Ballkani kryen misionin në ndeshjen e parë, kurse Prishtina mbyll ndeshjen me një barazim pa gola

Përballje interesante në kuadër të në kuadër të ndeshjes së parë të gjysmëfinales së Kupës së Kosovës.

Published

2 years ago

April 3, 2024

Betim Gashi

Ballkani ka arritur fitore minimale me rezultat 1-0 në përballjen ndaj klubi të Ligës së Parë, FC Suhareka në kuadër të ndeshjes së parë të gjysmëfinales së Kupës së Kosovës.

Në fillimin e ndeshjes ishin Suhareka ata të cilët rrezikuan portën e kampionit aktual, por e cila nuk ishte problem për veteranin e portës, Enea Koliçi.

Më pas skuadra e Ilir Dajës u kundërpërgjigj me Nazmi Gripshin, por që edhe poriteri Ymeri u tregua i vëmendshëm.

Suhareka vazhdoi të tregonte forcat, duke mos i lënë lojtarët e kundërshtarët të deportonin në zonën e tyre.

Pjesa e dytë nisi më mirë për Ballkanin, që rrezikuan përsëri me anë të Gripshit në minutën e 51-të, mirëpo goditja e tij përfundoi jashtë portës.

Më pas Meriton Korenica krijoi hapësire në minutën e 58-të, duke lëshuar një goditje nga 15 metra, por që ishte e pasaktë.

Një tjetër mundësi nga Gripshi pak minuta para përfundimit, që tentoi nga distanca, mirëpo edhe këtë here mungoi saktësia.

Krejt në fund, për fatin e ndeshjes vendosi Marsel Ismajlgeci, që realizoi golin e vetëm të takimit, duke i bërë gjërat paksa më të lehta për skuadrën e tij në ndeshjen e dytë kthyese.

Përballja ndërmjet Prishtinës dhe Dritës është mbylllur me një barazim pa gola në ndeshjen e parë të vlefshme për gjysmëfinalen e Kupës së Kosovës të zhvilluar në Lipjan në stadiumin “Sami Kelmendi”.

Prishtina e filloi më mirë ndeshjen, ku edhe pretendohej për penallti pas lojes me dorë në zonë, por që me vendimin e VAR u anulua.

Më pas rrjetën e gjeti Leotrim Kryeziu, por që goli sërish u anulua nga VAR pasi një prekje me dorë nga një futbollist i kryeqytetasve.

Në anën tjetër, Drita kishte rast të mirë me Leonart Vitijën, por gjuajtja e tij nga afër përfundoi jashtë kuadratit të portës.

Edhe në pjesën e dytë Prishtina dominoi, duke rrezikuar porten kundërshtare me disa raste, por pa rezultat.

Po ashtu, edhe Albin Prapshtica i Dritës rrezikoi prishtiansit, por gjuajtja e tij shkoi ngjitur me shtyllën.

Mysafirët kishin rast të mirë edhe në kohën shtesë, por goditja me kokë e Krasniqit u ndal nga Gjoka.

Ndeshja përfundoi pa gola dhe tani më fati i finalistit do të kërkohet në ndeshjen kthyese që zhvillohet në Gjilan./UBTNews/

Related Topics:Ballkani Kupa e Kosoves Suhareka

Up Next

Kuka: Edhe në Paris pres medalje nga xhudo

Don't Miss

Koreja e Veriut nuk pranoi të luante, humb ndeshjen në tavolinë

Ronaldo i shpreh ngushëllime Messit për humbjen e babait

Published

12 hours ago

August 12, 2026

UBTNews

Cristiano Ronaldo i ka dërguar një mesazh të ndjerë ngushëllimi rivalit të tij të hershëm, Lionel Messi, pas vdekjes së babait të tij, Jorge Messi, në moshën 68-vjeçare pas një sëmundjeje të gjatë.

Duke lënë mënjanë rivalitetin sportive në fushë, ylli portugez reagoi në postimin e Messit me fjalët:

“Përqafime për ty dhe të dashurit në këtë moment të vështirë, Leo. Qëndro i fortë”.

Tronditet pozita e Infantinos, shumica e federatave kundër mandatit të katërt

Published

2 days ago

August 11, 2026

UBTNews

Pozita e Gianni Infantinos në krye të FIFA-s është tronditur ndjeshëm, vetëm pak javë pasi ai konsiderohej favorit absolut për të fituar një mandat të katërt në drejtimin e organizatës.

Sipas BBC Sport, aktualisht vetëm 73 nga 210 federatat anëtare të FIFA-s janë në mbështetje të Infantinos, ndërsa 124 janë kundër tij. 13 federata të tjera ende nuk kanë përcaktuar qëndrimin e tyre.

Megjithatë, këto shifra mund të ndryshojnë në muajt e ardhshëm, përpara zgjedhjeve.

Situata për Infantinon është përkeqësuar pas kundërshtimeve të forta ndaj planit të tij, tashmë të braktisur, për t’u shitur investitorëve privatë një pjesë e të drejtave komerciale të Kupës së Botës dhe kompeticioneve të tjera të FIFA-s.

UEFA, CONCACAF dhe Konfederata Aziatike e Futbollit (AFC), të cilat së bashku përfaqësojnë 136 federata, kanë kritikuar ashpër FIFA-n dhe Infantinon, duke i akuzuar për shkelje të besimit dhe “mashtrim” lidhur me mënyrën se si është menaxhuar plani.

Kështu, ajo që deri vonë dukej si një garë e sigurt për Infantinon, tashmë është shndërruar në një betejë të pasigurt për mbijetesën e tij në krye të futbollit botëror.

D.L

Sport

Sigal Prishtina mirëpret David Krizanic: “Mirë se vjen në shtëpinë e kampionëve”

Published

2 days ago

August 11, 2026

UBTNews

Sigal Prishtina ka zyrtarizuar afrimin e David Krizanic.

Klubi prishtinas e ka prezantuar lojtarin e ri përmes një postimi në rrjetet sociale, duke e mirëpritur me mesazhin: “Mirë se vjen në shtëpinë e kampionëve, David Krizanic.”

Me këtë përforcim, Sigal Prishtina vazhdon të ndërtojë skuadrën për sezonin e ri, me synimin për të mbrojtur trofetë dhe për të mbetur në majën e basketbollit kosovar.

D.L

Sport

Drita përforcohet me Eduard Rrocën

Published

2 days ago

August 11, 2026

UBTNews

Eduard Rroca është futbollisti më i ri i Dritës së Gjilanit.

Kampionia në fuqi e Kosovës e ka zyrtarizuar të martën transferimin e sulmuesit 33-vjeçar, i cili rikthehet në futbollin kosovar pas një eksperience të gjatë jashtë vendit.

Rroca së fundmi ishte pjesë e skuadrës turke Ankara, ndërsa gjatë karrierës së tij ka luajtur edhe për disa klube të tjera në Turqi, si dhe në Shqipëri.

Me ardhjen e Rrocës, Drita synon të shtojë alternativat në repartin ofensiv dhe të forcojë skuadrën për sezonin e ri.

Klubi gjilanas po ashtu ka bërë një ndryshim të rëndësishëm në pankinë. Të hënën, Drita riktheu Ardian Nuhiun në postin e trajnerit, me të cilin synon të vazhdojë objektivat e saj për edicionin e ri.

D.L