Sport

Ayari shkëlqen me dy gola, Suedia shkatërron Tunizinë 5-1 në Botërorin 2026

Published

3 months ago

June 15, 2026

UBTNews

Yasin Ayari ishte protagonist absolut në fitoren bindëse 5-1 të Suedisë ndaj Tunizisë në Kupën e Botës FIFA 2026, duke realizuar dy gola dhe duke udhëhequr skuadrën drejt një paraqitjeje dominuese në Grupin F.

Mesfushori i Brighton hapi ndeshjen me një gol të bukur, ndërsa vulosi rezultatin në minutën e 96-të me një goditje të fuqishme nga distanca, duke e dërguar topin në këndin e sipërm të portës dhe duke e lënë portierin pa reagim.

Pas golit të dytë, Ayari tregoi respekt ndaj kundërshtarit duke mos festuar në mënyrë të ekzagjeruar, ndërsa më herët në ndeshje ishte treguar më i përmbajtur edhe në festimet e tij. Mesfushori suedez, i cili ka prejardhje tuniziane, u tregua i kujdesshëm në respekt të rrënjëve të tij familjare.

Pavarësisht kësaj, paraqitja e tij ishte vendimtare për Suedinë, e cila dominoi plotësisht takimin dhe konfirmoi formën e mirë në Grupin F, duke dhënë një sinjal të fortë për kundërshtarët në vazhdim të turneut.

D.L

Foto: Fifa World Cup

Lajmet

Laura Fazliu fiton medaljen e argjendtë, Kosovën e çon në medaljen e pestë

Published

16 hours ago

August 29, 2026

UBTNews

Xhudistja kosovare Laura Fazliu ka fituar medaljen e argjendtë në kategorinë deri në 63 kilogramë, duke i siguruar Kosovës medaljen e pestë në këtë garë.

Fazliu arriti deri në finale, ku u përball me italianen Carlotta Avanzato, por u mposht në duelin për medaljen e artë dhe u desh të kënaqej me të argjendtën.

Kjo është medalja e katërt e Kosovës në xhudo dhe e pesta në total për vendin tonë.

Sport

Fatjona Kasapi i sjell Kosovës medaljen e dytë në “Taranto 2026”

Published

2 days ago

August 28, 2026

UBTNews

Fatjona Kasapi ka fituar medaljen e bronztë në Lojërat Mesdhetare “Taranto 2026”.

Xhudistja kosovare ka siguruar podiumin në kategorinë deri në 52 kilogramë, duke i sjellë Kosovës medaljen e parë në xhudo në këtë edicion.

Kjo është medalja e dytë për Kosovën në “Taranto 2026”, pas medaljes së artë të fituar nga boksierja Donjeta Sadiku.

Kosova tani pret edhe paraqitjet e tjera në xhudo, ku disa garues kosovarë janë në luftë për medalje.

D.L

Sport

Kosova pëson tjetër humbje të thellë në Lojërat Mesdhetare

Published

2 days ago

August 28, 2026

UBTNews

Hendbollistet e Kosovës kanë pësuar edhe një humbje të thellë në Lojërat Mesdhetare “Taranto 2026”.

Të premten, në Fasano, Kosova u mposht bindshëm nga Tunizia me rezultatin 38:10.

Hendbollistet kosovare patën vështirësi të mëdha në sulm, duke realizuar vetëm tre gola gjatë 30 minutave të pjesës së parë.

As në pjesën e dytë situata nuk ndryshoi shumë, pasi Kosova, e drejtuar nga përzgjedhësi kroat Nenad Shoshtariq, nuk arriti të rivalizojë me Tunizinë.

Për Kosovën kjo ishte humbja e katërt rresht në Lojërat Mesdhetare.

Angjelina Krasniqi ishte golashënuesja më e mirë e Kosovës me katër gola. Nga dy gola shënuan Elsa Kongjeli dhe Samanda Konjuhaj, ndërsa nga një gol realizuan Vanesa Kastrati dhe Aurea Konjuvca.

Kosova në “Taranto 2026” po paraqitet me një ekip të përbërë kryesisht nga hendbolliste të reja.

Në ndeshjen e parë të Grupit A, Kosova pësoi humbje 35:20 nga Algjeria. Në duelin e dytë u mposht 40:20 nga Greqia, ndërsa në ndeshjen e tretë humbi 38:21 nga Italia.

Ndeshjen e fundit në fazën e grupeve, Kosova do ta zhvillojë të dielën nga ora 17:30, kur përballet me Maqedoninë e Veriut.

D.L