

Lajmet
Ballkan: Një pseudo kirurg operacionesh plastike përfundon në gjyq
Kirirgu që në fakt është fizioterapist.
Published
4 years agoon
By
Betim Gashi23 vjeçari Sava Knezheviq nga Beogradi ka kryer dhjetra operacione. Pesë vjet ai ka bërë sikur ishte mjek dhe ka trajtuar shumë gra, megjithëse nuk është mjek. Tani ka përfunduar në gjyq i akuzuar për mashtrim.
Zmadhim buzësh, gjoksi, thithje dhjami, hekurosje lëkure: kërkesat për ndërhyrje plastike janë të mëdha. Dhe herë pas here shfaqen sharlatanë, që bëjnë sikur janë mjekë dhe u premtojnë pacientëve mrekullira. Edhe kjo ndodh në Ballkan.
Në një klinikë elegante në qendër të kryeqytetit serb, Beograd, 23 vjeçari Sava Knezheviq është hequr si kirurg operacionesh plastike me përvojë ndërkombëtare në kryerjen e operacioneve plastike. „Personeli i specializuar” që buzëqesh, 26 diplomat që varen në muret e klinikës dhe mobilimi modern, zgjojnë besimin tek pacientët.
Knezheviq u hoq sikur ishte specialist 32 vjeçar, me përvojë në kirurgjinë plastike dhe mjekësinë regjenerative, por edhe si shkencëtar dhe docent i njohur në botë. “Unë jam drejtor për çështjet mjekësore në zinxhirin e klinikave „‘La Clinique de Paris, klinika që merren me rinimin, Anti-Aging, dhe pedagog e docent ndërkombëtar”, i shkruante Knezheviqi një pacienteje e cila e ka bërë emailin publik.
Mjeku gjoja thotë se ka punuar me sukses jo vetëm në Beograd, por edhe në Dubai, Zyrih, Tiranë. Në një fushatë reklamash për klientet në Shqipëri, Knezheviq thotë: “Ne jemi të parët në Shqipëri, që bëjnë trajtim të qelizave staminale dhe në mjekësinë regjenerative. Unë flas për trajtime hormonesh, qeliza staminale, mjekësi estetike, mjekësi ushqimi dhe mjekësi për zgjatjen e jetës.”
Kirirgu që në fakt është fizioterapist
I ashtuquajturi “Dr.” Knezheviq do kishte vazhduar punën e tij, sikur të mos kishin hapur gojën viktimat. Një grua që do të mbetet anonime, i tha Deutsche Welle-s në një intervistë, se ajo ka zmadhuar tek Knezheviqi buzët dhe gjoksin, dhe ka bërë tërheqje të lëkurës së fytyrës. “Goja ime është tani me defekt. Unë nis të them diçka dhe goja bën tjetër gjë. Unë nuk i ndiej më buzët,” tregon ish pacientja.
Sikur të mos mjaftonte kjo, gruaja ka qenë madje në rrezik për jetën, pasi „mjeku” i injektoi tek gjoksi dhjamin e barkut. Direkt pas ndërhyrjes ajo shkoi në spital: „Gjendrat e adrenaliës rrezikonin të bllokoheshin, mua mu helmua gjaku dhe gati vdiqa. Pesë ditë me radhë luftuan mjekët për jetën time,” tregon ajo.
Tani mjeku mashtrues duhet të përgjigjet para gjykatës për ngjarje të tilla. Cili është profesioni i tij i vërtetë? Masazhier! Duket se mashtrimin e bën e gjithë familja e tij: E ëma, shitëse lulesh, punonte në klinikën e të birit si infermiere. Kur u zbulua mashtrimi, Kezheviqi tha se mediat gënjejnë. Por menjëherë pas kësaj ngjarjeje, ai e mbylli klinikën.
Ikja, arrestimi dhe procesi gjyqësor
Doktori që nuk është doktor u largua së bashku me të ëmën dhe u fsheh tek farefisi në një fshat të vogël të Serbisë. Pas një muaji policia i gjeti dhe i arrestoi. Në shtëpinë e farefisit, u gjetën dëshmi të panumërta për mashtrimet shumëvjeçare dhe qindra dokumente të klinikës.
Procesi gjyqësor kundër pseudo mjekut dhe „infermieres” së tij fillon më 26 nëntor 2021. Prokuroria kërkon dënimin me tetë vjet e gjysmë heqje lirie dhe gjobë prej 800.000 dinarësh (rreth 7000 Euro) për Knezheviqin si dhe një vit arrest shtëpie për të ëmën.
Reporterët e DW u përpoqën të vendosnin kontakt me Knezheviqin gjatë kohës që ndodhej tek farefisi, por pa sukses. Vetëm nga shtëpitë e komshinjve dolën njerëz që thonin: „Lërini njerëzit të qetë, ata janë të pafajshëm!”, “kthehuni në Gjermani dhe xhironi atje!”. Banorët e fshatit janë të bindur se mediat gënjejnë dhe sajojnë histori të pavërteta.
Rast precedent
Gjykimi i Knezheviqit është kthyer në rast precedent në Serbi. Të paktën tetë mjekë të tjerë janë zbuluar të jenë mashtrues. Ata të gjithë kanë bërë fushata agresive në rrjetet sociale për të fituar sa më shumë pacientë, por asnjë prej tyre nuk ka pasur leje pune nga Dhoma e Mjekëve ose ndonjë leje pune si mjek.
Kirurgu serb Predrag Matejin, thotë se fenomeni nuk është i papritur. Ai thotë se firmat i shesin produkte si Hyaluronacid dhe Botox, klientëve që nuk janë aspak kritikë dhe nuk kontrollojnë nëse shitësi ka diplomë apo licencë për shitjet që bën. Kështu mashtruesit e kanë të lehtë të bëjnë biznesin e tyre.
Institucionet e shëndetësisë e kanë të vështirë të zbulojnë mashtruesit, sidomos kur regjistrimi nuk bëhet në mënyrë korrekte. Është paradoksale që sallonet e bukurisë nuk kontrollohen, megjithëse ndërhyrjet estetike janë shtuar,” thotë Matejin, mjek për ndërhyrjet plastike dhe kirurgjinë estetike.
Në këtë mënyrë vendimin, kujt t’ia besojnë trupin e tyre, klientët e marrin vetë. Përveç kësaj, mashtruesit shfrytëzojnë refuzimin që mjekët e tjerë i bëjnë ndërhyrjeve të panevojshme: “Para pak kohësh kisha një paciente, që ishte e re për të bërë ndërhyrjen që kërkonte. Unë nuk pranova të ndërhyja. Dhe ajo tha: „Mirë, nëse nuk e bëni ju, do gjej dikë tjetër që ta bëjë.”
Alternativa ka gjithnjë, sepse mashtruesit nuk druhen nga asgjë, edhe nëse venë në rrezik shëndetin dhe jetën e të tjerëve.DW
You may like
Rajoni
Rektori Hajrizi: Studentët e UBT-së, të gatshëm për tregun global të punës
Published
34 minutes agoon
October 4, 2025By
Driton Iseni
UBT ka dëshmuar se është institucioni lider në arsim, shkencë dhe inovacion në Kosovë e rajon, duke nxjerrë kuadro profesionale që sot kontribuojnë në kompani e industri të nivelit botëror. Në një intervistë në FIVE të Dukagjinit, Rektori i UBT-së, Prof. Dr. Edmond Hajrizi, thekson se përmes programeve moderne dhe industrive të krijuara brenda institucionit, studentët përgatiten jo vetëm për tregun e punës vendor, por edhe për atë global.
“Ne prodhojmë 400 arkitektë në vit, dhe nuk është se ka aq kompani vendore për t’i absorbuar. Ata punojnë për kompani globale. Po ashtu, ne përgatisim 1.000 programerë çdo vit, dhe kërkesa nuk është vetëm në Kosovë. Janë të mjaftueshme për tregun vendor, por ka kërkesa edhe në nivel botëror”, tha Rektori Hajrizi.
Ai nënvizoi se UBT ka arritur të harmonizojë kërkesat e tregut të punës me programet akademike, duke krijuar kushte që studentët të kenë qasje në teknologjitë më të reja, sikurse universitetet dhe industritë më të zhvilluara të botës.
“Studenti ynë ka mundësi të mësojë e të punojë me teknologjitë më të fundit, njësoj sikur studentët e universiteteve elitare në botë. Ne kemi krijuar edhe industri të brendshme, kompani ku studentët përjetojnë të gjithë ciklin organizativ të teknologjive dhe të kompanive moderne, në mënyrë që kur të dalin në treg të jenë të gatshëm menjëherë”, u shpreh Rektori.
Ai veçoi si shembull programet e arkitekturës dhe urbanizmit, ku studentët përgatiten me koncepte moderne të projektimit, por edhe fushën e “smart cities”, ku UBT është shembull ndërkombëtar për ndërtimin e qyteteve të mençura.
“Smart cities janë e ardhmja e qyteteve dhe e organizimit modern. Ne kemi treguar se edhe nga Kosova mund të ndërtohen modele të tilla të suksesshme. Nuk ka teknologji që e gjen në Amerikë, Gjermani apo Japoni, e që nuk mund ta hasësh edhe në UBT”, theksoi Hajrizi.
Duke folur për rolin e UBT-së në rajon, Rektori nënvizoi se institucioni ka qenë gjithmonë pararojë me programe unike dhe inovative, duke filluar që nga viti 2001 me menaxhimin inxhinierik, mekatronikën dhe më pas me teknologjitë e reja.
“Besoj se për Ballkanin gjithmonë kemi qenë një lloj lidershipi. Ne kemi qenë të parët që kemi hapur programe moderne, kemi krijuar qendra kërkimore dhe jemi pozicionuar ndërkombëtarisht, nga Londra, Vjena, deri në Finlandë. Ky është tregues se UBT është institucion proaktiv dhe inovativ në nivel global”, theksoi ai.
Në fund, Rektori Hajrizi potencoi se studentët e UBT-së nuk duhet të kenë kompleks inferioriteti, sepse tashmë kanë dëshmuar se janë të barabartë, madje shpesh më të mirë se bashkëmoshatarët e tyre në universitete ndërkombëtare.
“Shumë prej tyre sot punojnë në Zvicër, Gjermani, Amerikë, e më gjerë, duke kontribuar në zhvillime globale. Ky është konfirmim se UBT po udhëheq në Ballkan, duke prodhuar dije e kuadro të nivelit botëror”, përfundoi Rektori Hajrizi.
Vendi
Në UBT Ferizaj u organizua sesioni informues për bursën prestigjioze Chevening Scholarship
Published
16 hours agoon
October 3, 2025By
Driton Iseni
UBT Ferizaj ishte mikpritës i një sesioni të veçantë informues për bursën prestigjioze Chevening Scholarship, me pjesëmarrjen e përfaqësuesve të Ambasadës Britanike në Kosovë, në bashkëpunim me Chevening Alumni Foundation in Kosovo.
Gjatë këtij aktiviteti, studentët e UBT-së në Ferizaj u njohën me procesin e aplikimit, kriteret e përzgjedhjes dhe afatet e rëndësishme, si dhe morën këshilla praktike për një aplikim të suksesshëm.
Ky aktivitet synoi të nxisë interesimin e studentëve për të aplikuar në bursën Chevening dhe të ofronte njohuri të thelluara mbi mundësitë që kjo bursë ofron pas përfundimit të studimeve, si zhvillimi i aftësive profesionale dhe krijimi i perspektivave të reja karrierike.
Lajmet
Kosova e Turqia vazhdojnë bashkëpunimin në fushën e mbrojtjes
Published
17 hours agoon
October 3, 2025By
UBTnews
Komandanti i Forcës së Sigurisë së Kosovës, gjenerallejtënant Bashkim Jashari, ka pritur sot në takim shefin e Mbrojtjes së Turqisë, gjeneral Selçuk Bayraktaroğlu, me të cilin ka biseduar për zgjerimin e bashkëpunimit në fushat e trajnimeve, edukimit dhe mbështetjes në ngritjen e kapaciteteve ushtarake të FSK-së.
Jashari me këtë rast falënderoi Bayraktaroğlu për mbështetjen e vazhdueshme që Turqia i ka dhënë FSK-së në ngritjen e kapaciteteve profesionale, raporton KosovaPress.
Ndërsa, shefi i Mbrojtjes së Turqisë ri-konfirmoi përkushtimin e vendit të tij për të vazhduar dhe thelluar bashkëpunimin me FSK-në, duke vlerësuar lart zhvillimin dhe profesionalizmin e ushtrisë së Kosovës.
Të dy gjeneralët u pajtuan për vazhdimin e zgjerimit të mëtutjeshëm të bashkëpunimit bilateral në fushën e mbrojtjes, thuhet në njoftimin e FSK-së./D.B/KP
Lajmet
UBT dhe AMIK nisin projektin “Inkuadrimi i Vajzave në Ndërmarrësi” me trajnimin e parë
Published
17 hours agoon
October 3, 2025By
Driton Iseni
Në ambientet e Parkut Shkencor, Inovativ dhe Teknologjik të UBT-së u zhvillua hapja e projektit “Inkuadrimi i Vajzave në Ndërmarrësi”, një iniciativë e organizuar nga UBT në bashkëpunim me AMIK – Asociacioni i Institucioneve Mikrofinanciare të Kosovës.
Ky aktivitet ka për qëllim fuqizimin e vajzave dhe grave të reja përmes ofrimit të njohurive praktike, mentorimit dhe krijimit të mundësive të reja për angazhim në botën e ndërmarrësisë. Pjesëmarrëset do të pajisen me shkathtësi të rëndësishme për të ndërmarrë iniciativa profesionale dhe për të kontribuar në zhvillimin ekonomik dhe social të vendit, duke rritur mundësitë e tyre për punësim, krijim të bizneseve të vogla dhe inovacion.
Në hapje të aktivitetit, u theksua rëndësia e partneritetit mes institucioneve akademike dhe sektorit financiar për mbështetjen e gjeneratës së re të sipërmarrësve.
Rektori i UBT-së, Prof. Dr. Edmond Hajrizi, vuri në pah se projektet e tilla janë të nevojshme për të krijuar një platformë të qëndrueshme për ndërmarrësi dhe zhvillim ekonomik në nivel vendi, dhe se bashkëpunimi me sektorin financiar dhe organizatat që mbështesin inovacionin është kyç për suksesin e vajzave të reja.
Zëvendësguvernatorja e Bankës Qendrore të Kosovës, Nesrin Shileku-Shala, i inkurajoi pjesëmarrëset duke theksuar rëndësinë e edukimit financiar, planifikimit dhe guximit për të ndërmarrë iniciativa të reja, duke u bërë modele suksesi për komunitetet e tyre.
Drejtori i Bordit të AMIK, Adrian Alo, theksoi se fuqizimi i vajzave përmes projekteve të ndërmarrësisë kontribuon në stabilitetin ekonomik dhe përfshirjen sociale, duke nxitur edhe zhvillimin e sektorit mikrofinanciar dhe inovacionin në vend.
Përfaqësuesi i AMIK, Prof. Shpresim Vranovci, nënvizoi rëndësinë e mentorimit dhe krijimit të rrjetit të kontakteve për pjesëmarrëset, si një element kyç për arritjen e suksesit profesional dhe zhvillimin e projekteve të reja sipërmarrëse.
Ndërsa, Drejtori i Departamentit për Edukim dhe Zhvillim Profesional në UBT, Prof. Dr. Besnik Skenderi, theksoi se institucioni mbetet i përkushtuar të ofrojë platforma praktike për zhvillimin e studentëve dhe të rinjve, duke i lidhur ata me sektorët strategjikë të ekonomisë dhe aktorë që kontribuojnë drejtpërdrejt në krijimin e mundësive të reja për punësim, ndërmarrësi dhe inovacion.
Ky projekt shënon një hap të rëndësishëm drejt përfshirjes së vajzave dhe grave në ekonominë inovative dhe ndërmarrëse të vendit, duke nxitur një kulturë të barazisë, sipërmarrësisë dhe zhvillimit të qëndrueshëm ekonomik dhe social.

Petrit Halilaj fiton çmimin prestigjioz Nasher 2027 për skulpturë

Rektori Hajrizi: Studentët e UBT-së, të gatshëm për tregun global të punës

Sa është i dëmshëm ndryshimi i orës? Ja çfarë thonë studimet e reja

Elon Musk kritikon Wikipedia-n dhe njofton Grokipedia

Zhytësi rus thyen rekordin botëror, 126 metra pa frymë

Halloween në Netflix! Top 5 filma horror që duhet të shikoni

Rekordi i Chris Waddle mund të thyhet nga Granit Xhaka

Si të trajtoni një ndrydhje të kyçit të këmbës?

Vajzat e Emily Blunt nuk e marrin seriozisht famën e saj
Të kërkuara
-
Lajmet nga UBT1 month ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Rajoni2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Lajmet nga UBT3 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Vendi4 weeks ago
Votoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën