Rusia ka pranuar faljen e presidentit serb Aleksandar Vuçiq për votën e Serbisë në Kombet e Bashkuara (OKB).

Zëdhënësi i Kremlinit, Dmitry Peskov komentoi ngjarjet aktuale, përfshirë votimin në Asamblenë e Përgjithshme të OKB-së për rezolutën evropiane për Ukrainën.

Peskov, duke kujtuar se Vuçiq u kërkoi falje qytetarëve të Serbisë për faktin se vendi i tij votoi për rezolutën evropiane për Ukrainën, tha se “Rusia e kupton se ishte një gabim i vërtetë”.

“Sigurisht, ne e dëgjuam këtë dhe e morëm parasysh“, tha ai kur u pyet nëse Kremlini e kishte pranuar faljen e Vuçiqit.

“Gabime teknike ndodhin“, tha Peskov.

Vuçiq tha mbrëmë se beson se vendi i tij ka bërë gabim dhe është dashur të tregohet e përmbajtur.

“Mendoj se Serbia ka bërë një gabim sot. Për këtë u kërkoj falje qytetarëve të Serbisë dhe mbaj përgjegjësi për këtë, sepse jam i lodhur dhe i ngarkuar dhe nuk mund të arrij gjithçka“, tha Vuçiq i cili ishte i ftuar në një televizion lokal.

Mbrëmë, Këshilli i Sigurimit të OKB-së miratoi një rezolutë që bën thirrje për përfundimin e shpejtë të luftës në vazhdim dhe vendosjen e paqes së përhershme midis Rusisë dhe Ukrainës.

Presidenti amerikan Donald Trump po sillet sikur i ka në dorë të gjitha kartat për arritjen e një marrëveshjeje me Rusinë për Ukrainën.

Edhe pse janë përjashtuar nga bisedimet mes Moskës dhe Uashingtonin, Bashkimi Evropian ka ende një “as nën mëngë”.

Politiko shkruan se Brukseli mund të përdorë si mjet prsioni për uljen në tryezën e bisedimeve pasuritë sovrane ruse që janë sekuestruar në vendet e unionit.

“Fati i mirë për Bashkimin Evropian është se shumica e fondeve të sekuestruara ruse, rreth 200 miliardë euro, mbahen në institucione financiare në Bruksel dhe janë duke gjeneruar interesa. Nga ana tjetër, SHBA mban vetëm 5 miliardë dollarë.

Sekuestrimi i këtyre pasurive është një opsion drastik që do të siguronte një vend më të madh për Evropën në tryezën e bisedimeve, pas përjashtimit të saj nga SHBA dhe Kremlini në bisedimet e fundit në Rijad”, shkruan Politico.

Plani “B” i BE-së nëse SHBA ndalon ndihmën për Kievin është përdorimi i aseteve ruse për të financuar mbështetjen ndaj Ukrainës.

“Me pasuritë e bllokuara të Rusisë, mund të zëvendësojmë mbështetjen e SHBA-së nëse SHBA vendos të mos mbështesë më Ukrainën,” tha ministri i Jashtëm i Estonisë, Margus Tsahkna, të hënën.

“Ne kemi pasuri të bllokuara ruse në vlerë 300 miliardë euro në Evropë dhe duhet ta përdorim këtë mundësi,” shtoi ai, duke folur para gazetarëve në Bruksel, së bashku me homologët e tij nga Danimarka, Suedia, Lituania dhe Letonia. (Megjithëse shuma e saktë e pasurive të bllokuara ruse në Evropë është e paqartë, numri pranohet më gjerësisht të jetë rreth 200 miliardë euro.)

Bashkimi Evropian (BE) ka njoftuar se ashtu si SHBA-ja dëshiron të bëjë marrëveshje me Ukrainën në lidhje me mineralet e çmuara.

Sipas raporteve në mediat evropiane, zv/presidenti i Komisionit Evropian, Stephane Sejourne tha se BE-ja i ka ofruar Ukrainës marrëveshje për mineralet ku do të fitojnë të dyja palët.

Sejourne i cili është përgjegjës për strategjinë industriale të BE-së, tha se pala e BE-së paraqiti ofertë “rivale” për autoritetet ukrainase gjatë vizitës që anëtarët e komisionit zhvilluan dje në Kiev, me rastin e 3 vjetorit të luftës.

“21 nga 30 lëndët kritike që i duhen Evropës mund të sigurohen nga Ukraina me partneritetin ‘fito-fito’“, deklaroi Sejourne, i cili mbrojti idenë se Evropa nuk do të propozojë kurrë marrëveshje që nuk do të sigurojë përfitim për të dyja palët.

Në fillim të muajit, presidenti amerikan Donald Trump tha se Ukraina i detyrohej SHBA-së qindra miliarda dollarë për shkak të ndihmës së ofruar deri më tani dhe njoftoi se dëshironte të bënte marrëveshje me Kievin duke kërkuar elementë të rralla në vlerë 500 miliardë dollarë.

Trump tha se bisedimet ishin në vazhdim me palën ruse dhe atë ukrainase për t’i dhënë fund luftës Rusi-Ukrainë dhe se presidenti ukrainas Volodymyr Zelenskyy do të vinte në Shtëpinë e Bardhë këtë ose javën e ardhshme për të nënshkruar marrëveshjen për mineralet e çmuara.

Ukraina ka shumëllojshmëri të gjerë të fushave të elementeve dhe mineraleve kritike dhe kryesore, përfshirë litiumin, titanin, uraniumin dhe manganin.

Një tërmet me magnitudë 4.3 ballë të shkallës Rihter goditi sot zonën pranë Sisak në Kroaci, raportoi EMSC.

Fillimisht u raportua se zona u godit nga një tërmet me magnitudë 4.5 ballë, por vlerësimi u ul në 4.3 të shkallës Rihter.

Tërmeti u ndje në orën 12:52 pasdite dhe epiqendra ishte nëntë kilometra në verilindje të Sisakut.

Një pjesë e Sisakut ka mbetur pa energji elektrike dhe tërmeti është ndjerë edhe në Bosnjë dhe Hercegovinë.