Ekziston vetëm në mendjen e presidentit ukrainas Volodymyr Zelensky dhe bashkëpunëtorëve të tij”.

“Cfarë po ndodhë tani me operacionin special është pjesë e rrugëtimit që filloi më 2014. Unë besoj se ne kemi bërë gjithçka në mënyrën e duhur nëntë vite më parë. Krimea ka vendosur një shembull për rajonet e tjera”.

Kujtojmë se në vitin 2014, Krimea, pjesë e Ukrainës, është aneksuar ilegalisht nga Vladimir Putin.

Megjithatë, së fundi, presidenti ukrainas ka potencuar se Krimea është Ukrainë dhe se forcat e tij të armatosura do ta rimarrin atë./UBTNews/

Related Topics:
Continue Reading

Lajmet

Zbulim i ri arkeologjik në Spanjë: Një dhomë romake mendohet të ketë qenë bibliotekë e lashtë

Published

40 minutes ago

on

July 30, 2026

By

Një zbulim i ri arkeologjik në kompleksin romak Fuente Álamo, në Kordobë të Spanjës, mund të ndryshojë mënyrën se si kuptohet historia e këtij vendbanimi antik.

Sipas një studimi të publikuar në Journal of Mediterranean Archaeology, një dhomë që më parë besohej se ishte një faltore kushtuar perëndisë Mithra, mund të ketë shërbyer si bibliotekë romake.

Studiuesit nga universitetet e Kordobës dhe Granadës kanë arritur në përfundimin se Dhoma 10 është rimodeluar në shekullin e IV pas Krishtit dhe mund të jetë protobiblioteka më e vjetër e zbuluar deri më sot në Gadishullin Iberik, si dhe biblioteka më perëndimore e njohur në Perandorinë Romake.

Analizat arkitekturore kanë zbuluar elemente tipike të bibliotekave romake, përfshirë një absidë, kamare për ruajtjen e dorëshkrimeve, podium dhe hapësira që mund të kenë shërbyer për punë ose magazinim.

Nëse konfirmohet përfundimisht, kjo bibliotekë do të përbënte një nga zbulimet më të rëndësishme për studimin e jetës kulturore dhe intelektuale në Perandorinë Romake./A.K/

Continue Reading

Lajmet

Sulm ndaj zyrtarëve policorë në Rahovec, një person dërgohet në mbajtje

Published

51 minutes ago

on

July 30, 2026

By

Në Rahovec është arrestuar një person pasi dyshohet se, së bashku me familjarët e tij, ka sulmuar fizikisht zyrtarët policorë gjatë një intervenimi.

Sipas Policisë, të dyshuarit nuk i kanë respektuar urdhrat e zyrtarëve policorë dhe më pas kanë ndërmarrë sulm fizik ndaj tyre.

I dyshuari është arrestuar dhe me vendim të prokurorit është dërguar në mbajtje. Rasti po hetohet./A.K/

Continue Reading

Lajmet

Inspektim në 65 auto-parkingje në Prishtinë, evidentohen shkelje tatimore

Published

51 minutes ago

on

July 30, 2026

By

Njësitë policore të Drejtorisë për Hetimin e Krimeve Ekonomike dhe Korrupsionit, në bashkëpunim me Administratën Tatimore të Kosovës dhe Prokurorinë e Shtetit, kanë realizuar një aksion inspektimi në 65 auto-parkingje në rajonin e Prishtinës.

Gjatë kontrolleve janë evidentuar shkelje të ndryshme, të cilat do të trajtohen nga institucionet përkatëse në përputhje me kompetencat ligjore.

Aksioni është zhvilluar në kuadër të luftimit të shmangies nga tatimi dhe respektimit të obligimeve ligjore nga bizneset./A.K/

Continue Reading

Lajmet

Arrestohet një person në Lipjan për ngacmim seksual

Published

53 minutes ago

on

July 30, 2026

By

Në Lipjan është arrestuar një person pasi dyshohet se në vazhdimësi ka ngacmuar një grua.

Sipas Policisë, rasti është raportuar më 29 korrik 2026, ndërsa pas konsultimit me prokurorin dhe inicimit të rastit, i dyshuari është dërguar në mbajtje. Rasti po hetohet./A.K/

Continue Reading

Të kërkuara